| ບຳລຸງພາສາ ລາວ ໃຫ້ພະນັກງານ-ລັດຖະກອນແຂວງ ດ້ຽນບຽນ | |
| ຄຶກຄື້ນຟ້ອນແຊ ຊາວເຜົ່າຜູ້ໄທ ຢູ່ ດ້ຽນບຽນ ທີ່ງານບຸນດອກສ້ຽວປ່າ 2024 |
ສະຫາຍ ນາງ ຫງວຽນທູ໋ຍແອງ, ຫົວໜ້າກໍາມາທິການສັງຄົມຂອງສະພາແຫ່ງຊາດ ຫວຽດນາມ, ປະທານສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ເປັນຫົວໜ້າຄະນະປະຕິບັດງານ.
 |
| ຄະນະຜູ້ແທນ ໄດ້ໄປຢ້ຽມຢາມ ແລະ ມອບຂອງຂວັນໃຫ້ບັນດານັກຮົບ ດ້ຽນບຽນ ທີ່ເຂົ້າຮ່ວມບັ້ນຮົບປະຫວັດສາດ ດ້ຽນບຽນຝູ. |
ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ພ້ອມກັນກັບບັນດາຫົວໜ່ວຍສົມທົບ ໄດ້ຈັດຕັ້ງການເດີນທາງໄປ ເພື່ອສະແດງຄວາມຮູ້ບຸນຄຸນຕໍ່ບັນດາວິລະຊົນ, ນັກຮົບເສຍສະຫຼະຊີວິດເພື່ອຊາດ, ນັກຮົບ ແລະ ປະຊາຊົນ ດ້ຽນບຽນ ທີ່ເສຍສະຫຼະເລືອດເນື້ອ ເພື່ອເອກະລາດ, ອິດສະລະພາບຂອງປະເທດຊາດ ພ້ອມກັນນັ້ນ ກໍ່ແບ່ງປັນ, ປະກອບສ່ວນຮ່ວມມືພ້ອມກັນກັບປະຊາຊົນບັນດາເຜົ່າກໍ່ສ້າງແຂວງ ດ້ຽນບຽນ ເວົ້າລວມ ແລະ ເມືອງ ດ້ຽນບຽນດົງ ເວົ້າສະເພາະ.
ບັນດາຫົວໜ່ວຍ ໄດ້ລະດົມທຶນກວ່າ 1,55 ຕື້ດົ່ງ ເພື່ອມອບຂອງຂວັນທີ່ມີຄວາມໝາຍຫຼາຍຢ່າງ, ໜູນຊ່ວຍການກໍ່ສ້າງບ້ານວັດທະນະທໍາ 2 ຫຼັງ, ມອບຂອງຂວັນໃຫ້ນັກຮຽນຜ່ານຜ່າຄວາມຫຍຸ້ງຍາກ 100 ຄົນ, ໜູນຊ່ວຍອຸປະກອນການແພດ, ປະກອບສ່ວນເພີ່ມແຫຼ່ງທຶນໃຫ້ແກ່ກອງທຶນສົ່ງເສີມການສຶກສາຂອງເມືອງ, ກສ້າງຕູ້ປື້ມເຍົາວະຊົນໃຫ້ບັນດາຕາແສງ, ເທດສະບານ, ມອບຂອງຂວັນໃຫ້ຄອບຄົວຜູ້ດ້ອຍໂອກາດ.
ພິເສດ, ຄະນະ ໄດ້ໄປຢ້ຽມຢາມ ແລະ ມອບຂອງຂວັນໃຫ້ບັນດານັກຮົບ ດ້ຽນບຽນ ທີ່ເຂົ້າຮ່ວມບັ້ນຮົບປະຫວັດສາດ ດ້ຽນບຽນຝູ, ໄດ້ຈັດຕັ້ງການກວດພະຍາດໂດຍບໍ່ເສຍຄ່າ, ແຈກຢາຍຢຸກຢາ ແລະ ມອບຂອງຂວັນໃຫ້ປະຊາຊົນທີ່ຂຶ້ນກັບຄອບຄົວທີ່ມີຜົນງານການປະຕິວັດ, ຜູ້ເຖົ້າຜູ້ແກ່ທີ່ຢູ່ໂດດດ່ຽວ ຫຼື ບັນດາຄອບຄົວທີ່ຫຍຸ້ງຍາກ 300 ຄົນ.
ມິງດຶກ
