| ຫວຽດນາມ ເດັດດ່ຽວປະຕິເສດຄຳຮຽກສິດທັງໝົດຢູ່ທະເລຕາເວັນອອກ ທີ່ຜິດກົດໝາຍສາກົນ | |
| ຫວຽດນາມ ຫຍັບຂຶ້ນ 11 ອັນດັບໃນບັນຊີລາຍຊື່ບັນດາປະເທດທີ່ມີຄວາມສຸກທີ່ສຸດໃນໂລກ |
ວັນທີ 14 ເມສານີ້, ເມື່ອຕອບຄຳຖາມຂອງນັກຂ່າວທີ່ສະເໜີໃຫ້ຮູ້ກ່ຽວກັບປະຕິກິລິຍາຂອງຫວຽດນາມ ຕໍ່ການຍິງລູກສອນໄຟເຂົ້າໃນດິນແດນ ອິດສະຣາແອນ, ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ເນັ້ນໜັກວ່າ:
ຫວຽດນາມ ມີຄວາມວິຕົກກັງວົນຢ່າງເລິກເຊິ່ງຕໍ່ບັນດາຄວາມຜັນແປທີ່ເຄັ່ງຕຶງຂຶ້ນຢູ່ພາກພື້ນຕາເວັນອອກກາງໃນປະຈຸບັນ, ພິເສດ ແມ່ນບັນດາກະທຳກຳລັງນຳໃຊ້ກຳລັງອາວຸດທີ່ລະເມີດກົດບັດສະຫະປະຊາຊາດ ແລະ ສ້າງຄວາມເສຍຫາຍໃຫ້ແກ່ປະຊາຊົນ.
 |
| ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ (ພາບ: TTXVN). |
ພວກຂ້າພະເຈົ້າຮຽກຮ້ອງໃຫ້ບັນດາຝ່າຍທີ່ກ່ຽວຂ້ອງຕ້ອງລະງັບໃຈ, ແກ້ໄຂບັນດາຄວາມບໍ່ລົງລອຍກັນໂດຍສັນຕິວິທີ, ປະຕິບັດຕາມກົດໝາຍສາກົນ, ກົດບັດສະຫະປະຊາຊາດຢ່າງເຂັ້ມງວດ ແລະ ບັນດາມະຕິທີ່ກ່ຽວຂ້ອງຂອງສະຫະປະຊາຊາດ, ຢຸດຕິບັນດາການກະທຳດັ່ງກ່າວຢ່າງທັນທີ, ເພື່ອຄວາມໝັ້ນຄົງ, ຄວາມປອດໄພ, ສັນຕິພາບ, ສະຖຽນລະພາບຢູ່ພາກພື້ນ ແລະ ໃນໂລກ.
ຕອນຄ່ຳວັນທີ 13 ເມສາ ຕາມເວລາທ້ອງຖິ່ນ, ອີຣານ ໄດ້ປຸກລະດົມການບຸກຈົມຕີຂະໜາດໃຫຍ່ ດ້ວຍເຮືອບິນທີ່ບໍ່ມີຄົນຂັບ (UAV) ແລະ ລູກສອນໄຟເຂົ້າໃສ່ຝ່າຍອິດສະຣາແອນ. ກະຊວງການຕ່າງປະເທດ ຫວຽດນາມ ໄດ້ກ່າວເຕືອນໃຫ້ພົນລະເມືອງ ຫວຽດນາມ ບໍ່ໄປຍັງບັນດາເຂດທີ່ມີການປະທະກັນໂດຍຊົ່ວຄາວ. ພົນລະເມືອງ ຫວຽດນາມ ຢູ່ບໍລິເວນຕ້ອງຕິດຕາມສະພາບການຢ່າງໃກ້ຊິດ; ຕັ້ງໜ້າປະຕິບັດມາດຕະການຮັກສາຄວາມໝັ້ນຄົງ, ຄວາມປອດໄພທີ່ຈຳເປັນ. ປະຕິບັດຕາມລະບຽບການຂອງອຳນາດການປົກຄອງທ້ອງຖິ່ນຢ່າງເຂັ້ມງວດ, ຫ້າມເຕົ້າໂຮມກັນເປັນກຸ່ມໃຫຍ່ ແລະ ຈຳກັດການເດີນທາງໄປມາ. ຕິດຕໍ່ກັບສະຖານທູດ ຫວຽດນາມ ປະຈຳ ອິດສະຣາແອນ ແລະ ສະຖານທູດຫວຽດນາມ ປະຈຳ ອີຣານ ຢ່າງທັນການໃນເວລາທີ່ີປະສົບກັບຄວາມຫຍຸ້ງຍາກ ແລະ ຕ້ອງການຄວາມຊ່ວຍເຫຼືອ.
ພົນລະເມືອງ ຫວຽດນາມ ຢູ່ ອິດສະຣາແອນ ແລະ ອີຣານ ທີ່ຕ້ອງການຄວາມຊ່ວຍເຫຼືອສາມາດຕິດຕໍ່ຫາ:
- ສະຖານທູດ ຫວຽດນາມ ປະຈຳ ອິດສະຣາແອນ ເບີໂທລະສັບ +972-50-818-6116 ແລະ +972-52-727-4248, +972-50-994-0889
- ສະຖານທູດ ຫວຽດນາມ ປະຈຳ ອີຣານ ເບີໂທລະສັບ +98 21 22411670 ແລະ +98 9306 459 865
- ສູນປົກປ້ອງພົນລະເມືອງຂອງກົມກົງສຸນ, ກະຊວງການຕ່າງປະເທດ ທີ່ເບີໂທລະສັບ +84 981 84 84 84.
ມິງດຶກ
