ເພີ່ມທະວີການຮ່ວມມືໃນຂົງເຂດການຄຸ້ມຄອງທ້ອງຕະຫຼາດລະຫວ່າງ ຫວຽດນາມ ແລະ ລາວ

ຍສໝ - ໃນຂອບເຂດການປະຕິບັດງານຢູ່ນະຄອນຫຼວງວຽງຈັນ, ລາວ ນັບແຕ່ວັນທີ 6 – 8 ເມສາ 2024 ຂອງຄະນະປະຕິບັດງານກະຊວງອຸດສາຫະກຳ ແລະ ການຄ້າ ຫວຽດນາມ, ວັນທີ 8 ເມສາ 2024, ກົມໃຫຍ່ການຄຸ້ມຄອງທ້ອງຕະຫຼາດ ໄດ້ລົງນາມໃນບົດບັນທຶກຊ່ວຍຈຳກັບກົມແຂ່ງຂັນທຸລະກິດ ແລະ ກວດກາການຄ້າ, ກະຊວງອຸດສາຫະກຳ ແລະ ການຄ້າ ລາວ ເພື່ອສົມທົບກັນໃນການປ້ອງກັນ, ຕ້ານການລະເມີດກົດໝາຍໃນທຸລະກິດ, ການຄ້າ; ປົກປັກຮັກສາສິດຜູ້ບໍລິໂພກ ແລະ ເພີ່ມທະວີການຮ່ວມມືໃນຂົງເຂດການຄຸ້ມຄອງທ້ອງຕະຫຼາດລະຫວ່າງສອງປະເທດ.

	ຍົກສູງປະສິດທິຜົນການຮ່ວມມືໃນການໜູນຊ່ວຍດ້ານຍຸຕິທຳກ່ຽວກັບຄະດີແພ່ງລະຫວ່າງ ຫວຽດນາມ ແລະ ລາວ
	ພີ່ມທະວີການຮ່ວມມື, ພົບພະແລກປ່ຽນປະຊາຊົນລະຫວ່າງບັນດາທ້ອງຖິ່ນຂອງ ຫວຽດນາມ ກັບແຂວງ ກວາງຊີ (ຈີນ)

ນີ້ແມ່ນ 1 ໃນ 3 ບົດບັນທຶກທີ່ໄດ້ຮັບການລົງນາມຢ່າງສຳເລັດຜົນໃນຂອບເຂດການປະຕິບັດງານຂອງຄະນະປະຕິບັດງານກະຊວງອຸດສາຫະກຳ ແລະ ການຄ້າ ຫວຽດນາມ ປະຈຳ ນະຄອນຫຼວງວຽງຈັນ (ລາວ), ໂດຍທ່ານລັດຖະມົນຕີ ຫງວຽນຮົ່ງຢ່ຽນ ເປັນນຳ.

ພິທີລົງນາມ ທີ່ໄດ້ຮັບການປະຕິບັດໂດຍມີການເປັນສັກຂີພະຍານຂອງທ່ານລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ຫງວຽນຮົ່ງຢ່ຽນ, ທ່ານລັດຖະມົນຕີກະຊວງອຸດສາຫະກຳ ການຄ້າ ລາວ ມາເລທອງ ກົມມະສິດ ແລະ ຜູ້ຕາງໜ້າການນຳບັນດາຫົວໜ່ວຍຂຶ້ນກັບກະຊວງອຸດສາຫະກຳ ແລະ ການຄ້າ 2 ປະເທດ.

ເພີ່ມທະວີການຮ່ວມມືໃນຂົງເຂດການຄຸ້ມຄອງທ້ອງຕະຫຼາດລະຫວ່າງ ຫວຽດນາມ ແລະ ລາວ

ທ່ານຫົວໜ້າກົມໃຫຍ່ ເຈີ່ນຫິວລິງ ແລະ ກົມແຂ່ງຂັນທຸລະກິດ ແລະ ກວດກາການຄ້າ ລາວ ຜັນຂະຫຍາຍລົງນາມໃນຄຳໝັ້ນສັນຍາ ໂດຍມີການເປັນສັກຂີພະຍານຂອງລັດຖະມົນຕີຂອງສອງກະຊວງ.

