ຍສໝ - ວັນທີ 11 ພະຈິກ, ຢູ່ແຂວງເຊີນລາ, ທະຫານຊາຍແດນແຂວງເຊີນລາ (ຫວຽດນາມ) ແລະ ຄະນະຜູ້ແທນຕຳຫຼວດແຂວງຫຼວງພະບາງ (ລາວ) ໄດ້ຈັດການເຈລະຈາ, ປະເມີນຜົນການຮ່ວມມື ແລະ ເຫັນດີຮ່ວມກັນກ່ຽວກັບບັນດາໜ້າທີ່ຈຸດສຸມໃນການຄຸ້ມຄອງ, ປົກປັກຮັກສາຊາຍແດນ ແລະ ປ້ອງກັນ, ຕ້ານອາຊະຍາກຳຂ້າມຊາດ.
ຍສໝ - ຕອນຄ່ຳວັນທີ 10 ພະຈິກ, ຢູ່ແຂວງກວາງຫງາຍ, ງານມະຫະກຳຊາວໜຸ່ມຫວຽດນາມ - ກຳປູເຈຍ - ລາວ ປີ 2026 ໄດ້ປິດລົງດ້ວຍງານກາລາພາຍໃຕ້ຫົວຂໍ້ “ຮ່ວມສາຍທານມິດຕະພາບ - ສ້າງສັນວັນພຸ່ງນີ້”. ບັນດາກິດຈະກຳແລກປ່ຽນ ແລະ ສຳຜັດປະສົບການໃນຂອບເຂດງານມະຫະກຳ ໄດ້ປະກອບສ່ວນເພີ່ມທະວີຄວາມຜູກພັນລະຫວ່າງຊາວໜຸ່ມສາມປະເທດ, ມຸ່ງສູ່ການສ້າງເຂດຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະ ການພັດທະນາຢ່າງຍືນຍົງ.
ຍສໝ - ວັນທີ 10 ພະຈິກ, ທ່ານ ຫວູ ໂຮ່, ເອກອັກຄະລັດຖະທູດຫວຽດນາມປະຈຳ ສ.ເກົາຫຼີ ໄດ້ຕ້ອນຮັບທ່ານ Jung Kwang-cheon, ປະທານສະມາຄົມນະວັດຕະກຳວິສາຫະກິດຂະໜາດກາງ ແລະ ນ້ອຍ ສ.ເກົາຫຼີ (INNOBIZ), ເພື່ອແລກປ່ຽນກ່ຽວກັບການຮ່ວມມືດ້ານວິທະຍາສາດ, ເຕັກໂນໂລຊີ, ນະວັດຕະກຳ ແລະ ການພັດທະນາຊັບພະຍາກອນມະນຸດທີ່ມີຄຸນນະພາບສູງ.
ຍສໝ - ຕອນບ່າຍວັນທີ 11 ພະຈິກ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບຫວຽດນາມ ແລະ ສະມາຄົມມິດຕະພາບຫວຽດນາມ - ເດນມາກ ໄດ້ຈັດພິທີລະນຶກຄົບຮອບ 55 ປີ ແຫ່ງການສ້າງຕັ້ງສາຍພົວພັນການທູດລະຫວ່າງສອງປະເທດ ພາຍໃຕ້ຫົວຂໍ້ “ການຮ່ວມມືເພື່ອອະນາຄົດສີຂຽວ”. ນີ້ເປັນໂອກາດເພື່ອທົບທວນຄືນບັນດາຂີດໝາຍສຳຄັນໃນສາຍພົວພັນສອງຝ່າຍ ແລະ ແລກປ່ຽນທິດທາງການຮ່ວມມື ພາຍຫຼັງສອງປະເທດຍົກລະດັບສາຍພົວພັນຂຶ້ນເປັນຄູ່ຮ່ວມຍຸດທະສາດຮອບດ້ານ.
