ຍສໝ - ໃນສະພາບການທີ່ເສດຖະກິດໂລກກ້າວເຂົ້າສູ່ວົງຈອນໃໝ່ ດ້ວຍອັດຕາດອກເບ້ຍສູງ, ໄພເງິນເຟີ້ ແລະ ການແຂ່ງຂັນດ້ານພູມສາດການເມືອງທີ່ເພີ່ມຂຶ້ນ, ທ່ານນາງ ດວ່ານເຟືອງລານ, ກົງສຸນໃຫຍ່ຫວຽດນາມປະຈຳ Busan, ຢືນຢັນວ່າ ຫວຽດນາມແມ່ນຄູ່ຮ່ວມມືດ້ານການຄ້າ ແລະ ລະບົບຕ່ອງໂສ້ສະໜອງທີ່ໜ້າເຊື່ອຖືຂອງ ສ.ເກົາຫຼີ, ພ້ອມທັງກຽມພ້ອມສະໜັບສະໜູນວິສາຫະກິດສອງຝ່າຍເພີ່ມທະວີການເຊື່ອມຕໍ່ການຄ້າ.
ຍສໝ - ງານສະແດງດົນຕີມິດຕະພາບຫວຽດນາມ - ໂຣມານີ ຢູ່ນະຄອນຫຼວງ Bucharest ໄດ້ເຕົ້າໂຮມບັນດາສິລະປິນຂອງສອງປະເທດ, ແນະນຳດົນຕີ, ຊຸດເສື້ອຍາວ, ອາຫານ ແລະ ຜະລິດຕະພັນຫວຽດນາມ, ຜ່ານນັ້ນເຜີຍແຜ່ພາບພົດປະເທດຊາດ, ຄົນຫວຽດນາມ ແລະ ປະກອບສ່ວນເພີ່ມທະວີການພົວພັນແລກປ່ຽນລະຫວ່າງປະຊາຊົນສອງປະເທດ.
ຍສໝ - ການສ້າງເງື່ອນໄຂສະດວກໃຫ້ພົນລະເມືອງໃນການເຂົ້າ - ອອກປະເທດ, ພັກອາໄສ, ຮ່ຳຮຽນ, ເຮັດວຽກ ແລະ ເພີ່ມທະວີການປະສານງານໃນການປົກປ້ອງພົນລະເມືອງ ແມ່ນບັນດາເນື້ອໃນຈຸດສຸມທີ່ກອງປະຊຸມປຶກສາຫາລືດ້ານກົງສຸນ ຫວຽດນາມ - ຍີ່ປຸ່ນ ຄັ້ງທີ 9, ຈັດຂຶ້ນໃນວັນທີ 25 ສິງຫາ ຢູ່ຮ່າໂນ້ຍ.
ຍສໝ - ໃນຕອນບ່າຍວັນທີ 24/8, ໃນໂອກາດຕ້ອນຮັບ ທ່ານ ຟຣານຊິສໂກ ເປເຣດ ແມັກເຄນນາ (Francisco Pérez Mackenna) ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ຊີເລ ໃນໂອກາດເດີນທາງມາຢ້ຽມຢາມ ຫວຽດນາມ ຢ່າງເປັນທາງການ (ຕັ້ງແຕ່ວັນທີ 23-25/8), ທ່ານ ນາຍົກລັດຖະມົນຕີ ເລມິນຮືງ ໄດ້ຢືນຢັນວ່າ ຫວຽດນາມ ຍາມໃດກໍ່ຖືເປັນສໍາຄັນ ສາຍພົວພັນມິດຕະພາບມູນເຊື້ອ ກໍ່ຄື ສາຍພົວພັນຄູ່ຮ່ວມມືຮອບດ້ານ ລະຫວ່າງ ສອງຊາດ.
ຍສໝ - ໃນສະພາບການທີ່ປັນຍາປະດິດ (AI) ແລະ ເຕັກໂນໂລຊີດິຈິຕອນພັດທະນາຢ່າງວ່ອງໄວ, ປະສົບການຂອງສິງກະໂປສະແດງໃຫ້ເຫັນວ່າ ຄວາມສາມາດໃນການປັບຕົວໃຫ້ທັນກັບເຕັກໂນໂລຊີໃໝ່ ບໍ່ພຽງແຕ່ຂຶ້ນກັບການລົງທຶນໃສ່ໂຄງລ່າງ ຫຼື ການອອກນະໂຍບາຍເທົ່ານັ້ນ, ຫາກຍັງຮຽກຮ້ອງໃຫ້ມີການດັດປັບຢ່າງສອດຄ່ອງທັງດ້ານສະຖາບັນ, ການຈັດຕັ້ງກົງຈັກ, ຊັບພະຍາກອນມະນຸດ ແລະ ຮູບແບບການຮ່ວມມືລະຫວ່າງລັດກັບວິສາຫະກິດ.
