 | Habitat for Humanity Vietnam: ບັນດາຊາຍຄາທີ່ອົບອຸ່ນເຕັມໄປດ້ວຍຄວາມມິດຕະພາບ |
| ສາດສະດາຈານຍິງເຊື້ອສາຍຫວຽດນາມ ຢູ່ອັງກິດ ໄດ້ຮັບເລືອກຕັ້ງເປັນສະມາຊິກສະຖາບັນບັນດິດ ເອີລົບ |
ເຮືອນ 15 ຫຼັງທີ່ໄດ້ຮັບມອບນັ້ນ ມີເນື້ອທີ່ຫຼັງລະ 30 – 35 ຕາແມັດ, ມີມູນຄ່າແຕ່ 75 – 100 ລ້ານດົ່ງ. ໃນນັ້ນ, ອົງການຈັດຕັ້ງ Habitat ຫວຽດນາມ ໜູນຊ່ວຍເກືອບ 50 ລ້ານດົ່ງຕໍ່ຫຼັງ, ຄະນະກຳມະການປະຊາຊົນ ແຂວງກຽນເລືອງ ສົມທົບ 20 ລ້ານດົ່ງຕໍ່ຫຼັງ, ສ່ວນທີ່ຍັງເຫຼືອແມ່ນຄອບຄົວປະກອບຕື່ມເອງ. ເຮືອນກວ້າງຂວາງ ແລະ ສະອາດງາມຕາ ໄດ້ຮັບການກໍ່ສ້າງສຳເລັດທັນເວລາກ່ອນປີໃໝ່ມະເສັງ ປີ 2025, ເຊິ່ງໄດ້ນຳຄວາມມ່ວນຊື່ນ ແລະ ຄວາມມຸ່ງຫວັງມາສູ່ຄອບຄົວ.
 |
| ພິທີລົງນາມມອບ-ຮັບເຮືອນ. (ພາບ: kienluong.kiengiang.gov.vn) |
ທ່ານ ໂດ໋ເຈີ່ນທີ້ງ ປະທານ ສະມາຄົມຊາວກະສິກອນ ແຂວງກຽນຢາງ ກ່າວຄຳເຫັນໃນພິທີມອບ - ຮັບ, ເຊິ່ງໄດ້ອວຍພອນບັນດາຄອບຄົວທີ່ໄດ້ຮັບເຮືອນຢູ່ໃໝ່. ທ່ານໄດ້ກ່າວວ່າ: ການມອບ - ຮັບເຮືອນກ່ອນບຸນເຕັດຊ່ວຍໃຫ້ຄອບຄົວມີເງື່ອນໄຂຕ້ອນຮັບບຸນປີຢ່າງຄົບຖ້ວນ ແລະ ງາມຕາກວ່າເກົ່າ.
ທ່ານ ເລແທັງເຮື້ອງ ຮອງເລຂາຄະນະພັກເມືອງ, ປະທານຄະນະກຳມະການປະຊາຊົນ ເມືອງກຽນເລືອງ ໄດ້ສົ່ງຄຳຂອບໃຈຕໍ່ບັນດາອົງການຈັດຕັ້ງ ແລະ ຜູ້ອຸປະຖຳທີ່ໄດ້ຮ່ວມເດີນທາງພ້ອມກັບທ້ອງຖິ່ນ, ຊ່ວຍເຫຼືອເບິ່ງແຍງບັນດາຄອບຄົວທີ່ມີສະພາບຄວາມທຸກຍາກໃຫ້ດີຂຶ້ນ. ທ່ານກໍ່ຍັງໄດ້ສະເໜີໃຫ້ບັນດາຄອບຄົວຄຸ້ມຄອງຮັກສາເຮືອນຢູ່ຂອງຕົນເພື່ອໃຫ້ໄດ້ນໍາໃຊ້ຍາວນານ, ປະກອບສ່ວນປົວແປງຄຸນນະພາບຊີວິດການເປັນຢູ່ໃຫ້ດີຂຶ້ນ.
ຕາງໜ້າໃຫ້ບັນດາຄອບຄົວທີ່ໄດ້ຮັບເຮືອນຢູ່, ທ່ານ ໂຕວັນຈ່ອນ (ບ້ານບິ່ງດົງ, ຕາແສງ ບິ່ງອານ, ເມືອງ ກຽນເລືອງ) ໄດ້ສົ່ງຄຳຂອບໃຈເຖິງບັນດາອົງການຈັດຕັ້ງ ແລະ ອຳນາດການປົກຄອງທ້ອງຖິ່ນ. ທ່ານກ່າວໄວ້ວ່າ: ບັນດາເຮືອນໃໝ່ທີ່ກວ້າງຂວາງ, ສະອາດງາມຕາໄດ້ຊ່ວຍໃຫ້ພີ່ນ້ອງມີກໍາລັງໃຈສູ້ຊົນໃນການປັບປຸງຊີວິດການເປັນຢູ່, ໂດຍສະເພາະແມ່ນເພື່ອຕ້ອນຮັບບຸນປີໃໝ່ ປີມະເສັງ 2025 ດ້ວຍຄວາມເບີກບານມ່ວນຊື່ນ ແລະ ຜາສຸກ.
 | ສ້າງບາດກ້າວ ເພື່ອຊ່ວຍຍົກສູງວຽກງານເບິ່ງແຍງດູແລດ້ານສຸຂະພາບໃຫ້ແກ່ທົ່ວປະຊາຊົນ ຍສໝ - ດ້ວຍການໜູນຊ່ວຍຈາກບັນດາຜູ້ຊ່ຽວຊານຢູ່ໂຮງໝໍການແພດທະຫານ 103 ຫວຽດນາມ, ໂຮງໝໍສູນກາງ 103 ກອງທັບປະຊາຊົນລາວ ໄດ້ເປັນເຈົ້າເຕັກນິກການປ່ຽນຖ່າຍໝາກໄຂ່ຫຼັງເທື່ອລະກ້າວ, ເປີດສັງກາດໃຫມ່ໃນຂະແໜງການສາທາລະນະສຸກຂອງລາວ. ບັນດາຄວາມມານະພະຍາຍາມດັ່ງກ່າວ ບໍ່ພຽງແຕ່ແມ່ນຂີດໝາຍຄວາມກ້າວໜ້າດ້ານວິຊາສະເພາະເທົ່ານັ້ນ ຫາກຍັງເປັນສັນຍາລັກໃຫ້ແກ່ນ້ຳໃຈມິດຕະພາບແບບພິເສດ ຫວຽດນາມ - ລາວ. |
 | ອົງການ Sunflower Mission ໄດ້ໜູນຊ່ວຍກວ່າ 4,2 ຕື້ດົ່ງເພື່ອສ້າງໂຮງຮຽນຢູ່ Giong Rieng (ກຽນຢາງ) ຍສໝ - ສະຫະພັນບັນດາອົງການມິດຕະພາບແຂວງ ກຽນຢາງ ຫາກໍສົມທົບກັບຄະນະກຳມະການປະຊາຊົນເມືອງ Giong Rieng ໄດ້ຈັດຕັ້ງພິທີເປີດ, ມອບ ແລະ ນຳໃຊ້ກິດຈະກຳຫ້ອງຮຽນຢູ່ໂຮງຮຽນປະຖົມ ລອງແທ້ງ 2, ຕາແສງ ລອງແທ້ງ, ເມືອງ Giong Rieng (ແຂວງ ກຽນຢາງ). |
ທອງມີ ສີຫາວົງ
