| ບັນດາກິດຈະກຳທີ່ເປັນຮູບປະທຳ ເສີມສ້າງມິດຕະພາບຫວຽດນາມ - ລາວ ຢູ່ເຂດຊາຍແດນ ພາສີຫວຽດນາມ - ລາວ ເພີ່ມທະວີການປະສານສົມທົບຕ້ານການລັກລອບຄ້າຂາຍເຖື່ອນ, ອຳນວຍຄວາມສະດວກດ້ານການຄ້າ |
ຄະນະພັກກະຊວງອຸດສາຫະກຳ ແລະ ການຄ້າ ຫວຽດນາມ ຫາກໍ່ອອກເອກະສານເລກທີ 1236-CV/VĐUB ລົງວັນທີ 21/10/2026 ກ່ຽວກັບການໂຄສະນາປີແຫ່ງຄວາມສາມັກຄີ, ມິດຕະພາບ ແລະ ຄວາມຜູກພັນ ຫວຽດນາມ - ລາວ 2027 ແລະ ປີແຫ່ງມິດຕະພາບ ຫວຽດນາມ - ກຳປູເຈຍ 2027, ເພື່ອຜັນຂະຫຍາຍບັນດາຄຳແນະນຳຂອງຄະນະໂຄສະນາສູນກາງ ແລະ ຄະນະຊີ້ນຳສູນກາງກ່ຽວກັບວຽກງານຂໍ້ມູນຂ່າວສານຕ່າງປະເທດ.
ຕາມນັ້ນ, ກິດຈະກຳໂຄສະນາຢູ່ບັນດາທ້ອງຖິ່ນທີ່ມີຊາຍແດນຮ່ວມກັບລາວ ແລະ ກຳປູເຈຍ ຕ້ອງຍຶດໝັ້ນແນວທາງ ແລະ ແນວນະໂຍບາຍການຕ່າງປະເທດຂອງພັກ, ນະໂຍບາຍ ແລະ ກົດໝາຍຂອງລັດ. ເນື້ອໃນຕ້ອງສຸມໃສ່ເນັ້ນໃຫ້ເຫັນເດັ່ນຊັດເຖິງສາຍພົວພັນຄວາມສາມັກຄີ, ມິດຕະພາບ ແລະ ການຮ່ວມມືລະຫວ່າງຫວຽດນາມກັບສອງປະເທດເພື່ອນບ້ານ, ພ້ອມທັງເຊື່ອມໂຍງກັບເປົ້າໝາຍພັດທະນາເສດຖະກິດ - ສັງຄົມ, ເສີມສ້າງວຽກງານປ້ອງກັນຊາດ, ຄວາມໝັ້ນຄົງ ແລະ ປົກປັກຮັກສາອະທິປະໄຕເໜືອຊາຍແດນແຫ່ງຊາດ.
ສຳລັບເຂດພາກກາງ ແລະ ໄຕງວຽນ, ວຽກງານໂຄສະນາຕ້ອງຊີ້ແຈງໃຫ້ເຫັນບົດບາດຂອງສາຍພົວພັນເພື່ອນບ້ານທີ່ມີມິດຕະພາບ ແລະ ການຮ່ວມມືຮອບດ້ານ ໃນການພັດທະນາການຄ້າ, ການເຊື່ອມຕໍ່ໂຄງລ່າງ, ການຂະຫຍາຍຕະຫຼາດ ແລະ ການປັບປຸງຊີວິດການເປັນຢູ່ຂອງປະຊາຊົນເຂດຊາຍແດນ.
 |
| ບັນດາກິດຈະກຳມຸ່ງສູ່ປີແຫ່ງຄວາມສາມັກຄີ, ມິດຕະພາບ ແລະ ຄວາມຜູກພັນ ຫວຽດນາມ - ລາວ 2027 ແລະ ປີແຫ່ງມິດຕະພາບ ຫວຽດນາມ - ກຳປູເຈຍ 2027. (ພາບປະກອບ) |
ສຸມໃສ່ໂຄສະນາຜົນສຳເລັດການຮ່ວມມືໄລຍະ 2022-2026
ໜຶ່ງໃນບັນດາເນື້ອໃນຈຸດສຸມແມ່ນການແນະນຳຜົນການຮ່ວມມືລະຫວ່າງຫວຽດນາມກັບລາວ ແລະ ກຳປູເຈຍ ໃນໄລຍະ 2022-2026 ບົນບັນດາຂົງເຂດການເມືອງ, ການຕ່າງປະເທດ, ປ້ອງກັນຊາດ, ຄວາມໝັ້ນຄົງ, ເສດຖະກິດ, ການຄ້າ, ການລົງທຶນ, ພະລັງງານ, ການສຶກສາ, ວິທະຍາສາດ - ເຕັກໂນໂລຊີ ແລະ ການແລກປ່ຽນປະຊາຊົນ.