ຍສໝ - ວັນທີ 24/8, ສະຖານທູດຫວຽດນາມປະຈຳສິງກະໂປ ໄດ້ຈັດພິທີລະນຶກ 81 ປີ ວັນຊາດແຫ່ງສາທາລະນະລັດສັງຄົມນິຍົມຫວຽດນາມ (2/9/1945 - 2/9/2026), ໂດຍມີການເຂົ້າຮ່ວມຂອງທ່ານ ເຈິ່ນເກີ່ມຕູ໋, ກຳມະການກົມການເມືອງ, ຜູ້ປະຈຳການຄະນະເລຂາທິການ ພ້ອມດ້ວຍຄະນະຜູ້ແທນຂັ້ນສູງຫວຽດນາມ.
ຍສໝ - ຕອນບ່າຍວັນທີ 24/8, ທີ່ສຳນັກງານລັດຖະບານ, ທ່ານນາງ ຟ້າມທິແທັງຈ່າ, ເລຂາທິການສູນກາງພັກ, ຮອງນາຍົກລັດຖະມົນຕີ ໄດ້ຕ້ອນຮັບ ທ່ານ Sanjay Wijesekera, ຜູ້ອຳນວຍການກອງທຶນເດັກແຫ່ງສະຫະປະຊາຊາດ (UNICEF) ປະຈຳພາກພື້ນອາຊີ - ປາຊີຟິກ. ສອງຝ່າຍໄດ້ແລກປ່ຽນບັນດາທິດທາງເພື່ອເພີ່ມທະວີການຮ່ວມມື, ໃນນັ້ນ ເອົາໃຈໃສ່ການປົກປ້ອງເດັກນ້ອຍໃນສະພາບແວດລ້ອມດິຈິຕອນ ແລະ ໃນຍຸກປັນຍາປະດິດ (AI).
ຍສໝ - ຕອນບ່າຍວັນທີ 24/8, ທີ່ ສິງກະໂປ, ທ່ານ ເຈິ່ນເກີ່ມຕູ໋, ກຳມະການກົມການເມືອງ, ຜູ້ປະຈຳການຄະນະເລຂາທິການ ໄດ້ເຂົ້າພົບປະ ທ່ານ Seah Kian Peng, ປະທານລັດຖະສະພາສິງກະໂປ. ສອງຝ່າຍເຫັນດີສືບຕໍ່ຊຸກຍູ້ການຮ່ວມມືລະຫວ່າງສອງອົງການນິຕິບັນຍັດ, ປະກອບສ່ວນຜັນຂະຫຍາຍຂອບການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສິງກະໂປ ຢ່າງມີປະສິດທິຜົນ.
ຍສໝ - ວັນທີ 23/8, ທີ່ຮ່າໂນ້ຍ, ລັດຖະມົນຕີກະຊວງການຕ່າງປະເທດ ເລຮວ່າຍຈຸງ ໄດ້ເຈລະຈາກັບລັດຖະມົນຕີກະຊວງການຕ່າງປະເທດຈີເລ Francisco Pérez Mackenna, ໂດຍເຫັນດີສືບຕໍ່ເຮັດໃຫ້ການພົວພັນຄູ່ຮ່ວມມືຮອບດ້ານຫວຽດນາມ - ຈີເລ ເລິກເຊິ່ງຍິ່ງຂຶ້ນ, ເປີດກວ້າງການຮ່ວມມືໃນບັນດາຂົງເຂດທີ່ຍັງມີທ່າແຮງຫຼາຍ ເຊັ່ນ: ການຫັນປ່ຽນສີຂຽວ, ເສດຖະກິດດິຈິຕອນ, ວິທະຍາສາດ - ເຕັກໂນໂລຊີ, ພະລັງງານທົດແທນ ແລະ ແຮ່ທາດຍຸດທະສາດ.
