| ເກືອບ 300 ທ່ານ ຊາວຫວຽດນາມ ຢູ່ ຕ່າງປະເທດ ເຕົ້າໂຮມກັນ ຢູ່ ງານບຸນມະຫາສາມັກຄີທົ່ວຊາດ ຢູ່ ຮົງກາລີ ສົ່ງເສີມອຳນາດອ່ອນ, ຍົກສູງຊື່ສຽງ ແລະ ຖານະບົດບາດຂອງຫວຽດນາມ |
 |
| ພັກແຮງງານແບນຊິກ ຕີລາຄາສູງບັນດາຜົນສຳເລັດໃນ 40 ປີແຫ່ງການປ່ຽນແປງໃໝ່ຂອງຫວຽດນາມ |
ສາຍພົວພັນອັນແໜ້ນແຟ້ນຈາກມູນເຊື້ອແຫ່ງຄວາມສາມັກຄີ
ໃນການໃຫ້ສຳພາດ, ທ່ານ Bert De Belder ໃຫ້ຮູ້ວ່າ ການຕໍ່ສູ້ປົດປ່ອຍຊາດຂອງປະຊາຊົນຫວຽດນາມ ແລະ ພາລະກິດຂອງປະທານໂຮ່ຈີມິນ ເຄີຍເປັນແຮງບັນດານໃຈຢ່າງແຮງກ້າໃຫ້ແກ່ບັນດານັກສຶກສາໜຸ່ມຜູ້ກໍ່ຕັ້ງພັກແຮງງານແບນຊິກ.
ຈາກພື້ນຖານດັ່ງກ່າວ, ພັກແຮງງານແບນຊິກ ແລະ ພັກຄອມມູນິດຫວຽດນາມ ໄດ້ສ້າງສາຍພົວພັນທາງປະຫວັດສາດທີ່ແໜ້ນແຟ້ນ ແລະ ຍືນຍົງ, ບົນພື້ນຖານຄວາມເຫັນອົກເຫັນໃຈ ແລະ ບັນດາຄຸນຄ່າຮ່ວມກັນ.
ຕາມທ່ານ Bert De Belder ແລ້ວ, ໃນຊຸມປີທີ່ຫວຽດນາມຕໍ່ສູ້ເພື່ອຍາດເອົາເອກະລາດ ແລະ ລວມທັງໄລຍະສ້າງສາປະເທດຊາດພາຍຫຼັງສົງຄາມ, ປະຊາຊົນແບນຊິກໄດ້ສະແດງຈິດໃຈສາມັກຄີຜ່ານຫຼາຍໂຄງການ, ຂະບວນການລະດົມ ແລະ ໂຄງການຊ່ວຍເຫຼືອ. ບັນດາກິດຈະກຳດັ່ງກ່າວມີການເຂົ້າຮ່ວມຂອງສະຫະພັນກຳມະບານ, ອົງການສັງຄົມ, ບັນດາຄະນະກຳມະການ ແລະ PTB, ປະກອບສ່ວນຊຸກຍູ້ສາຍພົວພັນລະຫວ່າງປະຊາຊົນສອງປະເທດ.
ທ່ານເນັ້ນໜັກວ່າ PTB ແມ່ນພັກການເມືອງທີ່ສະໜັບສະໜູນລັດທິສັງຄົມນິຍົມ, ໃຫ້ຄວາມສຳຄັນສູງຕໍ່ບັນດາຄຸນຄ່າແຫ່ງສັນຕິພາບ, ການຮ່ວມມື ແລະ ຄວາມສາມັກຄີສາກົນ. ໃນສະພາບການທີ່ໂລກມີຄວາມຜັນຜວນຫຼາຍປະການ, ບັນດາຄຸນຄ່າເຫຼົ່ານີ້ຍິ່ງມີຄວາມສຳຄັນຫຼາຍຂຶ້ນ.
