 | ຊົນຊັ້ນກຳມະກອນທີ່ທັນສະໄໝ, ເຕີບໃຫຍ່ເຂັ້ມແຂງເຂົ້າສູ່ຍຸກໃໝ່ |
| V.I Lenin - ຜູ້ນຳທີ່ປີຊາສາມາດ, ນັກແນວຄິດທີ່ຍິ່ງໃຫຍ່ໄດ້ເປີດຍຸກໃໝ່ຂອງມະນຸດ |
 |
| ທ່ານ ຮສຈ.ປອ. ຫງວຽນເຖກີ໋, ປະທານສະພາທິດສະດີ ແລະ ວິຈານວັນນະຄະດີ, ສິລະປະສູນກາງ ໄດ້ສະແດງຄວາມເຊື່ອໝັ້ນຂອງຕົນຕໍ່ “ສັງກາດໃໝ່” ຂອງຊາດ ໃນການໃຫ້ສຳພາດຕໍ່ວາລະສານ ເຖີ່ຍດ້າຍ (ຍຸກສະໄໝ). |
- ຂ້າພະເຈົ້າເຫັນດີເປັນເອກະພາບກັບວິໄສທັດ, ວິທີການກຳນົດ ແລະ ອະທິບາຍບັນດານິຍາມ “ສັງກາດໃໝ່" “ສັງກາດບືນຕົວຂຶ້ນຂອງຊາດ" ທີ່ທ່ານເລຂາທິການໃຫຍ່ຍົກອອກມາ. ປະເທດຊາດຂອງພວກເຮົາຂ້າມຜ່ານແຕ່ລະຍຸກສະໄໝລ້ວນແຕ່ໄດ້ກ້າວຂ້າມໄລຍະເສັ້ນທາງໃໝ່, ກ່ຽວກັບດ້ານພື້ນຖານທິດສະດີ ເວົ້າລວມແລ້ວ ພວກເຮົາບໍ່ອາດພໍໃຈກັບສິ່ງທີ່ພວກເຮົາໄດ້ມີ. ຖ້າພວກເຮົາມີຄວາມພໍໃຈໃນສິ່ງທີ່ເຮົາເປັນ, ພໍໃຈນໍາໂຊກຊາຕາ ພວກເຮົາກໍ່ຈະບໍ່ມີການປ່ຽນແປງໃໝ່ ແລະ ບໍ່ສາມາດສ້າງການບຸກທະລຸຕ່າງໆໃນທຸກດ້ານຂອງຊີວິດສັງຄົມໄດ້.
ສິ່ງນີ້ແມ່ນຖືກທີ່ສຸດ ຫາກພວກເຮົາເບິ່ງຄືນກັບໄປປະຫວັດສາດຂອງຊາດ, ຈາກລາຊະວົງ ຫຼີ, ເຈີ່ນ, ເລ, ຫງຽວນ ລ້ວນແຕ່ຈາລືກໄລຍະເວລາຕ່າງໆຂອງການພັດທະນາໃໝ່, ຕິດພັນກັບການນຳພາຂອງເຈົ້າຊີວິດຜູ້ສະຫຼາດສະຫຼຽວ. ແລ້ວເມື່ອຮອດຍາມທີ່ພວກລ່າເມືອງຂຶ້ນຝຣັ່ງ ບຸກຮຸກຮານຫວຽດນາມ, ຊາດຂອງພວກເຮົາກໍ່ກ້າວເຂົ້າສູ່ໄລຍະໃໝ່. ການປະຕິວັດເດືອນສິງຫາ ປີ 1945 ສາມາດເວົ້າໄດ້ວ່າ ເປັນເຫດການ “ສະໜັ່ນຟ້າສະເທືອນດິນ”, ນັ້ນເປັນບາດລ້ຽວທີ່ນຳປະເທດຊາດຂອງພວກເຮົາກ້າວເຂົ້າສູ່ສັງກາດໃໝ່, ຍິ່ງໄປກວ່ານັ້ນແມ່ນໜຶ່ງຍຸກສະໄໝ - ຍຸກສະໄໝ ໂຮ່ຈີມິນ.
ພາຍຫຼັງປີ 1975, ຫວຽດນາມ ກໍ່ກ້າວເຂົ້າສູ່ໄລຍະໄໝ່ ເມື່ອປະເທດຊາດທ້ອນໂຮມເປັນເອກະພາບ ແລະ ກ້າວຂຶ້ນສັງຄົມນິຍົມ. ເຖິງຢ່າງໃດກໍຕາມ, ຍ້ອນເງື່ອນໄຂທາງດ້ານປະຫວັດສາດ, ພວກເຮົາຍັງບໍ່ສາມາດຫຼຸດພົ້ນອອກຈາກແນວຄິດ ແລະ ກົດບັນຍັດເສດຖະກິດແບບລວມສູນ, ອາດຍາສິດເກື້ອກູນ. ຮອດປີ 1986, ພາຍໃຕ້ການນໍາພາຂອງພັກໂດຍ ສະຫາຍ ເຈື່ອງ ຈິງ, ໃນກອງປະຊຸມໃຫຍ່ຄັ້ງທີ VI ຂອງພັກ, ປະເທດຊາດໄດ້ປະຕິບັດພາລະກິດແຫ່ງການປ່ຽນແປງໃໝ່. ເຖິງແມ່ນວ່າຍັງບໍ່ໄດ້ຮັບການແກ້ໄຂບັນຫາທັງໝົດ, ແຕ່ທັດສະນະໃໝ່ໄດ້ເປັນຮູບເປັນຮ່າງຄື: ບໍ່ອາດເພິ່ງພໍໃຈກັບສິ່ງເກົ່າ, ມີສິ່ງທີ່ຖືກຕ້ອງໃນເວລາໃດໜຶ່ງ ແຕ່ຕອນນີ້ແມ່ນບໍ່ມີຄວາມເໝາະສົມອີກ.
