 | ທ່ານນາຍົກລັດຖະມົນຕີ ນິວຊີແລນ: ຫວຽດນາມ ພວມພັດທະນາກະໂດດຂັ້ນຄືດັ່ງມັງກອນ
|
ຄົນຕາເວັນຕົກ…
ຫຼາຍຄົນຄົງເຄີຍມີປະສົບການຝັນກ່ຽວກັບງູ, ແຕ່ວ່າ ແຕ່ລະຄົນກໍ່ເຄີຍຜ່ານສະຖານະການທີ່ແຕກຕ່າງກັນເຊັ່ນ: ຝັນວ່າຖືກງູໄລ່, ງູກັດ, ເຫັນງູຕາຍ, ງູບາດເຈັບ, ງູຈົງອາງ ຫຼື ຝັນເຫັນງູເຂົ້າເຮືອນ, ເຫັນງູກັດກັນ...
ທ່ານ Tzivia Gover, ຜູ້ຊ່ຽວຊານດ້ານຄວາມຝັນໄດ້ຮັບການຮັບຮອງທີ່ Third House Moon, ເນັ້ນວ່າ: ງູຖືເປັນສັນຍາລັກແຫ່ງຄວາມຝັນຢ່າງໜື່ງທີ່ແຜ່ຫຼາຍ ເຊິ່ງຜູ້ຄົນໃນຫຼາຍປະເທດ ແລະ ວັດທະນະທໍາລ້ວນແຕ່ເຄີຍຜ່ານ. ເມື່ອເວົ້າເຖິງຕົວສັດທີ່ປະກົດຢູ່ໃນຄວາມຝັນຂອງຜູ້ຄົນ, ງູໄດ້ຈັດຢູ່ໃນສັດຊັ້ນສູງ: ປົກກະຕິແລ້ວ ພວກມັນຖືກຈັດຢູ່ໃນ 3-5 ຊະນິດຕົວສັດທີ່ປະກົດເຫັນຫຼາຍທີ່ສຸດໃນຄວາມຝັນ. ງູໃນຄວາມຝັນເປັນສັນຍາລັກຂອງຄວາມຄຽດແຄ້ນ, ການຍົວະຍຸ, ຄວາມຊົ່ວຊ້າ ກໍ່ຄືຄວາມອັນຕະລາຍ. ຝັນເຫັນງູ ປົກກະຕິແມ່ນຈະເປັນລາງຮ້າຍ.
Lauri Quinn Loewenberg, ນັກວິເຄາະຄວາມຝັນກ່າວວ່າ: ທຸກຢ່າງໃນຄວາມຝັນລ້ວນແຕ່ເປັນແຜ່ນຕໍ່ຂອງຄໍາທວາຍ. ງູນັບມື້ນັບໃຫ່ຍ ຫຼື ນັບມື້ຍິ່ງມີງູຫຼາຍຂຶ້ນເທົ່າໃດ ບັນຫາຍິ່ງມີຫຼາຍຂຶ້ນເທົ່ານັ້ນ ຫຼື ໄພນາບຂູ່ຍິ່ງຫຼາຍຂຶ້ນ. ພວກເຮົາບໍ່ມີໃນຈິດສຳນຶກຖືວ່າ ສິ່ງເຫຼົ່ານີ້ຄືສຸຂະພາບ ເພາະວ່າພວກເຮົາເຫັນສັນຍາລັກນີ້ໃນຂວດຢາຕ່າງໆ ຕາມໃບສັ່ງຢາ, ຂ້າງຂອງລົດສຸກເສີນ, ໃນບັນດາຫ້ອງກວດສຸຂະພາບ, ໂຮງຫມໍ ແລະ ຮ້ານຂາຍຢາ. ດັ່ງນັ້ນ, ຖ້າທ່ານຝັນເຫັນງູເລືອຢູ່ເທິງຮ່າງກາຍຂອງທ່ານ, ຈົ່ງລະວັງຕໍາແໜ່ງຢູ່ເທິງຮ່າງກາຍ ເພາະອາດຈະຢູ່ຈຸດນັ້ນ ຫຼື ຢູ່ໃກ້ນັ້ນ ຖືກຜົນກະທົບ. ໂດຍທົ່ວໄປ, ງູສີດໍາໃນຊີວິດຈິງບໍ່ມີພິດ. ສະນັ້ນ, ໃນຄວາມຝັນພວກເຮົາສາມາດເປັນຕົວແທນຂອງບັນຫາສຸຂະພາບທີ່ບໍ່ຮຸນແຮງ.
