46 ຄົນໄດ້ຮັບຄວາມປອດໄພຫຼັງໄພນ້ຳຖ້ວມຢູ່ໝູ່ບ້ານ ໜູ
ຕອນຄ່ຳວັນທີ 10 ກັນຍາ, ໄດ້ເກີດໄພນ້ຳຖ້ວມນ້ຳແກວ່ງຢ່າງຮ້າຍແຮງຢູ່ໝູ່ບ້ານ ໜູ (ຕາແສງຟຸກແຄງ, ເມືອງບາວອຽນ, ແຂວງລາວກາຍ) ໄດ້ຝັງໝູ່ບ້ານ ໜູ ທັງໝົດ - ບ່ອນຢູ່ອາໄສ 37 ຄອບຄົວ, ມີ 128 ຄົນ. ຕອນເຊົ້າວັນທີ 11 ກັນຍາ, ກອງບັນຊາການດ່ານໜ້າໄດ້ຮັບການສ້າງຕັ້ງຂຶ້ນຢູ່ຕາແສງ ຟຸກແຄງ ເພື່ອຊີ້ນຳໂດຍກົງບັນດາກຳລັງທີ່ເຂົ້າຮ່ວມການຄົ້ນຫາຜູ້ປະສົບເຄາະຮ້າຍ ແລະ ຟື້ນຟູຜົນສະທ້ອນຫຼັງໄພນ້ຳຖ້ວມ.
 |
| ການຄົ້ນຫາໄດ້ດຳເນີນໄປໃນເງື່ອນໄຂດິນຟ້າອາກາດ ແລະ ສະພາບພື້ນດິນທີ່ມີຄວາມຫຍຸ້ງຍາກ. |
ຍ້ອນດິນຖືກເຊາະເຈື່ອນ, ເສັ້ນທາງໄປໝູ່ບ້ານ ໜູ ຖືກຝັງ, ຕິດຂັດ ພິເສດແມ່ນເຂດປະສົບໄພນ້ຳຖ້ວມ, ປະຊາຊົນຖືກຕັດຂາດກັບພາຍນອກຢ່າງສົມບູນ. ພາຍຫຼັງເປີດເສັ້ນທາງໄດ້, ຜູ້ບັນຊາການທະຫານເຂດ 2, ທ່ານພົນຕີ ຟ້າມຮົ່ງເຈືອງ ໄດ້ຊີ້ນຳຈັດສົ່ງພະນັກງານ, ນັກຮົບ 300 ຄົນ ແລະ ບັນດາພາຫະນະເຂົ້າໄປເຂດ ຟຸກແຄງ ໂດຍກົງເພື່ອຊອກຫາຜູ້ປະສົບເຄາະຮ້າຍ. ໃນນັ້ນ, ທະຫານ 100 ຄົນໄດ້ຊອກຄົ້ນຢູ່ລຽບຕາມຫ້ວຍ ໜູ ຈາກແມ່ນ້ຳ ໄຈ ເຂົ້າໄປ; ທະຫານ 200 ຄົນ ໄດ້ຊອກຫາຢູ່ເຂດດິນເຈື່ອນລົງມາ. ນອກນີ້, ມີກຳລັງຂຶ້ນກັບກຳລັງຕຳຫຼວດ, ກອງທັບ, ທະຫານລາດຂອງເມືອງ ແລະ ແຂວງປະມານ 300 ຄົນເຂົ້າຮ່ວມການຊອກຫາ, ພາທາງ ແລະ ໃຫ້ຂໍ້ມູນ.
ໄລຮອດເວລາ 15:00 ໂມງ ຂອງວັນທີ 11 ກັນຍາ ໄດ້ມີຜູ້ເສຍຊີວິດ 31 ຄົນ, ສູນຫາຍ 64 ຄົນ, ບາດເຈັບ ແລະ ໄດ້ຮັບການປິ່ນປົວ 17 ຄົນ, 46 ຄົນປອດໄພ. ໃນຈຳນວນຜູ້ບາດເຈັບ 17 ຄົນ, ມີ 8 ຄົນໄດ້ຖືກສົ່ງໄປປິ່ນປົວຢູ່ໂຮງໝໍຫຼາຍຂະແໜງແຂວງ ແລະ ໂຮງໝໍແມ່ ແລະ ເດັກ ເພື່ອປິ່ນປົວຕື່ມອີກ, ໃນນັ້ນມີ 2 ຄົນອາການສາຫັດຍ້ອນຖືກຝັງດິນຕົມເປັນເວລາດົນ. ຄົນເຈັບບາງຄົນຍັງບໍ່ຮູ້ຂໍ້ມູນຈະແຈ້ງ ແລະ ບໍ່ມີຍາດພີ່ນ້ອງ.