ໃນຊຸມປີໝໍ່ໆມານີ້, ຫວຽດນາມ ໄດ້ບືນຕົວກ້າວຂຶ້ນກາຍເປັນພື້ນຖານເສດຖະກິດຢູ່ໃນກຸ່ມ 40 ປະເທດແຖວໜ້າຂອງໂລກ. ຊີວິດການເປັນຢູ່ຂອງປະຊາຊົນໄດ້ຮັບການປັບປຸງ, ຖານະບົດບາດຂອງຫວຽດນາມໃນເວທີສາກົນນັບມື້ນັບດີຂຶ້ນ. ເຖິງຢ່າງໃດກໍຕາມ, ໃນສະພາບທີ່ໂລກກ້າວເຂົ້າສູ່ຍຸກອຸດສາຫະກຳ 4.0, ບັນດາປະເທດອື່ນໆໄດ້ຫັນປ່ຽນຢ່າງເຂັ້ມແຂງ ແລະ ແຮງກ່ຽວກັບກົດບັນຍັດ ແລະ ເຕັກໂນໂລຢີ, ຖ້າຫວຽດນາມ ບໍ່ປ່ຽນແປງ, ຄວາມສ່ຽງໃນການຕົກຕໍ່າຫຼ້າຫຼັງແມ່ນສູງຫຼາຍ ແລະ ອາດຈະຕົກເຂົ້າສູ່ “ກັບດັກລາຍຮັບປານກາງ".
ດັ່ງທີ່ ທ່ານເລຂາທິການໃຫຍ່ ໂຕເລີມ ເຄີຍຊີ້ແຈ້ງວ່າ ຈຸດອຸດຕັນທີ່ໃຫຍ່ທີ່ສຸດຂອງປະເທດໃນປະຈຸບັນແມ່ນກົດບັນຍັດ, ນະໂຍບາຍກົດໝາຍ ແລະ ກົງຈັກຄຸ້ມຄອງ. ທ່ານໄດ້ເນັ້ນໜັກວ່າ, ປະເທດຕ້ອງໄດ້ມີການປ່ຽນແປງໃໝ່, ຍິ່ງໄປກວ່ານັ້ນ ບາງທີອາດຈະແມ່ນການປະຕິວັດກ່ຽວກັບກົດບັນຍັດໜຶ່ງ.
ດັ່ງທີ່ຂ້າພະເຈົ້າຮູ້, ຫວ່າງມໍ່ໆມານີ້ມີບາງຄວາມຄິດເຫັນວ່າ ຫວຽດນາມ ຕ້ອງການການປ່ຽນແປງໃໝ່ຄັ້ງທີສອງ. ເຖິງວ່າທັດສະນະຄະຕິນີ້ຍັງຕ້ອງໄດ້ແລກປ່ຽນທາງດ້ານເນື້ອໃນ, ແຕ່ຍັງມີຕົວຈິງບາງຢ່າງທີ່ບໍ່ອາດປະຕິເສດໄດ້ວ່າ ຖ້າຫາກພວກເຮົາບໍ່ບືນຕົວກ້າວຂຶ້ນ, ປະເທດຊາດຈະຫຼ້າຫຼັງ ແລະ ບໍ່ສາມາດຢືນຮຽງກັບບັນດາປະເທດມະຫາອຳນາດທົ່ວໂລກໄດ້ຕາມທີ່ປະທານ ໂຮ່ຈີມິນ ປາດຖະໜາ. ສະນັ້ນ, ຂ້າພະເຈົ້າຄິດວ່າ ນີ້ແມ່ນເວລາອັນຄວນທີ່ຈະເບິ່ງຄືນອະດີດຢ່າງຈິງຈັງເພື່ອສ້າງສາປະເທດຊາດໃຫ້ຮຸ່ງເຮືອງສີວິໄລ, ດ້ວຍຄວາມຕັ້ງຫວັງອັນແຮງກ້າຂອງຊາດ. ຄວາມຕັ້ງຫວັງອັນແຮງກ້ານີ້ ຕ້ອງໄດ້ຫັນເປັນຮູບປະທໍາດ້ວຍການກະທຳ, ເປັນບາດກ້າວ, ວິໄສທັດຂອງຊາດ. ໂດຍແມ່ນນັກວິທະຍາສາດ ແລະ ສິນລະປິນ, ຂ້າພະເຈົ້າເຊື່ອໝັ້ນວ່າ ພາລະກິດແຫ່ງການປ່ຽນແປງໃໝ່ຈະປະສົບຜົນສຳເລັດ ຖ້າເສີມຂະຫຍາຍນໍ້າໃຈສາມັກຄີອັນຍິ່ງໃຫຍ່ທົ່ວປວງຊົນທັງຊາດຢ່າງສູງສຸດ, ບົນພື້ນຖານປະຊາທິປະໄຕ ແລະ ວິທະຍາສາດ.
