| ດ່ານັ້ງ ເພີ່ມທະວີການຮ່ວມກັບ ສະຫະພາບ ເອີລົບ (EU) | |
| ທ່ານ Park Byeong-Seug ປະທານສະພາແຫ່ງຊາດ ສ.ເກົາຫຼີ ສິ້ນສຸດການຢ້ຽມຢາມ ຫວຽດນາມຢ່າງເປັນທາງການ |
 |
| ທ່ານນາຍົກລັດຖະມົນຕີຫງວຽນຊວັນຟຸກຕ້ອນຮັບທ່ານເອກອັກຄະລັດຖະທູດ, ຫົວໜ້າຄະນະຜູ້ແທນ EU ປະຈຳຫວຽດນາມ (ພາບ: TTXVN) |
ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ຕີລາຄາວ່າ, ໃນ 30 ປີທີ່ຜ່ານມາ, ສອງຝ່າຍໄດ້ຮ່ວມມືໃນຫຼາຍຂົງເຂດຢ່າງມີປະສິດທິຜົນ, ພິເສດແມ່ນການລົງນາມໃນສັນຍາການຄ້າເສລີຫວຽດນາມ - ອີຢູ (EVFTA) ໃນມໍ່ໆນີ້.
ທ່ານເອກອັກຄະລັດຖະທູດ, ຫົວໜ້າຄະນະຜູ້ແທນ EU ປະຈຳ ຫວຽດນາມ Pier Giorgio Aliberti ໃຫ້ຮູ້ວ່າ: ສັນຍາດັ່ງກ່າວແມ່ນ "ເສັ້ນທາງຫຼວງ" ເພື່ອຊຸກຍູ້ການຮ່ວມມືສອງຝ່າຍໃນທຸກຂົງເຂດ. ປະຈຸບັນ, ສອງຝ່າຍໄດ້ຍູ້ແຮງບັນດາການເຄື່ອນໄຫວດ້ານການຄ້າ, ຫວຽດນາມໄດ້ເພີ່ມທະວີການສົ່ງອອກຜະລິດຕະພັນກະເສດ, ສິນໃນນ້ຳ ໄປຍັງຕະຫຼາດ EU. EU ຖືວ່າສັນຍາການຄ້າເສລີຫວຽດນາມ - ອີຢູແມ່ນກາລະໂອກາດທີ່ສະດວກເພື່ອໃຫ້ຫວຽດນາມຕັ້ງທີ່ຕັ້ງສຳຄັນໃນລະບົບມູນຄ່າທົ່ວໂລກ.
ເນື່ອງໃນໂອກາດນີ້, ທ່ານເອກອັກຄະລັດຖະທູດກໍ່ໄດ້ຍົກອອກບັນດາຂໍ້ສະເໜີ ແນະຕໍ່ລັດຖະບານ ແລະ ນາຍົກລັດຖະມົນຕີ ເພື່ອຊີ້ນຳການແກ້ໄຂບາງຂໍ້ຫຍຸ້ງຍາກ, ສິ່ງກີດຂວາງເພື່ອຊຸກຍູ້ການມາລົງທຶນຢູ່ຫວຽດນາມ ຂອງວິສາຫະກິດ EU . ທ່ານນາຍົກລັດຖະມົນຕີໃຫ້ຮູ້ວ່າຈະມອບໃຫ້ບັນດາກະຊວງ, ຂະແໜງການ ແລະ ອົງການຕ່າງໆ ຂອງຫວຽດນາມ ເພື່ອກວດກາຄືນບັນດາເອກະສານ, ລະບຽບການເພື່ອແກ້ໄຂບັນດາບັນຫາ ແລະ ສ້າງເງື່ອນໄຂສະດວກທີ່ສຸດໃຫ້ແກ່ບັນດານັກລົງທຶນ, ພິເສດແມ່ນບັນດານັກລົງທຶນອີຢູ.
