| ແມ່ຍິງຫວຽດນາມ-ລາວ ປະກອບສ່ວນເພີ່ມພູນຄູນສ້າງນ້ຳໃຈມິດຕະພາບອັນຍິ່ງໃຫຍ່ | |
| ປູກຕົ້ນໄມ້ເພີ່ມພູນຄູນສ້າງຄວາມມິດຕະພາບຫວຽດນາມ - ອິນເດຍ |
ນັບແຕ່ປີ 2013 ເປັນຕົ້ນມາ, ເມືອງ ເມືອງລາ, ແຂວງເຊີນລາ ໄດ້ສ້າງການພົວພັນຮ່ວມມືກັບຕ່າງປະເທດ ແລະ ແຮກສ່ຽວກັບເມືອງຫຼາ, ແຂວງອຸດົມໄຊ, ສປປ ລາວ. ກວ່າ 10 ປີແຫ່ງການຕິດພັນ ແລະ ຮ່ວມມື, ສອງເມືອງໄດ້ຈັດຕັ້ງຄະນະຜູ້ແທນໄປຢ້ຽມຢາມ ແລະ ເຮັດວຽກ, ໂອ້ລົມສົນທະນາ, ແລກປ່ຽນບົດຮຽນ, ລົງນາມໃນບົດບັນທຶກຊ່ວຍຈຳໃນການພັດທະນາເສດຖະກິດສັງຄົມ.
ທ່ານ ຫງວ້ຽນວັນເຕີ່ມ, ຮອງປະທານຄະນະກຳມະການປະຊາຊົນເມືອງ ເມື່ອງລາ ໃຫ້ຮູ້ວ່າ: ໃນແຕ່ລະປີ, 2 ຝ່າຍໄດ້ສົ່ງຄະນະໄປປະຕິບັດງານຜັດປ່ຽນກັນ ເພື່ອເປັນເອກະພາບໂຄງການຮ່ວມມື; ຊຸກຍູ້ໂຄສະນາເຜີຍແຜ່ຂໍ້ມູນຂ່າວສານຕ່າງປະເທດ, ພິເສດແມ່ນສາຍພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ - ລາວ, ແລະ ໝາກຜົນການຮ່ວມມືລະຫວ່າງສອງປະເທດ ຫວຽດນາມ - ລາວ; ນະໂຍບາຍຄວາມສາມັກຄີແຫ່ງຊາດ; ຍູ້ແຮງການພົວພັນທາງການທູດ ລະຫວ່າງປະຊາຊົນສອງປະເທດ, ຮັດແໜ້ນສາຍພົວພັນມິດຕະພາບທີ່ເປັນມູນເຊື້ອອັນຍາວນານ ລະຫວ່າງ ປະຊາຊົນສອງປະເທດ, ຕອບສະໜອງໜ້າທີ່ການພັດທະນາການເມືອງ, ເສດຖະກິດ-ສັງຄົມຂອງແຕ່ລະຝ່າຍ. ພ້ອມກັນນັ້ນ, ເນື່ອງໃນໂອກາດບຸນປີໃໝ່, ວັນຊາດລາວ, ກໍໄດ້ສົ່ງສານຊົມເຊີຍເຖິງ ເມືອງຫຼາ, ແຂວງອຸດົມໄຊ.
 |
| ເມືອງ ເມື່ອງລາ, ແຂວງເຊີນລາ ແລະ ເມືອງຫຼາ ແຂວງອຸດົມໄຊ ໄດ້ລົງນາມໃນບົດບັນທຶກການຮ່ວມມືໄລຍະ 2023-2025. |
ຫວ່າງບໍ່ດົນມານີ້, ໃນເດືອນມີນາ 2023, ທາງເມືອງໄດ້ຕ້ອນຮັບ ແລະ ເຮັດວຽກກັບຄະນະຜູ້ແທນເມືອງຫຼາ ແຂວງອຸດົມໄຊ, ສປປ ລາວ. ສອງເມືອງໄດ້ແລກປ່ຽນບົດຮຽນດ້ານການຈັດຕັ້ງ ແລະ ປະຕິບັດແຜນພັດທະນາເສດຖະກິດ-ສັງຄົມ ແລະ ວຽກງານກໍ່ສ້າງພັກ; ແຈ້ງກ່ຽວກັບສະພາບການເສດຖະກິດ-ສັງຄົມ ແລະ ວຽກງານກໍ່ສ້າງພັກຂອງແຕ່ລະພັກ; ສົມທົບກັນສັງລວມ ແລະ ຕີລາຄາສະພາບການຮ່ວມມືໄລຍະ 2018-2022 ແລະ ວາງອອກທິດທາງ ແລະ ແຜນການຮ່ວມມືໄລຍະ 2023-2025.
