ຫວຽດນາມ ມອບ-ຮັບໂຄງການສາງເກັບຮັກສາເອກະສານໃຫ້ພັກປະຊາຊົນປະຕິວັດລາວ (ພາບ: TTXVN)
ໃນຕອນເຊົ້າຂອງວັນທີ 28 ມີນາ, ທີ່ສໍານັກງານຫ້ອງວ່າການສູນກາງພັກປະຊາຊົນປະຕິວັດລາວ ໄດ້ດໍາເນີນພິທີມອບ-ຮັບ ແລະ ຕັດແຖບຜ້າເປີດສະຫຼອງໂຄງການສາງເກັບຮັກສາເອກະສານໃຫ້ແກ່ຫ້ອງວ່າການສູນກາງພັກປະຊາຊົນປະຕິວັດລາວ.
ນີ້ແມ່ນໂຄງການທີ່ມີີຄວາມໝາຍທີີ່ສຸດ, ໄດ້ສະແດງໃຫ້ເຫັນຄວາມຮັບຜິດຊອບ, ອາລົມຈິດຂອງຫ້ອງວ່າການສູນກາງພັກສອງປະເທດ, ໂດຍສະເພາະແມ່ນການສະແດງໃຫ້ເຫັນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ.
ພິທີຕັດແຖບຜ້າເປີດສະຫຼອງໂຄງການສາງເກັບຮັກສາເອກະສານໃຫ້ແກ່ຫ້ອງວ່າການສູນກາງພັກປະຊາຊົນປະຕິວັດລາວ (ພາບ: TTXVN)
ໂຄງການສາງເກັບຮັກສາເອກະສານຈະແມ່ນບ່ອນເກັບຮັກສາເອກະສານສໍາເນົາແບບຖາວອນ, ພ້ອມທັງກໍ່ແມ່ນບ່ອນຂຸດຄົ້ນນໍາໃຊ້ເອກະສານຂອງສູນກາງພັກປະຊາຊົນປະຕິວັດລາວ; ສາງເກັບຮັກສາເອກະສານດັ່ງກ່າວໄດ້ຕິດຕັ້ງເຄື່ອງອຸປະກອນທັນສະໄໝຢ່າງຄົບຊຸດ, ລວມທັງລະບົບລົດຍູ້, ເຄື່ອງປັບອາກາດ...
(ໄຊພອນ)