- ໃນຄວາມຄິດເຫັນຂອງທ່ານ, ປັດໄຈ "ໃຫມ່" ໃນ "ສັງກາດໃຫມ່" ມີເນື້ອໃນຫຼັກແມ່ນຫຍັງ, ທຽບກັບໄລຍະ ປີ 1986 ແລ້ວ ຕ່າງກັນຄືແນວໃດ?
- ສິ່ງ “ໃໝ່” ຢູ່ນີ້, ຕາມຄວາມຄິດຂອງຂ້າພະເຈົ້າ ແມ່ນດ້ານໜຶ່ງທີ່ຕ້ອງສືບທອດຜົນງານຕ່າງໆ ແລະ ບົດຮຽນເກືອບ 40 ປີໃນການປ່ຽນແປງໃໝ່, ແຕ່ອີກດ້ານໜຶ່ງກໍ່ຕ້ອງພ້ອມພຽງກັນ ສ້າງການເຄື່ອນໄຫວທີ່ເຂັ້ມແຂງກວ່າເກົ່າເພື່ອຕາມທັນໂລກ.
ພວກເຮົາບໍ່ອາດພໍໃຈກັບບັນດາສິ່ງທີ່ມີ. ໃນປັດຈຸບັນ, ບໍ່ພຽງແຕ່ບັນດາປະເທດຕາເວັນຕົກເຊັ່ນ: ອາເມລິກາ, ເອີຣົບ ເທົ່ານັ້ນທີ່ກໍາລັງກ້າວໄປໄກ, ແຕ່ຍັງມີບັນດາປະເທດຕາເວັນອອກກາງທີ່ມີຊັບພະຍາກອນອຸດົມສົມບູນເຊັ່ນ ນ້ຳມັນບໍ່ ແຕ່ເຂົາເຈົ້າກໍ່ບໍ່ໄດ້ເອື່ອຍອີງສິ່ງນັ້ນ, ພວກເຂົາໄດ້ກ້າວເຂົ້າສູ່ອຸດສາຫະກໍາ 4.0. ຕົວຈິງແລ້ວ ເຂົາເຈົ້າກໍ່ສ້າງທົ່ງນາໃນທະເລຊາຍ; ຫຼືຄືກັບປະເທດອິດສະຣາແອນ, ຈາກປະເທດທີ່ແຫ້ງແລ້ງ, ຂາດແຄນນ້ໍາ ແຕ່ປະຈຸບັນໄດ້ພັດທະນາເຕັກໂນໂລຢີການກັ່ນຕອງນ້ຳທະເລເປັນນ້ຳໃຊ້... ມີຫຼາຍຕົວຢ່າງທີ່ຂ້າພະເຈົ້າສາມາດຍົກໃຫ້ເຫັນວ່າ ຖ້າພວກເຮົາບໍ່ກໍານົດຢ່າງຖືກຕ້ອງກ່ຽວກັບຈຸດເວລາ ແລະ ບູລິມະສິດຕ່າງໆ ກໍ່ຍາກທີ່ຈະຕາມທັນກັບບັນດາປະເທດອື່ນໆ, ນີ້ກໍ່ແມ່ນແນວຄວາມຄິດຂອງ ທ່ານ ໂຕເລິມ ເລຂາທິການໃຫຍ່ ໄດ້ແບ່ງປັນ.
- ຕາມທ່ານແລ້ວ, ການເລີ່ມຕົ້ນໃຫ້ "ສັງກາດບືນຕົວຂຶ້ນ", ພວກເຮົາຄວນໃຫ້ບູລິມະສິດເຂົ້າໃນຂົງເຂດໃດກ່ອນ?
- ໃນຫຼາຍຄຳປາໄສ, ພິເສດແມ່ນໃນບົດສະຫລຸບກອງປະຊຸມສູນກາງຄັ້ງທີ 10, ຊຸດທີ XIII ແລະ ບັນດາການໂອ້ລົມກັບບັນດານັກສຳມະນາກອນຊຸດຮຽນຍຸດທະສາດ, ທ່ານ ໂຕເລິມ ເລຂາທິການໃຫຍ່ ໄດ້ຊີ້ແຈ້ງບັນດາເນື້ອໃນຂອງສັງກາດແຫ່ງການບືນຕົວຂອງຊາດ ແລະ ສັງກາດໃໝ່. ພ້ອມກັນນັ້ນ, ທ່ານ ໂຕເລິມ ກໍ່ຍັງໄດ້ເນັ້ນໜັກເຖິງລະບົບທິດສະດີແຕ່ຕິດພັນກັບສະພາບຕົວຈິງ, ໃນນັ້ນມີທິດທາງ ແລະ ວິທີປະຕິບັດຕ່າງໆ. ແນ່ນອນວ່ານັ້ນແມ່ນຈຸດລວມທັງໝົດ, ຕໍ່ໄປຍັງຕ້ອງເຂົ້າສູ່ລາຍລະອຽດ ແລະ ຫັນເປັນລະອຽດໃນການດໍາລົງຊີວິດ.