ຕາມເນື້ອໃນບົດບັນທຶກຊ່ວຍຈຳທີ່ໄດ້ລົງນາມລະຫວ່າງກົມໃຫຍ່ການຄຸ້ມຄອງທ້ອງຕະຫຼາດຫວຽດນາມ ແລະ ກົມແຂ່ງຂັນທຸລະກິດ ແລະ ກວດກາການຄ້າ ລາວ ແລ້ວ, 2 ຝ່າຍຈະເພີ່ມທະວີການຮ່ວມມືໃນ 4 ເນື້ອໃນຕົ້ນຕໍ, ລວມມີ: ແລກປ່ຽນຂໍ້ມູນກ່ຽວກັບນະໂຍບາຍ, ກົດໝາຍທີ່ກ່ຽວຂ້ອງກັບການຈັດຕັ້ງ, ການເຄື່ອນໄຫວຂອງແຕ່ລະຝ່າຍ; ໜຸ່ມຊ່ວຍການຝຶກອົບຮົມ, ບຳລຸງວິຊາສະເພາະກ່ຽວກັບການຄຸ້ມຄອງທ້ອງຕະຫຼາດໃຫ້ແກ່ພະນັກງານລັດຖະກອນຂອງແຕ່ລະຝ່າຍ; ແບ່ງປັນຂໍ້ມູນ, ປະສົບການໃນການປ້ອງກັນ, ຕ້ານ, ແກ້ໄຂບໍລິຫານສຳລັບບັນດາກະທຳລະເມີດກົດໝາຍໃນທຸລະກິດ, ການຄ້າ ແລະ ການປົກປ້ອງສິດຜູ້ບໍລິໂພກ; ສົມທົບກັນເພື່ອສະກັດກັ້ນ, ຕໍ່ສູ້ເພື່ອຕ້ານການຄ້າເຖື່ອນ, ລັກໂລບການຄ້າ, ຂົນສົ່ງສິນຄ້າຢ່າງຜິດກົດໝາຍຂ້າມຊາຍແດນລະຫວ່າງສອງປະເທດ.

ປະຈຳປີ ຫຼື ແຕ່ລະໄລຍະ, ບັນດາຝ່າຍຈະປຶກສາຫາລື ແລະ ຕັດສິນໃຈກ່ຽວກັບບັນດາຮູບການຮ່ວມມືສະເພາະກ່ຽວກັບບັນດາຂັ້ນຕອນ, ລະບຽບກົດໝາຍທີ່ພວມນຳໃຊ້ຂອງແຕ່ລະປະເທດ ແລະ ບຸລິມະສິດຍຸດທະສາດຂອງບັນດາຝ່າຍ, ພິເສດແມ່ນສອງຝ່າຍຈະສຸມໃສ່ແລກປ່ຽນ, ແບ່ງປັນຂໍ້ມູນ, ປະສົບການ ແລະ ບັນດາບັນຫາທີ່ໄດ້ຮັບຄວາມສົນໃຈສອງຝ່າຍໃນຂົງເຂດການຄຸ້ມຄອງທ້ອງຕະຫຼາດ.

ກົມໃຫຍ່ການຄຸ້ມຄອງທ້ອງຕະຫຼາດ ຫວຽດນາມ ໜຸ່ມຊ່ວຍກົມແຂ່ງຂັນທຸລະກິດ ແລະ ກວດກາການຄ້າ, ແລະບັນດາໜ່ວຍງານທີ່ກ່ຽວຂ້ອງຂຶ້ນກັບກະຊວງອຸດສາຫະກຳ ແລະ ການຄ້າ ລາວ ໃນການກໍ່ສ້າງກົນໄກນະໂຍບາຍສຸມໃສ່, ເຫັນດີເປັນເອກະພາບໃນການເຄື່ອນໄຫວປົກປັກຮັກສາຄວາມເປັນລະບຽບຮຽບຮ້ອຍດ້ານການຄຸ້ນຄອງລັດ ແລະ ການປ້ອງກັນ, ຕ້ານການລະເມີດກົດໝາຍໃນທຸລະກິດ, ການຄ້າ; ປົກປ້ອງສິດທິຂອງຜູ້ບໍລິໂພກ.