ຍສໝ - ວັນທີ 11 ພະຈິກ, ຢູ່ຮ່າໂນ້ຍ, ທ່ານ ເລ ແອງ ຕວັນ, ຮອງລັດຖະມົນຕີການຕ່າງປະເທດ ໄດ້ເຂົ້າຮ່ວມພິທີລະນຶກວັນຊາດອານເຊຣີ ຄົບຮອບ 72 ປີ, ພ້ອມທັງຢືນຢັນຄວາມປາຖະໜາທີ່ຈະນຳພາສາຍພົວພັນຄູ່ຮ່ວມຍຸດທະສາດລະຫວ່າງສອງປະເທດໃຫ້ພັດທະນາຢ່າງເລິກເຊິ່ງ ແລະ ກວ້າງຂວາງ, ໂດຍສຸມໃສ່ດ້ານເສດຖະກິດ, ວິທະຍາສາດ - ເຕັກໂນໂລຊີ ແລະ ການແລກປ່ຽນລະຫວ່າງປະຊາຊົນ.
ຍສໝ - ແຕ່ວັນທີ 7-11 ພະຈິກ, ໃນຂອບເຂດການຢ້ຽມຢາມ ແລະ ເຮັດວຽກຢູ່ຊູແອດ, ທ່ານ ຈິ້ງ ວັນ ກວຽດ, ຫົວໜ້າຄະນະໂຄສະນາສຶກສາອົບຮົມສູນກາງ ໄດ້ພົບປະກັບບັນດາພັກການເມືອງ, ອຳນາດການປົກຄອງທ້ອງຖິ່ນ, ສະຖາບັນຄົ້ນຄວ້າ ແລະ ວິສາຫະກິດຂອງປະເທດເຈົ້າພາບ, ເພື່ອແລກປ່ຽນຫຼາຍທິດທາງການຮ່ວມມືດ້ານເຕັກໂນໂລຊີ, ການສຶກສາ, ການພັດທະນາຕົວເມືອງ ແລະ ການແລກປ່ຽນປະຊາຊົນ.
ຍສໝ - ວັນທີ 9 ພະຈິກ, ທ່ານ ຫງວຽນ ດັກ ວິງ, ປະທານສູນກາງສະມາຄົມມິດຕະພາບຫວຽດນາມ - ລາວ ໄດ້ສົ່ງຈົດໝາຍອວຍພອນເຖິງທ່ານນາງ ສູນທອນ ໄຊຍະຈັກ ໃນໂອກາດຮັບໜ້າທີ່ເປັນປະທານສູນກາງສະມາຄົມມິດຕະພາບລາວ - ຫວຽດນາມ, ພ້ອມທັງສະແດງຄວາມປາຖະໜາໃຫ້ສອງສະມາຄົມສືບຕໍ່ປະສານສົມທົບກັນໃນບັນດາກິດຈະກຳມິດຕະພາບ.
ຍສໝ - ວັນທີ 9 ພະຈິກ, ທີ່ຮ່າໂນ້ຍ, ຫວຽດນາມ ແລະ ອົດສະຕຣາລີ ໄດ້ຈັດການສົນທະນານະໂຍບາຍປ້ອງກັນຊາດຄັ້ງທີ 9, ເພື່ອແລກປ່ຽນບັນດາມາດຕະການຜັນຂະຫຍາຍການຮ່ວມມືສອງຝ່າຍ, ໃນນັ້ນມີການຮັກສາສັນຕິພາບຂອງສະຫະປະຊາຊາດ ແລະ ການແກ້ໄຂຜົນກະທົບຈາກສົງຄາມ.
