| ເພີ່ມທະວີການຮ່ວມມືລະຫວ່າງນະຄອນໂຮ່ຈີມິນ ກັບບັນດາທ້ອງຖິ່ນຂອງລາວ | |
| ຫວຽດນາມ ແລະ ຍີ່ປຸ່ນ ຍູ້ແຮງບັນດາການເຄຶ່ອນໄຫວສົ່ງເສີມການທ່ອງທ່ຽວນະຄອນໂຮ່ຈີມິນ |
 |
| ພາບປະກອບ: Internet |
ຫວ່າງມໍ່ໆມານີ, Stasher - ແອບ ເບິ່ງສຳພາລະຊ່ວຍແຂກ ເຊິ່ງມີຄູ່ຮ່ວມມືກັບ 250 ນະຄອນໃນທົ່ວໂລກ ໄດ້ປະກາດບັນຊີລາຍຊື່ສະຖານທີ່ທ່ອງທ່ຽວທີ່ດຶງດູດແຂກທ່ອງທ່ຽວທີ່ສຸດໃນໂລກ 99 ແຫ່ງ. ຫໍພິພິທະພັນພະຍານຫຼັກຖານສົງຄາມຢູ່ນະຄອນໂຮ່ຈີມິນ ຢືນຢູ່ອັນດັບທີ 61 ແລະ ແມ່ນຜູ້ຕາງໜ້າອັນໜຶ່ງດຽວຂອງຫວຽດນາມ ທີ່ນອນໃນ Top ດັ່ງກ່າວ.
ບັນຊີລາຍຊື່ສະຖານທີ່ທ່ອງທ່ຽວດຶງດູດແຂກທ່ອງທ່ຽວ 99 ແຫ່ງໂດຍອີງຕາມການສັງລວມຈາກ TripAdvisor, Google Reviews. ມາດຖານການຄັດເລືອກ ລວມມີ: ຄວາມສາມາດໃນການເດີນທາງໄປມາ (ມີຫຼາຍຖ້ຽວບິນໄປມາ, ພາຫະນະຄົມມະນາຄົມໃນນະຄອນໄປຍັງບັນດາສະຖານທີ່ນັດພົບນີ້ມີຄວາມສະດວກ), ມີຫຼາຍບ່ອນພັກເຊົາທີ່ມີຄຸນນະພາບ, ແມ່ນສະຖານທີ່ປອດໄພສຳລັບແຂກທ່ອງທ່ຽວ, ມີຄວາມປອດໄພຕໍ່ແຂກທ່ອງທ່ຽວ, ມີຄວາມໝັ້ນຄົງທີ່ດີ ແລະ ມີການເອົາລົງໃນສື່ສັງຄົມອອນໄລທີ່ໄດ້ຮັບການນິຍົມຈາກຫຼາຍຄົນ.
ຫໍພິພິທະພັນຫຼັກຖານສົງຄາມຕັ້ງຢູ່ຖະໜົນ ຫວໍວັນເຕິນ, ເມືອງ 3, ໄດ້ຮັບການສ້າງຕັ້ງໃນວັນທີ 4 ກັນຍາ ປີ 1975. ຫໍພິພິທະພັນແມ່ນສະມາຊິກຂອງລະບົບບັນດາຫໍພິພິທະພັນຫວຽດນາມ, ບັນດາຫໍພິພິທະພັນເພື່ອສັນຕິພາບໂລກ ແລະ ສະພາສາກົນບັນດາຫໍພິພິທະພັນ.
ຫໍພິພິທະພັນໄດ້ຄົ້ນຄວ້າສະເພາະ, ສະສົມ, ອະນຸລັກຮັກສາ ແລະ ວາງສະແດງບັນດາຫຼັກຖານໂທດກຳ ແລະ ຜົນຕາມມາຂອງສົງຄາມຮຸກຮາມ ຫວຽດນາມ.
ບຸນຄົງ
