 | ນະຄອນ ໂຮ່ຈີມິນ: ງານບຸນ "ຄອບຄົວ ຫວຽດນາມ - ລາວ - ກຳປູເຈຍ" ແຜ່ຂະຫຍາຍສາຍຈິດມິດຕະພາບ |
| ຊຸກຍູ້ການຮ່ວມມືດ້ານປ້ອງກັນຊາດ ຫວຽດນາມ - UAE ຕາມທິດທາງແທດຕົວຈິງ, ມີປະສິດທິຜົນ |
ຄະນະພະນັກງານ, ຄູອາຈານ ແລະ ນັກຮຽນ ຂອງ 4 ແຂວງພາກໃຕ້ຂອງລາວ ໄດ້ເຂົ້າຮ່ວມໂຄງການແລກປ່ຽນ, ຢ້ຽມຢາມບັນດາປູຊະນີຍະສະຖານປະຫວັດສາດ, ວັດທະນະທຳ ຢູ່ທີ່ແຂວງ ກວາງຈິ ໂດຍຄະນະກຳມະການປະຊາຊົນແຂວງ ກວາງຈิ ຈັດຕັ້ງຂຶ້ນ, ດ້ວຍການສົມທົບຮ່ວມມື ຂອງສະຖານກົງສຸນໃຫຍ່ ຫວຽດນາມ ປະຈຳ ປາກເຊ.
ຕາມຂໍ້ມູນຈາກສະຖານກົງສຸນໃຫຍ່ ຫວຽດນາມ ປະຈຳ ປາກເຊ, ການເຂົ້າຮ່ວມພາຍໃນຄະນະຜູ້ແທນແມ່ນມີຕາງໜ້າຈາກບັນດາພະແນກ, ຂະແໜງການ, ຄູອາຈານ ແລະ ນັກຮຽນດີເດັ່ນ ຂອງບັນດາໂຮງຮຽນມິດຕະພາບ ລາວ - ຫວຽດ ກໍຄືຫຼວງຫຼາຍໂຮງຮຽນ ຢູ່ທີ່ບັນດາແຂວງ ຈຳປາສັກ, ອັດຕະປື, ສາລະວັນ ແລະ ເຊກອງ.
 |
| ກິດຈະກຳແລກປ່ຽນ, ຢ້ຽມຢາມບັນດາປູຊະນີຍະສະຖານປະຫວັດສາດ, ວັດທະນະທຳ ແລະ ແລກປ່ຽນບົດຮຽນການສິດສອນວິຊາປະຫວັດສາດ ລະຫວ່າງຂະແໜງການສຶກສາແຂວງ ກວາງຈິ ແລະ 4 ແຂວງພາກໃຕ້ຂອງລາວ. (ພາບ: ສະຖານກົງສຸນໃຫຍ່ ຫວຽດນາມ ປະຈຳ ປາກເຊ) |
ພາຍຫຼັງເດີນທາງເຂົ້າເມືອງຜ່ານດ່ານສາກົນ ລາໄລ (La Lay), ຄະນະຜູ້ແທນໄດ້ເຂົ້າຮ່ວມພິທີຈຸດທູບອາໄລຫາ ຢູ່ທີ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດ ເສັ້ນທາງເລກ 9, ຢ້ຽມຢາມກຳແພງເມືອງເກົ່າ ກວາງຈິ, ປູຊະນີຍະສະຖານແຫ່ງຊາດພິເສດ ອຸມົງ ວິງມົກ (Vịnh Mốc), ຫໍພິພິທະພັນ ກວາງຈິ ແລະ ຫາດຊາຍທະເລ ເກືອຫວຽດ (Cửa Việt). ຜ່ານບັນດາຈຸດໝາຍປາຍທາງດັ່ງກ່າວ, ບັນດາສະມາຊິກພາຍໃນຄະນະແມ່ນມີໂອກາດໄດ້ຊອກຮູ້ຕື່ມກ່ຽວກັບປະຫວັດສາດແຫ່ງການຕໍ່ສູ້ກູ້ຊາດປົດປ່ອຍຊາດ, ມູນເຊື້ອຮັກຊາດ ແລະ ບັນດາຄຸນຄ່າວັດທະນະທຳຂອງ ຫວຽດນາມ.
