| ມີຂົວຕໍ່ຕື່ມແຫ່ງໜຶ່ງ ໃຫ້ແກ່ການຮ່ວມມືດ້ານການສຶກສາ ຫວຽດນາມ - ຝຣັ່ງ | |
| ຊາວໜຸ່ມ ຝະຣັ່ງ ເຮັດວຽກເປັນ “ຜູ້ຊ່ວຍຊ່າງກໍ່ສ້າງເຮືອນຊານ" ເພື່ອສ້າງເຮືອນແຫ່ງຄວາມຮັກແພງໃຫ້ແກ່ປະຊາຊົນທຸກຍາກຢູ່ແຂວງ ດົ່ງນາຍ |
ເຫດການດັ່ງກ່າວ ໄດ້ຮັບຖືວ່າ ແມ່ນໜຶ່ງໃນບັນດາຈຸດພົ້ນເດັ່ນທີ່ແຂວງ ດົ່ງນາຍ ໄດ້ປະຕິບັດເພື່ອພ້ອມກັນກັບທົ່ວປະເທດເຂົ້າຮ່ວມຢ່າງຕັ້ງໜ້າ ເຂົ້າໃນຂະບວນການກໍ່ສ້າງ, ເພີ່ມພູນຄູນສ້າງນ້ຳໃຈມິດຕະພາບລະຫວ່າງ 2 ຊາດ, ປະຊາຊົນ 2 ປະເທດ.
 |
| ນັກຮຽນໂຮງຮຽນປະຖົມ ຫງວຽນຢູ່ (ນະຄອນ ບຽນຮວ່າ) ຮຽນພາສາຝຣັ່ງ ຢູ່ ດົ່ງນາຍ ໄດ້ເບີ່ງການວາງສະແດງຮູບພາບກ່ຽວກັບສາຍພົວພັນທາງການທູດ ຫວຽດນາມ - ຝຣັ່ງ ທີ່ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຝຣັ່ງ (1973 – 2023). ຮູບພາບ: S.Thao |
ເປັນເຈົ້າການໃນການປະຕິບັດການເຄື່ອນໄຫວພົບປະແລກປ່ຽນມິດຕະພາບ
ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ແມ່ນໜຶ່ງໃນ 10 ສະມາຄົມມິດຕະພາບສະມາຊິກຂຶ້ນກັບສະຫະພັນບັນດາອົງການມິດຕະພາບແຂວງ. ທ່າໄດ້ປຽບຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ເມື່ອທຽບໃສ່ບັນດາສະມາຄົມມິດຕະພາບອື່ນໆ ແມ່ນໄດ້ສອນພາສາ ຝຣັ່ງ ຢູ່ໂຮງຮຽນໃນແຂວງ ດົ່ງນາຍ. ດັ່ງນັ້ນ, ຈໍານວນຄົນທີ່ຮູ້ຈັກກັບພາສາ, ວັດທະນະທໍາ ຝຣັ່ງ ຈະເພີ່ມຂຶ້ນໃນແຕ່ລະປີຕາມຈໍານວນນັກຮຽນທີ່ໄດ້ຮັບການຄັດເລືອກໃນແຕ່ລະປີ ກໍຄືຜູ້ປົກຄອງຂອງພວກນ້ອງ.
ໃນຈຳນວນ 141 ສະມາຊິກຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ສ່ວນຫຼາຍແມ່ນຄູສອນ, ນັກຮຽນຂອງບັນດາໂຮງຮຽນທີ່ພວມສອນ, ຮ່ຳຮຽນພາສາ ຝຣັ່ງ ໃນບໍລິເວນແຂວງ. ນອກຈາກນີ້, ຍັງມີບັນດາຄົນທີ່ເຄີຍຮ່ຳຮຽນ, ດຳລົງຊີວິດຢູ່ ຝຣັ່ງ ກັບຄືນບ້ານເກີດ ເພື່ອເລີ່ມທຸລະກິດ ແລະ ຄົນທີ່ມັກຮັກປະເທດ ຝຣັ່ງ.
