| ນະຄອນໂຮ່ຈີມິນເລີ່ມເບີກຈ່າຍເງິນໜູນຊ່ວຍ 7,3 ລ້ານຄົນນັບແຕ່ທ້າຍອາທິດນີ້. | |
| VKBIA ສືບຕໍ່ໜູນຊ່ວຍຢາ 5000 ຖົງໃຫ້ແກ່ຜູ້ຕິດເຊື້ອ (F0) ຢູ່ນະຄອນໂຮ່ຈີມິນ |
 |
| ສ້າງເຄືອຂ່າຍຜະດຸງຄັນ ຢູ່ບັນດາເຂດຊົນເຜົ່າສ່ວນໜ້ອຍ, ເຂດຫ່າງໄກສອກຫຼີກ (ພາບ: TTXVN) |
ໂຄງການ “ບໍໍ່ປະໃຫ້ຜູ້ໃດຖືກຕົກຢູ່ທາງຫຼັງ: ບັນດາການແຊກແຊງ, ປ່ຽນແປງໃໝ່, ປະດິດຄິດສ້າງ ເພື່ອແນໃສ່ຫຼຸດຜ່ອນສະພາບການເສຍຊີວິດຂອງຜູ້ເປັນແມ່ທີ່ແມ່ນຊົນເຜົ່າສ່ວນໜ້ອຍ ຢູ່ ຫວຽດນາມ” ໂດຍກອງທຶນປະຊາກອນ ສປຊ (UNFPA) ປະຈຳ ຫວຽດນາມ, ບໍລິສັດການຢາຊີວະສາດ ນາໆຊາດ Merck Sharp & Dohme-MSD HH ແລະ ກອງທຶນ MSD ສຳລັບຜູ້ເປັນແມ່ ລົງນາມ, ເລີ່ມດຳເນີນດ້ວຍຈຳນວນເງິນອຸປະຖຳກ່ວາ 2 ລ້ານ USD ໃນໄລຍະເວລາ 3 ປີ (ນັບແຕ່ເດືອນ ມິຖຸນາ ປີ 2021).
ກ່າວຄຳເຫັນທີ່ເຫດການ, ທ່ານນາງ Naomi Kitahara ຫົວໜ້າຜູ້ຕາງໜ້າ UNFPA ປະຈຳ ຫວຽດນາມ ໃຫ້ຮູ້ວ່າ: ຫວຽດນາມ ບັນລຸໄດ້ຄວາມຄືບໜ້າຫຼາຍພໍສົມຄວນໃນການປັບປຸງສຸຂະພາບການເກີດລູກ - ການເພດສຳພັນຂອງປະຊາຊົນ ໃນ 20 ປີຜ່ານມາ, ແລະແມ່ນໜຶ່ງໃນ 6 ປະເທດອັນໜຶ່ງດຽວໃນໂລກ ທີ່ບັນລຸໄດ້ເປົ້າໝາຍພັດທະນາສະຫັດສະວັດ ເລກທີ 5 ((MDG5) ກ່ຽວກັບການຫຼຸດຜ່ອນສະພາບການເສຍຊີວິດຂອງຜູ້ເປັນແມ່ ເມື່ອປີ 2015.
ເຖິງຢ່າງໃດກໍຕາມ, ຍັງມີຄວາມຄົງຄ້າງຄວາມຜິດດ່ຽງ ແລະ ບໍ່ມີຄວາມສະເໝີພາບໃນການສຳຜັດ, ນຳໃຊ້ບັນດາການບໍລິການເບິ່ງແຍງດູແລສຸຂະພາບໃນການເກີດລູກ - ການເພດສຳພັນ ລະຫວ່າງບັນດາຊົນເຜົ່າ, ບັນດາເຂດພາກ.
ທ່ານນາງ Naomi Kitahara ໄດ້ເນັ້ນໜັກວ່າ: ເລື່ອງລົງນາມເລີ່ມດຳເນີນໂຄງການນີ້ສະແດງໃຫ້ເຫັນຄຳໝັ້ນສັນຍາຂອງ UNFPA ໃນການສືບຕໍ່ໜູນຊ່ວຍລັດຖະບານ ຫວຽດນາມ ຮັບປະກັນສິດ ແລະ ການຄັດເລືອກໃຫ້ແກ່ປະຊາຊົນໝົດທຸກຄົນ, ພ້ອມທັງຮັບປະກັນການສະໜອງບັນດາການບໍລິການເບິ່ງແຍງດູແລສຸຂະພາບໃນການເກີດລູດ - ການເພດສຳພັນ ທີ່ມີຄຸນນະພາບ ເພື່ອຕ້ານສະພາບການເສຍຊີວິດຂອງແມ່, ປະກອບສ່ວນເຂົ້າໃນຄວາມມານະພະຍາຍາມບັນລຸໄດ້ບັນດາເປົ້າໝາຍພັດທະນາແບບຍືນຍົງຂອງ ຫວຽດນາມ ໃນປີ 2030.
ຕາມ UNFPA ຫວຽດນາມ ແລ້ວ, ເປົ້າໝາຍຂອງໂຄງການເພື່ອແນໃສ່ເພີ່ມທະວີຄວາມສາມາດໃນການສຳຜັດກັບການນຳໃຊ້ບັນດາການບໍລິການເບິ່ງແຍງດູແລສຸຂະພາບໃນການເກີດລູກ - ການເພດສຳພັນຢ່າງຮອບດ້ານ, ມີຄຸນນະພາບ, ມີຄວາມສາໝັກໃຈໃຫ້ແກ່ພໍ່ແມ່ປະຊາຊົນບັນດາເຜົ່າສ່ວນໜ້ອຍ, ຍົກສູງກຳລັງຄວາມສາມາດໃນການຄຸ້ມຄອງການຊ່ວຍສຸກເສີນໃນການປະສູດ ຢູ່ບັນດາເຂດພູສູງ, ສ້າງເຄືອຂ່າຍຜະດຸງຄັນ ຢູ່ບັນດາເຂດຊົນເຜົ່າສ່ວນໜ້ອຍ, ເຂດຫ່າງໄກສອກຫຼີກ.
ໂຄງການຈະປະສົມມາດຕະການປ້ອງກັນ ແລະ ຄວບຄຸມໂລກລະບາດໂຄວິດ - 19 ເຂົ້າໃນໂຄງການເບິ່ງແຍງດູແລສຸຂະພາບການເກີດລູກ - ການເພດສຳພັນ ໃນປັດຈຸບັນ.
ໂຄງການຈະປະຕິບັດບັນດາການເຄື່ອນໄຫວສຶກສາສຸຂະພາບຕາມທິດປ່ຽນແປງໃໝ່, ປະດິດຄິດສ້າງ ແລະ ລະບົບການເຂົ້າຮ່ວມຂອງປະຊາຄົມເພື່ອແນໃສ່ຊຸກຍູ້ການເກີດລູດຢ່າງປອດໄພຢູ່ເຂດຊົນເຜົ່າສ່ວນໜ້ອຍ.
UNFPA ຈະສົມທົບກັບກະຊວງສາທາລະນະສຸກ, ພະແນກສາທາລະນະສຸກ ປະຕິບັດໂຄງການໃນ 6 ແຂວງ ແລະ ບັນດາອົງການຈັດຕັ້ງສາກົນໃນໄລຍະແຕ່ ວັນທີ 1 ກັນຍາ ປີ 2021 ຫາວັນທີ 30 ກັນຍາ ປີ 2024.
ບຸນຄົງ
