ດານັງ ມຸ່ງສູ່ຕະຫຼາດທ່ອງທ່ຽວຮາລານລະດັບໂລກ

ກອງສຳມະນາດັ່ງກ່າວຈັດໂດຍສະຖາບັນຄົ້ນຄວ້າອາຊີໃຕ້, ອາຊີຕາເວັນຕົກ ແລະ ອາຟຣິກາ (ISAWAAS) ສັງກັດສະຖາບັນບັນດິດວິທະຍາສາດສັງຄົມຫວຽດນາມ (VASS), ປະສານສົມທົບກັບກົມການຕ່າງປະເທດ ແລະ ການທູດວັດທະນະທຳ (ກະຊວງການຕ່າງປະເທດ), ພະແນກວິທະຍາສາດ ແລະ ເຕັກໂນໂລຊີ, ພະແນກວັດທະນະທຳ, ກິລາ ແລະ ທ່ອງທ່ຽວດ່ານັງ ພ້ອມດ້ວຍ INFORMA Markets ປະຈຳອາຊຽນ ແລະ ອາຊີ.

ຕາມດັດຊະນີການທ່ອງທ່ຽວມຸດສະລິມທົ່ວໂລກ (GMTI) ປີ 2025 ຂອງ Mastercard-CrescentRating, ຈຳນວນນັກທ່ອງທ່ຽວຊາວມຸດສະລິມລະຫວ່າງປະເທດບັນລຸ 196 ລ້ານເທື່ອຄົນໃນປີ 2025, ເພີ່ມຂຶ້ນຫຼາຍກວ່າ 11,3% ທຽບໃສ່ປີກ່ອນ. ຄາດຄະເນວ່າ ຮອດປີ 2030, ຕົວເລກນີ້ຈະບັນລຸ 262 ລ້ານເທື່ອຄົນ, ດ້ວຍມູນຄ່າການໃຊ້ຈ່າຍປະມານ 310 ຕື້ໂດລາສະຫະລັດ.

ທ່ານນາງ ຫງວຽນ ທິ ແອັງ ທິ, ຮອງປະທານຄະນະກຳມະການປະຊາຊົນນະຄອນດ່ານັງ ກ່າວຄຳປາໄສທີ່ກອງສຳມະນາສາກົນ “ປະສົບການສາກົນ ແລະ ທ່າແຮງພັດທະນາການທ່ອງທ່ຽວຮາລານຢູ່ດ່ານັງ”. (ພາບ: danang.gov.vn)

ໃນປີ 2025, ດ່ານັງຕ້ອນຮັບນັກທ່ອງທ່ຽວປະມານ 17,3 ລ້ານເທື່ອຄົນ, ເພີ່ມຂຶ້ນ 15% ທຽບໃສ່ປີ 2024, ໃນນັ້ນມີນັກທ່ອງທ່ຽວສາກົນ 7,6 ລ້ານເທື່ອຄົນ. ແນວໃດກໍດີ, ອັດຕາສ່ວນນັກທ່ອງທ່ຽວຊາວມຸດສະລິມຍັງມີໜ້ອຍ ເນື່ອງຈາກຄວາມສາມາດໃນການສະໜອງການບໍລິການທີ່ເໝາະສົມຍັງບໍ່ສາມາດຕອບສະໜອງຄວາມຕ້ອງການໄດ້ຢ່າງຄົບຖ້ວນ.

ກອງສຳມະນາໄດ້ຈັດຂຶ້ນເພື່ອປະກອບສ່ວນປະຕິບັດຂໍ້ຕົກລົງເລກທີ 2726/QĐ-UBND ແລະ ມະຕິເລກທີ 26-NQ/TW ລົງວັນທີ 22/8/2026 ຂອງກົມການເມືອງຊຸດທີ XIV, ມຸ່ງສູ່ການພັດທະນາການທ່ອງທ່ຽວໃຫ້ກາຍເປັນຂະແໜງເສດຖະກິດຫຼັກແຫຼມ, ສ້າງແຮງຂັບເຄື່ອນໃຫ້ການເຕີບໂຕໃນລະດັບສອງຕົວເລກ ແລະ ການພັດທະນາຢ່າງຍືນຍົງ.

ໃນງານດັ່ງກ່າວ, ບັນດາຊ່ຽວຊານໄດ້ແລກປ່ຽນປະສົບການການພັດທະນາການທ່ອງທ່ຽວຮາລານ ແລະ ການທ່ອງທ່ຽວທີ່ເປັນມິດກັບຊາວມຸດສະລິມຢູ່ມາເລເຊຍ, ສິງກະໂປ ແລະ ປາກິດສະຖານ; ພ້ອມທັງວິເຄາະບັນດາຈຸດໄດ້ປຽບ, ຂໍ້ຈຳກັດ, ໂອກາດ ແລະ ສິ່ງທ້າທາຍສຳລັບດ່ານັງ.

ກ່າວຄຳປາໄສທີ່ກອງສຳມະນາ, ທ່ານນາງ ຫງວຽນ ທິ ແອັງ ທິ, ຮອງປະທານຄະນະກຳມະການປະຊາຊົນນະຄອນ ໃຫ້ຂໍ້ສັງເກດວ່າ ດ່ານັງມີຈຸດໄດ້ປຽບດ້ານໂຄງລ່າງ, ສະຖານທີ່ພັກເຊົາ, ການບໍລິການທ່ອງທ່ຽວ ພ້ອມດ້ວຍຊັບພະຍາກອນທຳມະຊາດ ແລະ ວັດທະນະທຳທີ່ອຸດົມສົມບູນ ເພື່ອພັດທະນາບັນດາຜະລິດຕະພັນທ່ອງທ່ຽວສະເພາະ.