ຄະນະຜູ້ແທນຍັງໄດ້ເຂົ້າຮ່ວມງານລ້ຽງ Gala ແລກປ່ຽນວັດທະນະທຳ, ສິລະປະວັນນະຄະດີ ແລະ ອາຫານການກິນ ຮ່ວມກັບຄູອາຈານ ແລະ ນັກຮຽນແຂວງ ກວາງຈິ. ບັນດາລາຍການສະແດງ ແລະ ກິດຈະກຳແລກປ່ຽນໄດ້ດຳເນີນໄປພາຍໃຕ້ບັນຍາກາດອັນສະໜິດສະໜົມ, ປະກອບສ່ວນເພີ່ມທະວີຄວາມຜູກພັນລະຫວ່າງຮຸ່ນໜຸ່ມຂອງສອງປະເທດ.
ຈຸດພົ້ນເດັ່ນໜຶ່ງຂອງໂຄງການແມ່ນວາລະການພົບປະ, ແລກປ່ຽນບົດຮຽນກ່ຽວກັບການສຶກສາອົບຮົມຈິດໃຈຮັກຊາດ ຜ່ານວິຊາ ປະຫວັດສາດ ຢູ່ທີ່ໂຮງຮຽນມັດທະຍົມຕອນປາຍ ກວາງຈິ. ຄູອາຈານຂອງທັງສອງຝ່າຍໄດ້ແບ່ງປັນບັນດາບົດຮຽນພາຍໃນການປ່ຽນແປງໃໝ່ວິທີການສິດສອນ, ຊ່ວຍໃຫ້ນັກຮຽນເຂົ້າໃຈຢ່າງເລິກເຊິ່ງກວ່າເກົ່າກ່ຽວກັບປະຫວັດສາດຂອງຊາດ, ບຳລຸງສ້າງຄວາມພາກພູມໃຈ ແລະ ສະຕິຮັບຜິດຊອບຕໍ່ກັບປະເທດຊາດ.
ກ່າວຄຳເຫັນຢູ່ທີ່ໂຄງການ, ທ່ານນາງ ເລທິເຮຶອງ, ຫົວໜ້າພະແນກສຶກສາທິການ ແລະ ກິລາແຂວງ ກວາງຈິ ໃຫ້ຮູ້ວ່າ ກິດຈະກຳນີ້ແມ່ນໂອກາດເພື່ອໃຫ້ຄູອາຈານ ແລະ ນັກຮຽນສອງປະເທດໄດ້ພົບປະ, ຖອດຖອນບົດຮຽນ, ໃນຂະນະດຽວກັນກໍປະກອບສ່ວນເພີ່ມພູນຄູນສ້າງສາຍພົວພັນສາມັກຄີ, ມິດຕະພາບ ຫວຽດນາມ - ລາວ ຜ່ານການສຶກສາປະຫວັດສາດ ແລະ ມູນເຊື້ອ.
ອາຈານ ທ້າວ ທະວອນ ເນັມທຸໄຊ, ຄູສອນຢູ່ໂຮງຮຽນມັດທະຍົມ ຈະເລີນໄຊ (ແຂວງ ອັດຕະປື) ກ່າວວ່າ, ໂຄງການນີ້ໄດ້ຊ່ວຍໃຫ້ຄະນະຜູ້ແທນເຂົ້າໃຈຕື່ມກ່ຽວກັບປະຫວັດສາດແຫ່ງການຕໍ່ສູ້ຍາດເອົາເອກະລາດຂອງ ຫວຽດນາມ ກໍຄືສາຍພົວພັນສາມັກຄີພິເສດລະຫວ່າງສອງຊາດ, ຜ່ານນັ້ນແມ່ນມີຂໍ້ມູນຫຼັກຖານ ແລະ ປະສົບການຕົວຈິງຕື່ມອີກ ເພື່ອທຳການສຶກສາອົບຮົມໃຫ້ແກ່ຮຸ່ນຄົນໜຸ່ມ.