ຍສໝ - ໃນຕອນແລງວັນທີ 9 ພະຈິກ, ທີ່ນະຄອນຫຼວງວຽງຈັນ (ລາວ), ບໍລິສັດຮຸ້ນສ່ວນການເດີນທາງສີຂຽວ ແລະ ອັດສະລິຍະ (Green SM) ໄດ້ຈັດພິທີລົງນາມໃນບົດບັນທຶກຄວາມເຂົ້າໃຈ ເພື່ອສ້າງຕັ້ງພັນທະມິດການຫັນປ່ຽນສີຂຽວລາວ, ພ້ອມທັງສະຫຼອງຄົບຮອບ 3 ປີ ແຫ່ງການດຳເນີນທຸລະກິດໃນຕະຫຼາດລາວ. ເຫດການດັ່ງກ່າວໄດ້ເປີດໂອກາດໃໝ່ໃນການຮ່ວມມືດ້ານການຂົນສົ່ງສີຂຽວ, ເຕັກໂນໂລຊີດິຈິຕອນ ແລະ ການບໍລິການ ລະຫວ່າງວິສາຫະກິດຫວຽດນາມກັບບັນດາຄູ່ຮ່ວມມືລາວ.
ຍສໝ - ຕອນບ່າຍວັນທີ 10 ພະຈິກ, ຢູ່ຮ່າໂນ້ຍ, ສະຖານທູດອັງໂກລາປະຈຳຫວຽດນາມ ໄດ້ຈັດການສຳມະນາຫົວຂໍ້ “ອັງໂກລາ ແລະ ຫວຽດນາມ: ຈາກຄວາມຊົງຈຳສູ່ອະນາຄົດ - ການຮ່ວມມືທີ່ຕ່າງຝ່າຍຕ່າງໄດ້ຮັບຜົນປະໂຫຍດ”, ເນື່ອງໃນໂອກາດລະນຶກຄົບຮອບ 51 ປີ ວັນຊາດອັງໂກລາ (11 ພະຈິກ 1975 - 11 ພະຈິກ 2026). ໃນງານດັ່ງກ່າວ, ບັນດາຜູ້ແທນໄດ້ແລກປ່ຽນທິດທາງຕ່າງໆ ເພື່ອສົ່ງເສີມສາຍພົວພັນມິດຕະພາບມູນເຊື້ອ, ຂະຫຍາຍການຮ່ວມມືດ້ານເສດຖະກິດ ແລະ ການແລກປ່ຽນລະຫວ່າງປະຊາຊົນສອງປະເທດ.
ຍສໝ - ແຂວງກວາງຈິ ຈະດຳເນີນການທົດລອງສ້າງດ່ານຊາຍແດນຕົວແບບ ຢູ່ຄູ່ດ່ານສາກົນລາວບາວ (ຫວຽດນາມ) - ແດນສະຫວັນ (ລາວ) ໃນໄລຍະ 2027-2028, ແນໃສ່ຫັນພື້ນຖານໂຄງລ່າງໃຫ້ທັນສະໄໝ, ຍົກສູງປະສິດທິຜົນການຄຸ້ມຄອງ ແລະ ອຳນວຍຄວາມສະດວກໃຫ້ແກ່ກິດຈະກຳການຄ້າລະຫວ່າງສອງປະເທດ.
ຍສໝ - ວັນທີ 5 ພະຈິກ, ໃນງານພົບປະສະຫຼອງຄົບຮອບ 55 ປີ ແຫ່ງການສ້າງຕັ້ງສາຍພົວພັນການທູດຫວຽດນາມ - ສະວິດ, ການນຳນະຄອນເກິ່ນເທີ ໄດ້ສະແດງຄວາມປາຖະໜາຢາກຂະຫຍາຍການຮ່ວມມືກັບບັນດາຄູ່ຮ່ວມມືສະວິດ ໃນຂົງເຂດວິທະຍາສາດ - ເຕັກໂນໂລຊີ, ນະວັດຕະກຳ, ການສຶກສາ, ສາທາລະນະສຸກ, ການເງິນ ແລະ ການພັດທະນາຢ່າງຍືນຍົງ.