ທ່ານນາຍົກລັດຖະມົນຕີກໍ່ໃຫ້ຮູ້ວ່າ, ໃນຖານະເປັນປະທານອາຊຽນ 2020, ຫວຽດນາມມີຄວາມປິຕິຊົມຊື່ນ ເມື່ອການພົວພັນຄູ່ຮ່ວມມືຍຸດທະສາດລະຫວ່າງ ສະມາຄົມອາຊຽນ ແລະ ສະຫະພາບເອີຣົບ (ອາຊຽນ - ອີຢູ) ໄດ້ຮັບການສ້າງຕັ້ງຂຶ້ນ; ພ້ອມດຽວກັນນີ້, ພວກເຮົາເຊື່ອວ່າທັງສອງຝ່າຍຈະມີການຮ່ວມມືທີ່ມີປະສິດທິຜົນຫຼາຍໃນໄລຍະທີ່ຈະມາເຖິງ. ທ່ານນາຍົກລັດຖະມົນຕີ ໄດ້ສະແດງຄວາມຂອບອົກຂອບໃຈຕໍ່ ອີຢູ ເມື່ອໄດ້ສະໜັບສະໜູນ ຫວຽດນາມປະຕິບັດສຳເລັດໜ້າທີ່ເປັນປະທານອາຊຽນ 2020 ແລະ ສືບຕໍ່ສະໜັບສະໜູນ ຫວຽດນາມ ໃນການປະຕິບັດສຳເລັດອາຍຸການເປັນສະມາຊິກບໍ່ປະຈຳການຂອງສະພາຄວາມໝັ້ນຄົງສະຫະປະຊາຊາດອາຍຸການ 2020-2021.
ທ່ານນາຍົກລັດຖະມົນຕີກໍ່ໄດ້ຕີລາຄາສູງຕໍ່ອີຢູ ໃນການສືບຕໍ່ສະແດງທັດສະນະສະໜັບສະໜູນ ຕໍ່ຈິດໃຈເຄົາລົບກົດໝາຍສາກົນ ແລະ ສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982) ຢູ່ທະເລຕາເວັນອອກ.
 | ດ່ານັ້ງ ເພີ່ມທະວີການຮ່ວມກັບ ສະຫະພາບ ເອີລົບ (EU) ຍສໝ - ທີ່ການໂອ້ລົມສົນທະນາ, ທ່ານ Giorgio Aliberti ເອກອັກຄະລັດຖະທູດ, ຫົວໜ້າຄະນະປະຕິບັດງານ ສະຫະພາບ ເອີລົບ ແລະ ບັນດາເອກອັກຄະລັດຖະທູດບັນດາປະເທດສະມາຊິກ ສະຫະພາບ ເອີລົບ ໃຫ້ຄຳໝັ້ນສັນຍາວ່າຈະເປັນຂົວເຊື່ອມຕໍ່ຊຸກຍູ້ການຮ່ວມມືລະຫວ່າງ ດ່ານັ້ງ ກັບທ້ອງຖິ່ນບັນດາປະເທດເອີລົບ. |
 | ທ່ານ Park Byeong-Seug ປະທານສະພາແຫ່ງຊາດ ສ.ເກົາຫຼີ ສິ້ນສຸດການຢ້ຽມຢາມ ຫວຽດນາມຢ່າງເປັນທາງການ ຍສໝ - ທີ່ບັນດາການພົບປະ, ສອງຝ່າຍໄດ້ຢັ້ງຢືນການພົວພັນ “ຄູ່ຮ່ວມມືຍຸດທະສາດ” ຫວຽດນາມ - ສ.ເກົາຫຼີ ພວມມີການພັດທະນາຢ່າງແຮງ ແລະ ນັບມື້ນັບເຂົ້າສູ່ລວງເລິກ. ສອງຝ່າຍໄດ້ກາຍເປັນຄູ່ຮ່ວມມືສຳຄັນແຖວໜ້າຂອງກັນໃນຫຼາຍຂົງເຂດ. |
 | ກອງປະຊຸມຫົວເລື່ອງສະເພາະ “EVFTA ແລະ EVIPA - ກາລະໂອກາດ, ສິ່ງທ້າທາຍ ແລະ ມາດຕະການປະຕິບັດຢ່າງມີປະສິດທິຜົນ” ຍສໝ - ບັນດາຜູ້ແທນກໍແນະນຳ ແລະ ໄຈ້ແຍກໂດຍສັງເຂບບັນດາຜົນກະທົບຂອງໂລກລະບາດໂຄວິດ - 19 ຕໍ່ພື້ນຖານເສດຖະກິດທົ່ວໂລກເວົ້າລວມ ແລະ ຫວຽດນາມ ເວົ້າສະເພາະ; ຜົນປະໂຫຍດຂອງພື້ນຖານເສດຖະກິດເມື່ອເຂົ້າຮ່ວມບັນດາສັນຍາການຄ້າເສລີລຸ້ນໃໝ່. |
ບຸນຄົງ