ສໍາລັບພໍ່ຄີງຂອງນັກວິເຄາະຈິດຕະວິທະຍາ Sigmund Freud ແລ້ວ, ການຝັນເຫັນງູອາດສະແດງເຖິງຄວາມປາຖະຫນາທາງເພດທີ່ບໍ່ຮູ້ຕົວຂອງທ່ານ. ຜູ້ຊ່ຽວຊານດ້ານລະບົບປະສາດຊາວອອສເຕຣຍ ຄົນນີ້ ໃຫ້ທັດສະນະຄະຕິວ່າ ງູເປັນສັນຍາລັກຂອງອະໄວຍະວະເພດ ແລະ ລະບົບທາງເພດ. ຍ້ອນແນວນັ້ນ, ຄວາມຝັນກ່ຽວກັບງູຈິ່ງຖືເປັນການບົ່ງບອກຄວາມຕ້ອງການທາງເພດທີ່ຖືກກົດດັນ, ຫ້າມ ຫຼື ໂທດກໍາ ແລະ ຄຸນທາດເພດຊາຍໃນຊີວິດ (ຖ້າຜູ້ຝັນເປັນເພດຊາຍ) ຫຼື ຊີ້ໃຫ້ເຫັນເຖິງປະສົບການຕົວຈິງສຳລັບເພດຊາຍ (ຖ້າຜູ້ຝັນເປັນເພດຍິງ).
ນັກຈິດຕະສາດຊາວສະວິດ Carl Jung ໄດ້ນິຍາມການຝັນເຫັນງູວ່າ ສະແດງເຖິງການຕໍ່ສູ້ພາຍໃນຄວາມນຶກຄິດໃນໃຈ, ຈິດສຳນຶກ. "ການຝັນເຫັນງູລ້ວນແຕ່ສະແດງເຖິງຄວາມແຕກຕ່າງ ລະຫວ່າງທ່າທາງຂອງຈິດສໍານຶກການຕື່ນຕົວ ແລະ ສັນຊາດຕະຍານ. ທ່ານ Carl Jung ອະທິບາຍວ່າ ງູໃນຄວາມຝັນ ຄວາມຈິງແລ້ວເປັນການຫັນຄວາມຢ້ານກົວໃນການຕໍ່ສູ້ພາຍໃນໃຫ້ເປັນແບບວິທີການປະພຶດໜຶ່ງ", ທ່ານ Carl Jung ອະທິບາຍ.
ນັກວິທະຍາສາດ Barbara Condron ໄດ້ໃຊ້ເວລາ 50 ປີໃນການສອນ ແລະ ຄົ້ນຄວ້າກ່ຽວກັບຄວາມຫມາຍຂອງຄວາມຝັນ ພ້ອມກັນນັ້ນກໍ່ໄດ້ຂຽນຫນັງສືກ່ຽວກັບເລື່ອງນີ້ມາແລ້ວບໍ່ຕໍ່າກວ່າ 10 ເຫຼັ້ມ, ໃນນັ້ນ "ວັດຈະນານຸກົມກ່ຽວກັບຄວາມຝັນ" ແລະ "ທຸກຄວາມຝັນລ້ວນແຕ່ເວົ້າເຖິງຕົວເອງ" ໄດ້ໃຫ້ຄໍາຕອບຕ່າງໆຢ່າງຊັດເຈນຫຼາຍ: ງູສະແດງເຖິງຫົວຄິດປະດິດສ້າງທີ່ຮີບຮ້ອນຂອງຜູ້ຝັນ. ງູແມ່ນສັນຍາລັກທີ່ເປັນກາງ ແລະ ທັດສະນະຄະຕິຂອງຜູ້ຝັນມີຜົນສະທ້ອນຫຼາຍຕໍ່ຄວາມຫມາຍຂອງຄວາມຝັນຂອງພວກເຂົາ. ທັດສະນະຄະຕິນີ້ຫຼາຍຄັ້ງໄດ້ຮັບອິດທິພົນຈາກວັດທະນະທໍາ. ເປັນຕົ້ນແມ່ນ, ສຳລັບທິດຕາເວັນຕົກ, ງູສະແດງເຖິງຄວາມຢ້ານກົວ ເວົ້າລວມ ໃນເມື່ອນັ້ນພັດແມ່ນສັນຍາລັກຂອງຄວາມເຄົາລົບຢູ່ທິດຕາເວັນອອກ.
ຄົນຕາເວັນອອກ…
 |
| ສະໄໝຈີນບູຮານ ມີປຶ້ມຫຼາຍຫົວທີ່ບັນທຶກກ່ຽວກັບການຝັນເຫັນງູ. ຕົວຢ່າງ: ຕໍາລາ Shi Jing ບັນທຶກໄວ້ວ່າ: ນອນຝັນເຫັນງູໝາຍເຖິງການເກີດລູກ. |
ໃນປຶ້ມຈີນບູຮານ ສະບັບໜຶ່ງຍັງໄດ້ຂຽນໄວ້ວ່າ: “ເມື່ອຕຸ່ຍເຮົ່າ (ຜູ້ເຈລະຈາທາງການທູດ) ໄປປະເທດ ຊີ (Qi), ລະຫວ່າງທາງເຫັນງູໂຕໜຶ່ງບາດເຈັບຢູ່ຫົວກໍາລັງມີເລືອດໄຫຼອອກ. ຫຼັງຈາກໃສ່ຢາໃຫ້ກັບງູແລ້ວ, ເພີ່ນສືບຕໍ່ເດີນທາງໄປປະເທດຊີ. ໃນຄືນນັ້ນ, ຕຸ່ຍເຮົ່າ ນອນຝັນເຫັນຕີນຢຽບຖືກງູ. ຫຼັງຈາກນັ້ນ ກໍ່ໄດ້ຮັບມຸກມີຄ່າສອງເມັດ”.
