ການພົບປະເຈລະຈາທາງອອນລາຍດັ່ງກ່າວ ໄດ້ຈັດຕັ້ງປະຕິບັດເພື່ອກະກຽມໃຫ້ແກ່ ສັບປະດາຄວາມປອດໄພເຄືຍຂ່າຍອິນເຕີແນດສາກົນຄັ້ງທີ 5 (SICW-5) ແລະ ກອງປະຊຸມລັດຖະມົນຕີອາຊຽນ ວ່າດ້ວຍຄວາມປອດໄພເຄືຍຂ່າຍອິນເຕີແນດ (AMCC-5) ຄັ້ງທີ 5 ທີ່ຈະໄດ້ຈັດຂຶ້ນຢູ່ສິງກະໂປ ໂດຍຮູບການຖ່າຍທອດສົດ ໃນລະຫວ່າງແຕ່ວັນທີ 5 - 9 ຕຸລາ 2020.
 |
| ຊຸກຍູ້ການຮ່ວມມືໃນການປ້ອງກັນ ແລະ ຕ້ານອາດຊະຍາກຳທາງອິນເຕີເນັດ ລະຫວ່າງ ຫວຽດນາມ ແລະ ສິງກະໂປ. |
ກິດຈະກຳນີ້ ແມ່ນກິດຈະກຳທີ່ຈັດຂື້ນປະຈຳປີ ໂດຍກະຊວງສື່ມວນຊົນ ແລະ ຂ່າວສານສິງກະໂປ ຕັ້ງແຕ່ປີ 2016 ເພື່ອແລກປ່ຽນປະສົບການ, ອັບເດດຂໍ້ມູນຂ່າວສານກ່ຽວກັບສະຖານະການຄວາມປອດໄພທາງອິນເຕີເນັດ ໃນບັນດາປະເທດໃນພາກພື້ນ ແລະ ທົ່ວໂລກ.
ທີ່ການພົບປະເຈລະຈາທາງອອນລາຍ, ສອງຝ່າຍໄດ້ສະແດງຄວາມວິຕົກກັງວົນ ກ່ຽວກັບບັນດາສິ່ງທ້າທາຍ ແລະ ໄພຂົ່ມຂູ່ດ້ານຄວາມປອດໄພທາງເຄືຍຂ່າຍອິນເຕີແນດ, ພິເສດແມ່ນໃນສະພາບການ ແລະ ຜົນກະທົບທີ່ໜັກໜ່ວງຂອງການລະບາດ COVID-19 ທີ່ຫວຽດນາມ ແລະ ສິງກະໂປເວົ້າສະເພາະ ແລະ ປະເທດອື່ນໆໃນພາກພື້ນ ແລະ ທົ່ວໂລກກຳລັງປະເຊີນໜ້າເວົ້ົ້າທົ່ວໄປ.
|
ຕາງໜ້າຝ່າຍຫວຽດນາມ, ທ່ານພົນເອກ ໂຕເລີມ - ລັດຖະມົນຕີກະຊວງຕຳຫຼວດຫວຽດນາມ ໄດ້ແລກປ່ຽນ, ແບ່ງປັນກ່ຽວກັບສະພາບການຄວາມປອດໄພດ້ານອິນເຕີເນັດຢູ່ຫວຽດນາມ ແລະ ພາກພື້ນ, ກໍ່ຄືຄວາມພະຍາຍາມຂອງຫວຽດນາມ ໃນການຮັບປະກັນຄວາມປອດໄພດ້ານອິນເຕີເນັດໃນຊຸມປີຜ່ານມາ. ຕາມນັ້ນແລ້ວ, ຫວຽດນາມ ໄດ້ປະເຊີນໜ້າກັບບັນດາໄພອັນຕະລາຍ ແລະ ສິ່ງທ້າທາຍ ຈາກທາງອິນເຕີເນັດ, ເປັນໄພຂົ່ມຂູ່ໂດຍກົງຕໍ່ຄວາມໝັ້ນຄົງແຫ່ງຊາດ, ແລະ ຄວາມປອດໄພ ແລະ ຄວາມເປັນລະບຽບຮຽບຮ້ອຍຂອງສັງຄົມ.
ໃນສະພາບການດັ່ງກ່າວ, ຫວຽດນາມ ໃຫ້ຄວາມສຳຄັນເປັນພິເສດ ຕໍ່ການຍົກສູງຄວາມສາມາດຮັບປະກັນຄວາມປອດໄພທາງອິນເຕີເນັດ ສຳລັບລະບົບຂໍ້ມູນຂ່າວສານທີ່ສຳຄັນກ່ຽວກັບຄວາມໝັ້ນຄົງແຫ່ງຊາດ ໂດຍຜ່ານການປະກາດໃຊ້ກົດໝາຍ ວ່າດ້ວຍຄວາມປອດໄພທາງອິນເຕີເນັດໃນປີ 2018, ແລະປະຕິບັດ “ລາຍການການຫັນປ່ຽນດີຈີຕອນແຫ່ງຊາດ ຮອດປີ 2025, ດ້ວຍວິໄສທັດຮອດປີ 2030” ດ້ວຍຈຸດປະສົງນຳຫວຽດນາມເຂົ້າໃນກຸ່ມ 50 ປະເທດນຳໜ້າໃນການລັດຖະບານເອເລັກໂຕນິກ (EGDI). ພ້ອມກັນນັ້ນ, ຫວຽດນາມ ກໍ່ມີຄວາມສົນໃຈໃນການສ້າງລະຫັດການປະພຶດໃນເຄືຍຂ່າຍອິນເຕີແນດ ໂດຍອີງໃສ່ຫຼັກການ ແລະ 11 ມາດຕະຖານຢ່າງສະໝັກໃຈຂອງສະຫະປະຊາຊາດ ເພື່ອປະກອບສ່ວນໃນການຮັກສາຄວາມປອດໃສ ແລະ ມີປະສິດຕິພາບຫລາຍຂື້ນໃນການຮັບປະກັນຄວາມປອດໄພດ້ານຂໍ້ມູນຂ່າວສານ ແລະ ຄວາມປອດໄພ.