ຕາມທ່ານ ຫງວຽນວັນຄາງ, ຫົວໜ້າຄະນະຊົນເຜົ່າແຂວງ,ຮອງປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ແລ້ວ, ນັບແຕ່ສົກຮຽນ 2002-2003, ຫຼັກສູດພາສາ ຝຣັ່ງ ໄດ້ນຳເຂົ້າໃນການສອນຢູ່ໃນໂຮງຮຽນ. ປະຈຸບັນມີ 3 ໂຮງຮຽນທີ່ດຳເນີນການເຄື່ອນໄຫວສຶກສານີ້ ຄື: ໂຮງຮຽນປະຖົມ ຫງວຽນຢູ່, ໂຮງຮຽນມັດທະຍົມຕອນຕົ້ນ ທົງເຍີດ ແລະ ໂຮງຮຽນມັດທະຍົມຕອນປາຍ ເຈີ໋ນບຽນ (ທັງໝົດຢູ່ນະຄອນ ບຽນຮວ່າ) ດ້ວຍນັກຮຽນເກືອບ 300 ຄົນທີ່ພວມຮ່ຳຮຽນ. ຜ່ານມາ22 ປີແຫ່ງການຜັນຂະຫຍາຍ, ການສອນ-ການຮຽນພາສາ ຝຣັ່ງ ຢູ່ແຂວງ ດົ່ງນາຍ ຍາມໃດກໍ່ໄດ້ຮັບການຮັກສາ, ພັດທະນາ ແລະ ບັນລຸໄດ້ບັນດາໝາກຜົນໃດໜື່ງທີ່ແນ່ນອນ. ຄູສອນຫຼາຍຄົນ ໄດ້ກາຍເປັນແກ່ນສານໃນການວຽກງານຂອງການສອນພາສາ ຝຣັ່ງ. ນັກຮຽນຫຼາຍລຸ້ນຄົນ ໄດ້ນຳໃຊ້ພາສານີ້ບົນເສັ້ນທາງເພື່ອສ້າງຕົນເອງ, ສ້າງອາຊີບ.
ພ້ອມກັບການສອນພາສາ ຝຣັ່ງ ໃນໂຮງຮຽນ, ແຂວງ ດົ່ງນາຍ ກໍຈັດຕັ້ງການເຄື່ອນໄຫວພົບປະແລກປ່ຽນວັດທະນະທຳ ຫວຽດນາມ - ຝຣັ່ງ ຫຼາຍຢ່າງ, ພິເສດແມ່ນນັບແຕ່ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໄດ້ຮັບການສ້າງຕັ້ງຂຶ້ນໃນປີ 2018. ສະເພາະນັບແຕ່ປີ 2019 ມາຮອດປະຈຸບັນ, ສະມາຄົມ ກໍໄດ້ຈັດຕັ້ງບັນດາງານແຂ່ງຂັນແຕ້ມພາບດ້ວຍຫົວຂໍ້ວ່າ "ຮັດແໜ້ນການພົວພັນມິດຕະພາບລະຫວ່າງ ຫວຽດນາມ ແລະ ຝຣັ່ງ", ການແຂ່ງຂັນເວົ້າເກັ່ງພາສາ ຝຣັ່ງ ຢ່າງສຳເລັດຜົນ. ແຕ່ລະການແຂ່ງຂັນໄດ້ດຶງດູດນັກຮຽນຈາກໂຮງຮຽນໃນບໍລິເວນແຂວງນັບຮ້ອຍຄົນເຂົ້າຮ່ວມ. ນີ້ແມ່ນສະໜາມຫຼິ້ນທີ່ເປັນປະໂຫຍດສໍາລັບນັກຮຽນທີ່ນໍາໃຊ້ພາສາ ຝຣັ່ງ, ມີຄວາມເຂົ້າໃຈກ່ຽວກັບປະເທດ ແລະ ປະຊາຊົນ ຝຣັ່ງ ເຂົ້າໃນຮູບແຕ້ມ, ບົດລາຍງານຂອງຕົນ.
