 |
| ການນໍາແຂວງກວາງນາມ ຖ່າຍຮູບເປັນທີ່ລະນຶກກັບຄະນະປະຕິບັດງານ ສະຖານທູດລາວ. ພາບ:TTXVN |
ຫວ່າງແລ້ວນີ້, ທີ່ແຂວງກວາງນາມ, ທ່ານ ຟານວຽດເກື່ອງ, ເລຂາພັກແຂວງກວາງນາມ ໄດ້ໃຫ້ການຕ້ອນຮັບທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດລາວ ປະຈໍາ ຫວຽດນາມ. ທີ່ການຕ້ອນຮັບ, ທ່ານ ຟານວຽດເກື່ອງ, ເລຂາພັກແຂວງກວາງນາມ ໄດ້ແຈ້ງໃຫ້ຊາບໂດຍສັງເຂັບກ່ຽວກັບສະພາບການເສດຖະກິດ-ສັງຄົມ ຂອງແຂວງໃນໄລຍະຜ່ານມາ; ການພົວພັນຮ່ວມມືລະຫວ່າງແຂວງກວາງນາມ ແລະ ແຂວງເຊກອງ ສປປ ລາວ ແລະ ຂີດໝາຍແຫ່ງການຮ່ວມມືລະຫວ່າງສອງທ້ອງຖິ່ນໃນຂົງເຂດຮັບປະກັນຄວາມສະຫງົບຢູ່ເຂດຊາຍແດນ, ການຄຸ້ມຄອງການເຂົ້າ-ອອກເມືອງ, ຮັບປະກັນຄວາມສະຫງົບປອດໄພໃນການປ້ອງກັນ, ຕ້ານພະຍາດໂຄວິດ-19.
ທ່ານ ຟານວຽດເກື່ອງ ກໍ່ໄດ້ເນັ້ນໜັກວ່າ, ດ້ວຍຈຸດພິເສດດ້ານພູມີປະເທດແມ່ນມີເສັ້ນຊາຍແດນຮ່ວມກັນ ທີ່ຍາວກ່ວາ 157 ກີໂລແມັດ, ກວາງນາມ ມີຄວາມປາດຖະໜາຢາກສືບຕໍ່ພັດທະນາການພົວພັນຮ່ວມມືຢ່າງເລິກເຊິ່ງກັບບັນດາແຂວງທີ່ຕິດກັບຊາຍແດນ ແລະ ບັນດາທ້ອງຖິ່ນຂອງລາວ. ພ້ອມທັງ ສະແດງຄວາມຫວັງວ່າ, ໄປຄຽງຄູ່ກັບບັນດານະໂຍບາຍລວມເຊິ່ງໄດ້ຮັບການຜັນຂະຫຍາຍແລ້ວ, ໃນໄລຍະຈະມາເຖິງ, ສອງຝ່າຍຈະສືບຕໍ່ມີຫຼາຍຮູບການຮ່ວມມືທີ່ມີປະສິດທິຜົນກ່ວາອີກໃນບັນດາຂົງເຂດຕ່າງໆ.
ທີ່ການຕ້ອນຮັບ, ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ຕີລາຄາສູງຕໍ່ການຊ່ວຍເຫຼືອຂອງແຂວງກວາງນາມ ທີ່ມີຕໍ່ແຂວງເຊກອງ ແລະແຂວງຕ່າງໆຂອງລາວ ໃນວຽກງານປ້ອງກັນ, ຕ້ານພະຍາດໂຄວິດ-19. ພ້ອມທັງກໍ່ຫວັງວ່າແຂວງກວາງນາມ ຈະສືບຕໍ່ໜູນຊ່ວຍແຂວງເຊກອງ ກໍ່ສ້າງກິດຈະກໍາໂຄງລ່າງທີ່ຈໍາເປັນ; ຊຸກຍູ້ພື້ນຖານໂຄງລ່າງ ແລະຂຸດຄົ້ນດ່ານຊາຍແດນສາກົນດັກຕາອອກ-ນາມຢາງ ຢ່າງມີປະສິດທິຜົນ; ປະກອບສ່ວນຊຸກຍູ້ການແລກປ່ຽນສິນຄ້າລະຫວ່າງບັນດາທ້ອງຖິ່ນຢູ່ພາກກາງຫວຽດນາມ ແລະບັນດາແຂວງພາກໃຕ້ລາວ. ນອກຈາກນັ້ນ, ທ່ານເອກອັກຄະລັດຖະທູດ ແສງເພັດ ຮຸ່ງບຸນຍວງ ກໍ່ໄດ້ປາດຖະໜາຢາກໃຫ້ແຂວງກວາງນາມ ສະໜັບສະໜູນຂໍ້ສະເໜີຂອງຝ່າຍລາວ ກ່ຽວກັບການກໍ່ສ້າງທາງດ່ວນເຊື່ອມຕໍ່ສອງປະເທດ, ຫັນຍຸດທະສາດແລວທາງເສດຖະກິດຕາເວັນອອກ-ຕາເວັນຕົກ ໃຫ້ປະກົດຜົນເປັນຈິງ.
 | ເອກອັກຄະລັດຖະທູດ ແຫ່ງ ສສ ຫວຽດນາມ ປະຈໍາລາວ ອວຍພອນວັນຊາດ ແຫ່ງ ສປປ ລາວ ຄົບຮອບ 45 ປີ ສະຫາຍ ຫງວຽນບ໋າຮຸ່ງ ເອກອັກຄະລັດຖະທູດ ແຫ່ງ ສສ. ຫວຽດນາມ ປະຈໍາ ລາວ ໄດ້ຕີລາຄາສູງ ການພັດທະນາຂອງ ສປປ ລາວ ຕະຫລອດໄລຍະ 45 ປີ ຜ່ານມາ ເຮັດໃຫ້ການເມືອງມີສະຖຽນລະພາບ, ສັງຄົມມີຄວາມສະຫງົບ, ເສດຖະກິດມີການຂະຫຍາຍຕົວໄວ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງເທື່ອລະກ້າວ. |
 | ເອກອັກຄະລັດຖະທູດ ອິນໂດເນເຊຍ ເນັ້ນໜັກເຖິງບົດບາດຂອງຫວຽດນາມໃນການຮັກສາວິວັດການຮ່ວມມືຂອງອາຊຽນໃນສະພາບການໂລກລະບາດ Covid - 19 ຍສໝ - ທ່ານເອກອັກຄະລັດຖະທູດອິນໂດເນເຊຍ Ibnu Hadi ເນັ້ນໜັກເຖິງຄວາມມານະພະຍາຍາມ ແລະຂໍ້ລິເລີ່ມຕ່າງໆຂອງຫວຽດນາມໃນການຮັກສາວິວັດການຮ່ວມມືຂອງອາຊຽນໃນສະພາບການລະບາດຂອງພະຍາດ Covid -19, ເຊິ່ງກໍ່ໃຫ້ເກີດຄວາມວຸ້ນວາຍຫຼາຍໃນໂລກ. |
 | ເອກອັກຄະລັດຖະທູດ ຜູ້ໃໝ່ຂອງ ສປປ ລາວໄດ້ພົບປະກັບ ທ່ານນາຍົກລັດຖະມົນຕີ ຫງວຽນຊວນຟຸກ ຍສໝ - ຕອນບ່າຍວັນທີ 11 ພະຈິກ, ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດລາວ ແສງເພັດ ຮຸ່ງບຸນຍວງ ເນື່ອງໃນໂອກາດມາຮັບໜ້າທີ່ທາງການທູດຢູ່ຫວຽດນາມ. |
ໄຊພອນ