ໃນຄວາມຄິດເຫັນຂອງຂ້າພະເຈົ້າ, ເພື່ອເຂົ້າສູ່ອຸດສາຫະກໍາ 4.0, ປະເທດຊາດຕ້ອງປ່ຽນແປງໃໝ່ຈິນຕະນາການ, ປົດປ່ອຍບັນດາສິ່ງກີດຂວາງກ່ຽວກັບດ້ານນະໂຍບາຍ ແລະ ກົດຫມາຍ. ພວກເຮົາຕ້ອງພັດທະນາສັງຄົມດິຈິຕອນ, ເສດຖະກິດດິຈິຕອນ, ເສດຖະກິດສີຂຽວ ແລະ ເສດຖະກິດໝູນວຽນ ແມ່ນເປົ້າໝາຍຕ່າງໆທີ່ຕ້ອງໄດ້ຫັນເປັນຮູບປະທໍາ. ສະນັ້ນ, ຂ້າພະເຈົ້າຄິດວ່າ ບັນດານະໂຍບາຍຊີ້ຂາດອັນໃຫ່ຍຫຼວງເພື່ອພັດທະນາ ເສດຖະກິດ - ສັງຄົມແມ່ນຕ້ອງໄດ້ຮັບການພິຈາລະນາຢ່າງລະອຽດ.
ຄຽງຂ້າງນັ້ນ, ພວກເຮົາກໍ່ຕ້ອງໄດ້ຮຽນຮູ້ປະສົບການຈາກປະເທດອື່ນໆ. ໂລກໃນປັດຈຸບັນເປັນໂລກທີ່ເປີດກວ້າງ, ເຖິງແມ່ນກົດບັນຍັທາງດການເມືອງຈະແຕກຕ່າງກັນແຕ່ພວກເຮົາສາມາດຮຽນຮູ້ບັນດາວິທີການທີ່ມີປະສິດທິຜົນເພື່ອນໍາພາປະເທດຊາດພັດທະນາຢ່າງມີປະສິດທິຜົນ. ບັນພະບຸລຸດຂອງພວກເຮົາເມື່ອກ່ອນກໍ່ເຄີຍໄດ້ຮຽນຮູ້ໂດຍຜ່ານບັນດາການຂະບວນການ ດົ່ງຢູ, ຢຸຍເຕີນ, ຫຼື ບັນດາໂຮງຮຽນຄື ດົງກິ່ງເຫງຍທຸກ. ຍຸກນີ້ກໍ່ເຊັ່ນກັນ, ຕ້ອງໝູນໃຊ້ພູມປັນຍາອັນຍອດຢ້ຽມຂອງມວນມະນຸດ. ແຕ່ວ່າ, ສິ່ງທີ່ສຳຄັນທີ່ສຸດແມ່ນເຮັດໃຫ້ທຸກການເຄື່ອນໄຫວຢູ່ພາຍໃຕ້ການນຳພາຂອງພັກ, ການຄຸ້ມຄອງລັດ ແລະ ຄວາມເຫັນດີເປັນເອກະພາບກັນ, ການເຂົ້າຮ່ວມຂອງປະຊາຊົນທຸກຊັ້ນວັນນະ.
- ຮຽນທ່ານ, ພວກເຮົາຕ້ອງຖືສໍາຄັນບັນຫາໃຫ່ຍອັນໃດ?
ກ່ຽວກັບວິທີການ, ສໍາລັບຂ້າພະເຈົ້າ, ເພື່ອຫັນການກໍານົດທິດຂອງເລຂາທິການໃຫຍ່ເປັນອັນລະອຽດ, ນອກຈາກການເສີມຂະຫຍາຍນໍ້າໃຈສາມັກຄີອັນຍິ່ງໃຫຍ່ຂອງຊາດແລ້ວ, ພວກເຮົາຕ້ອງປຸກລະດົມສະຕິປັນຍາອັນສູງສົ່ງຂອງບັນດານັກວິທະຍາສາດ ແລະ ປັນຍາຊົນ. ພວກເຂົາຕ້ອງໄດ້ເຂົ້າຮ່ວມບັນດາບັນຫາສຳຄັນ, ອີງຕາມແນວທາງຂອງພັກ, ແລະ ນະໂຍບາຍ, ກົດໝາຍຂອງລັດ. ໃນສັງຄົມໜຶ່ງທີ່ທັນສະໄໝ, ມີປະຊາທິປະໄຕນັ້ນ ສຽງເວົ້າວິເຄາະທີ່ມີຄວາມຮັບຜິດຊອບ, ມີວິຈາລະນະຍານ ແລະ ມີເນື້ອຫາວິທະຍາສາດສູງແມ່ນສີ່ງທີ່ຈຳເປັນຫຼາຍທີ່ສຸດ.
ມີອີກຢ່າງໜຶ່ງທີ່ຂ້າພະເຈົ້າຢາກເວົ້າເພີ່ມ ນັ້ນແມ່ນຂ້າພະເຈົ້າເຫັນດີຢ່າງສູງກັບເລຂາທິການໃຫຍ່, ນອກຈາກການຍູ້ແຮງການຕ້ານການສໍ້ລາດບັງຫຼວງ, ປະກົດການຫຍໍ້ທໍ້ແລ້ວ, ທ່ານຍັງໄດ້ເພີ່ມເຕີມເນື້ອໃນ “ຕ້ານການຟຸມເຟືອຍ”. ທ່ານ ເລຂາທິການໃຫຍ່ໄດ້ເນັ້ນໜັກວ່າ ບາງຄັ້ງການຟຸມເຟືອຍຍັງສ້າງຄວາມເສຍຫາຍຫຼາຍກວ່າການສໍ້ລາດບັງຫຼວງ. ດັ່ງນັ້ນ, ພວກເຮົາຕ້ອງໄດ້ແກ້ໄຂບັນຫາທີ່ເປັນໄພນີ້ຢ່າງເດັດຂາດເພື່ອບໍ່ໃຫ້ມີຜົນກະທົບຫຍໍ້ທໍ້ຕໍ່ຂະບວນການພັດທະນາ.
