ທີ່ການພົບປະ, ທ່ານ Joe Tan ໃຫ້ຮູ້ວ່າ SVIV ປາດຖະໜາຢາກຊອກຮູ້ທ້ອງຕະຫຼາດ, ເຊື່ອມໂຍງເຂົ້າກັບບັນດາຄູ່ຮ່ວມມືວິສາຫະກິດ ຫວຽດນາມ. SVIV ຄາດວ່າໃນກາງເດືອນພຶດສະພາ 2024 ຈະຈັດຕັ້ງຄະນະປະຕິບັດງານ ລວມມີຜູ້ຕາງໜ້າບັນດາວິສາຫະກິດຂະໜາດກາງ ແລະ ນ້ອຍ ສິງກະໂປ ມາເຮັດວຽກຢູ່ບາງແຂວງ, ນະຄອນຂອງຫວຽດນາມ, ໃນນັ້ນມີແຂວງ ຫາຍຟ່ອງ, ຜ່ານນັ້ນ ກໍເພີ່ມທະວີການຊອກຫາກາລະໂອກາດຮ່ວມມືລະຫວ່າງສອງຝ່າຍ.
 |
| ທ່ານ ຫງວຽນດຶກຮຸ່ງ, ຮອງປະທານ-ເລຂາທິການສະມາຄົມມິດຕະພາບ ຫວຽດນາມ - ສິງກະໂປ (ຂວາ) ຕ້ອນຮັບ ແລະ ເຮັດວຽກກັບ ທ່ານ Joe Tan, ຮອງປະທານບໍລິຫານບໍລິສັດ Sing-Viet Impact Ventures. (ພາບ: ດິ່ງ ຮວ່າ) |
ຕາມທ່ານ ເຈີ່ນວັນດັ່ງ, ປະທານສະມາຄົມມິດຕະພາບ ຫວຽດນາມ - ສິງກະໂປ ນະຄອນ ຫາຍຟ່ອງ ແລ້ວ, ນະຄອນ ຫາຍຟ່ອງ ແມ່ນນະຄອນພັດທະນາທີ່ຂະຫຍັນຂັນເຄື່ອນ, ມີກຳລັງບົ່ມຊ້ອນຮ່ວມມືກັບ ສິງກະໂປ ໃນຫຼາຍຂົງເຂດຄື: ເຕັກໂນໂລຢີ, ການຂົນສົ່ງ, ການທ່ອງທ່ຽວ, ສາທາລະນະສຸກ... ບັນດາວິສາຫະກິດ ຫາຍຟ່ອງ ຫວັງວ່າ ຝ່າຍ ສິງກະໂປ ຈະໜູນຊ່ວຍແບ່ງປັນປະສົມການ, ບຳລຸງສ້າງ, ຝຶກອົບຮົມວິຊາຊີບ, ຜ່ານນັ້ນ ກໍປະກອບສ່ວນຍົກສູງຄຸນນະພາບແຫຼ່ງກຳລັງແຮງງານທີ່ມີສີມືແຮງງານສູງຢູ່ນະຄອນ.
ຕາມທ່ານ ຫງວຽນດຶກຮຸ່ງ ແລ້ວ, VSFA ໄດ້ ແລະ ສືບຕໍ່ມີຄວາມພ້ອມທີ່ຈະເປັນຂົວເຊື່ອມຕໍ່ SVIV ກັບບັນດາຄູ່ຮ່ວມມື ຫວຽດນາມ.
2 ຝ່າຍ ໄດ້ເຫັນດີເປັນເອກະພາບຮັກສາການແລກປ່ຽນ, ສົມທົບກັນເພື່ອມຸ່ງໄປເຖິງການລົງນາມໃນບົດບັນທຶກການເຮັດວຽກລະຫວ່າງສະມາຄົມມິດຕະພາບ ຫວຽດນາມ - ສິງກະໂປ ກັບ SVIV ແລະ ບົດບັນທຶກຊ່ວຍຈຳການຮ່ວມມືລະຫວ່າງສະມາຄົມມິດຕະພາບ ຫວຽດນາມ - ສິງກະໂປ ນະຄອນ ຫາຍຟ່ອງ ກັບ SVIV ໃນໄລຍະຈະມາເຖິງ.
ມິງດຶກ