ຍສໝ - ໃນຂອບເຂດການເດີນທາງ “ຂ້ອຍຮັກປະເທດຊາດຂອງຂ້ອຍ” ຢູ່ຫຼວງພະບາງ (ລາວ), ຊາວໜຸ່ມຫວຽດນາມ ແລະ ລາວ ໄດ້ຮ່ວມກັນແລກປ່ຽນບົດຮຽນໃນການຊ່ວຍເຫຼືອຊາວໜຸ່ມສ້າງຕົນ, ສ້າງອາຊີບ, ນຳໃຊ້ເຕັກໂນໂລຊີ, ພ້ອມທັງແບ່ງປັນບັນດາວິທີການໃນການຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ. ຜ່ານນັ້ນ, ຄົນຮຸ່ນໜຸ່ມຂອງສອງປະເທດປະກອບສ່ວນທະນຸຖະໜອມການພົວພັນຫວຽດນາມ - ລາວ ດ້ວຍບັນດາກິດຈະກຳຮ່ວມມືທີ່ແທດຈິງ.
ຍສໝ - ຕອນບ່າຍວັນທີ 22/8, ຢູ່ຮ່າໂນ້ຍ, ທ່ານ ດວ່ານມິງຮ໊ວນ ກຳມະການກົມການເມືອງ, ຜູ້ອຳນວຍການສະຖາບັນການເມືອງແຫ່ງຊາດໂຮ່ຈີມິນ, ຕາງໜ້າການນຳພັກ, ລັດ ໄດ້ຕ້ອນຮັບຄະນະຜູ້ນຳຮຸ່ນໜຸ່ມຂອງພັກກອມມູນິດຫວຽດນາມ, ພັກປະຊາຊົນປະຕິວັດລາວ ແລະ ພັກປະຊາຊົນກຳປູເຈຍ. ທ່ານໄດ້ເນັ້ນໜັກເຖິງບົດບາດຂອງພະນັກງານຮຸ່ນໜຸ່ມໃນການສືບທອດ, ຮັກສາ ແລະ ເສີມສ້າງການພົວພັນມິດຕະພາບ, ການຮ່ວມມືລະຫວ່າງສາມປະເທດ.
ຍສໝ - ຕອນບ່າຍວັນທີ 23/8, ຢູ່ສະພາແຫ່ງຊາດ, ທ່ານ ເຈິ່ນແທງເໝິນ ປະທານສະພາແຫ່ງຊາດ ໄດ້ເຈລະຈາກັບທ່ານ Patrick Achi ປະທານສະພາແຫ່ງຊາດແຫ່ງສາທາລະນະລັດ Côte d’Ivoire (ກົດດີວົວ). ສອງຝ່າຍເຫັນດີເພີ່ມທະວີການຮ່ວມມືລັດຖະສະພາ, ສ້າງເງື່ອນໄຂສະດວກໃຫ້ແກ່ການຄ້າ ແລະ ການລົງທຶນ, ມຸ່ງໄປສູ່ເປົ້າໝາຍນຳມູນຄ່າການຄ້າສອງຝ່າຍບັນລຸກວ່າ 3-5 ຕື້ USD ໃນໄລຍະຕໍ່ໜ້າ.
ຍສໝ - ນັກຖ່າຍຮູບຂ່າວຊາວຍີ່ປຸ່ນ Ishikawa Bunyo, ຜູ້ປະໄວ້ຮູບພາບກວ່າ 15.000 ຮູບກ່ຽວກັບສົງຄາມຫວຽດນາມ, ໄດ້ເສຍຊີວິດໃນວັນທີ 23/8 ຢູ່ແຂວງ Nagano ຫຼັງຈາກຕໍ່ສູ້ກັບພະຍາດຮ້າຍແຮງມາໄລຍະໜຶ່ງ, ລວມອາຍຸໄດ້ 88 ປີ. ຕະຫຼອດຫຼາຍທົດສະວັດຫຼັງສົງຄາມ, ທ່ານຍັງຄົງນຳສະເໜີບັນດາຮູບພາບ ແລະ ບອກເລົ່າສິ່ງທີ່ຕົນເອງໄດ້ພົບເຫັນ ເພື່ອຝາກຂໍ້ຄວາມເຖິງຄົນຮຸ່ນໜຸ່ມກ່ຽວກັບຄຸນຄ່າຂອງຊີວິດ ແລະ ສັນຕິພາບ.