ລະດົມເຮືອບິນ ເຮລິຄອບເຕີ ໄປຊ່ວຍເຫຼືອປະຊາຊົນຢູ່ເຂດປະສົບໄພນ້ຳຖ້ວມ ກາວບັງ
 |
| ໂດຍໄດ້ຮັບຄຳສັ່ງຂອງກະຊວງປ້ອງກັນປະເທດ, ຕອນບ່າຍວັນທີ 11 ກັນຍາ, ເຮືອບິນ EC-155-B1 ໝາຍເລກ VN-8621 ຂອງບໍລິສັດເຮລິຄອບເຕີພາກເໜືອ, ພົນລະພາກຫຼວງ 18 (ກະຊວງປ້ອງກັນປະເທດ ຫວຽດນາມ) ໄດ້ອອກຈາກສະໜາມບິນ ຢາເລີມ, ຂົນສົ່ງເຄື່ອງຊ່ວຍເຫຼືອບັນເທົາທຸກໄປເມືອງ ຫງວຽນບິ່ງ (ແຂວງ ກາວບັງ). |
 |
| ເຄື່ອງຊ່ວຍເຫຼືອທີ່ຈຳເປັນ ມີນ້ຳດື່ມ, ອາຫານແຫ້ງ, ນ້ຳນົມ, ໝີ່ສຳເລັດຮູບ... |
ອຽນບ໋າຍ: ເຂົ້າເຖິງປະຊາຊົນທີ່ຖືກຕັດຂາດກັບພາຍນອກເປັນເວລາຫຼາຍມື້ ຍ້ອນໄພນ້ຳຖ້ວມ
ຕອນເຊົ້າວັນທີ 11 ກັນຍາ, ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ໂດ້ດຶກຢຸຍ ແລະ ຄະນະປະຕິບັດງານໄດ້ເຮັດວຽກກັບຕາແສງ ອີກ່ານ, ເມືອງ ເຈີ໋ນອຽນ, ແຂວງ ອຽນບ໋າຍ ເພື່ອຂ້າມຂົວ ໂກ່ຟຸກ ເຂົ້າໄປເທດສະບານໃຈກາງເມືອງ - ບ່ອນໃຈກາງເຂດນ້ຳຖ້ວມ ທີ່ຖືກຕັດຂາດກັບພາຍນອກເປັນເວລາຫຼາຍມື້.
 |
| ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ໂດ້ດຶກຢຸຍ ໄດ້ລົງກວດກາບັນດາເຂດທີ່ຢູ່ອາໄສທີ່ຖືກຕັດຂາດກັບພາຍນອກໂດຍນໍ້າຖ້ວມ. (ພາບ: ໜັງສືພິມ ອຽນບ໋າຍ) |
ເຖິງວ່າ ລະດັບຂອງແມ່ນໍ້າ ຮົ່ງ ໃນຕອນເຊົ້າມື້ນີ້ ໄດ້ຫລຸດລົງປະມານ 1 ແມັດເມື່ອທຽບໃສ່ກັບລະດັບສູງສຸດຂອງນໍ້າຂຶ້ນ, ແຕ່ວ່າຜ່ານການລາຍງານຂອງເມືອງໃຫ້ຮູ້ວ່າ ຍັງມີ 10 ຕາແສງທີ່ໄດ້ຮັບຜົນກະທົບ, ໃນນັ້ນ 6 ຕາແສງ ແລະ ເທດສະບານລຽບຕາມແມ່ນ້ຳ ຮົ່ງ ທີ່ຍັງຖືກນໍ້າຖ້ວມເລິກກວ່າ 3 ແມັດ, ດ້ວຍປະມານ 2.500 ຄອບຄົວ, ປະຊາຊົນຈໍານວນຫຼາຍຍັງຖືກຕັດຂາດກັບພາຍນອກ ແລະ ລໍຖ້າໃຫ້ກຳລັງເຂົ້າມາຊ່ວຍເຫຼືອ.
ຢູ່ທີ່ນີ້, ທ່ານລັດຖະມົນຕີ ໂດ້ດຶກຢຸຍ ໄດ້ຊີ້ນຳການຊ່ວຍເຫຼືອຕ້ອງຮັບປະກັນຄວາມປອດໄພ ແລະ ສຸຂະພາບໃຫ້ປະຊາຊົນ ພາຍຫຼັງການຖືກຕັດຂາດກັບພາຍນອກເປັນເວລາຫຼາຍວັນ; ບຸລິມະສິດອັນດັບ 1 ແມ່ນການໄປເຖິງບໍລິເວນທີ່ພວມຕັດຂາດ ເພື່ອສະໜອງການໜູນຊ່ວຍໃຫ້ທັນເວລາ.
ກໍ່ໃນຕອນເຊົ້າວັນທີ 11 ກັນຍາ, ກອງບັນຊາການທະຫານແຂວງ ຍັງໄດ້ລະດົມກໍາລັງທະຫານ 100% ໄປໜູນຊ່ວຍເມືອງ ເຈີ໋ນອຽນ, ເຂົ້າຮ່ວມບັນດາການເຄື່ອນໄຫວຊ່ວຍເຫຼືອຢູ່ເຂດປະສົບກັບຄວາມຫຍຸ້ງຍາກ.
