| ເລຂາທິການໃຫຍ່ ອາຊຽນ: ຫວຽດນາມ ຮ່ວມແຮງຮ່ວມໃຈປະກອບສ່ວນອັນໃຫຍ່ຫຼວງໃຫ້ແກ່ຜົນງານໃນຕະຫຼອດ 56 ປີຜ່ານມາຂອງ ອາຊຽນ | |
| ບັນດາປະເທດ ອາຊຽນ ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມ |
ກອງປະຊຸມຄັ້ງນີ້ ມີການເຂົ້າຮ່ວມຂອງບັນດານັກຂ່າວ, ນັກບັນນາທິການຮັບຜິດຊອບສະເພາະກ່ຽວກັບການເຊື່ອມໂຍງສາກົນ, ອາຊຽນ ແລະ UNESCO ທີ່ມາຈາກຫຼາຍອົງການຂ່າວສານສື່ມວນຊົນ.
ຕາມຜູ້ຕາງໜ້າກະຊວງຖະແຫຼງຂ່າວ ແລະ ການສື່ສານ ຫວຽດນາມ ແລ້ວ: ກອງປະຊຸມ ແມ່ນເພື່ອສະໜອງຂໍ້ມູນທິດທາງ ແລະ ເຮັດໃຫ້ເນື້ອໃນເຜີຍແຜ່ໃນບັນດາອົງການສື່ມວນຊົນອຸດົມສົມບູນ, ຜ່ານນັ້ນ ກໍປະກອບສ່ວນເຂົ້າໃນການເພີ່ມທະວີຄວາມເຂົ້າໃຈໃຫ້ແກ່ປະຊາຊົນ ກ່ຽວກັບຂະບວນການ ຫວຽດນາມ ເຂົ້າຮ່ວມ, ປະກອບສ່ວນເຂົ້າໃນການເຄື່ອນໄຫວເຊື່ອມໂຍງສາກົນ.
 |
| ທ່ານ ຈ້ຽວມິງລອງ - ຫົວໜ້າກົມຮ່ວມມືສາກົນ (ກະຊວງຖະແຫຼງຂ່າວ ແລະ ການສື່ສານ ຫວຽດນາມ) ກ່າວຄຳປາໄສທີ່ພິທີເປີດກອງປະຊຸມຝຶກອົບຮົມວຽກງານເຜີຍແຜ່ກ່ຽວກັບການເຊື່ອມໂຍງເຂົ້າກັບສາກົນ, ອາຊຽນ ແລະ UNESCO ໃນວັນທີ 25 ເມສາ. ພາບ: Thuy Duong |
ກ່າວຄຳປາໄສທີ່ເປີດກອງປະຊຸມ, ທ່ານ ຈ້ຽວມິງລອງ - ຫົວໜ້າກົມຮ່ວມມືສາກົນ (ກະຊວງຖະແຫຼງຂ່າວ ແລະ ການສື່ສານ ຫວຽດນາມ) ໃຫ້ຮູ້ວ່າ ການຜັນຂະຫຍາຍການສື່ສານກ່ຽວກັບບັນດາການເຄື່ອນໄຫວທີ່ກ່ຽວຂ້ອງກັບອາຊຽນ ແລະ UNESCO ແມ່ນໜຶ່ງໃນບັນດາໜ້າທີ່ສຳຄັນຂອງການທູດ ຫວຽດນາມ. ບັນດາຂໍ້ມູນລົງເລິກຂະແໜງທີ່ໄດ້ປຶກສາຫາລືໃນກອງປະຊຸມ ແມ່ນແຫຼ່ງຊັບພະຍາກອນທີ່ມີປະໂຫຍດ, ຮັບໃຊ້ວຽກງານການຂ່າວ, ຍົກສູງຄຸນນະພາບຂອງບົດຄວາມກ່ຽວກັບວຽກງານການຕ່າງປະເທດ. “ເຮັດແນວໃດ ເພື່ອເຜີຍແຜ່ຢ່າງເລິກເຊິ່ງ, ດີກວ່າ, ຖືກຕ້ອງ, ໜ້າເຊື່ອຖືກ່ວາກ່ຽວກັບຄວາມເຂົ້າໃຈປິ່ນອ້ອມປະຊາຄົມ ອາຊຽນ ແລະ ບັນດາຫົວຂໍ້ຂອງ UNESCO”, ທ່ານ ຈ້ຽວມິງລອງ ກ່າວຄຳປາໄສ.