ຍສໝ - ແຕ່ວັນທີ 24-25/8, ສະຫາຍ ເຈິ່ນເກິມຕູ໋, ກຳມະການກົມການເມືອງ, ຄະນະປະຈຳສຳນັກເລຂາທິການ ພ້ອມດ້ວຍຄະນະຜູ້ແທນຂັ້ນສູງພັກຄອມມູນິດຫວຽດນາມ ຈະໄປຢ້ຽມຢາມສິງກະໂປຢ່າງເປັນທາງການ ແລະ ຮ່ວມເປັນປະທານການສົນທະນາຍຸດທະສາດ ຫວຽດນາມ - ສິງກະໂປ ຄັ້ງທີ 1. ຕາມທ່ານ ຫງວຽນແມ້ງເກື່ອງ, ລັດຖະມົນຕີຊ່ວຍວ່າການກະຊວງການຕ່າງປະເທດ, ການຢ້ຽມຢາມຄັ້ງນີ້ເປັນຂີດໝາຍບາດກ້າວພັດທະນາໃໝ່ດ້ານຄຸນນະພາບໃນສາຍພົວພັນລະຫວ່າງສອງພັກ, ສ້າງພື້ນຖານທາງການເມືອງ ແລະ ແຮງຂັບເຄື່ອນເພີ່ມເຕີມ ເພື່ອນຳສາຍພົວພັນຄູ່ຮ່ວມຍຸດທະສາດຮອບດ້ານໃຫ້ເຂົ້າສູ່ຄວາມເລິກເຊິ່ງ.
ຍສໝ - ຕໍ່ໜ້າການປ່ຽນແປງຢ່າງວ່ອງໄວຂອງເຕັກໂນໂລຊີ ແລະ ພູມສາດການເມືອງໂລກ, ສິງກະໂປໄດ້ມີຫຼາຍບາດກ້າວຫັນປ່ຽນເພື່ອປັບຕົວເຂົ້າກັບສະພາບການໃໝ່. ບົດຮຽນຂອງ “ປະເທດເກາະສິງໂຕ”, ໂດຍສະເພາະ 5 ຫຼັກການກ່ຽວກັບການກຳນົດຄວາມສ່ຽງ, ເສີມສ້າງຄວາມເຊື່ອໝັ້ນ, ນຳເຕັກໂນໂລຊີເຂົ້າສູ່ຊີວິດ, ດຶງດູດຜູ້ມີຄວາມສາມາດ ແລະ ຮຽນຮູ້ຢ່າງບໍ່ຢຸດຢັ້ງ, ໄດ້ນຳມາເຊິ່ງບັນດາຂໍ້ຄິດເຫັນທີ່ເປັນປະໂຫຍດແກ່ຫວຽດນາມໃນຂະບວນການພັດທະນາວິທະຍາສາດ - ເຕັກໂນໂລຊີ.
ຍສໝ - ແຕ່ວັນທີ 17-19/8, ຢູ່ສູນວັດທະນະທຳຫວຽດນາມປະຈຳລາວ ທີ່ນະຄອນຫຼວງວຽງຈັນ, ລາຍການວາງສະແດງ ແລະ ສາທິດສະເພາະຫົວຂໍ້ “ການປະຕິບັດຄວາມເຊື່ອເທັນຂອງກຸ່ມພາສາໄຕ - ໄທ” ໄດ້ແນະນຳໃຫ້ສາທາລະນະຊົນລາວຮູ້ຈັກບັນດາຄຸນຄ່າວັດທະນະທຳອັນເປັນເອກະລັກຂອງບັນດາເຜົ່າຢູ່ຫວຽດນາມ, ພ້ອມທັງຍົກໃຫ້ເຫັນຫຼາຍຈຸດຄ້າຍຄືກັນໃນຊີວິດທາງຈິດໃຈຂອງສອງປະເທດ.
ຍສໝ - ເນື່ອງໃນໂອກາດລະນຶກຄົບຮອບ 81 ປີ ແຫ່ງໄຊຊະນະຂອງການປະຕິວັດເດືອນສິງຫາ (19/8/1945 - 19/8/2026) ແລະ ວັນຊາດ 2/9 (02/9/1945 - 02/9/2026), ສະຖານທູດຫວຽດນາມປະຈຳເວເນຊູເອລາ ໄດ້ຈັດກິດຈະກຳຕໍ່ເນື່ອງຊຸດໜຶ່ງ ເພື່ອແນະນຳໃຫ້ປະຊາຊົນທ້ອງຖິ່ນໄດ້ຮູ້ຈັກພາບພົດຂອງຫວຽດນາມທີ່ເຂັ້ມແຂງອົດທົນໃນອະດີດ, ຄຶກຄັກໃນການພັດທະນາ ແລະ ເຊື່ອມໂຍງສາກົນໃນປັດຈຸບັນ.