ຄົນຈີນບູຮານສັດທາເຫຼື້ອມໃສ ມັງກອນ, ເຊິ່ງງູແມ່ນຕົ້ນກຳເນີດຂອງມັງກອນດັ່ງນັ້ນພວກເຂົາເຊື່ອວ່ານອນຝັນເຫັນງູເປັນສັນຍານຂອງຄວາມໂຊກດີ. ຕໍາລາທໍານາຍຄວາມຝັນກ່າວໄວ້ວ່າ: "ນອນຝັນເຫັນງູຕົກເຂົ້າໄປໃນທ້ອງ ແປວ່າຈະໃຫ້ກໍາເນີດລູກຊາຍທີ່ປະເສີດ"
ຈາກທັດສະນະຄະຕິທາງດ້ານການແພດທີ່ທັນສະໄຫມເຊິ່ງວິເຄາະໄດ້ວ່າ ນອນຝັນເຫັນງູແມ່ນກ່ຽວຂ້ອງກັບສຸຂະພາບ. ມີຄົນປ່ວຍທາງຈິດ, ນອນຝັນຫຼິ້ນກັບງູ ເມື່ອຕື່ນນອນຮູ້ສຶກເຈັບຫຼັງ ແລະ ປວດຕາມແຂນຂາ, ຕໍ່ມາພົບເຫັນວ່າມີເລືອດຄັ້ງຢູ່ສັນຫຼັງ. ງູມີຮ່າງກາຍທີ່ອ່ອນນຸ້ມ, ຮູບຮ່າງຂອງຄົນກໍ່ເຊັ່ນດຽວກັນ. ທ່ານໝໍໄດ້ກວດເບິ່ງຕຽງຄົນປ່ວຍ, ພົບເຫັນຂໍນ້ອຍໆອັນໜຶ່ງຢູ່ເທິງຕຽງຄົນນີ້ນອນຢູ່. ລາວໄດ້ນອນລົງ ແລະ ທຸກໆຄືນກໍ່ຝັນເຫັນງູຢູແນວນັ້ນ.
ນັກຄົ້ນຄວ້າຕາເວັນອອກບາງຄົນເຊື່ອວ່າ ງູກໍ່ຍັງເປັນສັນຍາລັກຂອງເຈົ້າກະສັດໃນສະໄໝບູຮານທີ່ປົກປ້ອງສິດອໍານາດ, ຄວາມຮັ່ງມີ ແລະ ຄວາມລັບ. ຝັນເຫັນງູປ່ຽນສີຜິວໜັງ ເປັນສັນຍາລັກໃຫ້ການປ່ຽນແປງໃໝ່ ແລະ ການລອກຄາບ. ມັນມັກຈະເລີ່ມຈາກຄວາມຕ້ອງການປ່ຽນບຸກຄະລິກກະພາບ, ທັດສະນະຄະຕິ, ທ່າທີຂອງຕົວເອງຕາມທິດທາງໃນດ້ານຕັ້ງໜ້າ.
ໄທທິ້ງ -
 | ສະແຕັມ ບຸນເຕັດປີມະໂລງ ພ້ອມກັບຮູບສັນຍະລັກ ຫວຽດນາມ ທີ່ປາໄນກາຍເປັນມັງກອນ ຍສໝ - ຫວ່າງມໍ່ໆນີ້, ກະຊວງຖະແຫຼງຂ່າວ ແລະ ການສື່ສານ ຫວຽດນາມ ໄດ້ເປີດຈຳໜ່າຍຊຸດສະແຕມ “ເຕັດປີມະໂລງ” ເຊິ່ງລວມມີສະແຕມ 2 ແບບ ແລະ ກັບສະແຕມທີ່ມີຮູບມັງກອນ - ສັດປະຈຳປີ 2024 ຕິດພັນກັບແນວຄວາມຄິດ ປາໄນກາຍເປັນມັງກອນ ແລະ ຫວຽດນາມຈະເລີນຮຸ່ງເຮືອງ. |
 | ຍອດພູທີ່ມີຮູບຮ່າງມັງກອນຂຶ້ນສູ່ທະເລໄດ້ດຶງດູດນັກທ່ອງທ່ຽວມາເຊັກອິນຢູ່ບິ່ງດິ້ງ ຍສໝ - ໂດຍຕັ້ງຢູ່ທາງທິດເໜືອຂອງນະຄອນ ກິວເຍີນ ປະມານ 70 ກິໂລແມັດ, ຫ່າງຈາກເມືອງ ຟູໝີ້ ທາງທິດຕາເວັນອອກ 20 ກິໂລແມັດ, ຍອດພູທີ່ມີຮູບຮ່າງມັງກອນ (ເອີ້ນອີກວ່າ Cape Dragon) ແມ່ນໜຶ່ງໃນບັນດາສະຖານທີ່ທ່ອງທ່ຽວທີ່ມີຊື່ສຽງຂອງແຂວງ ບິ່ງດິ້ງ. |
ທອງມີ ສີຫາວົງ