ທີ່ກອງປະຊຸມ, ບັນດານັກປາຖະກະຖາ ໄດ້ແຈ້ງຕໍ່ບັນດາຜູ້ແທນ 5 ຫົວຂໍ້ຄື: ແຜນນະໂຍບາຍ, ນະໂຍບາຍຂອງພັກ, ລັດ ກ່ຽວກັບວຽກງານການຕ່າງປະເທດ ພາຍຫຼັງກອງປະຊຸມໃຫຍ່ຄັ້ງທີ XIII ຂອງພັກ. ສະພາບການໂລກ ແລະ ພາກພື້ນ, ບັນດາຜົນກະທົບ ແລະ ອິດທິພົນຕໍ່ ຫວຽດນາມ; ໂຄງການປະຕິບັດງານຂອງຄະນະກຳມະການແຫ່ງຊາດກ່ຽວກັບ UNESCO ແລະ ບັນດາອະນຸກຳມະການ - ຈຸດສຸມບຸລິມະສິດໃນວຽກງານການສື່ສານ; ອະນຸລັກຮັກສາເຂດສະຫງວນຊີວະພາບ ກູລາວຈາມ - ໂຮ້ຍອ່ານ ຕິດພັນກັບການປົກປັກຮັກສາສິ່ງແວດລ້ອມ ແລະ ການພັດທະນາແບບຍືນຍົງ; ຜົນງານການສ້າງສາປະຊາຄົມ ອາຊຽນ, ບົດບາດ ແລະ ທີ່ຕັ້ງຂອງ ອາຊຽນ ໃນສະຖານະການທົ່ວໂລກ ແລະ ການພົວພັນກັບບັນດາຄູ່ຮ່ວມມືຕ່າງປະເທດ. ຈຸດສຸມການຮ່ວມມື ອາຊຽນ ໃນໄລຍະຈະມາເຖິງ ແລະ ທິດທາງການເຂົ້າຮ່ວມຂອງ ຫວຽດນາມ; ການຮ່ວມມື ອາຊຽນ ໃນຂົງເຂດຖະແຫຼງຂ່າວ ແລະ ການສື່ສານ - ວິໄສທັດ 2035: "ການສື່ສານ: ຈາກຂໍ້ມູນໄປເຖິງຄວາມຮູ້ ເພື່ອອາຊຽນ ທີ່ສ້າງຄວາມເຂັ້ມແຂງດ້ວຍຕົນເອງ ແລະ ດັດປັບ".
ຕາມທ່ານ ຫວູຢູຍແທ່ງ, ຮອງຫົວໜ້າກົມກົມນະໂຍບາຍການຕ່າງປະເທດ (ກະຊວງການຕ່າງປະເທດ ຫວຽດນາມ) ແລ້ວ: ໃນບັນດາໝາກຜົນ, ຜົນງານລວມຂອງປະເທດໃນປີ 2023, ວຽກງານການຕ່າງປະເທດ ໄດ້ຮັບການຕີລາຄາວ່າເປັນຈຸດພົ້ນເດັ່ນທີ່ໜ້າປະທັບໃຈ. ຫວຽດນາມ ໄດ້ຍົກລະດັບການພົວພັນກັບຫຼາຍປະເທດ, ໃນນັ້ນ ມີອາເມລິກາ, ຈີນ, ຍີ່ປຸ່ນ...
