| ຍົກສູງປະສິດທິຜົນການຮ່ວມມືລະຫວ່າງ ຫວຽດນາມ ແລະ ແຟງລັງ ໃນບັນດາຂົງເຂດ | |
| ຫວຽດນາມ ຫຍັບຂຶ້ນ 11 ອັນດັບໃນບັນຊີລາຍຊື່ບັນດາປະເທດທີ່ມີຄວາມສຸກທີ່ສຸດໃນໂລກ |
ໂດຍເຂົ້າຮ່ວມລາຍການ ມີຜູ້ຕາງໜ້າຂອງສະຖານທູດບັນດາປະເທດທີ່ເວົ້າພາສາ ແອັດສະປາຍ ປະຈຳຫວຽດນາມ ລວມມີ: ສາທາລະນະລັດ ຊີເລ, ສາທາລະນະລັດ ໂກໂລມບີ, ສາທາລະນະລັດ ກູບາ, ສາທາລະນະລັດ ໂດມີນິກ, ສະຫະພັນ ເມັກຊິກ, ສາທາລະນະລັດ ປານາມາ, ສາທາລະນະລັດ ເປຣູ, ລາຊະອານາຈັກ ແອັດສະປາຍ, ສາທາລະນະລັດ ແອນຊານວາດໍ, ສາທາລະນະລັດ ອູຣູກວາຍ ຕາເວັນອອກ, ສາທາລະນະລັດ ໂບລິວາຣີ ເວເນຊູເອລາ, ສະມາຄົມມິດຕະພາບ ຫວຽດນາມ - ກູບາ ນະຄອນ ຮ່າໂນ້ຍ, ສະມາຄົມມິດຕະພາບ ຫວຽດນາມ - ແອັດສະປາຍ ນະຄອນ ຮ່າໂນ້ຍ.
ກ່າວຄຳປາໄສທີ່ເປີດລາຍການ, ທ່ານ ຫງວຽນຕ໋ຽນຢູ້ງ, ຮອງອຳນວຍການໂຮງຮຽນມະຫາວິທະຍາໄລ ຮ່າໂນ້ຍ ໃຫ້ຮູ້ວ່າ ການຮູ້ພາສາ ແອັດສະປາຍ ຊ່ວຍໃຫ້ນັກສຶກສາແຕ່ລະຄົນເປີດປະຕູກ້າວເຖິງ 21 ປະເທດທີ່ຕັ້ງຢູ່ 3 ທະວີບຕ່າງກັນດ້ວຍບັນດາຈຸດວັດທະນະທຳທີ່ເປັນເອກະລັກພິເສດ.
 |
| ຮ້ານ ເປຣູ ທີ່ສັບປະດາວັດທະນະທໍາຂອງບັນດາປະເທດທີ່ເວົ້າພາສາ ແອັດສະປາຍ ໃນປີ 2024. (ພາບ: hanu.vn) |
ສັບປະດາວັດທະນະທຳປີນີ້ ບໍ່ພຽງແຕ່ຈະຊ່ວຍຮັດແໜ້ນສາຍພົວພັນມິດຕະພາບລະຫວ່າງມະຫາວິທະຍາໄລ ຮ່າໂນ້ຍ ແລະ ສະຖານທູດບັນດາປະເທດທີ່ເວົ້າພາສາ ແອັດສະປາຍ ເທົ່ານັ້ນ, ຫາກຍັງຊ່ວຍໃຫ້ບັນດານັກສຶກສາຂອງມະຫາວິທະຍາໄລ ມີການລົງຕົວຈິງທີ່ໜ້າສົນໃຈ ແລະ ສະແດງອອກເຖິງຄວາມເຂົ້າໃຈຂອງຕົນກ່ຽວກັບວັດທະນະທໍາຂອງບັນດາປະເທດທີ່ເວົ້າພາສາ ແອັດສະປາຍ. ຜ່ານນັ້ນ, ກໍ່ປະກອບສ່ວນເຂົ້າໃນຂະບວນການຊຸກຍູ້ການເຊື່ອມຕໍ່, ເປີດກ້ວາງການພົວພັນທາງການທູດ, ການຄ້າ ແລະ ການແລກປ່ຽນວັດທະນະທຳລະຫວ່າງ ຫວຽດນາມ ແລະ ບັນດາປະເທດທີ່ເວົ້າພາສາ ແອັດສະປາຍ.
ເຫດການສັບປະດາວັດທະນະທໍາຂອງບັນດາປະເທດພາສາທີ່ເວົ້າພາສາ ແອັດສະປາຍ ໃນປີ 2024 ມີຫຼາຍການເຄື່ອນໄຫວທີ່ອຸດົມສົມບູນແຕກຕ່າງກັນເຊັ່ນ: ບັນດາການໂອ້ລົມກ່ຽວກັບປະເທດຊາດ, ວັດທະນະທໍາ ແລະ ປະຊາຊົນຂອງບັນດາປະເທດທີ່ເວົ້າພາສາ ແອັດສະປາຍ; ບັນດາການສະແດງຮູບເງົາ; ບັນດາການແຂ່ງຂັນພາກສຽງ ແລະ ການແຂ່ງຂັນເວົ້າພາສາ ແອັດສະປາຍ ເກັ່ງ; ບັນດາຊຸດຮຽນປຸງແຕ່ງອາຫານທີ່ເປັນເອກະລັກສະເພາະຂອງບັນດາປະເທດທີ່ເວົ້າພາສາ ແອັດສະປາຍ; ຮ້ານຂາຍອາຫານຂອງບັນດາປະເທດທີ່ເວົ້າພາສາ ແອັດສະປາຍ; ການສະແດງສິລະປະ...
ຕາມການນຳຂອງໂຮງຮຽນແລ້ວ, ສັບປະດາວັດທະນະທຳຂອງບັນດາປະເທດເວົ້າພາສາ ແອັດສະປາຍ ແມ່ນການເຄື່ອນໄຫວເປັນປະຈຳ ເຊິ່ງໄດ້ຈັດຕັ້ງໃນເດືອນ ເມສາ ຂອງແຕ່ລະປີຢູ່ມະຫາວິທະຍາໄລ ຮ່າໂນ້ຍ. ເຫດການດັ່ງກ່າວ ຊ່ວຍໃຫ້ນັກສຶກສາທີ່ພວມຮຽນຢູ່ພະແນກພາສາ ແອັດສະປາຍ ໄດ້ຍົກສູງທັກສະການສື່ສານ; ເປີດກ້ວາງຄວາມຮູ້ກ່ຽວກັບວັດທະນະທໍາ, ສັງຄົມ, ປະເທດຊາດ ແລະ ປະຊາຊົນຂອງບັນດາປະເທດທີ່ເວົ້າພາສາ ແອັດສະປາຍ. ພ້ອມກັນນັ້ນ, ເຫດການນີ້ ຍັງຊ່ວຍເຊື່ອມຕໍ່ບັນດາຄູອາຈານ, ລຸ້ນນັກສຶກສາ ແລະ ຜູ້ທີ່ສົນໃຈ, ຮັກພາສາ ແອັດສະປາຍ ໄດ້ມີໂອກາດຊອກຮູ້ກ່ຽວກັບພາສາ, ເອກະລັກວັດທະນະທຳຂອງບັນດາປະເທດທີ່ເວົ້າພາສາ ແອັດສະປາຍ ນຳອີກ.
ມິງດຶກ