ນ້ອງ ມຸກດາ ທຳມະວົງຄຳ, ນັກຮຽນໂຮງຮຽນມັດທະຍົມ ໂພນໄຊ (ແຂວງ ຈຳປາສັກ) ໃຫ້ຮູ້ວ່າ ການເດີນທາງຄັ້ງນີ້ໄດ້ຊ່ວຍໃຫ້ນ້ອງເຂົ້າໃຈກ່ຽວກັບປະເທດຊາດ, ຄົນ ຫວຽດນາມ ແລະ ສາຍພົວພັນອັນພິເສດ ຫວຽດນາມ - ລາວ ທີ່ໄດ້ຮັບການປົກປັກຮັກສາ, ເພີ່ມພູນຄູນສ້າງມາຈາກຫຼວງຫຼາຍຮຸ່ນຄົນ ເກົ່າກວ່າເກົ່າ.
ໂຄງການໄດ້ປະກອບສ່ວນເພີ່ມທະວີການແລກປ່ຽນລະຫວ່າງຂະແໜງການສຶກສາ ແລະ ຮຸ່ນໜຸ່ມ ກວາງຈິ ກັບ 4 ແຂວງພາກໃຕ້ຂອງລາວ, ໃນຂະນະດຽວກັນກໍຊ່ວຍໃຫ້ນັກຮຽນ, ຄູອາຈານສອງປະເທດມີຄວາມຮັບຮູ້, ເຂົ້າໃຈຕື່ມກ່ຽວກັບປະຫວັດສາດ, ວັດທະນະທຳ ແລະ ມູນເຊື້ອມິດຕະພາບ ຫວຽດນາມ - ລາວ.
 | ເອກອັກຄະລັດຖະທູດ ການາດາ: ຫວຽດນາມ ມີບົດບາດເປັນແກນນຳ ພາຍໃນ ASEAN ແລະ ເຂດມະຫາສະໝຸດອິນເດຍ - ປາຊີຟິກ ຍສໝ - ຕອນບ່າຍວັນທີ 29 ມິຖຸນາ, ຢູ່ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ເລມິງຮຶງ ໄດ້ຕ້ອນຮັບທ່ານ Jim Nickel ເອກອັກຄະລັດຖະທູດ ການາດາ ປະຈຳ ຫວຽດນາມ. |
 | ກອງປະຊຸມສໍາມະນາ "ປັນຍາຊົນ ຫວຽດນາມ ຢູ່ ໂປໂລຍ ກັບພາລະກິດການພັດທະນາວິທະຍາສາດເຕັກໂນໂລຊີ ຫວຽດນາມ" ຍສໝ - ໄລຍະຜ່ານມາ, ສະຖານເອກອັກຄະລັດຖະທູດ ຫວຽດນາມ ປະຈຳ ໂປໂລຍ ໄດ້ເປັນປະທານ, ສົມທົບຮ່ວມກັບ ສະມາຄົມວິທະຍາສາດ ແລະ ເຕັກໂນໂລຊີ ຫວຽດນາມ ປະຈຳ ໂປໂລຍ ແລະ ສະມາຄົມວິສາຫະກິດ ຫວຽດນາມ ປະຈຳ ໂປໂລຍ ຈັດຕັ້ງກອງປະຊຸມສໍາມະນາ ພາຍໃຕ້ຫົວຂໍ້ "ປັນຍາຊົນ ຫວຽດນາມ ຢູ່ ... |