ໃນສະພາບການໂລກທີ່ພວມປະເຊີນໜ້າກັບຈຸດເວລາບາດລ້ຽວ, ຫັນເປັນສະຖານະພາບຫຼາຍຂົ້ົ້ວ, ຫຼາຍສູນ, ຫຼາຍຂັ້ນຢ່າງວ່ອງໄວກວ່າ, ພ້ອມກັນນັ້ນ ແມ່ນຄວາມຂາດສະຖຽນລະພາບ, ຄວາມບໍ່ຄົງທີ່ ແລະ ຄວາມບໍ່ແນ່ນອນທີ່ເພີ່ມຂຶ້ນ, ຫວຽດນາມ ດ້ວຍຖານະທີ່ເປັນສະມາຊິກທີ່ຕັ້ງໜ້າໃນປະຊາຄົມສາກົນ, ພິເສດແມ່ນ ອາຊຽນ, ຫວຽດນາມ ບໍ່ສາມາດຢືນຢູ່ນອກບັນດາບັນຫາຮ້ອນເຮັ່ງຢູ່ພາກພື້ນ ແລະ ໃນໂລກ. ສື່ມວນຊົນ - ການສື່ສານ ຕ້ອງເລືອກເຟັ້ນເອົາຂໍ້ມູນເພື່ອນຳມາໃຫ້ຜູ້ອ່ານ, ຮັກສາຫຼັກການເຄົາລົບເອກະລາດ, ອະທິປະໄຕຂອງຊາດ, ພ້ອມທັງ ຍົກສູງລັກສະນະສັນຕິພາບ, ມະນຸດສະທຳ. ເປັນໜ້າສົນໃຈແມ່ນຕ້ອງເສີມຂະຫຍາຍນະໂຍບາຍການຕ່າງປະເທດທີ່ຂະຫຍັນຂັນເຄື່ອນ, ເທົ່າທຽມກັນ, ຄວາມມີໄຫວພິບ ແລະ ຄວາມຄ່ອງແຄ້ວຂອງ ຫວຽດນາມ ເຂົ້າໃນວຽກງານການສື່ສານ. ນີ້ແມ່ນຈຸດພົ້ນເດັ່ນທີ່ໄດ້ຮັບການຕີລາຄາສູງຈາກຫາງສຽງສາກົນ ເມື່ອເວົ້າເຖິງການທູດ ຫວຽດນາມ, ປະກອບສ່ວນຮັກສາການພົວພັນອັນດີງາມລະຫວ່າງປະເທດ ຫວຽດນາມ ກັບທຸກປະເທດໃຫຍ່ໃນໂລກ, ສຸມໃສ່ກ້າວເຂົ້າສູ່ລວງເລິກ, ຄວາມໝັ້ນຄົງ ແລະ ຍືນຍົງ.
ຕາມທ່ານ ຈ້ຽວມິງລອງ ແລ້ວ, ວິໄສທັດ ອາຊຽນ 2035 ຈະຖືເອົາຄວາມຮູ້ເປັນກຳລັງຂັບເຄື່ອນ, ການຫັນເປັນດິຈິຕອນສ້າງຄຸນຄ່າຕື່ມ, ມອບສິດ ແລະ ປັບປຸງຊີວິດການເປັນຢູ່ໃຫ້ເປັນປະຊາຊົນໃຫ້ “ເຂັ້ມແຂງ”, “ກຸ້ມຕົນເອງ” ແລະ “ຂະຫຍັນຂັນເຄື່ອນ”.