ຕີລາຄາສູງເສັ້ນທາງການພັດທະນາຂອງຫວຽດນາມ
ເມື່ອຫວນຄືນໄລຍະ 40 ປີແຫ່ງການປ່ຽນແປງໃໝ່, ທ່ານ Bert De Belder ເຫັນວ່າ ຫວຽດນາມໄດ້ບັນລຸບັນດາຜົນສຳເລັດສຳຄັນດ້ານເສດຖະກິດ - ສັງຄົມ, ເຖິງແມ່ນວ່າເຄີຍໄດ້ຮັບຜົນກະທົບຢ່າງໜັກໜ່ວງຈາກສົງຄາມກໍຕາມ.
ຕາມທ່ານ Bert De Belder ແລ້ວ, ແຕ່ລະປະເທດມີສິດເລືອກເສັ້ນທາງການພັດທະນາຂອງຕົນເອງ. PTB ເຄົາລົບ, ຕີລາຄາສູງ ແລະ ໃຫ້ຄວາມສົນໃຈສຶກສາບົດຮຽນຈາກການປ່ຽນແປງໃໝ່ຂອງຫວຽດນາມ, ໂດຍສະເພາະບັນດານະໂຍບາຍທີ່ນຳມາເຊິ່ງຄວາມກ້າວໜ້າ ແລະ ຍົກສູງສະຫວັດດີການສັງຄົມ.
ທ່ານຍັງໄດ້ຮັບຮູ້ທິດທາງການພັດທະນາໃໝ່ພາຍຫຼັງກອງປະຊຸມໃຫຍ່ຄັ້ງທີ XIV ຂອງພັກຄອມມູນິດຫວຽດນາມ, ພ້ອມທັງເຫັນວ່າ ຫວຽດນາມພວມກຳນົດຢ່າງຈະແຈ້ງບັນດາສິ່ງທ້າທາຍກ່ຽວກັບການທຸຈະລິດ, ຄວາມບໍ່ສະເໝີພາບ ແລະ ຄວາມຜັນຜວນຂອງສະພາບການສາກົນ. ເຫຼົ່ານີ້ກໍແມ່ນບັນດາບັນຫາທີ່ຫຼາຍປະເທດໃນກຸ່ມປະເທດຊີກໂລກໃຕ້ ແລະ ບັນດາປະເທດທີ່ດຳເນີນຕາມເປົ້າໝາຍການສ້າງລັດທິສັງຄົມນິຍົມພວມປະເຊີນຢູ່.
ທ່ານ Bert De Belder ຕີລາຄາວ່າ ບົດບາດການນຳພາຂອງພັກຄອມມູນິດຫວຽດນາມ, ດ້ວຍຄວາມຜູກພັນຢ່າງແໜ້ນແຟ້ນກັບປະຊາຊົນ, ແມ່ນປັດໄຈສຳຄັນທີ່ຊ່ວຍໃຫ້ປະເທດຜ່ານຜ່າຄວາມຫຍຸ້ງຍາກ ນັບແຕ່ໄລຍະຕໍ່ສູ້ປົດປ່ອຍຊາດ ຈົນເຖິງບັນດາສິ່ງທ້າທາຍທາງເສດຖະກິດໃນປັດຈຸບັນ.
ຕາມທ່ານແລ້ວ, ຫວຽດນາມມີພື້ນຖານເພື່ອສືບຕໍ່ພັດທະນາ, ພ້ອມທັງຈຳເປັນຕ້ອງໃຫ້ຄວາມສຳຄັນຕໍ່ການແກ້ໄຂບັນດາຂໍ້ຈຳກັດ ແລະ ຮັບມືກັບບັນດາບັນຫາໃໝ່.
ໃນສະພາບການທີ່ອາຊີນັບມື້ນັບມີບົດບາດເພີ່ມຂຶ້ນດ້ານເສດຖະກິດ ແລະ ການເມືອງສາກົນ, ທ່ານເຫັນວ່າ ຫວຽດນາມ ແລະ ແບນຊິກ, ກໍຄືຫວຽດນາມ ແລະ ເອີຣົບ, ມີໂອກາດຫຼາຍໃນການຂະຫຍາຍການຮ່ວມມືບົນພື້ນຖານຜົນປະໂຫຍດຮ່ວມກັນ, ໂດຍສະເພາະໃນດ້ານການແລກປ່ຽນລະຫວ່າງປະຊາຊົນ, ການທ່ອງທ່ຽວ ແລະ ອາຫານການກິນ.