ຍສໝ - ວັນທີ 7 ພະຈິກ, ທີ່ຊຽງໃໝ່ (ປະເທດໄທ), ຜູ້ຕາງໜ້າບັນດາທ້ອງຖິ່ນຂອງຫວຽດນາມ ໄດ້ແບ່ງປັນຜົນສຳເລັດດ້ານການຮ່ວມມື ແລະ ສະເໜີບັນດາໂຄງການເຊື່ອມໂຍງໃໝ່ ໃນກອງປະຊຸມຮ່ວມຄັ້ງທີ XV ລະຫວ່າງສະມາຄົມມິດຕະພາບຫວຽດນາມ - ໄທ ແລະ ສະມາຄົມມິດຕະພາບໄທ - ຫວຽດນາມ, ໂດຍສຸມໃສ່ຂົງເຂດການສຶກສາ, ການຝຶກອົບຮົມ, ການຄ້າ, ການລົງທຶນ ແລະ ການທ່ອງທ່ຽວ.
ຍສໝ - ສະຫະພັນບັນດາອົງການມິດຕະພາບຫວຽດນາມ ໄດ້ສົ່ງຈົດໝາຍຊົມເຊີຍເຖິງທ່ານນາງ ສູນທອນ ໄຊຍະຈັກ, ເລຂາຄະນະບໍລິຫານງານສູນກາງພັກ, ຮອງປະທານສະພາແຫ່ງຊາດລາວ, ໃນໂອກາດທີ່ທ່ານນາງໄດ້ຮັບການແຕ່ງຕັ້ງໃຫ້ດຳລົງຕຳແໜ່ງປະທານສູນກາງສະມາຄົມມິດຕະພາບລາວ - ຫວຽດນາມ, ພ້ອມທັງສະແດງຄວາມປາຖະໜາໃຫ້ສອງຝ່າຍສືບຕໍ່ປະສານສົມທົບຈັດກິດຈະກຳມິດຕະພາບຕ່າງໆ ເພື່ອມຸ່ງສູ່ປີ 2027.
ຍສໝ - ໃນງານມະຫະກຳຊາວໜຸ່ມຫວຽດນາມ - ກຳປູເຈຍ - ລາວ ປີ 2026, ຜູ້ຕາງໜ້າຊາວໜຸ່ມລາວໄດ້ສະເໜີໃຫ້ສຶກສາການສ້າງຕັ້ງກອງທຶນອາສາສະໝັກຮ່ວມກັນ ເພື່ອລະດົມແຫຼ່ງຊັບພະຍາກອນມາຊ່ວຍເຫຼືອຊຸມຊົນ, ພັດທະນາອາຊີບການຫາລ້ຽງຊີບ ແລະ ສ້າງເຂດຊາຍແດນໃຫ້ມີສັນຕິພາບ, ມິດຕະພາບ ແລະ ການພັດທະນາຢ່າງຍືນຍົງ.
ຍສໝ - ວັນທີ 8 ພະຈິກ, ທີ່ແຂວງກວາງຫງາຍ, ຜູ້ແທນເກືອບ 100 ທ່ານ ໄດ້ເຂົ້າຮ່ວມງານມະຫະກຳຊາວໜຸ່ມຫວຽດນາມ - ກຳປູເຈຍ - ລາວ ປີ 2026, ຮ່ວມກັນແລກປ່ຽນປະສົບການ ແລະ ຂໍ້ລິເລີ່ມການຮ່ວມມືໃນຂົງເຂດວິທະຍາສາດ, ເຕັກໂນໂລຊີ, ການຫັນປ່ຽນດິຈິຕອນ, ການເລີ່ມຕົ້ນທຸລະກິດ, ການປົກປັກຮັກສາສິ່ງແວດລ້ອມ ແລະ ວຽກງານອາສາສະໝັກເພື່ອຊຸມຊົນ.
ຍສໝ - ການຢ້ຽມຢາມຍີ່ປຸ່ນຢ່າງເປັນທາງການຂອງສະຫາຍ ໂຕ ເລິມ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດຫວຽດນາມ ພ້ອມດ້ວຍພັນລະຍາ ແຕ່ວັນທີ 8-11 ພະຈິກ 2026 ຄາດວ່າຈະສ້າງແຮງຂັບເຄື່ອນໃໝ່ໃຫ້ແກ່ສາຍພົວພັນຄູ່ຮ່ວມຍຸດທະສາດຮອບດ້ານຫວຽດນາມ - ຍີ່ປຸ່ນ, ໂດຍສະເພາະໃນບັນດາຂົງເຂດວິທະຍາສາດ - ເຕັກໂນໂລຊີ, ຄວາມໝັ້ນຄົງທາງເສດຖະກິດ, ການພັດທະນາຊັບພະຍາກອນມະນຸດ ແລະ ການແລກປ່ຽນລະຫວ່າງປະຊາຊົນ.