ນາງ ມາຍຍ້າເຟືອງ (ນັກຮຽນຊັ້ນ ປ 3, ໂຮງຮຽນປະຖົມ ຫງວຽນຢູ່) ຫາກໍໄດ້ຮັບລາງວັນທີ 1 ໃນງານແຂ່ງຂັນແຕ້ມຮູບຮັດແໜ້ນການພົວພັນມິດຕະພາບລະຫວ່າງ ຫວຽດນາມ ແລະ ຝຣັ່ງ ປີ 2023 ໃຫ້ຮູ້ວ່າ ນີ້ແມ່ນຄັ້ງທີ 3 ລຽນຕິດທີ່ນ້ອງໄດ້ເຂົ້າຮ່ວມການແຂ່ງຂັນແຕ້ມຮູບ ແລະ ຍາດໄດ້ລາງວັນ. ນ້ອງດີໃຈຫລາຍ ເພາະບໍ່ພຽງແຕ່ໄດ້ຮຽນພາສາຝຣັ່ງຢູ່ໂຮງຮຽນເທົ່ານັ້ນ ຫາກຍັງໄດ້ມີໂອກາດເຂົ້າຮ່ວມບັນດາການເຄື່ອນໄຫວທີ່ເປັນະໂຫຍດເຊິ່ງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໄດ້ຈັດຕັ້ງໃນແຕ່ລະປີ.
ນອກຈາກນັ້ນ, ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ກໍ່ເຊື່ອມຕໍ່ກັບສະຖານກົງສຸນໃຫຍ່ ຝຣັ່ງ ແລະ ສະຖາບັນ ຝຣັ່ງ ປະຈຳຫວຽດນາມ ຈັດຕັ້ງບັນດາການເຄື່ອນໄຫວພົບປະແລກປ່ຽນມິດຕະພາບ, ສະເຫຼີມສະຫຼອງວັນພາສາ ຝຣັ່ງ ສາກົນ, ວັນສ້າງຕັ້ງສາຍພົວພັນການທຸດລະຫວ່າງ 2 ປະເທດ, ວັນຊາດ ສາທາລະນະລັດ ຝຣັ່ງ... ພິເສດ ແມ່ນໂຄງການໃຫ້ຄຳປຶກສາໄປຮຽນຢູ່ ຝຣັ່ງ ເຊິ່ງແມ່ນການສົມທົບຂອງສະຫະພັນບັນດາອົງການມິດຕະພາບແຂວງ, ສະມາຄົມມິດຕະພາບຫວຽດນາມ - ຝຣັ່ງ ແຂວງ ດົ່ງນາຍ ພ້ອມກັນບັນດາໂຮງຮຽນ ເພື່ອກາຍເປັນຊ່ອງທາງຊອກຮູ້ໃຫ້ແກ່ນັກຮຽນ, ຜູ້ປົກຄອງນັກຮຽນທີ່ມີຄວາມສົນໃຈເຖິງການໄປຮຽນຢູ່ ຝຣັ່ງ. ຜ່ານນັ້ນ, ແຕ່ລະປີ ກໍມີນັກຮຽນ, ນັກສຶກສາ ດົ່ງນາຍ 3-5 ຄົນ ກາຍເປັນນັກສຶກສາຕ່າງປະເທດຢູ່ ຝຣັ່ງ.