ຕາມທ່ານນາງແລ້ວ, ການທ່ອງທ່ຽວຮາລານບໍ່ພຽງແຕ່ຊ່ວຍຂະຫຍາຍແຫຼ່ງນັກທ່ອງທ່ຽວສາກົນເທົ່ານັ້ນ, ແຕ່ຍັງຊຸກຍູ້ການເຊື່ອມໂຍງລະຫວ່າງການທ່ອງທ່ຽວກັບການຄ້າ, ອາຫານ, ທີ່ພັກເຊົາ ແລະ ການຊື້ເຄື່ອງ. ແນວໃດກໍດີ, ການຜັນຂະຫຍາຍຈຳເປັນຕ້ອງມີການກະກຽມຢ່າງຄົບຊຸດ, ການປະສານສົມທົບລະຫວ່າງອົງການຄຸ້ມຄອງ ແລະ ການເຂົ້າຮ່ວມຢ່າງເປັນເຈົ້າການຂອງວິສາຫະກິດ.

ດ່ານັງໄດ້ກຳນົດ 3 ທິດທາງຈຸດສຸມ ຄື ເພີ່ມທະວີການຮ່ວມມືສາກົນ ແລະ ຮຽນຮູ້ປະສົບການ; ຍົກສູງຄວາມສາມາດໃນການສະໜອງການບໍລິການຮາລານ; ຊຸກຍູ້ການເຊື່ອມຕໍ່ ແລະ ຊ່ວຍເຫຼືອວິສາຫະກິດ.

ນະຄອນຈະເອົາໃຈໃສ່ຍົກສູງຄວາມຮັບຮູ້, ຄວາມຮູ້ ແລະ ຄວາມສາມາດໃນການບໍລິການນັກທ່ອງທ່ຽວຊາວມຸດສະລິມຕາມມາດຕະຖານຮາລານ ໃນຂົງເຂດອາຫານ ແລະ ເຄື່ອງດື່ມ, ທີ່ພັກເຊົາ, ການຊື້ເຄື່ອງ ແລະ ການບໍລິການສະໜັບສະໜູນ; ພ້ອມທັງຊຸກຍູ້ໃຫ້ວິສາຫະກິດເຊື່ອມໂຍງກັນເພື່ອພັດທະນາຜະລິດຕະພັນ ແລະ ຂະຫຍາຍການຮ່ວມມືກັບຄູ່ຮ່ວມມືສາກົນ.

ຊ່ວຍເຫຼືອລ້າກວ່າ 3,74 ຕື້ດົ່ງ ເພື່ອຊ່ວຍເຫຼືອປະຊາຊົນ ດານັງ ຟື້ນຟູຊີວິດການເປັນຢູ່ພາຍຫຼັງໄພພິບັດທຳມະຊາດ ຍສໝ - ດ້ວຍຍອດງົບປະມານກວ່າ 3,74 ຕື້ດົ່ງ, ໂຄງການດັ່ງກ່າວແມ່ນໄດ້ຮັບການອຸປະຖຳໂດຍພັນທະມິດກູ້ໄພ ເຢຍລະມັນ (ADH) ໂດຍຜ່ານອົງການ World Vision ເພື່ອຊ່ວຍເຫຼືອ 376 ຄອບຄົວ ຢູ່ສອງຕາແສງ ນາມຈາໝີ ແລະ ຈາເວີນ ພາຍໃນການສ້ອມແປງເຮືອນຊານບ້ານຊ່ອງ, ຟື້ນຟູລະບົບນ້ຳສະອາດ, ວຽກງານສຸຂາພິບານ ແລະ ຟື້ນຟູຊີວິດການເປັນຢູ່ພາຍຫຼັງການເກີດໄພພິບັດທຳມະຊາດ.

ດານັງ - ເຊກອງ ເພີ່ມທະວີການຮ່ວມມືພັດທະນາການເກສັດ ຍສໝ - ໃນຕອນເຊົ້າວັນທີ 20 ກໍລະກົດ, ຢູ່ທີ່ແຂວງ ຕາມກີ່, ສູນສົ່ງເສີມການເກສັດ ນະຄອນ ດານັງ ໄດ້ໄຂຊຸດແລກປ່ຽນບົດຮຽນ ແລະ ຝຶກອົບຮົມຖ່າຍທອດຄວາມກ້າວໜ້າທາງດ້ານວິທະຍາສາດເຕັກນິກການເກສັດ ໃຫ້ແກ່ຄະນະພະນັກງານວິຊາການ ແຂວງ ເຊກອງ (ລາວ). ການເຄື່ອນໄຫວນີ້ ໄດ້ປະກອບສ່ວນເພີ່ມທະວີການຮ່ວມມືທາງດ້ານວິຊາສະເພາະ ແລະ ເພີ່ມພູນຄູນສ້າງສາຍພົວພັນມິດຕະພາບ ລະຫວ່າງສອງທ້ອງຖິ່ນ.