2 ຝ່າຍຈະສົມທົບກັນຢ່າງເປັນປະຈຳ ແລະ ໜູນວຽນເພື່ອຈັດຕັ້ງບັນດາການເຄື່ອນໄຫວບຳລຸງສ້າງ, ບຳລຸງຄວາມຮູ້, ເຝິກອົບຮົມ ເພື່ອຍົກສູງກຳລັງຄວາມສາມາດກ່ຽວກັບວິຊາສະເພາະປົກປັກຮັກສາຄວາມເປັນລະບຽບຮຽບຮ້ອຍດ້ານການຄຸ້ນຄອງລັດແລະ ການປ້ອງກັນ, ຕ້ານການລະເມີດກົດໝາຍໃນທຸລະກິດ, ການຄ້າ; ປົກປ້ອງສິດທິຂອງຜູ້ບໍລິໂພກ, ໃຫ້ແກ່ພະນັກງານ-ລັດຖະກອນຂອງທຸກຝ່າຍ.

ສອງຝ່າຍ ໄດ້ປະຕິບັດການແລກປ່ຽນຂໍ້ມູນເອກະສານກົດໝາຍອື່ນໆຕາມກຳນົດກົດໝາຍຂອງແຕ່ລະຝ່າຍ.

ການລົງນາມໃນສັນຍາຮ່ວມມືລະຫວ່າງສອງປະເທດໃນຂົງເຂດຄຸ້ມຄອງທ້ອງຕະຫຼາດ ເວົ້າສະເພາະ ແລະ ບັນດາຂົງເຂດອື່ນໆຂຶ້ນກັບກະຊວງອຸດສາຫະກຳ ແລະ ການຄ້າຂອງສອງປະເທດ ເວົ້າລວມ ຈະເປັນຈຸດພົ້ນເດັ່ນທີ່ສຳຄັນ ເພື່ອປະກອບສ່ວນເປີດກວ້າງພື້ນທີ່ການຮ່ວມມື, ສ້າງບຸກທະລຸໃນການພົວພັນດ້ານການຄ້າ, ພິເສດແມ່ນໃນເວລາທີ່ປະຊາຊົນ ລາວ ກະກຽມຕ້ອນຮັບບຸນເຕັດພື້ນເມືອງຊາດ (14 ເມສາ).

ກ່ອນໜ້ານັ້ນ, ນັບແຕ່ວັນທີ 7 – 10 ທັນວາ 2023, ຜັນຂະຫຍາຍລາຍການການຮ່ວມມືລະຫວ່າງກະຊວງອຸດສາຫະກຳ ແລະ ການຄ້າ ຫວຽດນາມ ແລະ ກະຊວງອຸດສາຫະກຳ ແລະ ການຄ້າ ລາວ, ທີ່ໄດ້ຮັບການຕົກລົງຂອງທ່ານລັດຖະມົນຕີ ນາງ ຫງວຽນຮົ່ງຢ່ຽນ, ຄະນະປະຕິບັດງານຂອງກົມໃຫຍ່ການຄຸ້ມຄອງທ້ອງຕະຫຼາດ ໂດຍທ່ານຫົວໜ້າກົມໃຫຍ່ ເຈີ່ນຫິວລິງ ເປັນຫົວໜ້າ ທີ່ກໍ່ໄດ້ເຂົ້າຮ່ວມກອງປະຊຸມກ່ຽວກັບການແລກປ່ຽນປະສົບການ, ຊຸກຍູ້ການຮ່ວມມືໃນຂົງເຂດຄຸ້ມຄອງທ້ອງຕະຫຼາດລະຫວ່າງກະຊວງອຸດສາຫະກຳ ແລະ ການຄ້າ ຫວຽດນາມ ກັບ ກະຊວງອຸດສາຫະກຳ ແລະ ການຄ້າຂອງ ລາວ.