ໃນຕົວຈິງ, ພວກເຮົາຕ້ອງເຂົ້າໃຈວ່າ ການຟຸມເຟືອຍຢູ່ທີ່ນີ້ບໍ່ພຽງແຕ່ເປັນການຟຸມເຟືອຍກໍາລັງແຮງງານ ວັດຖຸອຸປະກອນເທົ່ານັ້ນ ແຕ່ຍັງເປັນການຟຸມເຟືອຍສະຫມອງ, ພູມປັນຍາອີກດ້ວຍ. ຍ້ອນແນວນັ້ນ, ຈິ່ງຕ້ອງມີການຈັດວາງ ແລະ ນຳໃຊ້ຢ່າງເໝາະສົມເພື່ອໝູນໃຊ້ສະຕິປັນຍາຂອງຜູ້ເກັ່ງກ້າໃຫ້ຫຼາຍທີ່ສຸດ. ເມື່ອມີກົນໄກທີ່ເໝາະສົມເພື່ອໃຫ້ທຸກຄົນປະກອບສ່ວນສ້າງສາປະເທດຊາດແລ້ວ, ຂ້າພະເຈົ້າຄິດວ່າ ຈະປະຕິບັດບັນດາເປົ້າໝາຍທີ່ຕັ້ງໄວ້ໃຫ້ປະກົດຜົນເປັນຈິງໄດ້.
- ທ່ານຄາດວ່າຈະມີຄວາມຫຍຸ້ງຍາກອັນໃດທີ່ພວກເຮົາຈະປະເຊີນໃນເວລາທີ່ຈະມາເຖິງນີ້?
- ກ່ອນອື່ນໝົດ, ເມື່ອພວກເຮົາກໍານົດບາດກ້າວເຂົ້າສູ່ສັງກາດໃໝ່, ເຊິ່ງໜຶ່ງໃນສິ່ງທ້າທາຍອັນໃຫຍ່ຫຼວງຕ່າງໆນັ້ນກໍ່ຄືຈິນຕະນາການ ແລະ ວິທີການປະຕິບັດແບບເກົ່າໆທີ່ຍັງຄົງມີຢູ່ໃນຖັນແຖວພະນັກງານ. ດັ່ງນັ້ນ, ຈຸດຕົ້ນຕໍແມ່ນຄວາມຊັກຊ້າ, ການຮັກສາເດີມຕ້ອງໄດ້ແກ້ໄຂຢ່າງໄວວາ.
ຂ້າພະເຈົ້າສາມາດຍົກຕົວຢ່າງການຮັບຮູ້ກົດບັນຢັດທີ່ບໍ່ເຫມາະສົມຈະຂັດຂວາງການພັດທະນາຂອງວິສາຫະກິດ, ປະຊາຊົນ ແລະ ທຸກຂົງເຂດຂອງການດໍາລົງຊີວິດ. ບັນດາປະເທດທີ່ພັດທະນາໄດ້ມີເວລາເປັນຮ້ອຍປີເພື່ອສ້າງພື້ນຖານດ້ານກົດຫມາຍທີ່ເຂັ້ມແຂງ ແລະ ພວກເຂົາຍັງກໍາລັງສືບຕໍ່ພັດທະນາເພີ່ມເຕີມ. ຫວຽດນາມໃນປັດຈຸບັນ ກົງຈັກຍັງບໍ່ທັນຮັດກຸມ, ທັບຊ້ອນກັນບໍ່ເປັນລະບຽບ ແລະ ທຸກໆວຽກງານຍັງກໍາລັງຢູ່ໃນລະຫວ່າງຂັ້ນຕອນປະຕິບັດໃຫ້ສໍາເລັດ, ເພີ່ມເຕີມ ແລະ ສ້າງໃຫມ່.
ຍ້ອນແນວນັ້ນ, ຖ້າຍັງສືບຕໍ່ເຮັດແບບເກົ່າໆກັບແນວຄິດເກົ່າໆ ແມ່ນຈະປະສົບຜົນສໍາເລັດໄດ້ຍາກຫຼາຍ.
ທີສອງ, ຄົນທີ່ຈະສ້າງສັງກາດໃໝ່ຕ້ອງແມ່ນບຸກຄົນທີ່ໄດ້ຮັບການບຳລຸງສ້າງຢ່າງມີແບບມີແຜນ. ພວກເຮົາບໍ່ສາມາດນໍາໃຊ້ລັດທິປະສົບການໄດ້ຕະຫຼອດໄປ ແຕ່ຕ້ອງໄດ້ນໍາທຸກການຕັດສິນໃຈມາພິຈາລະນາຕາມຫຼັກຂອງວິທະຍາສາດ. ການບັງຄັບແນວຄິດຈະເຮັດໃຫ້ພວກເຮົາບໍ່ສາມາດຍາດແຍ່ງແຫຼ່ງກໍາລັງແຫ່ງຊາດໄດ້, ພິເສດແມ່ນແຫຼ່ງພູມປັນຍາ ແລະ ສະຕິປັນຍາຂອງຊາດ. ຫຼັກການນຳພາຂອງພັກ ແລະ ລັດ ຍັງຄົງແມ່ນຮັກສາຄວາມໝັ້ນຄົງ, ແຕ່ຕ້ອງການກົນໄກເພື່ອເສີມຂະຫຍາຍບົດບາດ, ທີ່ຕັ້ງ ແລະ ການປະກອບສ່ວນຂອງຖັນແຖວປັນຍາຊົນຫວຽດນາມ ທັງຢູ່ພາຍໃນ ແລະ ຕ່າງປະເທດ.