ນັບແຕ່ປີ 2018, ຍ້ອນການຜັນແປຢ່າງສັບສົນຂອງພະຍາດໂຄວິດ-19, ເມືອງໄດ້ຊ່ວຍເມືອງຫຼາ, ແຂວງອຸດົມໄຊ ດ້ວຍຈຳນວນເງິນ 50 ລ້ານດົ່ງເພື່ອຊື້ອຸປະກອນການແພດຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19; ໄດ້ຖ່າຍທອດບັນດາຮູບແບບການກະເສດຢ່າງສຳເລັດຜົນ, ເຊັ່ນ: ປູກຕົ້ນໝາກພຸກເປືອກຂຽວ, ປູກໝາກມ່ວງ, ຖົ່ວດິນ, ຖົ່ວແປ, ປະຊາຊົນໄດ້ນຳເຂົ້າໃນການຜະລິດ, ປີ 2019 ຄະນະກຳມະການປະຊາຊົນເມືອງ ເມື່ອງລາ ໄດ້ປະຕິບັດຮູບແບບການຜະລິດກະສິກຳຢູ່ເມືອງຫຼາ, ແຂວງອຸດົມໄຊ, ສປປ ລາວ ດ້ວຍງົບປະມານ 300 ລ້ານດົ່ງ...
 |
| ຄະນະຜູ້ແທນເມືອງ ເມື່ອງລາ ແຂວງ ເຊີນລາ ໄດ້ຖ່າຍຮູບທີ່ລະນຶກຢູ່ສຳນັກງານປົກຄອງເມືອງ ຫຼາ ແຂວງ ອຸດົມໄຊ. ພາບ: Lu Quy (Muang La) |
ໄລຍະ 2023-2025, ສອງເມືອງໄດ້ລົງນາມໃນບົດບັນທຶກຊ່ວຍຈຳ, ໄດ້ເຫັນດີເປັນເອກະພາບກ່ຽວກັບທິດທາງ ແລະ ແຜນການຮ່ວມມື, ສຸມໃສ່ຫລາຍເນື້ອໃນຄື: ສືບຕໍ່ໂຄສະນາເຜີຍແຜ່ ແລະ ສຶກສາກ່ຽວກັບການຮ່ວມມືແບບພິເສດລະຫວ່າງສອງປະເທດ ລາວ-ຫວຽດນາມ; 2 ແຂວງອຸດົມໄຊ-ເຊີນລາ ເວົ້າລວມ ແລະ ສອງເມືອງເວົ້າສະເພາະ; ເພີ່ມທະວີການຮ່ວມມືແນະນຳ ແລະ ວາງແຜນພັດທະນາກະສິກຳ; ແລກປ່ຽນປະສົບການໃນການພັດທະນາການທ່ອງທ່ຽວ; ປ້ອງກັນ ແລະ ຕ້ານໄພທຳມະຊາດ, ແກ້ໄຂຄວາມເສຍຫາຍຈາກພະຍຸ ແລະ ໄພນ້ຳຖ້ວມ; ສົມທົບກັນຝຶກອົບຮົມຊັບພະຍາກອນມະນຸດ; ວຽກງານຮັບປະກັນຄວາມໝັ້ນຄົງທາງດ້ານການເມືອງ...