 |
| ທ່ານ S. Iswaran, ລັດຖະມົນຕີກະຊວງສື່ມວນຊົນ ແລະ ຂ່າວສານ ທັງເປັນລັດຖະມົນຕີຜູ້ຮັບຜິດຊອບຄວາມປອດໄພທາງເຄືຍຂ່າຍອິນເຕີແນດ ສິງກະໂປ. |
ໃນໂອກາດນີ້, ທ່ານພົນເອກ ໂຕເລີມ - ລັດຖະມົນຕີກະຊວງຕຳຫຼວດຫວຽດນາມ ຍັງໄດ້ສະເໜີທິດທາງຫຼາຍຢ່າງ ໃນການເພີ່ມທະວີການຮ່ວມມືໃນການຮັບປະກັນຄວາມປອດໄພທາງດ້ານເຄືຍຂ່າຍອິນເຕີແນດ, ຄວາມປອດໄພດ້ານຂໍ້ມູນຂ່າວສານ, ການປ້ອງກັນ ແລະ ຕ້ານອາດຊະຍາກຳທາງອິນເຕີເນັດ ແລະ ອາຊະຍາກຳເຕັກໂນໂລຢີສູງ ກັບປະເທດສິງກະໂປ.
ສ່ວນ ທ່ານ S. Iswaran ໄດ້ເຫັນດີກັບຂໍ້ສະເໜີເພື່ອຊຸກຍູ້ການຮ່ວມມືລະຫວ່າງສອງຝ່າຍໃນໄລຍະຈະມາເຖິງ ໃນຂົງເຂດປ້ອງກັນ ແລະ ຕ້ານອາດຊະຍາກຳທາງອິນເຕີເນັດ; ພ້ອມທັງຢັ້ງຢືນຄືນໃໝ່ຄຳໝັ້ນສັນຍາຂອງລັດຖະບານສິງກະໂປ ໃນຄວາມພະຍາຍາມຕໍ່ສູ້ກັບອາດຊະຍາກຳເຫຼົ່ານີ້ ແລະ ສືບຕໍ່ເພີ່ມທະວີການຮ່ວມມືກັບທຸກໆປະເທດໃນພາກພື້ນ ແລະ ໃນທົ່ວໂລກ ເພື່ອກ້າວສູ່ເຄືຍຂ່າຍອິນເຕີເນັດແຫ່ງຄວາມປອດໄພ.
ທ່ານ S. Iswaran ໃຫ້ຮູ້ວ່າ ສິງກະໂປຫວັງວ່າ ປະເທດຕ່າງໆມີຄວາມຮັບຮູ້ເຖິງຄວາມສຳຄັນ ໃນການຍົກສູງຄວາມສາມາດຮັບປະກັນຄວາມປອດໄພທາງອິນເຕີເນັດ, ແລະ ສົ່ງເສີມການຮ່ວມມືສະໜັບສະໜູນເຊິ່ງກັນ ແລະ ກັນໃນສະພາບການປະເຊີນໜ້າກັບອາດຊະຍາກຳທາງອິນເຕີເນັດ.
 | ສິງກະໂປ ຕີລາຄາສູງບົດບາດ ແລະ ບັນດາຂໍ້ລິເລີ່ມຂອງຫວຽດນາມ ໃນຖານະເປັນປະທານອາຊຽນ 2020 ຍສໝ - ນັ້ນແມ່ນຄຳພິນິດໄສຂອງທ່ານ Lee Hsien Loong - ນາຍົກລັດຖະມົນຕີ ປະເທດສິງກະໂປ ໃນການໂອ້ລົມທາງໂທລະສັບ ກັບທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ໃນວັນທີ 30 ເດືອນພຶດສະພາ. |
 | ເພີ່ມທະວີການຮ່ວມມືດ້ານປ້ອງກັນຊາດລະຫວ່າງຫວຽດນາມ ແລະ ສິງກະໂປ ຍສໝ - ແຕ່ວັນທີ 10 - 13 ກຸມພາ, ຄະນະຜູ້ແທນປະຊວງປ້ອງກັນປະເທດຫວຽດນາມ ໂດຍທ່ານພົນໂທ ຫງວຽນຈີ້ວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ນຳໜ້າ ໄດ້ມີການຢ້ຽມຢາມ ແລະ ປຶກສາຫາລື ກ່ຽວກັບບັນດາການເຄື່ອນໄຫວທາງການທະຫານ - ການປ້ອງກັນຊາດ ຂອງ ອາຊຽນໃນຕົ້ນປີ 2020. |
 | ນາຍົກລັດຖະມົນຕີ ຫວຽດນາມ ຕ້ອນຮັບ ປະທານກຸ່ມບໍລິສັດ CapitalLand ສິງກະໂປ ຍສໝ - ໃນຕອນບ່າຍຂອງວັນທີ 14 ມິຖຸນາ 2019, ທີ່ສຳນັກງານລັດຖະບານ ຫວຽດນາມ, ທ່ານນາຍົກລັດຖະມົນຕີ ຫງວຽນ ຊວນ ຟຸກ ໄດ້ໃຫ້ການຕ້ອນຮັບທ່ານ Ng Kee Choe ປະທານກຸ່ມບໍລິສັດ CapitaLand. |
ຄຳຮຸ່ງ
