| ນັກສຶກສາ ລາວ ແລະ ກຳປູເຈຍ ມີຄວາມປະທັບໃຈກັບວັນທີ 8/3 ຢູ່ ສສ ຫວຽດນາມ | |
| ກະຊວງປອງກັນປະເທດ ຫວຽດນາມ - ລາວ - ກຳປູເຈຍ ເພີ່ມທະວີການຮ່ວມມື |
ພາຍຫຼັງກອງປະຊຸມຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ກຳປູເຈຍ - ລາວ ເພື່ອແນໃສ່ຕີລາຄາກ່ຽວກັບຄວາມຄືບໜ້າຂອງການຮ່ວມມືຮັບປະກັນຄວາມສະຫງົບຕາມຊາຍແດນລະຫວ່າງ 2 ປະເທດ ແລະ ສືບຕໍ່ສ້າງຕັ້ງບັນດາກົນໄກທີ່ກ່ຽວຂ້ອງ, ວັນທີ 30 ເມສານີ້, ບັດດາເຈົ້າໜ້າທີ່ຂັ້ນສູງປ້ອງກັນປະເທດ ລາວ ແລະ ກຳປູເຈຍ ໄດ້ໃຫ້ຄຳໝັ້ນສັນຍາພ້ອມກັນເພີ່ມທະວີການພົວພັນມິດຕະພາບຕາມຊາຍແດນສອງປະເທດ.
 |
| ກຳປູເຈຍ-ລາວ ເພີ່ມທະວີການຮ່ວມມືກໍ່ສ້າງເຂດຊາຍແດນສັນຕິພາບ |
ກ່າວຄຳປາໄສທີ່ກອງປະຊຸມ, ທ່ານ ພົນເອກ ເອີດ ສະຣັດ, ຮອງຜູ້ບັນຊາການສູງສຸດ, ຫົວໜ້າເສນາທິການຮ່ວມ ກອງທັບກຳລັງປະກອບອາວຸດຣາດຊະວົງ ກຳປູເຈຍ ທັງເປັນປະທານຄະນະກຳມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ກຳປູເຈຍ - ລາວ ໃຫ້ຮູ້ວ່າ 2 ຝ່າຍ ໄດ້ດຳເນີນການຮ່ວມມືດ້ານຮັກສາຄວາມສະຫງົບຮຽບຮ້ອຍຕາມຊາຍແດນ ກັບຈິດໃຈສາມັກຄີ, ມິດຕະພາບ, ເພື່ອຮ່ວມມືກໍ່ສ້າງເຂດຊາຍແດນລະຫວ່າງ 2 ປະເທດທີ່ມີສັນຕິພາບ, ມິດຕະພາບ, ການຮ່ວມມື ແລະ ພັດທະນາ.
ທ່ານ ໄດ້ຕີລາຄາສູງການເຄື່ອນໄຫວຂອງ 2 ຄະນະກຳມະການໃນໄລຍະມໍ່ໆມານີ້ ແລະ ສະເໜີບາງເນື້ອໃນຄື: ທີໜຶ່ງ, ສອງຝ່າຍສືບຕໍ່ປັບປຸງ ແລະ ເພີ່ມທະວີການພົວພັນຮ່ວມມືກັນບົນພື້ນຖານເຄົາລົບອະທິປະໄຕ ແລະ ການພົວພັນທີ່ດີງາມຄືອ້າຍນ້ອງ, ເພື່ອນບ້ານທີ່ດີ. ສອງ, ສືບຕໍ່ຍູ້ແຮງກອງທັບຂອງສອງປະເທດຢູ່ຕາມຊາຍແດນຕິດຕໍ່ພົວພັນເປັນປະຈຳ, ຮ່ວມມືແກ້ໄຂທຸກບັນຫາໂດຍສັນຕິວິທີ, ສະກັດກັ້ນການປະທະກັນດ້ວຍກຳລັງອາວຸດ. ທີສາມ, ສືບຕໍ່ເພີ່ມທະວີການສ້າງຄວາມໄວ້ເນື້ອເຊື່ອໃຈ, ຮັກສາມິດຕະພາບທີ່ເປັນມູນເຊື້ອ, ຄວາມສາມັກຄີທີ່ເປັນມູນເຊື້ອ ເພື່ອກໍ່ສ້າງເຂດຊາຍແດນລະຫວ່າງສອງປະເທດໃຫ້ກາຍເປັນເຂດຊາຍແດນທີ່ມີສັນຕິພາບຕະຫຼອດໄປ.
ທ່ານ ພົນຕີ ວັນທອງ ບຸດຕະວົງ, ຮອງຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ທັງເປັນປະທານຄະນະກໍາມະການຮ່ວມມືຮັກສາຄວາມສະຫງົບຮຽບຮ້ອຍຕາມຊາຍແດນ ລາວ-ກຳປູເຈຍ ໃຫ້ຮູ້ວ່າ ການພົບປະຄັ້ງນີ້ ໄດ້ດຳເນີນໄປດ້ວຍບັນຍາກາດອັນສະໜິດສະໜົມ, ສັນຕິພາບ, ຄວາມເຂົ້າໃຈຢ່າງເລິກເຊິ່ງ ແລະ ແລກປ່ຽນກັນຢ່າງສັດຊື່. ທ່ານຢືນຢັນວ່າ ການພົບປະ ແມ່ນພື້ນຖານເພື່ອໃຫ້ສອງຝ່າຍປັບປຸງ ແລະ ເສີມຂະຫຍາຍສາຍພົວພັນມິດຕະພາບ, ການຮ່ວມມືລະຫວ່າງ 2 ຝ່າຍໃຫ້ມີຄວາມໝັ້ນຄົງ, ຄວາມປອດໄພຢ່າງແທ້ຈິງໃຫ້ແກ່ປະຊາຊົນຂອງສອງປະເທດຢູ່ເຂດຊາຍແດນ.
ມິງດຶກ
