ລາຍງານໝາກຜົນວຽກງານຊາວຫວຽດນາມ ອາໄສຢູ່ລາວ ປີ 2019, ທ່ານ ບຸ່ຍຈີ໊ແມ້ງ, ທີ່ປຶກສາທູດ, ຜູ້ປະຈໍາການຄະນະວຽກງານປະຊາຄົມສະຖານທູດ ເນັ້ນໜັກວ່າ, ໃນປີ 2019, ວຽກງານປະຊາຄົມໄດ້ປະຕິບັດ 3 ບັນຫາໃຫຍ່ໄດ້ເປັນຢ່າງດີ. ນັ້ນແມ່ນ: ປະຕິບັດ 8 ເນື້ອໃນໃນແຜນການວຽກງານປີ 2019 ເປັນຢ່າງດີ, ຄືປັບປຸງກໍາລັງຫຼັກແຫຼ່ງນໍາພາສະມາຄົມໃຫຍ່ ແລະສາຂາສະມາຄົມຢູ່ບັນດາແຂວງ; ເພີ່ມທະວີການສົມທົບກັນລະຫວ່າງບັນດາສະມາຄົມແຂວງ/ສະມາຄົມນະຄອນກັບສະມາຄົມໃຫຍ່...

ທ່ານ ຫງວຽນບ໊າຮຸ່ງ ເອກອັກຄະລັດຖະທູດຫວຽດນາມ ປະຈໍາ ລາວ ກ່າວຄໍາເຫັນທີ່ກອງປະຊຸມ. ພາບ: nhandan.com.vn.

ກອງປະຊຸມໄດ້ເຫັນດີເປັນເອກະພາບບາງທິດທາງໜ້າທີ່ປີ 2020, ໃນນັ້ນສຸມໃສ່ຈັດຕັ້ງບຸນເຕັດໃຫ້ປະຊາຄົມຊາວຫວຽດນາມ ອາໄສຢູ່ວຽງຈັນ ແລະບັນດາແຂວງຕ່າງໆ; ສະມາຄົມໃຫຍ່ຊາວຫວຽດນາມ ອາໄສຢູ່ລາວ ຈັດຕັ້ງກອງປະຊຸມໃຫຍ່ຊຸດທີ III ແລະບາງແຂວງຈັດຕັ້ງກອງປະຊຸມໃຫຍ່ຕາມອາຍຸການ...

ບັນດາຜູ້ແທນເຂົ້າຮ່ວມກອງປະຊຸມ. ພາບ: nhandan.com.vn.

ສະຫຼຸບກອງປະຊຸມ, ທ່ານ ຫງວຽນບ໊າຮຸ່ງ ຖືວ່າ, ການນໍາບັນດາສະມາຄົມຕ້ອງຜັນຂະຫຍາຍບັນດາເນື້ອໃນທີ່ໄດ້ເຫັນດີເປັນເອກະພາບຢູ່ກອງປະຊຸມນັບແຕ່ຕົ້ນປີ 2020 ແລະໃຫ້ຮູ້ວ່າສະຖານທູດຫວຽດນາມ ປະຈໍາ ລາວ ຈະສະຫງວນການໜູນຊ່ວຍດ້ານວັດຖຸ ແລະຈິດໃຈຈົນສຸດຄວາມສາມາດຂອງຕົນ, ພິເສດແມ່ນສົມທົບກັບບັນດາອົງການທີ່ກ່ຽວຂ້ອງຂອງລາວ ແກ້ໄຂບັນດາບັນຫາທີ່ພໍ່ແມ່ປະຊາຊົນມີຄວາມສົນໃຈ...

（ແຫຼ່ງ​ຂໍ້​ມູນ​： la.qdnd.vn）