ຍສໝ - ວັນທີ 5 ພະຈິກ ຢູ່ວຽງຈັນ, ສະຫາຍ ຫງວຽນ ຊວນ ຖັ໊ງ, ປະທານສະພາທິດສະດີສູນກາງ ໄດ້ເຂົ້າຢ້ຽມຂ່ຳນັບສະຫາຍ ວິໄລ ຫຼ້າຄຳຟອງ, ຜູ້ປະຈຳການຄະນະເລຂາທິການສູນກາງພັກປະຊາຊົນປະຕິວັດລາວ. ສອງຝ່າຍເຫັນດີເພີ່ມທະວີການແລກປ່ຽນດ້ານທິດສະດີ, ແບ່ງປັນປະສົບການການພັດທະນາ ແລະ ຍົກສູງປະສິດທິຜົນການຮ່ວມມືລະຫວ່າງສອງພັກ.
ຍສໝ - ຕອນບ່າຍວັນທີ 5 ພະຈິກ, ທ່ານ ສອນໄຊ ສີພັນດອນ, ປະທານສະພາແຫ່ງຊາດລາວ ພ້ອມດ້ວຍພັນລະຍາ ໄດ້ເດີນທາງອອກຈາກຮ່າໂນ້ຍ, ສິ້ນສຸດການຢ້ຽມຢາມຫວຽດນາມຢ່າງເປັນທາງການ. ໃນການຢ້ຽມຢາມຄັ້ງນີ້, ສອງຝ່າຍໄດ້ເຫັນດີເພີ່ມທະວີການຮ່ວມມືດ້ານນິຕິບັນຍັດ, ການຫັນປ່ຽນດິຈິຕອນ, ການສ້າງສະພາແຫ່ງຊາດເອເລັກໂຕຣນິກ ແລະ ການປະສານສົມທົບຈັດບັນດາກິດຈະກຳລະນຶກໃນປີ 2027.
ຍສໝ - ໃນເວທີປາໄສ IRIFF 2026, ທ່ານ ຫວູ ຫາຍ ກວນ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໄດ້ສະເໜີໃຫ້ບັນດາຄູ່ຮ່ວມມືສາກົນຮ່ວມກັນກຳນົດບຸລິມະສິດການຄົ້ນຄວ້າ, ປະກອບສ່ວນທຶນຮອນ, ແບ່ງປັນໂຄງລ່າງພື້ນຖານ ແລະ ຄວາມຊ່ຽວຊານ, ມຸ່ງສູ່ບັນດາໂຄງການຄົ້ນຄວ້າຮ່ວມທີ່ສາມາດນຳໄປປະຍຸກໃຊ້ໃນພາກປະຕິບັດໄດ້.
ຍສໝ - ວັນທີ 5 ພະຈິກ ທີ່ດີລີ, ທ່ານ ຟ້າມ ບິ່ງ ດ່າມ, ເອກອັກຄະລັດຖະທູດຫວຽດນາມປະຈຳ ຕິມໍແລັດສະເຕ ແລະ ທ່ານນາງ Dulce de Jesus Soares, ລັດຖະມົນຕີກະຊວງສຶກສາທິການ ຕິມໍແລັດສະເຕ ໄດ້ປຶກສາຫາລືກ່ຽວກັບຄວາມເປັນໄປໄດ້ໃນການຈັດຕັ້ງຫ້ອງຮຽນທາງໄກ, ໂດຍນຳໃຊ້ເຕັກໂນໂລຊີດິຈິຕອນ ແລະ ປະສົບການດ້ານການສຶກສາໃນເຂດຊາຍແດນຂອງຫວຽດນາມ ເພື່ອຂະຫຍາຍໂອກາດການຮຽນຮູ້ໃຫ້ແກ່ເດັກນ້ອຍ.