ໃນລາຍການເຮັດວຽກ, ຄະນະປະຕິບັດງານຂອງກົມໃຫຍ່ຄຸ້ມຄອງທ້ອງຕະຫຼາດ ໄດ້ໄປຢ້ຽມຂ່ຳນັບທ່ານ ລັດຖະມົນຕີກະຊວງອຸດສາຫະກຳ ແລະ ການຄ້າ ລາວ ມາເລທອງ ກົມມະສິດ. ທີ່ການຢ້ຽມຂ່ຳນັບ, ທ່ານ ລັດຖະມົນຕີກະຊວງ ມາເລທອງ ກົມມະສິດ ແລະ ທ່ານຫົວໜ້າກົມໃຫຍ່ ເຈີ່ນຫິວລິງ ໄດ້ພ້ອມປຶກສາຫາລືສຳມະນາກ່ຽວກັບເນື້ອໃນບົດບັນທຶກຊ່ວຍຈຳກ່ຽວກັບການສ້າງເງື່ອນໄຂສະດວກໃຫ້ແກ່ການເຄື່ອນໄຫວຮ່ວມມືໃນຂົງເຂດຄຸ້ມຄອງທ້ອງຕະຫຼາດ, ຂຶ້ນກັບຂອບເຂດຄວາມຮັບຜິດຊອບຂອງແຕ່ລະຝ່າຍໃນການປະຕິບັດງານປົກປັກຮັກສາຄວາມເປັນລະບຽບຮຽບຮ້ອຍດ້ານການຄຸ້ມຄອງລັດ, ການປ້ອງກັນ, ຕ້ານ, ແກ້ໄຂການບໍລິຫານກ່ຽວກັບກະທຳລະເມີດກົດໝາຍໃນທຸລະກິດ, ການຄ້າ ແລະ ປົກປ້ອງສິດທິຂອງຜູ້ບໍລິໂພກ.

ກໍໃນຂອບເຂດການປະຕິບັດງານ, ຄະນະກົມໃຫຍ່ຄຸ້ມຄອງທ້ອງຕະຫຼາດ ໄດ້ມີລາຍການເຮັດວຽກໂດຍກົງກັບ 9 ຫົວໜ່ວຍຂຶ້ນກັບກະຊວງອຸດສາຫະກຳ ແລະ ການຄ້າ ລາວ ແລະ ເຊື່ອມຕໍ່ທາງອອນລາຍກັບ 17 ພະແນກອຸດສາຫະກຳ ແລະ ການຄ້າ ລາວ ເພື່ອປຶກສາຫາລືກ່ຽວກັບການຮ່ວມມືຕ້ານຄ້າເຖື່ອນສິນຄ້າ, ລັກໂລບການຄ້າສິນຄ້າປອມຜ່ານດ່ານຊາຍແດນຂອງສອງປະເທດ, ພ້ອມກັນນັ້ນ, ສອງຝ່າຍຍັງໄດ້ປຶກສາຫາລືກ່ຽວກັບກົນໄກນະໂຍບາຍປັບໄໝສຳລັບບັນດາກະທຳລະເມີດຢູ່ທ້ອງຕະຫຼາດ.

ໂດຍພິເສດ, ໃນຂອບເຂດລາຍການເຮດວຽກ, ຄະນະປະຕິບັດງານຂອງກົມໃຫຍ່ຄຸ້ມຄອງທ້ອງຕະຫຼາດ ໄດ້ມີກອງປະຊຸມເຮັດວຽກໂດຍກົງກັບກົມແຂ່ງຂັນທຸລະກິດ ແລະ ກວດກາການຄ້າ ລາວ ເພື່ອແລກປ່ຽນ, ແບ່ງປັນປະສົບການໃນຂົງເຂດຄຸ້ມຄອງທ້ອງຕະຫຼາດ. ຢູ່ທີ່ນີ້, ການນຳຂອງສອງຫົວໜ່ວຍ ກໍໄດ້ເເບ່ງປັນບັນດາປະສົບການກ່ຽວກັບການເຄື່ອນໄຫວຕ້ານການຄ້າເຖື່ອນລັກໂລບການຄ້າ ແລະ ສິນຄ້າປອມຢູ່ເຂດຊາຍແດນລະຫວ່າງສອງປະເທດ; ບົດຮຽນກ່ຽວກັບວິຊາສະເພາະການຄຸ້ມຄອງທ້ອງຕະຫຼາດ ຫວຽດນາມ ໃນການເກັບກຳສືບສວນ, ກວດກາຢັ້ງຢືນຂໍ້ມູນ, ຕິດຕາມ, ກໍ່ສ້າງພື້ນຖານສະໜອງຂໍ້ມູນ; ວິທີການຈໍາແນກລະຫວ່າງສິນຄ້າປອມ ແລະ ສິນຄ້າທີ່ແທ້ຈິງ ແລະ ວິທີແກ້ໄຂ.

ມິງດຶກ