ສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ (ພາກເໜືອຂອງລາວ) ໄດ້ສົມທົບກັບ 8 ແຂວງພາກເໜືອຂອງລາວ ຈັດຕັ້ງພິທີສະຫຼຸບການເຄື່ອນໄຫວປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ.
 |
| ສະຫາຍ ບຸນຄົງ ຫຼ້າຈຽມພອນ ເລຂາພັກ, ເຈົ້າແຂວງອຸດົມໄຊ |
ກ່າວຄຳເຫັນທີ່ພິທີ, ສະຫາຍນາງ ກ່ຽວທິຮັ່ງຟຸກ ຫົວໜ້າສະຖານກົງສູນໃຫຍ່ ຫວຽດນາມ ປະຈຳ ແຂວງ ຫຼວງພະບາງ ໃຫ້ຮູ້ວ່າ: ນັບແຕ່ຕົ້ນປີມາຮອດປະຈຸບັນ, ບັນດາການເຄື່ອນໄຫວປີສາມັກຄີມິດຕະພາບ ຫວຽດນາມ - ລາວ ໄດ້ຜັນຂະຫຍາຍຢ່າງຄຶກຄື້ນ ແລະ ກວ້າງຂວາງໃນທຸກຂັ້ນ, ຂະແໜງການຈາກສູນກາງຕະຫຼອດຮອດທ້ອງຖິ່ນຢູ່ທັງສອງປະເທດຫວຽດນາມ ແລະ ລາວ. ສອງ ຝ່າຍໄດ້ຈັດຕັ້ງບັນດາການເຄື່ອນໄຫວທີ່ມີຄວາມໝາຍ ແລະ ບັນລຸໄດ້ບັນດາໝາກຜົນຫຼາຍຢ່າງໃນຂົງເຂດການເມືອງ - ການທູດ, ປ້ອງກັນຊາດ - ປ້ອງກັນຄວາມສະຫງົບ, ວັດທະນະທຳ - ສັງຄົມ...
ກ່າວຄຳເຫັນທີ່ກອງປະຊຸມ, ສະຫາຍ ບຸນຄົງ ຫຼ້າຈຽມພອນ ເລຂາພັກ, ເຈົ້າແຂວງອຸດົມໄຊ ເນັ້ນໜັກວ່າ: ບັນດາການເຄື່ອນໄຫວໃນປີສາມັກຄີມິດຕະພາບຫວຽດນາມ - ລາວ, ລາວ - ຫວຽດນາມ 2022 ໄດ້ຊ່ວຍໃຫ້ທຸກຂັ້ນ, ທຸກຂະແໜງການ, ປະຊາຊົນທຸກຊັ້ນວັນນະ, ພິເສດແມ່ນລຸ້ນໜຸ່ມຂອງສອງປະເທດ, ມີຄວາມເຂົ້າໃຈຢ່າງເລິກເຊິ່ງກວ່າອີກກ່ຽວກັບມູນເຊື້ອ, ຄວາມໝາຍ ແລະ ຄວາມສຳຄັນຂອງການພົວພັນທີ່ຊື່ສັດບໍລິສຸດ ແລະ ໂປ່ງໃສລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ຈາກນັ້ນ ກໍເພີ່ມຄວາມເອກອ້າງທະນົງໃຈ, ຍົກສູງຄວາມຮັບຜິດຊອບໃນການປົກປັກຮັກສາ ແລະພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ໃຫ້ຫຼາຍກວ່າອີກ.
 |
| ສະຫາຍນາງ ກ່ຽວທິຮັ່ງຟຸກ ຫົວໜ້າສະຖານກົງສູນໃຫຍ່ຫວຽດນາມ ປະຈຳ ແຂວງຫຼວງພະບາງ ກ່າວຄໍາເຫັນທີ່ພິທີ. |
ໃນໄລຍະຈະມາເຖິງ, ສອງຝ່າຍຕ້ອງສືບຕໍ່ຮັກສາ, ທະວີຄູນ, ກໍ່ສ້າງ ແລະ ຍົກລະດັບສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ເພື່ອແນໃສ່ຍົກສູງທ່າແຮງບົ່ມຊ້ອນ ແລະ ຄວາມສາມາດບົ່ມຊ້ອນຂອງແຕ່ລະຝ່າຍ; ຍົກສູງປະສິດທິພາບ, ປະສິດທິຜົນການຮ່ວມມື ເພື່ອຜົນປະໂຫຍດຂອງປະຊາຊົນສອງປະເທດ, ປະກອບສ່ວນສຳຄັນເຂົ້າໃນການນຳການພົວພັນຮ່ວມມືລະຫວ່າງສອງປະເທດຂຶ້ນສູ່ລະດັບສູງໃໝ່.
ບູນມີ
