ບົດເພງໄຊກ່ຽວກັບນ້ຳໃຈຮັກຊາດ ແລະຄວາມຄາດຫວັງອັນແຮງກ້າຕໍ່ໄຊຊະນະ

ຍສໝ - ຕອນຄ່ຳວັນທີ 2 ພຶດສະພາ, ລາຍການສະແດງສິລະປະ “ບົດເພງໄຊຊະນະ” ໄດ້ຈັດຂຶ້ນຢູ່ໂຮງລະຄອນ ໂຮ່ເກືອມ (ຮ່າໂນ້ຍ). ລາຍການດັ່ງກ່າວ ໂດຍກະຊວງຕຳຫຼວດ, ກົມວຽກງານການເມືອງ ຊີ້ນໍາໂຮງລະຄອນ ໂຮ່ເກືອມ ຈັດຕັ້ງຂຶ້ນເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນໄຊຊະນະຟາດຊິດ (9-5-1945 / 9-5-2025).

	ເຊີນລາ-ຫົວພັນ: ບົດເພງໄຊທີ່ລືຊາຜາກົດ
	ບົດເພງໄຊເຕັມໄປດ້ວຍນໍ້າໃຈ​ມິດຕະພາບແບບ​ພິ​ເສດ​ຫວຽດນາມ - ລາວ

ລາຍການດັ່ງກ່າວມີຄວາມໝາຍຢ່າງເລິກເຊິ່ງ, ເຊີດຊູໄຊຊະນະຂອງບັນດາກຳລັງຮັກຫອມສັນຕິພາບໃນໂລກ, ຢືນຢັນນ້ຳໃຈສາມັກຄີສາກົນ, ພິເສດແມ່ນນ້ຳໃຈມິດຕະພາບລະຫວ່າງ ຫວຽດນາມ ແລະ ສະຫະພັນລັດເຊຍ. ຜູ້ຊົມໄດ້ຮັບຊົມດົນຕີຄລາດສິກ ເຊັ່ນ "Symphony No.5" ຂອງ Shostakovich, "Overture 1812" ຂອງ Tchaikovsky ແລະຫຼາຍບົດເພງທີ່ມີຊື່ສຽງຂອງລັດເຊຍ ດ້ວຍເນື້ອເພງຫວຽດນາມ. ຄຽງຂ້າງນັ້ນແມ່ນບັນດາບົດເພງປະຕິວັດຂອງຫວຽດນາມ ເຊັ່ນ: “ໂຮ່ຈີມິນ ຊື່ງາມທີ່ສຸດ”, “ປະເທດເຕັມໄປດ້ວຍຄວາມເບີກບານມ່ວນຊື່ນ”… ລາຍການໄດ້ສ້າງຂຶ້ນຢ່າງອາລັງການດ້ວຍການເຂົ້າຮ່ວມຂອງວົງດົນຕີປະສານສຽງຮ່າໂນ້ຍ, ໂຮງດົນຕີລະຄອນລຳ ຫວຽດນາມ ແລະນັກສິລະປະແຖວໜ້າ, ສະແດງບົດເພງອະມະຕະກ່ຽວກັບນ້ຳໃຈຮັກຊາດ, ຄວາມຄາດຫວັງຢາກໄດ້ຮັບໄຊຊະນະ ແລະຢັ້ງຢືນສານສັນຕິພາບໃຫ້ແກ່ມວນມະນຸດ.