ປະຈຸບັນ, ມີນັກສຶກສາຫວຽດນາມ ເກັ່ງຫຼາຍຄົນທີ່ກໍາລັງຮຽນ ແລະ ເຮັດວຽກຢູ່ຕ່າງປະເທດ. ນີ້ແມ່ນແຫຼ່ງກໍາລັງທີ່ມີຄຸນນະພາບສູງທີ່ພວກເຮົາຕ້ອງໄດ້ຂຸດຄົ້ນຢ່າງມີປະສິດທິພາບ. ບັນຫານີ້ມີສອງວິທີເຂົ້າເຖິງຫຼັກຄື: ໜຶ່ງແມ່ນ, ພວກຮົາສ້າງກົນໄກ ແລະ ນະໂຍບາຍທີ່ເໝາະສົມເພື່ອຮຽກຮ້ອງໃຫ້ພວກເຂົາກັບຄືນປະເທດເພື່ອອຸທິດສ່ວນ. ຕົວຢ່າງຄື ປີ 1946, ເມື່ອລຸງໂຮ່ ໄປຝຣັ່ງ, ລຸງໂຮ່ ໄດ້ພົບປະກັບນັກວິທະຍາສາດຫຼາຍທ່ານເຊັ່ນ: ເຈີ່ນ ດ້າຍເຫງຍ, ເຈີ່ນດຶກຖາວ, ຟ້າມງອັກແທັກ ພ້ອມກັບບັນດາຜູ້ມີຊົງຄຸນວຸດທິຜູ້ມີຄວາມເກັ່ງກ້າສາມາດອື່ນໆ ແລະ ຊັກຊວນໃຫ້ພວກເຂົາກັບຄືນມາຮັບໃຊ້ປະເທດຊາດ.
ຍິ່ງໄປກວ່ານັ້ນ, ກະທັ້ງເມື່ອພວກເຂົາເຮັດວຽກຢູ່ຕ່າງປະເທດກໍໍ່ຕາມແຕ່ພວກເຮົາຍັງສາມາດເຊື່ອມຕໍ່ຜ່ານບັນດາສະຖານທູດຫວຽດນາມ ແລະ ອົງການຈັດຕັ້ງສະມາຄົມຄົນຫວຽດຢູ່ທີ່ນັ້ນ. ການປະກອບສ່ວນທີ່ບໍ່ຈໍາເປັນຕ້ອງເປັນການຕອບແທນແຕ່ສາມາດເປັນຮູບແບບແນວຄວາມຄິດໄດ້, ແມ່ນຫົວຄິດປະດິດສ້າງ... ໃນຄວາມຄິດຂອງຂ້າພະເຈົ້າແລ້ວ, ສິ່ງທີ່ສໍາຄັນແມ່ນພວກເຂົາຮູ້ສຶກໄດ້ຮັບການເຄົາລົບ ແລະ ຄວາມຄິດເຫັນຂອງພວກເຂົາໄດ້ຮັບການບັນທຶກ ແລະ ນໍາໃຊ້.
- ສັງກາດໃໝ່ຂອງທົ່ວພັກ ທົ່ວປວງຊົນໃນປັດຈຸບັນນີ້, ທ່ານຄາດຫວັງຫຍັງກ່ຽວກັບອະນາຄົດຂອງປະເທດຊາດ?
- ຖ້າຫາກພວກເຮົາປະຕິບັດຖືກຕ້ອງຕາມສິ່ງທີ່ ທ່ານເລຂາທິການໃຫຍ່ ໂຕເລິມ ໄດ້ເຕື້ອງເຖິງ ແລະ ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ທີ່ຈະມາເຖິງຢ່າງມີປະສິດທິຜົນ, ດ້ວຍທັດສະນະຄະຕິທີ່ພ້ອມພຽງກັນ, ກໍານົດທິດຕະຫຼອດເຖິງວິໄສທັດ, ຂ້າພະເຈົ້າເຊື່ອໝັ້ນວ່າ ປະເທດຊາດຈະມີບາດກ້າວຫັນປ່ຽນຢ່າງເຂັ້ມແຂງໃນສັງກາດໃໝ່.
- ຂອບໃຈທ່ານຫຼາຍໆ!
 |
| ທ່ານ ຮສຈ.ປອ. ຫງວຽນຮົ່ງເຊີນ ຮອງຫົວໜ້າຄະນະກຳມະການເສດຖະກິດສູນກາງ: |
ບືນຕົວກາຍຕົນເອງ
ສະພາບແວດລ້ອມການພັດທະນາໃໝ່ດ້ວຍຄວາມສະດວກ ແລະ ຄວາມຫຍຸ້ງຍາກຫຼາຍຢ່າງ, ຄວາມປາດຖະໜາອັນແຮງກ້າໃນການພັດທະນາປະເທດແມ່ນໃຫຍ່ຫຼວງ. ສະນັ້ນ, ເພື່ອບັນລຸບັນດາເປົ້າໝາຍທີ່ວາງໄວ້ຈໍາເປັນຕ້ອງພະຍາຍາມບຸກບືນ “ແບບພິເສດ” ແລະ “ບືນຕົວກາຍຕົນເອງ”.