ຍສໝ - ໃນໄລຍະປີ 2021-2025, ແຂວງຝູເຖາະໄດ້ມອບທຶນການສຶກສາເຕັມຈຳນວນຫຼາຍກວ່າ 800 ທຶນໃຫ້ແກ່ນັກສຶກສາລາວ, ພ້ອມທັງຊ່ວຍເຫຼືອກໍ່ສ້າງໂຄງລ່າງພື້ນຖານຫຼາຍແຫ່ງຢູ່ລາວ. ແຂວງຍັງສືບຕໍ່ໃຫ້ບູລິມະສິດແກ່ການຮ່ວມມືດ້ານການສຶກສາ, ການຝຶກອົບຮົມ, ເສດຖະກິດ ແລະ ການແລກປ່ຽນລະຫວ່າງປະຊາຊົນກັບບັນດາທ້ອງຖິ່ນຂອງລາວ.
ຍສໝ - ວັນທີ 3 ພະຈິກ ຢູ່ຮ່າໂນ້ຍ, ທ່ານ ສອນໄຊ ສີພັນດອນ, ປະທານສະພາແຫ່ງຊາດລາວ ໄດ້ສະເໜີໃຫ້ອົງການແນວໂຮມຂອງສອງປະເທດເພີ່ມທະວີການແລກປ່ຽນປະສົບການໃນວຽກງານຂົນຂວາຍປະຊາຊົນ, ສ້າງຄວາມສາມັກຄີອັນເປັນປຶກແຜ່ນຂອງທົ່ວປວງຊົນໃນຊາດ ແລະ ປະສານສົມທົບກັນຈັດບັນດາກິດຈະກຳໃນປີແຫ່ງຄວາມສາມັກຄີມິດຕະພາບລາວ - ຫວຽດນາມ 2027.
ຍສໝ - ດ້ວຍ 300 ໂຄງການລົງທຶນ ແລະ ຍອດທຶນຈົດທະບຽນສະສົມບັນລຸ 7,04 ຕື້ໂດລາສະຫະລັດ, ຫວຽດນາມຍັງຄົງເປັນໜຶ່ງໃນບັນດານັກລົງທຶນຕ່າງປະເທດລາຍໃຫຍ່ທີ່ສຸດຢູ່ລາວ. ການຮ່ວມມືດ້ານເສດຖະກິດ ຄຽງຄູ່ກັບສາຍພົວພັນລະຫວ່າງສະພາແຫ່ງຊາດຂອງສອງປະເທດ ໄດ້ປະກອບສ່ວນເຮັດໃຫ້ສາຍພົວພັນພິເສດຫວຽດນາມ - ລາວ ນັບມື້ນັບເລິກເຊິ່ງຂຶ້ນ.
ຍສໝ - ວັນທີ 2 ພະຈິກ ຢູ່ຮ່າໂນ້ຍ, ທ່ານ ສອນໄຊ ສີພັນດອນ, ປະທານສະພາແຫ່ງຊາດລາວ ໃຫ້ຮູ້ວ່າ ກິດຈະກຳຂອງສະມາຄົມມິດຕະພາບຫວຽດນາມ - ລາວ ແລະ ສະມາຄົມມິດຕະພາບລາວ - ຫວຽດນາມ ຈະຖືກບັນຈຸເຂົ້າໃນໂຄງການຈັດກິດຈະກຳລະນຶກລະດັບຊາດໃນປີ 2027, ເນື່ອງໃນໂອກາດສອງຂີດໝາຍສຳຄັນຂອງສາຍພົວພັນສອງຝ່າຍ.
