 | ກອງບັນຊາການທະຫານຊາຍແດນ ລົງກວດກາວຽກງານກະກຽມໃຫ້ແກ່ການພົບປະແລກປ່ຽນມິດຕະພາບການປ້ອງກັນປະເທດຊາຍແດນ ຫວຽດນາມ - ລາວ |
| ຄະນະຜູ້ແທນແຂວງ ອຸດົມໄຊ ມາຢ້ຽມຢາມແຂວງ ເຊີນລາ |
ໂດຍເຂົ້າຮ່ວມກອງປະຊຸມພົບປະກັບພະແນກສຶກສາ ແລະ ບຳລຸງສ້າງ ແຂວງເຊີນລາ ມີພະແນກສຶກສາທິການ ແລະ ກິລາ ບັນດາແຂວງຫົວພັນ, ຫຼວງພະບາງ, ອຸດົມໄຊ, ຜົ້ງສາລີ, ຊຽງຂວາງ, ໄຊຍະບູລີ, ບໍ່ແກ້ວ.
 |
| ບັນຍາກາດທີ່ກອງປະຊຸມພົບປະ. (ພາບ: ໜັງສືພິມ ເຊີນລາ) |
ກ່າວຄຳປາໄສທີ່ກອງປະຊຸມພົບປະ, ການນຳຂອງພະແນກສຶກສາ ແລະ ບຳລຸງສ້າງແຂວງ ເຊີນລາ ໄດ້ແຈ້ງໝາກຜົນການສຶກສາ ແລະ ບຳລຸງສ້າງທີ່ແຂວງ ເຊີນລາ ບັນລຸໄດ້; ຍິນດີເມື່ອໄດ້ຕ້ອນຮັບບັນດາຄະນະປະຕິບັດຂອງພະແນກສຶກສາທິການ ແລະ ກິລາ ບັນດາແຂວງຂອງ ສາທາລະນະລັດ ປະຊາທິປະໄຕ ປະຊາຊົນລາວ ໄປຢ້ຽມຢາມ, ເຮັດວຽກ. ຜ່ານນັ້ນ, ກໍ່ໄດ້ສະແດງໃຫ້ເຫັນຄວາມສົນໃຈໃນການແບ່ງປັນ, ຕິດພັນຢ່າງໃກ້ຊິດລະຫວ່າງພະແນກສຶກສາທິການ ແລະ ກິລາ ແຂວງພາກເໜືອຂອງລາວ ກັບພະແນກສຶກສາ ແລະ ບຳລຸງສ້າງ ແຂວງ ເຊີນລາ.
ປະຈຸບັນ, ແຂວງເຊີນລາ ມີໂຮງຮຽນອະນຸບານ, ໂຮງຮຽນສາມັນ, ການສຶກສານອກໂຮງຮຽນ 610 ແຫ່ງ ດ້ວຍນັກຮຽນ 375.000 ກ່ວາຄົນ. ໃນຊຸມປີມໍ່ໆມານີ້, ຂະແໜງການສຶກສາ ແລະ ບຳລຸງສ້າງ ແຂວງ ເຊີນລາ ບັນລຸໄດ້ບັນດາຜົນງານດີເດັ່ນໃນການເຜີຍແຜ່ການສຶກສາ, ຍົກສູງຄຸນນະພາບການສຶກສາ, ພິເສດແມ່ນຄຸນນະພາບການສອບເສັງຈົບຊັ້ນມັດທະຍົມຕອນປາຍ.
ແຂວງ ເຊີນລາ ໄດ້ກໍ່ສ້າງໂຮງຮຽນທີ່ບັນລຸໄດ້ມາດຕະຖານແຫ່ງຊາດ; ຍົກສູງຜົນສັກສິດ ແລະ ປະລິດທິຜົນໃນການຄຸ້ມຄອງແຫ່ງລັດກ່ຽວກັບການສຶກສາ ໂດຍຜ່ານການນຳໃຊ້ມາດຖານການຄຸ້ມຄອງສາກົນ, ເພີ່ມທະວີການເຊື່ອມໂຍງເຂົ້າກັບສາກົນ ແລະ ຍາດໄດ້ລາງວັນຄຸນນະພາບສາກົນ (ອາຊີ, ສະຖາບັນບັນດິດແຫ່ງຄຸນນະພາບໂລກ) ແລະ ນຳນະຄອນ ເຊີນລາ ເຂົ້າຮ່ວມເຄືອຂ່າຍຕົວເມືອງຮ່ຳຮຽນທົ່ວໂລກຂອງອົງການ UNESCO.