ຍສໝ - ຜູ້ແທນ ແລະ ແຂກຖືກເຊີນປະມານ 1.000 ຄົນ ໄດ້ເຂົ້າຮ່ວມງານລ້ຽງຮັບຮອງລະນຶກຄົບຮອບ 81 ປີ ແຫ່ງການປະຕິວັດເດືອນສິງຫາ, ວັນຊາດ 2/9 ແລະ 50 ປີ ແຫ່ງການສ້າງຕັ້ງສາຍພົວພັນການທູດ ຫວຽດນາມ - ໄທ ທີ່ຈັດໂດຍສະຖານທູດຫວຽດນາມປະຈຳໄທ ໃນຕອນຄ່ຳວັນທີ 18/8 ຢູ່ໂຮງແຮມ The Ritz-Carlton Bangkok.
ຍສໝ - ຜົນງານຈິດຕະກຳ 100 ຜົນງານຂອງບັນດາຈິດຕະກອນຫວຽດນາມ ແລະ ໄທ ໄດ້ຮັບການນຳສະເໜີທີ່ງານວາງສະແດງຈິດຕະກຳ ຫວຽດນາມ - ໄທ ເຊິ່ງຈັດຂຶ້ນແຕ່ວັນທີ 18-30/8 ຢູ່ຫໍພິພິທະພັນສິລະປະ, ມະຫາວິທະຍາໄລຂອນແກ່ນ, ພາກຕາເວັນອອກສຽງເໜືອຂອງໄທ, ປະກອບສ່ວນສ້າງຂົວເຊື່ອມການແລກປ່ຽນວັດທະນະທຳອີກແຫ່ງໜຶ່ງລະຫວ່າງປະຊາຊົນສອງປະເທດ.
ຍສໝ - ທີ່ງານພົບປະເນື່ອງໃນໂອກາດລະນຶກຄົບຮອບ 61 ປີ ວັນຊາດສາທາລະນະລັດສິງກະໂປ ໃນຕອນເຊົ້າວັນທີ 19/8 ຢູ່ນະຄອນໂຮ່ຈີມິນ, ສະມາຄົມມິດຕະພາບຫວຽດນາມ - ສິງກະໂປ ນະຄອນໂຮ່ຈີມິນ ໄດ້ສະເໜີສ້າງ “ພື້ນທີ່ວັດທະນະທຳ ແລະ ມິດຕະພາບ ຫວຽດນາມ - ສິງກະໂປ”, ແນໃສ່ສ້າງສະຖານທີ່ເຊື່ອມຕໍ່ເປັນປະຈຳລະຫວ່າງປະຊາຄົມຂອງສອງປະເທດ.
ຍສໝ - ໃນຂອບເຂດການຮ່ວມມືແກ້ໄຂຜົນຮ້າຍຍ້ອນສົງຄາມ, ບັນດາອົງການຈັດຕັ້ງທີ່ມີພາລະບົດບາດຂອງ ສະຫະລັດ ອາເມລິກາ ຢືນຢັນວ່າ ຈະສືບຕໍ່ຊ່ວຍເຫຼືອ ຫວຽດນາມ ໃນການຄົ້ນຫາ, ເຕົ້າໂຮມ ແລະ ຢັ້ງຢືນຕົວຕົນອັດຖິທະຫານລົບຫຼວງລາດ, ໂດຍສະເພາະແມ່ນໃນຂົງເຂດທີ່ ສະຫະລັດ ອາເມລິກາ ມິຈຸດແຂງດ້ານເຕັກໂນໂລຊີ ແລະ ການຊັນນະສູດ.
