| ເພີ່ມທະວີການຮ່ວມມືລະຫວ່າງນະຄອນໂຮ່ຈີມິນ ກັບບັນດາທ້ອງຖິ່ນຂອງລາວ | |
| ຫວຽດນາມ ຊຸກຍູ້ມະຕິສະເໜີໃຫ້ຄະນະຕຸລາການສານຍຸຕິທຳສາກົນ ປະກອບຄຳເຫັນກ່ຽວກັບການປ່ຽນແປງຂອງດິນຟ້າອາກາດ |
 |
| ທ່ານນາງປະທານ VUFO ຫງວຽນເຟືອງງາ ອວຍພອນປີໃໝ່ສະຖານທູດລາວ ປະຈໍາ ຮ່າໂນ້ຍ |
ວັນທີ 10 ເມສາ, ຄະນະຜູ້ແທນສະຫະພັນບັນດາອົງການມິດຕະພາບຫວຽດນາມ (VUFO) ແລະ ສະມາຄົມມິດຕະພາບ ຫວຽດນາມ - ລາວ ໂດຍທ່ານນາງປະທານ VUFO ຫງວຽນເຟືອງງາ ໄດ້ໄປຢ້ຽມຢາມ ແລະ ອວຍພອນປີໃໝ່ສະຖານທູດລາວ ປະຈໍາ ຮ່າໂນ້ຍ ເນື່ອງໃນໂອກາດບຸນປີໃໝ່ປະຈໍາຊາດ ລາວ. ເນື່ອງໃນໂອກາດນີ້, ບັນດາຝ່າຍໄດ້ເຫັນດີເປັນເອກະສັນກັນວ່າ ໃນໄລຍະຈະມາເຖິງ ຈະເສີມຂະຫຍາຍບົດບາດເປັນຂົວຕໍ່ຊຸກຍູ້ການຮ່ວມມືລະຫວ່າງບັນດາທ້ອງຖິ່ນຂອງລາວ ແລະ ຫວຽດນາມ.
ທ່ານນາງປະທານ VUFO ຫງວຽນເຟືອງງາ ໄດ້ມອບດອກໄມ້ ແລະ ອວຍພອນໄຊອັນປະເສີດມາຍັງທ່ານອັກຄະລັດຖະທູດ ລາວ ປະຈຳ ຫວຽດນາມ ຈັນທະພອນ ຄຳມະນີຈັນ ພ້ອມດ້ວຍພະນັກງານສະຖານທູດ ແລະ ຄອບຄົວ ເນື່ອງໃນໂອກາດບຸນປີໃໝ່; ອວຍພອນໃຫ້ປະຊາຊົນລາວກ້າວເຂົ້າສູ່ປີໃໝ່ຈົ່ງສືບຕໍ່ປະສົບຜົນສຳເລັດອັນຍິ່ງໃຫຍ່ໃນພາລະກິດປຫ່ງການສ້າງສາ ແລະ ພັດທະນາປະເທດຊາດ.
ໂດຍສະແດງຄວາມຂອບໃຈສະຖານທູດ ທີ່ໄດ້ໜູນຊ່ວຍ VUFO ແລະ ສະມາຄົມມິດຕະພາບຫວຽດນາມ - ລາວ ໃນການເຄື່ອນໄຫວການທູດປະຊາຊົນ, ທ່ານນາງປະທານ VUFO ຫງວຽນເຟືອງງາ ໃຫ້ຮູ້ວ່າ: ປີ 2022 ສອງຝ່າຍໄດ້ສົມທົບກັນຈັດຕັ້ງປີສາມັກຄີມິດຕະພາບ ຫວຽດນາມ - ລາວ ຢ່າງສຳເລັດຜົນ. ສະຖານທູດກໍ່ໄດ້ປະສານສົມທົບ ແລະ ໜູນຊ່ວຍ VUFO ແລະ ສະມາຄົມມິດຕະພາບ ຫວຽດນາມ - ລາວ ໃນການຕ້ອນຮັບຄະນະຜູ້ແທນລາວ, ໃນນັ້ນມີການຢ້ຽມຢາມຂອງທ່ານສາດສະດາຈານ, ປ.ອ ບໍ່ວຽງຄຳ ວົງດາລາ ກຳມະການຄະນະບໍລິຫານງານສູນກາງພັກປະຊາຊົນປະຕິວັດລາວ, ລັດຖະມົນຕີກະຊວງເຕັກໂນໂລຢີ ແລະ ການສື່ສານ, ປະທານສູນກາງສະມາຄົມມິດຕະພາບ ລາວ - ຫວຽດນາມ.
ສ່ວນທ່ານອັກຄະລັດຖະທູດ ຈັນທະພອນ ຄຳມະນີຈັນ ໄດ້ຂອບໃຈບັນດາຄວາມເອົາໃຈໃສ່ຂອງ VUFO ແລະ ສະມາຄົມມິດຕະພາບ ຫວຽດນາມ - ລາວ; ທ່ານຢືນຢັນວ່າ ນ້ຳໃຈຄວາມຮັກແພງຂອງ VUFO ແລະ ສະມາຄົມ ໄດ້ເຮັດໃຫ້ທ່ານ ແລະ ພະນັກງານສະຖານທູດມີຄວາມຮູ້ສຶກຢູ່ເຮືອນຂອງຕົນ.
ທ່ານອັກຄະລັດຖະທູດ ຈັນທະພອນ ຄຳມະນິຈັນ ໃຫ້ຮູ້ວ່າ: ສະຖານທູດລາວ ຍາມໃດກໍຕິດຕາມ ແລະ ຕີລາຄາສູງບັນດາຜົນງານຂອງ VUFO ແລະ ສະມາຄົມມິດຕະພາບຫວຽດນາມ - ລາວ. ທ່ານສະເໜີ VUFO ສືບຕໍ່ສົມທົບກັບສະຖານທູດຈັດຕັ້ງບັນດາການເຄື່ອນໄຫວຊອກຮູ້ທ່າແຮງຂອງບັນດາທ້ອງຖິ່ນຫວຽດນາມ, ຜ່ານນັ້ນ ກໍ່ຊຸກຍູ້ການພົວພັນຮ່ວມມືລະຫວ່າງບັນດາທ້ອງຖິ່ນຂອງສອງປະເທດໃຫ້ເລິກເຊິ່ງ, ແທດຈິງ ແລະ ມີປະສິດທິຜົນ.
ບຸນຄົງ