ເພີ່ມທະວີການພົບປະແລກປ່ຽນປະຊາຊົນ
ໂດຍບໍ່ໄດ້ຢຸດຢູ່ທີ່ການເຄື່ອນໄຫວການສຶກສາ, ພົບປະແລກປ່ຽນວັດທະນະທຳເທົ່ານັ້ນ, ແຂວງ ດົ່ງນາຍ ຍັງສ້າງການພົວພັນຮ່ວມມືກັບ 2 ທ້ອງຖິ່ນຂອງ ສາທາລະນະລັດ ຝຣັ່ງ, ນັ້ນແມ່ນເຂດ Rhône – Alpes ແລະ ເຂດ Bretagne. ບັນດາຂົງເຂດທີ່ແຂວງ ດົ່ງນາຍ ພ້ອມກັນບັນດາທ້ອງຖິ່ນ ຝຣັ່ງ ໄດ້ລົງນາມໃນສັນຍາຮ່ວມມືລວມມີ: ພັດທະນາເສດຖະກິດ, ສາມັກຄີກັບປະຊາຊົນຜູ້ດ້ອຍໂອກາດ, ໜູນຊ່ວຍດ້ານເຕັກນິກບຳລຸງສ້າງ, ເສີມຂະຫຍາຍມໍລະດົກປ່າໄມ້, ການຮ່ວມມືໃນບັນດາຂະແໜງການແຜ່ນແພ, ຕັດຫຍິບ, ໜັງເກີບ... ການພົວພັນຮ່ວມມືລະຫວ່າງແຂວງ ດົ່ງນາຍ ແລະ 2 ເຂດດັ່ງກ່າວຂອງ ຝຣັ່ງ ໄດ້ສ້າງເງື່ອນໄຂສະດວກໃຫ້ແຂວງ ດົ່ງນາຍ ພັດທະນາທ້ອງຕະຫຼາດ, ເພີ່ມທະວີວົງເງິນສົ່ງອອກລະຫວ່າງແຂວງ ດົ່ງນາຍ ກັບບັນດາທ້ອງຖິ່ນຂອງ ຝຣັ່ງ, ບໍ່ພຽງແຕ່ໃນຂົງເຂດອຸດສາຫະກຳ ຫຼື ກະສິກຳອີກ ເຊິ່ງແມ່ນທັງໝົດຂົງເຂດການລົງທຶນ, ການຄ້າ, ການທ່ອງທ່ຽວ, ການສຶກສາ, ສາທາລະນະສຸກ… ພິເສດ, ໃນບໍລິເວນແຂວງ ມີວິສາຫະກິດ 18 ແຫ່ງຂອງ ຝຣັ່ງ ທີ່ພວມລົງທຶນ ດ້ວຍຍອດຈຳນວນທຶນ 182,8 ລ້ານ USD. ນອກຈາກນັ້ນ, 4 ອົງການຈັດຕັ້ງທີ່ບໍ່ຂຶ້ນກັບລັດຖະບານ ຝຣັ່ງ ກໍພວມດໍາເນີນຢູ່ແຂວງ ດ້ວຍບັນດາໂຄງການທີ່ຜັນຂະຫຍາຍໃນບັນດາຂົງເຂດສາທາລະນະສຸກ, ສັງຄົມ ອັນໄດ້ປະກອບສ່ວນການຊຸກຍູ້ການພັດທະນາເສດຖະກິດ-ສັງຄົມຂອງແຂວງ.
ສອງປະເທດ ຍັງມີຫຼາຍໂຄງການແລກປ່ຽນ ແລະ ການຮ່ວມມືບຳລຸງສ້າງລະດັບມະຫາວິທະຍາໄລ ແລະ ຫຼັງມະຫາ ດ້ວຍຂໍ້ຕົກລົງຫຼາຍຮ້ອຍສະບັບທີ່ໄດ້ລົງນາມລະຫວ່າງມະຫາວິທະຍາໄລ ແລະ ສູນຄົ້ນຄວ້າ. ປະຈຸບັນ ມີນັກສຶກສາ ຫວຽດນາມ ປະມານ 7.000 ຄົນ ທີ່ພວມຮ່ຳຮຽນຢູ່ ຝຣັ່ງ, ໃນນັ້ນ ມີນັກສຶກສາ ດົ່ງນາຍ ຫຼາຍຄົນ.
ມິງດຶກ
