ຊຸກຍູ້ການເຊື່ອມໂຍງລະຫວ່າງອົງການນິຕິບັນຍັດຫວຽດນາມ - ເມັກຊິໂກ

ຂອງທີ່ລະນຶກທີ່ທ່ານ ເຈິ່ນແທງເໝີນ, ຮອງປະທານປະຈຳສະພາແຫ່ງຊາດ ມອບໃຫ້ທ່ານ Alberto Anaya Gutiérrez, ເລຂາທິການໃຫຍ່ພັກແຮງງານເມັກຊິໂກ.

ທີ່ການຕ້ອນຮັບ, ທ່ານ ເຈິ່ນແທງເໝີນ, ປະທານສະພາແຫ່ງຊາດ ຢືນຢັນວ່າ ຫວຽດນາມຍາມໃດກໍໃຫ້ຄວາມສຳຄັນຕໍ່ບົດບາດ ແລະ ຖານະຂອງເມັກຊິໂກຢູ່ອາເມລິກາລາຕິນ; ປາດຖະໜາຢາກພັດທະນາສາຍພົວພັນມິດຕະພາບມູນເຊື້ອ ແລະ ການຮ່ວມມືຮອບດ້ານກັບເມັກຊິໂກໃຫ້ເຂັ້ມແຂງ ແລະ ແທດຈິງຍິ່ງຂຶ້ນ.

ປະທານສະພາແຫ່ງຊາດ ຊົມເຊີຍການເປີດຕົວ ແລະ ບັນດາກິດຈະກຳຂອງກຸ່ມສະມາຊິກສະພາມິດຕະພາບ ເມັກຊິໂກ - ຫວຽດນາມ, ໃນນັ້ນ ບັນດາສະມາຊິກສະພາຂອງພັກ PT ເປັນແກນຫຼັກ.

ຕາມທ່ານ ເຈິ່ນແທງເໝີນ, ປະທານສະພາແຫ່ງຊາດ, ການເພີ່ມທະວີສາຍພົວພັນລະຫວ່າງສອງກຸ່ມສະມາຊິກສະພາມິດຕະພາບ ກໍຄືລະຫວ່າງບັນດາຄະນະກຳມາທິການຂອງສະພາແຫ່ງຊາດສອງປະເທດ ຈະປະກອບສ່ວນເພີ່ມທະວີຄວາມຜູກພັນລະຫວ່າງສອງອົງການນິຕິບັນຍັດ, ຊຸກຍູ້ສາຍພົວພັນສອງປະເທດໃຫ້ພັດທະນາຂຶ້ນສູ່ລະດັບໃໝ່.

ທ່ານ Alberto Anaya Gutierrez, ເລຂາທິການໃຫຍ່ພັກ PT ຢືນຢັນວ່າ ພັກແຮງງານເມັກຊິໂກ ແລະ ສ່ວນຕົວທ່ານເອງ ຍາມໃດກໍໃຫ້ຄວາມສຳຄັນຕໍ່ການເສີມຂະຫຍາຍ ແລະ ເປີດກວ້າງຍິ່ງຂຶ້ນສາຍພົວພັນມິດຕະພາບ, ການຮ່ວມມືມູນເຊື້ອລະຫວ່າງສອງພັກ, ສອງສະພາແຫ່ງຊາດ ແລະ ປະຊາຊົນຫວຽດນາມ - ເມັກຊິໂກ.

ແລກປ່ຽນກ່ຽວກັບສາຍພົວພັນລະຫວ່າງອົງການນິຕິບັນຍັດສອງປະເທດ, ທ່ານ ເຈິ່ນແທງເໝີນ, ປະທານສະພາແຫ່ງຊາດ ແລະ ທ່ານ Alberto Anaya Gutierrez, ເລຂາທິການໃຫຍ່ພັກ PT ເຫັນດີເພີ່ມທະວີການຮ່ວມມື, ຊຸກຍູ້ການແລກປ່ຽນຄະນະລະຫວ່າງສະພາແຫ່ງຊາດຫວຽດນາມ ກັບສະພາສູງ ແລະ ສະພາຕ່ຳເມັກຊິໂກ; ແລກປ່ຽນບົດຮຽນປະສົບການດ້ານນິຕິບັນຍັດ ແລະ ການເຄື່ອນໄຫວລະຫວ່າງບັນດາອົງການ, ຄະນະກຳມາທິການນິຕິບັນຍັດຂອງສອງປະເທດ; ພ້ອມທັງສົ່ງເສີມບົດບາດຂອງກຸ່ມສະມາຊິກສະພາມິດຕະພາບສອງປະເທດ.

ຫວຽດນາມ ແລະ ເມັກຊິໂກ ສົ່ງເສີມການຮ່ວມມືທາງດ້ານການຄ້າ, ເສດຖະກິດ ແລະ ການລົງທຶນ ຍສໝ-ວັນ​ທີ 4 ກໍລະກົດ, ຄະນະ​​ວິ​ສາ​ຫະກິດ ຫວຽດນາມ ລວມມີນັກທຸລະກິດ 23 ທ່ານ, ​ໂດຍ​ທ່ານ​ຮອງ​ລັດຖະມົນຕີ ​ກະຊວງ​ອຸດສາຫະກຳ ​ແລະ ການ​ຄ້າ ໂດ໊ທັ໋ງຫາຍ ນຳ​ໜ້າ ​ໄດ້​ເຂົ້າ​ຮ່ວມ​ເວທີ​ປາ​ໄສ​ວິ​ສາ​ຫະກິດ ຫວຽດນາມ - ​ເມັກ​ຊິໂກ ຢູ່​ນະຄອນຫຼວງ Mexico City, ​ເພື່ອແນໃສ່​ຊອກ​ຫາ​ກາລະ​ໂອກາດ​ຮ່ວມ​ມື​ດ້ານ​ການ​ຄ້າ, ​ເສດຖະກິດ ​ແລະ ການ​ລົງທຶນ​ກັບບັນດາຄູ່ຮ່ວມມືຢູ່ປະເທດປະຈໍາຖິ່ນ.

ເມັກຊິໂກ ແມ່ນປະເທດທີ່ນຳເຂົ້າປາປຶ່ງໃຫຍ່ອັນດັບທີ 3 ຂອງຫວຽດນາມ ຍສໝ - ຫວ່າງ​ມໍ່ໆ​ມາ​ນີ້, ຂໍ້​ມູນ​ຂອງ​ສະມາຄົມ​​ສົ່ງ​ອອກ ​ແລະ ປຸງແຕ່ງ​ອາຫານ​ທະ​ເລ​ຫວຽດນາມ (VASEP) ​ໃຫ້​ຮູ້​ວ່າ: ​ໃນ 7 ​ເດືອນ​ຕົ້ນ​ປີ​ນີ້, ​ເມັກ​ຊິ​ໂກ ​ໄດ້​ນຳ​ເຂົ້າປາປຶ່ງ​​ຫວຽດນາມ ກ່ວາ 73 ລ້ານ USD, ​ເຮັດ​ໃຫ້​ເມັກ​ຊິໂກ ​ກາຍ​ເປັນ​ປະ​ເທດ​ນຳ​ເຂົ້າ​ໃຫຍ່​ອັນ​ດັບ 3 ​ໃນ​ລາຍການ​ນີ້.