ຍສໝ - ວັນທີ 31/10, ສະຖານທູດຫວຽດນາມປະຈຳເມັກຊິໂກ ໄດ້ຈັດການພົບປະກັບສື່ມວນຊົນທ້ອງຖິ່ນ, ເພື່ອແນະນຳບັນດາຜົນສຳເລັດໃນ 40 ປີແຫ່ງການປ່ຽນແປງໃໝ່, ທິດທາງການພັດທະນາປະເທດ ແລະ ແລກປ່ຽນກ່ຽວກັບບັນດານະໂຍບາຍ ແລະ ປະສົບການຕົວຈິງຂອງຫວຽດນາມ.
ຍສໝ - ໃນກອງປະຊຸມພົບປະອິນໂດເນເຊຍ ປີ 2026 ທີ່ຈັດຂຶ້ນວັນທີ 30/10, ກວ໋າງນິງ ໄດ້ເຊີນຊວນບັນດາວິສາຫະກິດອິນໂດເນເຊຍ ຮ່ວມມື ແລະ ລົງທຶນໃນ 4 ຂົງເຂດຈຸດສຸມ ປະກອບມີ ອຸດສາຫະກຳ, ເສດຖະກິດດິຈິຕອນ, ເສດຖະກິດທາງທະເລ ແລະ ການທ່ອງທ່ຽວ, ແນໃສ່ສ້າງບັນດາໂຄງການທີ່ເປັນຮູບປະທຳ, ນຳມາເຊິ່ງປະສິດທິຜົນອັນແທ້ຈິງ ແລະ ຍືນຍົງ.
ຍສໝ - ວັນທີ 31/10, ນັກສຶກສາລາວ ແລະ ກຳປູເຈຍ ທີ່ກຳລັງສຶກສາຢູ່ນະຄອນໂຮ່ຈີມິນ ໄດ້ເຂົ້າຮ່ວມລາຍການສຳຜັດປະສົບການດ້ານກະສິກຳ, ໝູ່ບ້ານຫັດຖະກຳ ແລະ ວັດທະນະທຳ ຢູ່ຕາແສງບິ່ງມີ້, ຜ່ານນັ້ນໄດ້ຮຽນຮູ້ວິຖີຊີວິດຊົນນະບົດຫວຽດນາມ, ພ້ອມທັງເສີມສ້າງຄວາມຜູກພັນກັບບັນດາຄອບຄົວທີ່ຮັບອຸປະຖຳ.
ຍສໝ - ວັນທີ 30/10, ຢູ່ບາງກອກ (ໄທ), ຜົນງານວັນນະຄະດີສອງເລື່ອງຄື “ຂອບໃຈຜູ້ໃຫຍ່” ແລະ “ກາເຟກັບໂທນີ” ໄດ້ເປີດຕົວຕໍ່ຜູ້ອ່ານຜ່ານສະບັບແປເປັນພາສາໄທ, ປະກອບສ່ວນຊຸກຍູ້ການແລກປ່ຽນວັນນະຄະດີ ແລະ ເສີມສ້າງຄວາມເຂົ້າໃຈດ້ານວັດທະນະທຳລະຫວ່າງປະຊາຊົນສອງປະເທດ ເນື່ອງໃນໂອກາດລະນຶກຄົບຮອບ 50 ປີ ແຫ່ງການສ້າງຕັ້ງສາຍພົວພັນການທູດຫວຽດນາມ - ໄທ.
ຍສໝ - ວັນທີ 30/10, ຢູ່ຮ່າໂນ້ຍ, ສະຖານທູດກູບາໄດ້ຈັດພິທີລະນຶກຄົບຮອບ 60 ປີ ແຫ່ງການຢ້ຽມຢາມຫວຽດນາມຄັ້ງທຳອິດຂອງຄະນະຜູ້ແທນຂັ້ນສູງກູບາ (29/10/1966), ເພື່ອຫວນຄືນຂີດໝາຍປະຫວັດສາດທີ່ສະແດງເຖິງນ້ຳໃຈສາມັກຄີ ແລະ ການສະໜັບສະໜູນອັນພິເສດຂອງກູບາຕໍ່ປະຊາຊົນຫວຽດນາມໃນຊຸມປີແຫ່ງສົງຄາມ.ຶ