ຍສໝ - ວັນທີ 18/8 ຢູ່ຮ່າໂນ້ຍ, ສະຫາຍ ຫງວຽນແມ້ງເກື່ອງ, ກຳມະການສູນກາງພັກ, ຮອງເລຂາປະຈຳຄະນະພັກກະຊວງ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ເຈລະຈາກັບສະຫາຍ Roman Roun, ປະທານພັກກອມມູນິດ ສ.ເຊັກໂກ Morava ທີ່ພວມຢ້ຽມຢາມຫວຽດນາມ. ສອງຝ່າຍເຫັນດີເພີ່ມທະວີການແລກປ່ຽນ, ແບ່ງປັນຂໍ້ມູນ ແລະ ປະສົບການ, ສົ່ງເສີມບົດບາດຂອງສາຍພົວພັນລະຫວ່າງສອງພັກໃນການຊຸກຍູ້ສາຍພົວພັນຄູ່ຮ່ວມຍຸດທະສາດຫວຽດນາມ - ສ.ເຊັກໂກ.
ຍສໝ - ວັນທີ 18/8 ຢູ່ຮ່າໂນ້ຍ, ການນຳກະຊວງການຕ່າງປະເທດຫວຽດນາມ ໄດ້ມີການຕ້ອນຮັບ ແລະ ເຈລະຈາກັບທ່ານ Roman Roun, ປະທານພັກກອມມູນິດສ.ເຊັກໂກ - Morava. ສອງຝ່າຍເຫັນດີເລັ່ງຊຸກຍູ້ສາຍພົວພັນລະຫວ່າງສອງພັກ, ປະກອບສ່ວນເສີມສ້າງພື້ນຖານທາງການເມືອງ ແລະ ຊຸກຍູ້ການຮ່ວມມືຫວຽດນາມ - ສ.ເຊັກໂກ ໃຫ້ນັບມື້ນັບແທດຈິງ, ມີປະສິດທິຜົນ ໃນຂອບສາຍພົວພັນຄູ່ຮ່ວມຍຸດທະສາດ.
ຍສໝ - ວັນທີ 18/8 ຢູ່ຮ່າໂນ້ຍ, ທ່ານນາງ ເລທິທູຮັ່ງ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ຕ້ອນຮັບທ່ານ Rolf Mutzenich, ສະມາຊິກສະພາ, ກຳມະການຄະນະກຳມາທິການການຕ່າງປະເທດ ສະພາແຫ່ງຊາດສະຫະພັນເຢຍລະມັນ. ສອງຝ່າຍໄດ້ແລກປ່ຽນບັນດາມາດຕະການເພື່ອເຮັດໃຫ້ສາຍພົວພັນຄູ່ຮ່ວມຍຸດທະສາດຫວຽດນາມ - ເຢຍລະມັນ ນັບມື້ນັບເລິກເຊິ່ງ, ໂດຍສຸມໃສ່ການລົງທຶນ, ການສຶກສາ - ຝຶກອົບຮົມ, ວິທະຍາສາດ - ເຕັກໂນໂລຊີ, ການປ່ຽນແປງໃໝ່ສ້າງສັນ ແລະ ການພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ.
ຍສໝ - ປັນຍາປະດິດ (AI) ພວມປ່ຽນແປງຂະແໜງການສຶກສາຢ່າງຮອບດ້ານ. ດ້ວຍປະຊາກອນໜຸ່ມ ພ້ອມກັບຄວາມສາມາດໃນການປັບຕົວຢ່າງວ່ອງໄວ, ຫວຽດນາມມີທ່າໄດ້ປຽບເພື່ອກ້າວນຳໜ້າໃນຂະບວນການນີ້. ແຕ່ການບຳລຸງສ້າງແນວຄິດວິພາກວິຈານ, ສ້າງຄວາມຮູ້ພື້ນຖານໃຫ້ໝັ້ນຄົງ ແລະ ຝຶກອົບຮົມຄືນໃໝ່ໃຫ້ແກ່ຄູອາຈານ ແມ່ນບັນດາສິ່ງທ້າທາຍທີ່ຕ້ອງໄດ້ແກ້ໄຂ ເພື່ອສາມາດກຳເຕັກໂນໂລຊີໄດ້.
ຍສໝ - ວັນທີ 17/8, ຢູ່ສຳນັກງານກະຊວງການຕ່າງປະເທດ, ທ່ານນາງ ເລທິທູຮັ່ງ, ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ຕ້ອນຮັບຄະນະກົມການຂ່າວ, ກະຊວງການຕ່າງປະເທດລາວ ນຳໂດຍສະຫາຍ ສົມຄິດ ວັນຄຳ, ຫົວໜ້າກົມການຂ່າວ, ໂຄສົກກະຊວງການຕ່າງປະເທດລາວ, ໃນໂອກາດຄະນະຢ້ຽມຢາມ ແລະ ເຮັດວຽກຢູ່ຫວຽດນາມ.