ກ່ຽວກັບການບຳລຸງສ້າງນັກສຶກສາລາວ, ພະແນກສຶກສາ ແລະ ບຳລຸງສ້າງ ເຊີນລາ ໄດ້ຮັບການມອບສິດເປັນເສນາທິການຮອບດ້ານຈາກຄະນະກຳມະການປະຊາຊົນແຂວງ ກ່ຽວກັບວຽກງານບຳລຸງສ້າງນັກສຶກສາລາວ.
 |
| ຄະນະຜູ້ແທນພະແນກສຶກສາທິການ ແລະ ກິລາ ແຂວງພາກເໜືອຂອງລາວ ໄດ້ໄປຢ້ຽມຢາມໂຮງຮຽນມັດທະຍົມຕອນຕົ້ນ ຫງວຽນຈ້າຍ, ນະຄອນ ເຊີນລາ. (ພາບ: ໜັງສືພິມ ປະຊາຊົນ) |
ໃນໄລຍະຈາກປີ 2001 ມາຮອດປະຈຸບັນ, ແຂວງ ເຊີນລາ ໄດ້ບຳລຸງສ້າງນັກສຶກສາລາວ 2.294 ຄົນຈົບຊັ້ນບັນດາລະດັບວິຊາສະເພາະຊັ້ນກາງ, ຊັ້ນສູງ, ມະຫາວິທະຍາໄລ ແລະ ປະລິນຍາໂທ; ນັກສຶກສາລາວ 3.939 ເທື່ອຄົນໄດ້ຮັບການບຳລຸງພາສາຫວຽດນາມ...
ໃນບັນຍາກາດແຫ່ງຄວາມສາມັກຄີມິດຕະພາບແບບພິເສດ, ການນຳຂອງພະແນກສຶກສາທິການ ແລະ ກິລາ ແຂວງພາກເໜືອຂອງລາວ ໄດ້ແຈ້ງ, ແລກປ່ຽນບັນດາໝາກຜົນທີ່ບັນລຸໄດ້ໃນຂົງເຂດສຶກສາ ແລະ ບຳລຸງສ້າງ. ພ້ອມກັນນັ້ນ, ກໍ່ຫວັງວ່າ ພະແນກສຶກສາ ແລະ ບຳລຸງສ້າງແຂວງ ເຊີນລາ ຈະສືບຕໍ່ເປັນເສນາທິການກັບແຂວງ, ໜູນຊ່ວຍການຝຶກອົບຮົມພາສາຫວຽດນາມ ໃຫ້ນັກສຶກສາລາວ.
ບັນດາແຂວງພາກເໜືອຂອງລາວ ກໍ່ປາດຖະໜາຢາກໃຫ້ພະແນກສຶກສາ ແລະ ບຳລຸງສ້າງ ແຂວງ ເຊີນລາ ສືບຕໍ່ຝຶກອົບຮົມການນຳໃຊ້ອຸປະກອນ, ການທົດລອງໃຫ້ໂຮງຮຽນ; ເອົາໃຈໃສ່, ໜູນຊ່ວຍການບຳລຸງສ້າງນັກສຶກສາລາວ ທີ່ພວມຮ່ຳຮຽນຢູ່ມະຫາວິທະຍາໄລ ແລະ ຫຼັງປະລິນຍາຕີຢູ່ ເຊີນລາ; ແລກປ່ຽນປະສົບການເພື່ອແກ້ໄຂສະພາບການຂອງນັກຮຽນມັດທະຍົມປາຍອອກຮຽນໄປເຮັດວຽກ; ລະບົບນະໂຍບາຍ ແລະ ຍົກສູງຄຸນນະພາບໃຫ້ຖັນແຖວຄູອາຈານ; ເຜີຍແຜ່ທົ່ວໄປ, ພັດທະນາການສຶກສາຂັ້ນອະນຸບານໃຫ້ແກ່ເດັກອາຍຸ 5 ປີ ແລະ ວຽກງານການລົບລ້າງການກືກໜັງສື.
ກ່ອນໜ້ານັ້ນ, ຄະນະປະຕິບັດງານພະແນກສຶກສາທິການ ແລະ ກິລາ ບັນດາແຂວງພາກເໜືອຂອງລາວ ກໍ່ໄດ້ໄປຢ້ຽມຢາມໂຮງຮຽນສາມັນກິນນອນຊົນເຜົ່າແຂວງ, ໂຮງຮຽນມັດທະຍົມຕອນຕົ້ນ ຫງວຽນຈ້າຍ, ນະຄອນ ເຊີນລາ.