ຕ້ອງກຳນົດຢ່າງຈະແຈ້ງ ແລະ ເປັນເອກະພາບຄວາມຮັບຮູ້ກ່ຽວກັບບົດບາດ, ທີ່ຕັ້ງ ແລະ ລະດັບຄວາມສຳຄັນຂອງການຄຸ້ມຄອງ ແລະ ນຳໃຊ້ບັນດາແຫຼ່ງກຳລັງເສດຖະກິດຢ່າງມີປະສິດທິຜົນ; ໃຫ້ຖືວ່າ ນີ້ແມ່ນຄວາມຮັບຜິດຊອບຂອງທັງລະບົບການເມືອງ. ບົນພື້ນຖານນັ້ນ, ກໍ່ເຊື່ອມຊຶມ ແລະ ຈັດຕັ້ງປະຕິບັດບັນດາຂໍ້ຕົກລົງ, ບົດສະຫຼຸບຂອງພັກກ່ຽວກັບການຄຸ້ມຄອງໃຫ້ເປັນຢ່າງດີ ແລະ ນໍາໃຊ້ບັນດາແຫຼ່ງກໍາລັງຢ່າງມີປະສິດທິຜົນ. ການຄຸ້ມຄອງ ແລະ ນໍາໃຊ້ບັນດາແຫຼ່ງກໍາລັງຂອງພື້ນຖານເສດຖະກິດຢ່າງມີປະສິດທິຜົນ ຈະຊ່ວຍຍົກສູງປະສິດທິພາບແຮງງານ, ປະຕິບັດຢ່າງປະຢັດ, ຕ້ານການຟຸມເຟືອຍ, ຜ່ານນັ້ນ ກໍ່ຊ່ວຍໃຫ້ຂະບວນການຫັນເປັນອຸດສາຫະກຳ, ຫັນເປັນທັນສະໄໝຕິດພັນກັບການປ່ຽນແປງໃໝ່ຮູບແບບການເຕີບໂຕປະສົບຜົນສຳເລັດ, ປັບໂຄງປະກອບເສດຖະກິດຄືນໃໝ່; ປົກປັກຮັກສາສິ່ງແວດລ້ອມ, ປັບຕວໃຫ້ແທດເໝາະກັບການປ່ຽນແປງຂອງດິນຟ້າອາກາດ, ການປ້ອງກັນຊາດ, ປ້ອງກັນຄວາມສະຫງົບ, ຍົກສູງປະສິດທິຜົນວຽກງານການຕ່າງປະເທດ; ຊ່ວຍຫຼີກລ້ຽງຄວາມສ່ຽງຫຼ້າຫຼັງ ແລະ ຕົກເຂົ້າກັບດັກລາຍຮັບປານກາງ; ສ້າງກໍາລັງໜູນນໍາປະເທດເຮົາກ້າວເຂົ້າສູ່ສັງກາດພັດທະນາໃໝ່, ກາຍເປັນປະເທດອຸດສາຫະກຳທີ່ທັນສະໄໝ, ມີລາຍຮັບສູງຕາມທິດສັງຄົມນິຍົມ.
 |
| ທ່ານ ປອ. ຟ້າມເຕິດຖັງ ກຳມະການສູນກາງພັກ, ຮອງຫົວໜ້າຄະນະປະຈຳ, ປະທານສະພາວິທະຍາສາດ ຄະນະຂົນຂວາຍປະຊາຊົນສູນກາງ: |
ຫັນບັນດາແຫຼ່ງກໍາລັງເປັນຫຼາຍຮູບຫຼາຍແບບ
ສືບຕໍ່ປັບປຸງນະໂຍບາຍປະກັນສັງຄົມໃຫ້ສອດຄ່ອງກັບຂະບວນການພັດທະນາເສດຖະກິດ-ສັງຄົມ; ປັບປຸງໃຫ້ສົມບູນ, ເພີ່ມກົນໄກ, ນະໂຍບາຍສະເພາະ, ຮັບປະກັນບັນດາກຸ່ມທີ່ອ່ອນແອເຂົ້າໃກ້ການບໍລິການພື້ນຖານສັງຄົມຢ່າງຄົບຖ້ວນ. ເພີ່ມເຕີມ, ເຮັດສຳເລັດກົນໄກ, ນະໂຍບາຍ, ການວາງແຜນຜັງ, ການລົງທຶນຍົກລະດັບລະບົບປະກັນສັງຄົມຮັບປະກັນຄວາມຫຼາກຫຼາຍ, ຮອບດ້ານ, ເໝາະສົມກັບເງື່ອນໄຂພັດທະນາເສດຖະກິດ - ສັງຄົມ ແລະ ຄວາມສາມາດໃນການລະດົມ, ດຸ່ນດ່ຽງກໍາລັງແຮງຂອງລັດ. ຫັນບັນດາແຫຼ່ງກໍາລັງເປັນຫຼາຍຮູບຫຼາຍແບບ, ຍູ້ແຮງການຫັນໃຫ້ມີລັກສະນະເປັນສັງຄົມ, ປະຕິບັດຢ່າງເປີດເຜີຍ, ໂປ່ງໃສໃນການຂຸດຄົ້ນ, ຄຸ້ມຄອງ, ນຳໃຊ້ແຫຼ່ງກຳລັງປະຕິບັດນະໂຍບາຍສັງຄົມ, ພັດທະນາລະບົບປະກັນຊີວິດສັງຄົມ. ສ້າງສາ, ເພີ່ມພູນຄູນສ້າງແນວຄິດການເມືອງ, ກຳລັງຄວາມສາມາດໃນການປະຕິບັດສິດທິມະນຸດ, ປະຕິບັດຕາມລະບອບປະຊາທິປະໄຕສັງຄົມນິຍົມຢ່າງບໍ່ຢຸດຢັ້ງ. ສ້າງກົນໄກ, ນະໂຍບາຍເພື່ອໃຫ້ບັນດາວິສາຫະກິດ ແລະ ປະຊາຊົນຍົກສູງກໍາລັງບົ່ມຊ້ອນທາງດ້ານວັດຖຸ, ການເງິນ, ປັບຕົວເຂົ້າກັບກົນໄກຕະຫຼາດ ແລະ ການເຊື່ອມໂຍງເຂົ້າກັບສາກົນ, ລວມທັງນະໂຍບາຍ “ເປີດໃຈໃຫ້ກໍາລັງແຮງປະຊາຊົນ”, ບໍາລຸງກໍາລັງແຮງຂອງປະຊາຊົນ “ບໍ່ປະໃຫ້ໃຜຢູ່ເບື້ອງຫຼັງ”, ຍົກສູງຄຸນນະພາບແຫຼ່ງກໍາລັງຂອງມະນຸດ.
