ຕອນເຊົ້າວັນທີ 23 ເມສາ, ສະຫະພັນບັນດາອົງການຈັດຕັ້ງມິດຕະພາບແຂວງ ຫາຍເຢືອງ ໄດ້ຈັດຕັ້ງການໂອ້ລົມສົນທະນາ “ສະພາບການຢູ່ຕາເວັນອອກກາງ ແລະ ນະໂຍບາຍການຕ່າງປະເທດຂອງພັກ ແລະ ລັດຂອງພວກເຮົາຕໍ່ພາກພື້ນ”.
 |
| ທ່ານເອກອັກຄະລັດຖະທູດ ຫງວຽນກວາງຄາຍ ໄດ້ແຈ້ງໃຫ້ຊາບກ່ຽວກັບສະພາບການທີ່ສັບສົນຢູ່ພາກຕາເວັນອອກກາງ. ພາບ: thoidai.com.vn |
ທີ່ການໂອ້ລົມສົນທະນາ, ທ່ານເອກອັກຄະລັດຖະທູດ ຫງວຽນກວາງຄາຍ ອະດີດຫົວໜ້າກົມອາຊີຕາເວັນຕົກ - ອາຟະລິກາ, ກະຊວງການຕ່າງປະເທດ, ອະດີດເອກອັກຄະລັດຖະທູດຫວຽດນາມ ປະຈຳລາດຊະອານາຈັກ ອາຣັບ ເອມີເຣດ UAE, ອີຣັກ ແລະ ບາງປະເທດຕາເວັນອອກກາງ ໃຫ້ຂໍ້ມູນກ່ຽວກັບສະຖານະການທີ່ສັບສົນຢູ່ພາກພື້ນຕາເວັນອອກກາງ. ໃນນັ້ນ, ພົ້ນເດັ່ນແມ່ນບັນຫາການປະທະກັນລະຫວ່າງ ປາແລັດສະຕີນ - ອິດສະຣາແອນ ຍັງບໍ່ທັນໄດ້ຮັບການແກ້ໄຂຢ່າງສິ້ນເຊີງເປັນເວລາ 75 ປີແລ້ວ; ສົງຄາມທີ່ເຄັ່ງຕຶງຢູ່ເຂດ ກາຊາ (Gaza) ລະຫວ່າງຂະບວນການຕໍ່ຕ້ານອິດສະລາມ Hamas ແລະ ອິດສະຣາແອນ, ຄວາມຂັດແຍ່ງລະຫວ່າງອີຣານ - ອິດສະຣາແອນ ແລະ ຄວາມຂັດແຍ່ງພາຍໃນຂອງແຕ່ລະປະເທດ.
 |
| ບັນດາຜູ້ແທນເຂົ້າຮ່ວມການໂອ້ລົມສົນທະນາ. ພາບ: thoidai.com.vn |
ທ່ານເອກອັກຄະລັດຖະທູດກໍ່ໄດ້ແຈ້ງໃຫ້ຊາບກ່ຽວກັບທັດສະນະ ແລະ ນະໂຍບາຍຂອງພັກ ແລະ ລັດ ຫວຽດນາມ ໃນບັນຫາພົວພັນການຕ່າງປະເທດ. ການໂອ້ລົມສົນທະນາໄດ້ຊ່ວຍໃຫ້ພະນັກງານ, ສະມາຊິກຂອງສະຫະພັນບັນດາອົງການຈັດຕັ້ງມິດຕະພາບແຂວງ ຫາຍເຢືອງ ກໍາແໜ້ນແນວທາງການຕ່າງປະເທດຂອງພັກ ແລະ ລັດ ຫຼາຍກວ່າອີກ ແລະ ໝູນໃຊ້ຢ່າງຕັ້ງໜ້າ, ມີຫົວຄິດປະດິດສ້າງໃນວຽກງານການທູດປະຊາຊົນ, ປະກອບສ່ວນເຂົ້າໃນການປະຕິບັດໜ້າທີ່ຕາມທີ່ໄດ້ຮັບມອບຫມາຍໃຫ້ເປັນຢ່າງດີ.
ບູນມີ