ກ່ອນໜ້ານັ້ນ, ກອງປະຊຸມລັດຖະມົນຕີກະຊວງຖະແຫຼງຂ່າວ ອາຊຽນ (AMRI) ຄັ້ງທີ 16 ໄດ້ດຳເນີນຢູ່ນະຄອນ ດ່ານັງ ໃນເດືອນກັນຍາ 2023 ດ້ວຍຫົວຂໍ້ “ການສື່ສານ: ຈາກຂໍ້ມູນໄປສູ່ຄວາມຮູ້ເພື່ອ ອາຊຽນ ສ້າງຄວາມເຂັ້ມແຂງດ້ວຍຕົນເອງ ແລະ ດັດປັບ” ໄດ້ກຳນົດບົດບາດ, ພາລະກິດ ແລະ ເປີດພື້ນທີ່ໃໝ່ໃຫ້ແກ່ຂົງເຂດຖະແຫຼງຂ່າວ ແລະ ການສື່ສານໃນ ອາຊຽນ. ນີ້ແມ່ນການຫັນຂໍ້ມູນໃຫ້ເປັນຄວາມຮູ້ທີ່ເປັນປະໂຫຍດ ເພື່ອໜູນຊ່ວຍວິສາຫະກິດ, ຍົກສູງການຫາລ້ຽງຊີບ ແລະ ຊີວິດການເປັນຢູ່ຂອງປະຊາຊົນ, ຫຼຸດຜ່ອນຜົນກະທົບຂອງຂໍ້ມູນຂ່າວທີ່ຫຍໍ້ທໍ້ ແມ່ນຄວາມຕ້ອງການອັນຮີບດ່ວນໃນປະຈຸບັນ, ທັງໃນລະດັບຊາດ, ພາກພື້ນ ແລະ ສາກົນ, ໃນນັ້ນ ມີ ອາຊຽນ.
"ບັນດາອົງການສື່ມວນຊົນ ຕ້ອງປ່ຽນແປງວິທີການຜະລິດເນື້ອໃນ ແລະ ນຳສະເໜີຂ່າວ: ບໍ່ພຽງແຕ່ສະຫນອງຂໍ້ມູນຂ່່າວ, ສະຖານະການຕໍ່ຜູ້ອ່ານ, ເຊິ່ງຜ່ານນັ້ນ ຍັງມີຄວາມຮັບຜິດຊອບໃນການຍົກສູງຄວາມຮູ້, ທັກສະ, ພິເສດແມ່ນທັກສະດິຈິຕອນ, ເຜີຍແຜ່ຄວາມຮູ້ໃຫ້ແກ່ປະຊາຊົນ. ນອກຈາກຂໍ້ມູນຂ່າວ, ສະຖານະການ, ເຫດການແລ້ວ ຍັງຕ້ອງມີບັນດາບົດວິເຄາະ, ຕີລາຄາຫຼາຍສົ້ນກ່ຽວກັບບັນດາເຫດການ", ທ່ານ ຈ້ຽວມິງລອງ ສະເໜີແນະ.
ທີ່ກອງປະຊຸມ, ບັນດານັກປາຖະກະຖາ ກໍໄດ້ປຶກສາຫາລືກັບຖັນແຖວນັກຂ່າວ, ນັກບັນນາທິການກ່ຽວກັບບັນດາບັນຫາຄື: ວິໄສທັດປີ 2035 ໃນຂົງເຂດຖະແຫຼງຂ່າວ ແລະ ການສື່ສານ ອາຊຽນ, ລາຍລະອຽດຂອງລາຍການວຽກງານຂອງຄະນະກໍາມະການແຫ່ງຊາດກ່ຽວກັບ UNESCO ແລະ ບັນດາອະນຸກຳມະການກັບຈຸດສຸມບູລິມະສິດໃນວຽກງານການສື່ສານ, ໂດຍຜ່ານຕົວຢ່າງພົ້ນເດັ່ນຂອງການເຜີຍແຜ່ການອະນຸລັກເຂດສະຫງວນຊີວະພາບ ກູລາວຈາມ - ໂຮ້ຍອ່ານ ຕິດພັນກັບການປົກປັກຮັກສາສິ່ງແວດລ້ອມ ແລະ ການພັດທະນາແບບຍືນຍົງ..
ບັນດາຂໍ້ມູນ ໂດຍບັນດານັກປາຖະກະຖາໄດ້ສະໜອງທີ່ກອງປະຊຸມ ຈະປະກອບສ່ວນເພື່ອເຮັດໃຫ້ເນື້ອໃນເຜີຍແຜ່ໃນບັນດາຊ່ອງສື່ມວນຊົນອຸດົມສົມບູນ, ຍົກສູງຄຸນນະພາບຜະລິດຕະພັນສື່ມວນຊົນຂອງບັນດາອົງການສື່ສານສື່ມວນຊົນໃຫ້ດີກວ່າອີກ.
ມິງດຶກ