ຜ່ານນັ້ນ, ວຽກງານໂຄສະນາປະກອບສ່ວນຍົກສູງຄວາມຮັບຮູ້, ເສີມສ້າງຄວາມເຊື່ອໝັ້ນ ແລະ ສ້າງຄວາມເຫັນດີເປັນເອກະພາບໃນສັງຄົມ; ສົ່ງເສີມຄວາມຮັບຜິດຊອບຂອງຖັນແຖວພະນັກງານ, ສະມາຊິກພັກ, ປະຊາຄົມວິສາຫະກິດ ແລະ ປະຊາຊົນ ໃນການສ້າງເສັ້ນຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະ ການພັດທະນາ.
ບັນດາເນື້ອໃນໂຄສະນາຕ້ອງມາຈາກສະພາບຕົວຈິງຂອງແຕ່ລະທ້ອງຖິ່ນ, ໂດຍໃຫ້ຄວາມສຳຄັນແກ່ກິດຈະກຳການຄ້າຂ້າມຊາຍແດນ, ການພັດທະນາໂຄງລ່າງຄົມມະນາຄົມ, ໂລຈິສຕິກ, ການຮ່ວມມືລົງທຶນ, ພະລັງງານ ແລະ ການຊ່ວຍເຫຼືອວິສາຫະກິດໃນການເຂົ້າເຖິງ ແລະ ຂະຫຍາຍຕະຫຼາດ.
ຄຽງຄູ່ກັບການແນະນຳບັນດາຜົນສຳເລັດການຮ່ວມມື, ຕ້ອງຄົ້ນພົບ ແລະ ຂະຫຍາຍບັນດາຮູບແບບການພັດທະນາທີ່ມີປະສິດທິຜົນ, ບັນດາເລື່ອງລາວທີ່ສະແດງເຖິງຄວາມສາມັກຄີລະຫວ່າງປະຊາຊົນຫວຽດນາມກັບປະຊາຊົນລາວ ແລະ ກຳປູເຈຍ; ບັນດາໂຄງການແລກປ່ຽນວັດທະນະທຳ, ການສຶກສາ, ສາທາລະນະສຸກ ແລະ ການຊ່ວຍເຫຼືອຊຸມຊົນ.
ອີກໜຶ່ງໜ້າທີ່ສຳຄັນແມ່ນການຊຸກຍູ້ການເຜີຍແຜ່ຂໍ້ມູນກ່ຽວກັບວຽກງານຄຸ້ມຄອງ, ປົກປັກຮັກສາຊາຍແດນ ແລະ ການປະສານສົມທົບລະຫວ່າງບັນດາກຳລັງເຈົ້າໜ້າທີ່ໃນການຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍ; ການປ້ອງກັນ ແລະ ຕ້ານອາຊະຍາກຳຂ້າມຊາດ, ການລັກລອບຄ້າຂາຍເຖື່ອນ, ການສໍ້ໂກງທາງການຄ້າ ແລະ ບັນດາພຶດຕິກຳລະເມີດກົດໝາຍ.
ຫັນຮູບແບບການໂຄສະນາໃຫ້ຫຼາກຫຼາຍ, ສົ່ງເສີມບົດບາດຂອງສື່ມວນຊົນ
ກ່ຽວກັບວິທີການຜັນຂະຫຍາຍ, ບັນດາທ້ອງຖິ່ນໄດ້ຮັບທິດທາງໃຫ້ເພີ່ມທະວີການນຳໃຊ້ຫຼາຍຊ່ອງທາງສື່ສານ, ປະສົມປະສານລະຫວ່າງສື່ມວນຊົນ, ວິທະຍຸ, ໂທລະພາບ, ປະຕູຂໍ້ມູນຂ່າວສານເອເລັກໂຕຣນິກ, ບັນດາແພລດຟອມດິຈິຕອນ ກັບກິດຈະກຳໂຄສະນາໂດຍກົງຢູ່ຮາກຖານ.
ເນື້ອໃນ ແລະ ວິທີການຖ່າຍທອດຂໍ້ມູນຕ້ອງເໝາະສົມກັບລັກສະນະຂອງແຕ່ລະກຸ່ມຜູ້ຮັບຂ່າວສານ, ໃນນັ້ນໃຫ້ຄວາມສຳຄັນແກ່ປະຊາຊົນຊົນເຜົ່າ, ປະຊາຊົນເຂດຊາຍແດນ, ຊາວໜຸ່ມ, ນັກຮຽນ, ນັກສຶກສາ ແລະ ປະຊາຄົມວິສາຫະກິດ.