ສຳລັບ PTB, ເປົ້າໝາຍໃນໄລຍະຍາວແມ່ນການສືບຕໍ່ຮ່ວມມືບົນພື້ນຖານບັນດາຄຸນຄ່າຮ່ວມກັນ, ມຸ່ງໄປສູ່ອະນາຄົດທີ່ດີງາມກວ່າ ແລະ ເປົ້າໝາຍການສ້າງລັດທິສັງຄົມນິຍົມ.
 ນ້ຳໃຈຂອງທະຫານຜູ້ຄົ້ນຫາ ແລະ ເຕົ້າໂຮມອັດຖິວິລະຊົນຢູ່ດິນແດນລາວ ຍສໝ - ໃນຂະບວນການຄົ້ນຫາ ແລະ ເຕົ້າໂຮມອັດຖິວິລະຊົນທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດຢູ່ລາວ, ບັນດາພະນັກງານ ແລະ ທະຫານຂອງກອງຄົ້ນຫາ ແລະ ເຕົ້າໂຮມອັດຖິວິລະຊົນ ຂຶ້ນກັບກອງບັນຊາການທະຫານແຂວງແທງຮວ໋າ ຍັງໄດ້ເປັນເຈົ້າການຊ່ວຍເຫຼືອປະຊາຊົນປະເທດເພື່ອນມິດ. ນັບແຕ່ການກວດ ແລະ ປິ່ນປົວພະຍາດ, ແຈກຢາປິ່ນປົວ ຈົນເຖິງການຊ່ວຍເຫຼືອເຄື່ອງອຸປະໂພກບໍລິໂພກທີ່ຈຳເປັນ, ສ້ອມແປງເຮືອນຊານ, ໂຮງຮຽນ ແລະ ອະນາໄມສິ່ງແວດລ້ອມ, ບັນດາການກະທຳທີ່ເປັນຮູບປະທຳເຫຼົ່ານີ້ໄດ້ປະກອບສ່ວນທະນຸຖະໜອມຄວາມສາມັກຄີພິເສດຫວຽດນາມ - ລາວ. |
 APEC ຕໍ່ໜ້າການປ່ຽນແປງທາງພູມເສດຖະກິດ ແລະ ໂອກາດຂອງຫວຽດນາມໃນປີ 2027 ຍສໝ - ໃນສະພາບການທີ່ເສດຖະກິດໂລກນັບມື້ນັບໄດ້ຮັບຜົນກະທົບຈາກການແຂ່ງຂັນດ້ານເຕັກໂນໂລຊີ, ມາດຕະການປົກປ້ອງຕະຫຼາດ ແລະ ຄວາມຕ້ອງການຮັບປະກັນຄວາມໝັ້ນຄົງຂອງຕ່ອງໂສ້ການສະໜອງ, ເວທີຮ່ວມມືເສດຖະກິດອາຊີ - ປາຊີຟິກ (APEC) ກຳລັງຢືນຢູ່ຕໍ່ໜ້າຄວາມຈຳເປັນໃນການປັບປ່ຽນແນວທາງຈາກການຊຸກຍູ້ການຄ້າເສລີ ໄປສູ່ການເພີ່ມທະວີຄວາມສາມາດເພິ່ງພາຕົນເອງ. ການເປັນເຈົ້າພາບ APEC 2027 ໄດ້ສ້າງໂອກາດໃຫ້ຫວຽດນາມສົ່ງເສີມບົດບາດການເຊື່ອມໂຍງ, ຍົກສູງຖານະຂອງຕົນໃນບັນດາຕ່ອງໂສ້ການສະໜອງຂອງພາກພື້ນ ແລະ ໂລກ. |
ດວງດີ
