ຫວຽດນາມ - ອົດສະຕຣາລີ ຂະຫຍາຍການຮ່ວມມືດ້ານປ້ອງກັນຊາດ

ພົນເອກ ຫງວຽນ ເຈື່ອງ ຖັ້ງ, ຮອງລັດຖະມົນຕີກະຊວງປ້ອງກັນຊາດຫວຽດນາມ ແລະ ທ່ານ Hugh Jeffrey, ຮອງເລຂາທິການໃຫຍ່ກະຊວງປ້ອງກັນຊາດອົດສະຕຣາລີ ຮັບຜິດຊອບດ້ານຍຸດທະສາດ, ນະໂຍບາຍ ແລະ ການຮ່ວມມືສາກົນ ໄດ້ເປັນປະທານຮ່ວມໃນການສົນທະນາຄັ້ງນີ້.

ພົນເອກ ຫງວຽນ ເຈື່ອງ ຖັ້ງ ແລະ ທ່ານ Hugh Jeffrey ລົງນາມໃນບົດບັນທຶກການສົນທະນານະໂຍບາຍປ້ອງກັນຊາດຄັ້ງທີ 9 ລະຫວ່າງຫວຽດນາມ ແລະ ອົດສະຕຣາລີ.

ສອງຝ່າຍໄດ້ແລກປ່ຽນກ່ຽວກັບສະພາບການຂອງໂລກ, ພາກພື້ນ ແລະ ບັນດາບັນຫາທີ່ທັງສອງຝ່າຍໃຫ້ຄວາມສົນໃຈ. ຫວຽດນາມໄດ້ຢືນຢັນຄືນຈຸດຢືນໃນການແກ້ໄຂຄວາມເຫັນຕ່າງກັນທາງທະເລດ້ວຍວິທີການສັນຕິ, ສອດຄ່ອງກັບກົດໝາຍສາກົນ, ໃນນັ້ນມີອະນຸສັນຍາສະຫະປະຊາຊາດວ່າດ້ວຍກົດໝາຍທະເລ ປີ 1982 (UNCLOS 1982).

ໃນການຕີລາຄາຜົນການຮ່ວມມືດ້ານປ້ອງກັນຊາດ, ພົນເອກ ຫງວຽນ ເຈື່ອງ ຖັ້ງ ໄດ້ສະເໜີໃຫ້ຮັກສາບັນດາກົນໄກການສົນທະນາ, ການຝຶກອົບຮົມ, ການແລກປ່ຽນຄະນະຜູ້ແທນ, ການຮ່ວມມືດ້ານເສນາຮັກ, ການຮັກສາສັນຕິພາບ ແລະ ສຶກສາຄົ້ນຄວ້າການຂະຫຍາຍການຮ່ວມມືໃນຂົງເຂດອຸດສາຫະກຳປ້ອງກັນຊາດ, ຄວາມໝັ້ນຄົງທາງໄຊເບີ ແລະ ວິທະຍາສາດເຕັກໂນໂລຊີ.

ທ່ານ Hugh Jeffrey ໄດ້ໃຫ້ຄຳໝັ້ນວ່າ ຈະແບ່ງປັນເອກະສານກ່ຽວກັບທະຫານຫວຽດນາມທີ່ໄດ້ເສຍສະຫຼະຊີວິດໃນສົງຄາມ ແລະ ຊ່ວຍເຫຼືອໃນການຍົກສູງຄວາມສາມາດກວດພິສູດ ADN ຂອງອັດຖິວິລະຊົນຜູ້ເສຍສະຫຼະຊີວິດ.

ສິ້ນສຸດການສົນທະນາ, ຫົວໜ້າຄະນະຜູ້ແທນທັງສອງຝ່າຍໄດ້ລົງນາມໃນບົດບັນທຶກການສົນທະນານະໂຍບາຍປ້ອງກັນຊາດຫວຽດນາມ - ອົດສະຕຣາລີ ຄັ້ງທີ 9.

6 ​ເສົາ​ຄ້ຳ​ເພື່ອ​ພັດທະນາ​ການ​ພົວພັນ​ສອງ​ປະ​ເທດ ຫວຽດນາມ - ອົດສະຕຣາລີ ຍສໝ - ຕາມ​ທ່ານ​ເອກ​ອັກຄະ​ລັດຖະທູດ​ຫວຽດນາມ ປະຈຳ ອົດສະຕຣາລີ ຟ້າມຮຸງເຕີມ ແລ້ວ, ລາຍການເຄື່ອນໄຫວ 2024-2027 ລະຫວ່າງ ຫວຽດນາມ ​ແລະ ອົດສະຕຣາລີ ເພື່ອຜັນຂະຫຍາຍຂອບ​ເຂດ​ການ​ພົວພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບດ້ານ​ຈະ​ສຸມ​ໃສ່ 6 ຂົງ​ເຂດ.

ຫວຽດນາມ - ອົດສະຕຣາລີ ຂະຫຍາຍການຮ່ວມມືດ້ານປ້ອງກັນຊາດ ຍສໝ - ຕອນບ່າຍວັນທີ 29 ກໍລະກົດ, ທີ່ສຳນັກງານໃຫຍ່ກະຊວງປ້ອງກັນຊາດ, ພົນເອກ ຟານວັນຢາງ, ກຳມະການກົມການເມືອງ, ຮອງນາຍົກລັດຖະບານ, ລັດຖະມົນຕີກະຊວງປ້ອງກັນຊາດ ໄດ້ໃຫ້ການຕ້ອນຮັບ ທ່ານນາງ Gillian Bird, ເອກອັກຄະລັດຖະທູດອົດສະຕຣາລີປະຈຳຫວຽດນາມ.