ຍສໝ - ວັນທີ 17/8, ຢູ່ສຳນັກງານກະຊວງການຕ່າງປະເທດ, ທ່ານ ເລຮວ່າຍຈູງ, ກຳມະການກົມການເມືອງ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບທ່ານນາງ Valeria Csukasi Cabrera, ລັດຖະມົນຕີຊ່ວຍວ່າການກະຊວງການຕ່າງປະເທດອູຣູກວາຍ, ໃນໂອກາດຢ້ຽມຢາມເຮັດວຽກຢູ່ຫວຽດນາມ ແຕ່ວັນທີ 16-18/8. ສອງຝ່າຍໄດ້ແລກປ່ຽນບັນດາທິດທາງເພື່ອຊຸກຍູ້ສາຍພົວພັນສອງຝ່າຍ ແລະ ການຮ່ວມມືລະຫວ່າງພາກພື້ນ.
ຍສໝ - ຕອນບ່າຍວັນທີ 17/8 ຢູ່ຮ່າໂນ້ຍ, ທ່ານ ເຈິ່ນແທງເໝີນ, ປະທານສະພາແຫ່ງຊາດ ໄດ້ຕ້ອນຮັບຄະນະຜູ້ແທນຂັ້ນສູງພັກແຮງງານເມັກຊິໂກ ນຳໂດຍທ່ານ Alberto Anaya Gutierrez, ສະມາຊິກສະພາສູງ, ເລຂາທິການໃຫຍ່ເມັກຊິໂກ, ທີ່ມາຢ້ຽມຢາມ ແລະ ເຮັດວຽກຢູ່ຫວຽດນາມ. ສອງຝ່າຍເຫັນດີເພີ່ມທະວີການຮ່ວມມື ແລະ ການແລກປ່ຽນລະຫວ່າງອົງການນິຕິບັນຍັດຂອງສອງປະເທດ.
ຍສໝ - ໃນ 6 ເດືອນຕົ້ນປີ 2026, ມີວິສາຫະກິດຫວຽດນາມເພີ່ມອີກ 5 ແຫ່ງ ເຂົ້າມາລົງທຶນຢູ່ພາກໃຕ້ລາວ. ຄຽງຄູ່ກັບການຊຸກຍູ້ການເຊື່ອມຕໍ່ດ້ານການລົງທຶນ, ການຄ້າ ແລະ ການທ່ອງທ່ຽວ, ສະຖານກົງສຸນໃຫຍ່ຫວຽດນາມປະຈຳປາກເຊ ແລະ ສະມາຄົມວິສາຫະກິດຫວຽດນາມຢູ່ລາວ (AVILA) ພາກໃຕ້ລາວ ໄດ້ປະສານສົມທົບກັນສະໜັບສະໜູນວິສາຫະກິດໃນການແກ້ໄຂບັນດາຄວາມຫຍຸ້ງຍາກ ແລະ ຂໍ້ຕິດຂັດໃນຂະບວນການດຳເນີນງານຢູ່ໃນພື້ນທີ່.
ຍສໝ - ສາຍພົວພັນເສດຖະກິດຫວຽດນາມ - ອົດສະຕຣາລີ ພວມເປີດກວ້າງໂອກາດການຮ່ວມມືໃໝ່ໆ, ຈາກການຄ້າ ໄປສູ່ການສ້າງຂີດຄວາມສາມາດດ້ານການຜະລິດ, ຕ່ອງໂສ້ສະໜອງ ແລະ ບັນດາແຮງຂັບເຄື່ອນການເຕີບໂຕໃໝ່. ເພື່ອນຳໃຊ້ໂອກາດນີ້ໃຫ້ເກີດປະໂຫຍດ, ວິສາຫະກິດຫວຽດນາມຈຳເປັນຕ້ອງຫັນຈາກເປົ້າໝາຍ “ສາມາດສົ່ງອອກສິນຄ້າໄດ້” ໄປສູ່ການຊອກຫາຕຳແໜ່ງທີ່ເລິກເຊິ່ງກວ່າເກົ່າໃນຕ່ອງໂສ້ມູນຄ່າຂອງ ອົດສະຕຣາລີ.