ສຳລັບບັນດາອົງການສື່ມວນຊົນ, ຕ້ອງສ້າງບັນດາຊຸດຂ່າວ ແລະ ບົດຄວາມເຊິ່ງເລິກ, ສະທ້ອນບັນດາຜົນສຳເລັດການຮ່ວມມືຫວຽດນາມ - ລາວ, ຫວຽດນາມ - ກຳປູເຈຍ; ແນະນຳບັນດາຮູບແບບພັດທະນາເສດຖະກິດທີ່ມີປະສິດທິຜົນ ແລະ ບົດບາດຂອງທ້ອງຖິ່ນ, ວິສາຫະກິດ ແລະ ປະຊາຊົນ ໃນການທະນຸບຳລຸງສາຍພົວພັນມິດຕະພາບລະຫວ່າງສາມປະເທດ.
ຕາມແຜນການ, ວຽກງານໂຄສະນາຈະໄດ້ຮັບການຜັນຂະຫຍາຍຕະຫຼອດປີ 2027, ໂດຍສຸມໃສ່ບັນດາໂອກາດລະນຶກ, ເຫດການດ້ານການຕ່າງປະເທດ ແລະ ຂີດໝາຍສຳຄັນໃນສາຍພົວພັນລະຫວ່າງຫວຽດນາມກັບລາວ ແລະ ກຳປູເຈຍ.
ການປະຕິບັດບັນດາກິດຈະກຳໂຄສະນາຢ່າງພ້ອມພຽງກັນ, ໂດຍສະເພາະຢູ່ເຂດພາກກາງ ແລະ ໄຕງວຽນ, ປະກອບສ່ວນເສີມສ້າງພື້ນຖານທາງສັງຄົມໃຫ້ແກ່ສາຍພົວພັນການຮ່ວມມືກັບສອງປະເທດເພື່ອນບ້ານ.
ພ້ອມກັນນັ້ນ, ນີ້ຍັງເປັນໂອກາດເພີ່ມທະວີຄວາມຜູກພັນລະຫວ່າງໜ້າທີ່ພັດທະນາເສດຖະກິດ, ຂະຫຍາຍການຄ້າ, ຍົກສູງຊີວິດການເປັນຢູ່ຂອງປະຊາຊົນ ກັບການຮັບປະກັນປ້ອງກັນຊາດ, ຄວາມໝັ້ນຄົງ, ມຸ່ງສູ່ການສ້າງເສັ້ນຊາຍແດນແຫ່ງສັນຕິພາບ, ຄວາມໝັ້ນຄົງ, ມິດຕະພາບ ແລະ ການພັດທະນາຢ່າງຍືນຍົງ.
 ຊາວໜຸ່ມຫວຽດນາມ - ລາວ ເພີ່ມທະວີການຮ່ວມມື, ສົ່ງເສີມມູນເຊື້ອຄວາມສາມັກຄີພິເສດ ຍສໝ - ຕອນບ່າຍວັນທີ 21/10, ທີ່ສຳນັກງານສູນກາງພັກ, ສະຫາຍ ເຈິ່ນ ເກິ໋ມ ຕູ໊, ກຳມະການກົມການເມືອງ, ຜູ້ປະຈຳການຄະນະເລຂາທິການ ໄດ້ຕ້ອນຮັບຄະນະຜູ້ແທນສູນກາງຊາວໜຸ່ມປະຊາຊົນປະຕິວັດລາວ, ໂດຍເນັ້ນໜັກບົດບາດຂອງຄົນຮຸ່ນໜຸ່ມໃນການຮັກສາສາຍພົວພັນພິເສດຫວຽດນາມ - ລາວ, ພ້ອມທັງຊຸກຍູ້ການຮ່ວມມືດ້ານການສຶກສາ, ການຝຶກອົບຮົມ, ວິທະຍາສາດ - ເຕັກໂນໂລຊີ ແລະ ການຫັນປ່ຽນເປັນດິຈິຕອນ. |
 ວິສາຫະກິດຫວຽດນາມ - ລາວ ຮ່ວມມືດຳເນີນ 2 ໂຄງການ ມູນຄ່າເກືອບ 30 ລ້ານ USD ຍສໝ - ຕອນບ່າຍວັນທີ 23/10, ຢູ່ນະຄອນຫຼວງວຽງຈັນ (ລາວ), ກຸ່ມບໍລິສັດ Supchaleun ຂອງລາວ ແລະ ກຸ່ມບໍລິສັດຫວຽດ - ຣັດເຊຍ ຂອງຫວຽດນາມ ໄດ້ລົງນາມໃນບັນທຶກຂໍ້ຕົກລົງການຮ່ວມມື (MOA) ເພື່ອດຳເນີນ 2 ໂຄງການໃນຂະແໜງອະສັງຫາລິມະຊັບ ແລະ ກະສິກຳອັດສະລິຍະ ດ້ວຍມູນຄ່າການລົງທຶນລວມເກືອບ 30 ລ້ານ USD, ປະກອບສ່ວນຂະຫຍາຍການຮ່ວມມືທາງເສດຖະກິດ ແລະ ເຊື່ອມຕໍ່ວິສາຫະກິດຂອງສອງປະເທດ. |
ມິງດຶກ
