| ນັກຮຽນຮູ້ ອາກຊັງຕິນ ຍ້ອງຍໍຊົມເຊີຍໄຊນະນະວັນທີ 30 ເມສາ ຂອງ ຫວຽດນາມ | |
| ຫວຽດນາມ ຊົມເຊີຍມະຕິເລກທີ 2728 ກ່ຽວກັບການຢຸດຍິງຢູ່ເຂດ Gaza |
ການເຄື່ອນໄຫວສະເຫຼີມສະຫຼອງ 49 ປີແຫ່ງວັນປົດປ່ອຍພາກໃຕ້, ທ້ອນໂຮມປະເທດຊາດເປັນເອກະພາບ, 70 ປີແຫ່ງວັນໄຊຊະນະ ດ້ຽນບຽນຝູ ແລະ 134 ປີແຫ່ງວັນເກີດປະທານ ໂຮ່ຈີມິນ.
ພື້ນທີ່ ຫວຽດນາມ ແມ່ນກາລະໂອກາດເພື່ອໃຫ້ເພື່ອນມິດ ອາກຊັງຕິນ ແລະ ນັກທ່ອງທ່ຽວສາກົນທີ່ເຂົ້າຮ່ວມງານຕະຫຼາດນັດປຶ້ມ Buenos Aires ໄດ້ຊອກຮູ້ກ່ຽວກັບປະເທດຊາດ, ປະຫວັດສາດ, ປະຊາຊົນ, ວັດທະນະທຳ, ພາລະກິດແຫ່ງການສ້າງສາ, ການພັດທະນາ ແລະ ການເຊື່ອມໂຍງເຂົ້າກັບສາກົນຂອງປະເທດ ຫວຽດນາມ.
 |
| ພື້ນທີ່ ຫວຽດນາມ ຢູ່ງານຕະຫຼາດນັດປຶ້ມ Buenos Aires ຄັ້ງທີ 48 (ຮູບພາບ: ສະຖານທູດ ຫວຽດນາມ ສະໜອງ) |
ບັນດາປຶ້ມ, ໜັງສືພິມ ແລະ ວາລະສານ ໄດ້ວາງສະແດງເປັນພາສາ ແອັດສະປາຍ ກ່ຽວກັບຫຼາຍຫົວເລື່ອງເຊັ່ນ: ປະທານໂຮ່ຈີມິນ, ພົນເອກ ຫວໍງວຽນຢາບ, ການຕໍ່ສູ້ຕ້ານສັດຕູຜູ້ຮຸກຮານພາຍນອກເພື່ອປົກປັກຮັກສາປະເທດຊາດ ແລະ ອະທິປະໄຕຂອງຫວຽດນາມ ຢູ່ທະເລຕາເວັນອອກ. ໃນນັ້ນ ພົ້ນເດັ່ນແມ່ນປຶ້ມ “ບາງບັນຫາທິດສະດີ ແລະ ຕົວຈິງກ່ຽວກັບສັງຄົມນິຍົມ ແລະ ເສັ້ນທາງກ້າວໄປສູ່ສັງຄົມນິຍົມຢູ່ ຫວຽດນາມ” ແລະ ປຶ້ມ “ບາດກ້າວທີ່ໝັ້ນຄົງບົນເສັ້ນທາງແຫ່ງການປ່ຽນແປງໃໝ່” ຂອງທ່ານເລຂາທິການໃຫຍ່ ຫງວຽນຟູ໋ຈ້ອງ.
ຕາມນັກປະພັນທ່ານ Fernando Darío Roperto (ອາກຊັງຕິນ) ແລ້ວ, ໃນບັນດາປື້ມທີ່ວາງສະແດງຢູ່ພື້ນທີ່ ຫວຽດນາມ ມີຫລາຍຫົວໄດ້ພິມ ແລະ ຈຳໜ່າຍຢູ່ ອາກຊັງຕິນ. ໃນນັ້ນ ມີ “ບັນດາບົດນິພົນທີ່ໄດ້ຄັດເລືອກຂອງປະທານ ໂຮ່ຈີມິນ” ແລະ “ຫວຽດນາມ, 3 ບັ້ນຮົບທີ່ຕັດສິນ” ຂອງນັກຂ່າວ ກູບາ Luis Manuel Arce ໂດຍສຳນັກພິມຈຳໜ່າຍທ່ານ Acercando Ediciones ຈຳໜ່າຍ; ປຶ້ມ 3 ຫົວຂອງພົນເອກ ຫວໍງວຽນຢາບ ໄດ້ຂຽນກ່ຽວກັບຫົວຂໍ້ສົງຄາມປະຊາຊົນໂດຍສຳນັກພິມຈຳໜ່າຍ Cien Flores ຈຳໜ່າຍ.
"ບັນດາບົດນິພົນ ແລະ ເອກະສານທີ່ມີຄ່າເຫຼົ່ານີ້ ໄດ້ຖືກຕີພິມໃຫມ່ຫຼາຍຄັ້ງ ໂດຍສຳນັກພິມຈຳໜ່າຍ Acercando Ediciones ແລະ Cien Flores". ນັກປະພັນ Fernando Darío Roperto ກ່າວ.
ງານຕະຫຼາດນັດປຶ້ມ Buenos Aires ແມ່ນໜຶ່ງໃນບັນດາເຫດການວັດທະນະທຳທີ່ມີຊື່ສຽງໃນໂລກ ແລະ ໄດ້ຈັດຕັ້ງເປັນປະຈຳປີ ຕັ້ງແຕ່ປີ 1975. ປີນີ້, ເຫດການດັ່ງກ່າວມີການເຂົ້າຮ່ວມຂອງ 430 ຮ້ານ, ສຳນັກພິມຈຳໜ່າຍ, ຕົວແທນຈຳໜ່າຍປຶ້ມຫຼາຍກວ່າ 1,500 ຄົນທີ່ມາຈາກ 40 ປະເທດເຂົ້າຮ່ວມ.
ໃນຂອບເຂດຂອງລາຍການ, ຫຼາຍກອງປະຊຸມ, ລາຍງານກ່ຽວກັບປຶ້ມ, ຫຼັກສູດຮຽນ, ການໂອ້ລົມເຈລະຈາ, ການພົບປະ ແລະ ການພົບປະແລກປ່ຽນລະຫວ່າງບັນດານັກປະພັນ, ນັກຂ່າວ, ນັກກະວີ ແລະ ບັນດາຜູ້ເຮັດວຽກວັດທະນະທຳ, ສິລະປະທີ່ມີຊື່ສຽງ... ກໍໄດ້ຈັດຕັ້ງ.
ໃນຕະຫຼອດເວລາດຳເນີນງານຕະຫຼາດນັດປຶ້ມ Buenos Aires ກໍໄດ້ດຳເນີນຫຼາຍກອງປະຊຸມ, ລາຍງານກ່ຽວກັບປຶ້ມ, ຫຼັກສູດຮຽນ, ການໂອ້ລົມເຈລະຈາ, ການພົບປະ ແລະ ການພົບປະແລກປ່ຽນລະຫວ່າງບັນດານັກປະພັນ, ນັກຂ່າວ, ນັກກະວີ ແລະ ບັນດາຜູ້ເຮັດວຽກວັດທະນະທຳ, ສິລະປະທີ່ມີຊື່ສຽງ. ງານຕະຫຼາດນັດ ຈະປິດລົງໃນວັນທີ 25 ພຶດສະພາ.
ມິງດຶກ