ໃນບັນຍາກາດສະໜິດສະໜົມ, ເປີດອົກເປີດໃຈ, ການນຳ 2 ໂຮງຮຽນຂອງ ເຊີນລາ ໄດ້ລາຍງານໝາກຜົນການປະຕິບັດໜ້າທີ່ກ່ຽວກັບການສຶກສາໃນໄລຍະມໍ່ໆມານີ້. ພ້ອມດຽວກັນ, ກໍ່ຍັງໄດ້ຕ້ອນຮັບ ແລະ ຂອບໃຈຢ່າງຈິງໃຈຕໍ່ຄະນະຜູ້ແທນພະແນກສຶກສາທິການ ແລະ ກິລາ ແຂວງພາກເໜືອຂອງລາວ, ສາທາລະນະລັດ ປະຊາທິປະໄຕ ປະຊາຊົນລາວ ທີ່ໄດ້ມອບຄວາມເອົາໃຈໃສ່, ຄວາມຮູ້ສຶກຢ່າງໃກ້ຊິດໃຫ້ແກ່ໂຮງຮຽນທັງສອງແຫ່ງ.
ບັນດາການນຳໂຮງຮຽນ ເຊີນລາ ກໍ່ໄດ້ສະແດງຄວາມປາດຖະໜາວ່າ ຜ່ານການຢ້ຽມຢາມຄັ້ງນີ້ ຈະປະກອບສ່ວນເພີ່ມທະວີການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ລາວ ເວົ້າລວມ, ຂະແໜງການສຶກສາຂອງແຂວງ ເຊີນລາ ກັບ ບັນດາແຂວງພາກເໜືອຂອງລາວ ເວົ້າສະເພາະ.
 | ເລີ່ມດຳເນີນໂຄງການໜູນຊ່ວຍການຫາລ້ຽງຊີບແບບຍືນຍົງໃຫ້ແກ່ແມ່ຍິງຊົນເຜົ່າສ່ວນໜ້ອຍ 15.000 ຄົນທີ່ປູກກາເຟຢູ່ແຂວງ ເຊີນລາ ຍສໝ - ວັນທີ 21 ມີນາ, ຢູ່ແຂວງ ເຊີນລາ, ບໍລິສັດ CARE ປະຈໍາ ຫວຽດນາມ ໄດ້ຮ່ວມມືກັບສາຂາປູກຝັງ ແລະ ປົກປັກຮັກສາພຶດ- ພະແນກກະສິກໍາ ແລະ ພັດທະນາຊົນນະບົດແຂວງ ເຊີນລາ ກໍໄດ້ຈັດຕັ້ງພິທີເລີ່ມດຳເນີນໂຄງການ SURE - ການພັດທະນາການຫາລ້ຽງຊີບແບບຍືນຍົງໃຫ້ແກ່ແມ່ຍິງຊົນເຜົ່າສ່ວນໜ້ອຍທີ່ປູກກາເຟຢູ່ ເຊີນລາ |
 | ວັນງານທ່ອງທ່ຽວ, ວັດທະນະທຳ ເຊີນລາ - ຫົວພັນ ໃກ້ຈະຈັດຂຶ້ນດ້ວຍບັນຫຼາຍການເຄື່ອນໄຫວທີ່ເປັນເອກະລັກພິເສດ ຍສໝ - ວັນບຸນທ່ອງທ່ຽວວັດທະນະທຳ ເຊີນລາ - ຫົວພັນ 2024 ຈະໄດ້ຈັດຂຶ້ນແຕ່ວັນທີ 21 ຫາ ວັນທີ 23 ມີນາ, ຢູ່ແຂວງ ຫົວພັນ, ສປປ ລາວ ດ້ວຍຫຼາຍການເຄື່ອນໄຫວທ່ອງທ່ຽວ, ວັດທະນະທຳທີ່ເປັນເອກະລັກພິເສດ. ນີ້ແມ່ນເຫດການວັດທະນະທຳ, ທ່ອງທ່ຽວທີ່ມີຄວາມໝາຍສຳຄັນ, ປະກອບສ່ວນເພີ່ມທະວີຄວາມສາມັກຄີມິດຕະພາບແບບພິເສດ ຫວຽດນາມ - ລາວ, ... |
ມີງດຶກ