 |
| ການນຳເມືອງ ຫຼາ ແຂວງອຸດົມໄຊ ມອບຂອງຂວັນໃຫ້ການນຳເມືອງ ເມື່ອງລາ ແຂວງ ເຊີນລາ. ພາບ: Lu Quy (Muang La) |
ທ່ານ ລູຫວັ່ນກຸຍ, ຫົວໜ້າພະແນກກະສິກຳ ແລະ ພັດທະນາຊົນນະບົດເມືອງ ໃຫ້ຮູ້ວ່າ: ໃນການຢ້ຽມຢາມ ແລະ ເຮັດວຽກກັບເມືອງໃນເດືອນ ມິຖຸນາ 2023, ພວກຂ້າພະເຈົ້າໄດ້ປຶກສາຫາລືກັບຫ້ອງການວິຊາການຂອງເພື່ອນ ເພື່ອກຳແໜ້ນສະພາບການ, ຂໍ້ມູນເພື່ອຮັບໃຊ້ການວາງແຜນຜັງ; ຈັດຕັ້ງການຝຶກອົບຮົມ ແລະ ແນະນຳເຕັກນິກການປູກຝັງ ແລະ ການບົວລະບັດແນວພັນເຂົ້າ N87 ແລະ N97; ແຜນຮ່າງການກຳນົດທິດພັດທະນາກະສິກຳ ແລະ ແກ້ໄຂຜົນກະທົບຫຼັງໄພນ້ຳຖ້ວມ... ໃຫ້ແກ່ພະນັກງານ ແລະ ປະຊາຊົນເມືອງຫຼາ ແຂວງອຸດົມໄຊ. ເນື່ອງໃນໂອກາດນີ້, ເມືອງ ເມື່ອງລາ ໄດ້ມອບເງິນ 100 ລ້ານດົ່ງ ເພື່ອຊ່ວຍວຽກງານປ້ອງກັນພະຍຸ ແລະ ໄພນ້ຳຖ້ວມ ແລະ ມອບໂນດບຸກ 10 ໜ່ວຍ ໃຫ້ເມືອງຫຼາ ແຂວງອຸດົມໄຊ.
 |
| ເມືອງ ເມື່ອງລາ ແຂວງ ເຊີນລາ ຊ່ວຍເຫຼືອແນວພັນ ແລະ ປຸ໋ຍ ເພື່ອສ້າງຮູບແບບແນວພັນເຂົ້ານາ N87, N97 ໃຫ້ແກ່ເມືອງຫຼາ ແຂວງອຸດົມໄຊ. ພາບ: Lu Quy (Muang La) |
ເສີມຂະຫຍາຍບັນດາໝາກຜົນທີ່ບັນລຸໄດ້, ສອງເມືອງສືບຕໍ່ເພີ່ມພູນຄູນສ້າງ, ຮັກສາ ແລະ ເສີມຂະຫຍາຍການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ໝັ້ນຄົງເຂັ້ມແຂງ. ຮັດແໜ້ນການຮ່ວມມື ແລະ ການຊ່ວຍເຫຼືອເຊິ່ງກັນ ແລະ ກັນ ເພື່ອປະກອບສ່ວນເຂົ້າໃນການກໍ່ສ້າງ, ພັດທະນາເສດຖະກິດ - ສັງຄົມ, ສະຖຽນລະພາບ ແລະ ຍົກສູງຄຸນນະພາບຊີວິດຂອງປະຊາຊົນ; ປະກອບສ່ວນເພີ່ມທະວີການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ “ໃຫ້ໝັ້ນຄົງຖະນົງແກ່ນ ຊົ່ວກາລະນານ”.
 |
| ເມືອງ ເມື່ອງລາ ແຂວງ ເຊີນລາ ໄດ້ລົງສຳຫຼວດ ແລະ ຊ່ວຍເຫຼືອການສ້າງແຜນການແກ້ໄຂຜົນຮ້າຍຢ້ອນຫຼັງຈາກໄພນ້ຳຖ້ວມ ໃຫ້ແກ່ເມືອງຫຼາ ແຂວງ ອຸດົມໄຊ. ພາບ: Lu Quy (Muang La) |
ຊ ສະຫວັດ