ປະຈຸບັນ, ໃນບໍລິເວນຂອງບັນດາຕາແສງ, ເທດສະບານຂອງເມືອງ ເຈີ໋ນອຽນ ທີ່ຖືກນ້ຳຖ້ວມຍັງບໍ່ທັນມີໄຟຟ້າ, ການສື່ສານຍັງຂາດຕອນ, ສະນັ້ນ ຄວາມຫຍຸ້ງຍາກຍັງຢູ່ຂ້າງຫນ້າ, ປະຊາຊົນຈໍານວນຫຼາຍມີຄວາມສ່ຽງຕໍ່ຄວາມອຶດຫິວ.
ສະພາກາແດງ ຫວຽດນາມ ໄດ້ຊ່ວຍເຫຼືອກ່ອງອຸປະຖຳ 300 ຖັງໃຫ້ແຂວງ ລ້າງເຊີນ
ວັນທີ 11 ກັນຍາ, ສະພາກາແດງແຂວງ ລ້າງເຊີນ ໄດ້ຮັບເຄື່ອງຊ່ວຍເຫຼືອຈຳນວນ 300 ຖັງໃຫ້ປະຊາຊົນຜູ້ປະສົບເຄາະຮ້າຍຍ້ອນພະຍຸເລກທີ 3 ຈາກສູນກາງສະພາກາແດງ ຫວຽດນາມ.
 |
| ບັນດາກຳລັງເຂົ້າຮ່ວມການຂົນສົ່ງກ່ອງເຄື່ອງຊ່ວຍເຫຼືອໃຫ້ປະຊາຊົນໃຫ້ປະຊາຊົນຜູ້ປະສົບເຄາະຮ້າຍຍ້ອນພະຍຸເລກທີ 3 ຈາກສູນກາງສະພາກາແດງ ຫວຽດນາມ. (ພາບ: ວາລະສານເຄື່ອງໝາຍການຄ້າ ແລະ ຫາງສຽງມະຫາຊົນ) |
ຕາມນັ້ນແລ້ວ, ແຕ່ລະກ່ອງເຄື່ອງຊ່ວຍເຫຼືອມີມູນຄ່າກວ່າ 1 ລ້ານດົ່ງ, ລວມມີ: ຖັງຢາງ 75 ລິດ, ຄຸປະລາສະຕິກ 10 ລິດ, ຜ້າຫົ່ມແລນ 2 ຜືນ, ຜ້າມ່ານສອງຊັ້ນ, ໝໍ້ຂາງອາລູມີນຽມ, ໝໍ້ອາລູມີນຽມ, ເຕົ້ົ້ານ້້ຳອາລູມີນຽມ ແລະ ເຄື່ອງໃຊ້ຕ່າງໆເພື່ອຫນູນຊ່ວຍຄອບຄົວເຮືອນທີ່ຖືກນໍ້າຖ້ວມ.
ພາຍຫຼັງໄດ້ຮັບເຄື່ອງຊ່ວຍເຫຼືອແລ້ວ, ສະພາກາແດງແຂວງ ລ້າງເຊີນ ຈະຈັດຕັ້ງບັນດາຄະນະໄປມອບໂດຍກົງໃຫ້ບັນດາຄອບຄົວທີ່ໄດ້ຮັບຜົນກະທົບຈາກພະຍຸເລກທີ 3 ຢູ່ບັນດາເມືອງໃນແຂວງໂດຍໄວ.
 | ຫວຽດນາມ ສືບຕໍ່ວິວັດການຮຽກຮ້ອງຄວາມຍຸຕິທຳໃຫ້ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຍສໝ - “ເຖິງວ່າຄຳຮ້ອງຟ້ອງນີ້ຖືກສານອາເມລິກາ ປະຕິເສດເຖິງ 3 ຄັ້ງ, ແຕ່ສະມາຄົມຜູ້ຖືກເຄາະຮ້າຍຈາກທາດພິດສີສົ້ມ/ດີໂອຊິນ ຍັງສືບຕໍ່ດຳເນີນການຟ້ອງຮ້ອງຄັ້ງທີ 4, ພວກຂ້າພະເຈົ້າພວມຮ້ອງຟ້ອງບັນດາບໍລິສັດຜະລິດສານເຄມີຂອງອາເມລິກາ ຕ້ອງຮັບຜິດຊອບຕໍ່ການທີ່ໄດ້ຊ່ວຍເຫຼືອທະຫານອາເມລິກາໃນການຫວ່ານສານເຄມີສີສົ້ມ/ດີໂອຊິນ, ເຊິ່ງກໍ່ໃຫ້ເກີດຜົນສະທ້ອນຮ້າຍແຮງໃນໄລຍະແຕ່ປີ 1961-1971. |
 | ຍສໝ - ນີ້ແມ່ນຂໍ້ມູນທີ່ໄດ້ຍົກອອກໃນກອງປະຊຸມແຈ້ງຂໍ້ມູນກ່ຽວກັບວຽກງານການຮັບເອົາ ແລະ ນຳໃຊ້ບ້ວງຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດຢູ່ແຂວງ ກວາງຫງາຍ ໂດຍພະແນກພົວພັນຕ່າງປະເທດຂອງແຂວງ ຈັດຕັ້ງໃນຕົ້ນເດືອນກໍລະກົດ 2024. |
ມີງດຶກ
