| ກູບາ ສະແດງຄວາມເສຍໃຈກັບຫວຽດນາມ ຕໍ່ກັບຄວາມເສຍຫາຍທີ່ເກີດຈາກພະຍຸເລກທີ 3 | |
| ໂຄສະນາການທ່ອງທ່ຽວ ຫວຽດນາມ ຢູ່ສຳນັກງານເທດສະບານແຂວງ Kanagawa, ຍີ່ປຸ່ນ |
ແນວຄວາມຄິດການອອກແບບທີ່ສ້າງສັນ ແລະ ເປັນເອກະລັກ ໂດຍບັນດານັກສິລະປະກອນ ຢູເກຼນ ອອກແບບ ແລະ ປະຕິບັດຢ່າງພິຖີພິຖັນ. ໃນນັ້ນ ມັງກອນທີ່ມີສີສັນທີ່ໜ້າປະທັບໃຈ ພວມກ້ຽວພັນ, ບິນໄປໄກ, ກິດຈະກຳສິລະປະໄດ້ສ້າງຜົນງານທີ່ເປັນເອກະລັກສະເພາະ ແລະ ໂດດເດັ່ນຢູ່ໃຈກາງສວນສັດ Odessa.
ບໍ່ພຽງແຕ່ສ້າງບັນຍາກາດເບີກບານມ່ວນຊື່ນ, ພາກພູມໃຈ, ພ້ອມດຽວກັນນັ້ນຍັງສະແດງໃຫ້ເຫັນເຖິງຄວາມປາດຖະໜາສັນຕິພາບຂອງຊາວ ຫວຽດນາມ ກັບດິນແດນ Odessa ທີ່ຮັກແພງ. ນອກຈາກນັ້ນ,ກິດຈະກຳຍັງສ້າງຈຸດເນັ້ນ, ດຶງດູດນັກທ່ອງທ່ຽວທັງຢູ່ໃກ້ ແລະ ໄກມາຢ້ຽມຢາມສວນສັດ Odessa.
 |
| ພິທີເປີດ “ມູມຫວຽດນາມ” ໄດ້ດຶງດູດວົງຄະນາຍາດຊາວ ຫວຽດນາມ, ອຳນາດການປົກຄອງ ແລະ ປະຊາຊົນນະຄອນ Odessa ເຂົ້າຮ່ວມ. |
ກ່າວຄຳເຫັນທີ່ພິທີເປີດ, ທ່ານເອກອັກຄະລັດຖະທູດຫວຽດນາມ ປະຈຳ ຢູເກຼນ ຫງວ້ຽນຮົ່ງແທັກ ໃຫ້ຮູ້ວ່າ ນີ້ແມ່ນລາຍການສະແດງໃຫ້ເຫັນນ້ຳໃຈມິດຕະພາບລະຫວ່າງ ວົງຄະນາຍາດຊາວ ຫວຽດນາມ ແລະ ນະຄອນ Odessa.
ຕາມທ່ານເອກອັກຄະລັດຖະທູດ ຫງວຽນຮົ່ງແທັກ ແລ້ວ, ຄົນຫວຽດນາມ ມີຄຳເວົ້າທີ່ວ່າ “ແຜ່ນດິນມີຄວາມສະຫງົບ, ນົກກໍ່ຈະມາຢູ່ເຮັດຮັງ”. ນົກມັກຈະເລືອກດິນທີ່ດີເພື່ອອາໄສຢູ່. ຄົນເຮົາກໍ່ຄືກັນ ເລືອກສະຖານທີ່ດໍາລົງຊີວິດ ເພື່ອທໍາມາຫາກິນ. ປະຈຸບັນ Odessa ແມ່ນບ່ອນທີ່ມີຊາວ ຫວຽດນາມ ຫຼາຍທີ່ສຸດໃນ ຢູເກຼນ.
 |
| ບັນດາແຂກໄດ້ກ່າວຄຳປາໄສໃນພິທີເປີດ. |
Odessa ສ້າງເງື່ອນໄຂໃຫ້ວົງຄະນາຍາດຄົນ ຫວຽດນາມ, ວົງຄະນາຍາດຄົນ ຫວຽດນາມ ກໍ່ຕ້ອງມີຄວາມຮັບຜິດຊອບປະກອບສ່ວນໃຫ້ Odessa. ນັ້ນແມ່ນໂລຊິກຂອງການດຳລົງຊີວິດ ແລະ ໂລຊິກນັ້ນໄດ້ສະແດງອອກໂດຍກິດຈະກຳທີ່ພວກເຮົາເຮັດພິທີເປີດ.
"ຂ້າພະເຈົ້າດີໃຈຫຼາຍທີ່ທ່ານ Beliakov - ຜູ້ອໍານວຍການສວນສັດໄດ້ຕີລາຄາສູງແນວຄວາມຄິດ ແລະ ໂຄງການນີ້. ຂ້າພະເຈົ້າຫວັງວ່າ ປະຊາຊົນຂອງ Odessa ຈະມີຄວາມຮູ້ສຶກສະບາຍໃຈເມື່ອໄປຢ້ຽມຢາມສວນສັດ ແລະ ຊົມບັນດາກິດຈະກຳນີ້", ທ່ານເອກອັກຄະລັດຖະທູດໃຫ້ຮູ້.
 |
| ນີ້ແມ່ນກິດຈະກຳການສະແດງໃຫ້ເຫັນນ້ຳໃຈມິດຕະພາບລະຫວ່າງປະຊາຄົມຄົນ ຫວຽດນາມ ແລະ ນະຄອນ Odessa. |
ແຂກຜູ້ເຂົ້າຮ່ວມພິທີເປີດງານວາງສະແດງ “ມູມຫວຽດນາມ” ໄດ້ຮັບຊົມການສະແດງບັນດາລາຍການທີ່ເປັນເອກະລັກວັດທະນະທຳຂອງຫວຽດນາມ ເຊັ່ນ: ການຟ້ອນສິງໂຕ, ຂັບຮ້ອງ ກວານເຫາະ…
ອ.ສະຫວັດ