 |
| ທ່ານ ຮສ.ປອ. ຫວູ້ວັນຟຸກ ຮອງປະທານສະພາວິທະຍາສາດບັນດາອົງການພັກສູນກາງ, ອະດີດບັນນາທິການໃຫຍ່ວາລະສານກອມມູນິດ: |
ກຸນແຈແມ່ນການຫັນເປັນດິຈິຕອນ
ທ່ານເລຂາທິການໃຫຍ່ ໂຕເລິມ ຢືນຢັນວ່າ ການຫັນເປັນດິຈິຕອນຕ້ອງແມ່ນໜຶ່ງໃນການປະຕິວັດນຳປະເທດຊາດເຂົ້າສູ່ສັງກາດໃໝ່ - ສັງກາດບືນຕົວຂຶ້ນຂອງຊາດຫວຽດນາມ ຢ່າງແທ້ຈິງ. ປະເທດເຮົາພວມປະເຊີນໜ້າກັບກາລະໂອກາດໃໝ່, ທັງເປັນໂອກາດພ້ອມທັງເປັນສິ່ງທ້າທາຍໃນເສັ້ນທາງພັດທະນາ. ພາຍໃຕ້ການນຳພາຂອງພັກ, ດ້ວຍຄວາມເຫັນດີເຫັນພ້ອມ, ຮ່ວມກໍາລັງແຮງທົ່ວພັກ, ທົ່ວປວງຊົນ ແລະ ທັງລະບົບການເມືອງ, ແນ່ນອນວ່າ ພວກເຮົາຈະປະຕິບັດການປະຕິວັດຫັນເປັນດີຈີຕອນຢ່າງສຳເລັດ, ສ້າງບາດກ້າວບຸກທະລຸໃນການພັດທະນາກຳລັງການຜະລິດ ແລະ ພົວພັນການຜະລິດຢ່າງສົມບູນ, ນຳພາປະເທດຂອງພວກເຮົາ ແລະ ປະຊາຊົນບືນຕົວຂຶ້ນຢ່າງກະໂດດຂັ້ນເຂົ້າໃນສັງກາດໃໝ່, ສັງກາດຂອງການຈະເລີນກ້າວໜ້າ, ຮຸ່ງເຮືອງ ແລະ ທັນສະໄໝ.
 |
| ຮູບພາບສະທ້ອນໃຫ້ເຫັນກອງທັບທະຫານເດີນທາງໄປຮ່າໂນ້ຍ ເພື່ອສະເຫຼີມສະຫຼອງ 70 ປີແຫ່ງວັນປົດປ່ອຍນະຄອນຫຼວງ. (ພາບ: ດວ່ານຕຸ່ງ) |
 |
| ທ່າກຳປັ່ນ ຫ່າຍຟ່ອງ. (ຮູບພາບປະກອບ) |
 | “ສື່ມວນຊົນແຂວງສະຫວັນນະເຂດກັບສິ່ງທ້າທາຍ ໃນຍຸກໃໝ່” ໃນກອງປະຊຸມສຳມະນາ ໃນວັນສື່ມວນຊົນແຫ່ງຊາດ ກອງປະຊຸມສຳມະນາໃນ ຫົວຂໍ້ “ສື່ມວນຊົນແຂວງສະ ຫວັນນະເຂດ ກັບສິ່ງທ້າທາຍ ໃນຍຸກໃໝ່”ເຊິ່ງໄດ້ຈັດຂຶ້ນໃນ ໂອກາດວັນສ້າງຕັ້ງສື່ມວນ ຊົນແຫ່ງຊາດ ແລະການພິມຈຳ ໜ່າຍ ຄົບຮອບ 69 ປີ(13/8 /950-13/6/2019) ທີ່ຫ້ອງ ປະຊຸມພະແນກຖວທ ແຂວງ, ພາຍໃຕ້ການເຂົ້າຮ່ວມເປັນ ປະທານຂອງທ່ານ ຄຳພູນ ຕຸໄພທູນ ຮອງເຈົ້າ ແຂວງ ສະຫວັນນະເຂດ, ທ່ານ ... |
ທອງມີ ສີຫາວົງ
