ທີ່ການພົບປະກັບທ່ານ Chan Heng Kee ເລຂາທິການຜູ້ປະຈຳການກະຊວງປ້ອງກັນປະເທດສິງກະໂປ, ທ່ານພົນໂທ ຫງວຽນຈີ້ວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ແຈ້ງໃຫ້ຊາບວ່າ ກະຊວງປ້ອງກັນປະເທດ ຫວຽດນາມ ໄດ້ສຳເລັດວຽກງານກະກຽມໃຫ້ແກ່ກອງປະຊຸມວົງແຄບລັດຖະມົນຕີກະຊວງປ້ອງກັນປະເທດບັນດາປະເທດ ອາຊຽນ (ADMM ແຄບ). ທ່ານພົນໂທ ຫງວຽນຈີ້ວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ສະແດງຄວາມຊົມເຊີຍ ສິງກະໂປກ່ຽວກັບການຈັດຕັ້ງງານວາງສະແດງການບິນ 2020 ຢ່າງ ສຳເລັດຜົນ ແລະ ປອດໄພໃນສະພາບການລະບາດເຊື້ອໄວຣັດ Corona.
 |
ການພົບປະລະຫວ່າງ ທ່ານ ພົນໂທ ຫງວຽນຈີ້ວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ແລະ ທ່ານ Heng Chee How ລັດຖະມົນຕີກະຊວງປ້ອງກັນປະເທດ ສິງກະໂປ (ພາບ: qdnd.vn)
ໃນວັນດຽວກັນ, ທ່ານພົນໂທ ຫງວຽນຈີ້ວິ້ງ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ພົບປະເຈລະຈາກັບ ທ່ານພົນຕີ Melvin Ong, ຜູ້ບັນຊາການປ້ອງກັນປະເທດ ສິງກະໂປ, ທ່ານ ພົນໂທ ຫງວຽນຈີ໊ວິ້ງ ໄດ້ເຊີນທ່ານພົນຕີ Melvin Ong ເຂົ້າຮ່ວມກອງປະຊຸມຜູ້ບັນຊາການປ້ອງກັນປະເທດອາຊຽນຄັ້ງທີ 17 ຢູ່ຫວຽດນາມ.
ຝ່າຍສິງກະໂປ ຢືນຢັນຈະສະໜັບສະໜູນ ຢ່າງສຸດຂີດຄວາມສາມາດທີ່ເປັນໄປໄດ້ສຳລັບກະຊວງປ້ອງກັນປະເທດ ຫວຽດນາມ ໃນການຈັດຕັ້ງການເຄື່ອນໄຫວດ້ານການທະຫານ - ປ້ອງກັນປະເທດຢ່າງສຳ ເລັດຜົນ ໃນປີ ເປັນປະທານອາຊຽນ 2020.
（ຄຳຮຸ່ງ）
