 | ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ |
| ທ່ານ ເຈີນຮ້ຽວ ດຳລົງຕຳແໜ່ງປະທານສະມາຄົມມິດຕະພາບຫວຽດນາມ - ສ. ເກົາຫຼີ ຢູ່ນະຄອນດານັ້ງ ໄລຍະ 2024-2029 |
 |
| ກອງປະຊຸມຮ່ວມຄັ້ງທີ 13 ລະຫວ່າງສະມາຄົມມິດຕະພາບ ຫວຽດນາມ - ໄທ ແລະ ສະມາຄົມມິດຕະພາບ ໄທ - ຫວຽດນາມ. |
ທ່ານ Sanan Angubolkul, ປະທານສະມາຄົມມິດຕະພາບ ໄທ-ຫວຽດນາມ ໄດ້ສະແດງຄວາມຍິນດີຕ້ອນຮັບຄະນະປະຕິບັດງານ ຫວຽດນາມ ໂດຍພົນໂທ ຮສ.ປອ ຫງວຽນວັນແທ່ງ, ອະດີດກຳມະການສູນກາງພັກ, ຮອງປະທານສະພາທິດສະດີສູນການພັກກອມມູນິດ ຫວຽດນາມ, ປະທານສະມາຄົມມິດຕະພາບ ຫວຽດນາມ - ໄທ. ທ່ານໄດ້ແບ່ງປັນຄວາມເຈັບປວດຂອງການສູນເສຍທີ່ເກີດຈາກພາຍຸ Yagi ຢູ່ ຫວຽດນາມ, ພ້ອມກັນນັ້ນ ກໍ່ຢືນຢັນວ່າ ການພົວພັນສອງຝ່າຍລະຫວ່າງ 2 ປະເທດຈະນັບມື້ນັບເຂັ້ມແຂງ ໂດຍຜ່ານບັນດາການເຄື່ອນໄຫວທາງການທູດປະຊາຊົນ. ທ່ານກໍ່ໄດ້ສະແດງຄວາມປາດຖະໜາຢາກພັດທະນາການພົວພັນລະຫວ່າງສອງສະມາຄົມໃຫ້ກາຍເປັນຮູບແບບທີ່ເປັນແບບຢ່າງໃນວຽກງານທາງການທູດປະຊາຊົນ.
ທ່ານ ຫງວຽນວັນແທ່ງ ປະທານສະມາຄົມມິດຕະພາບ ຫວຽດນາມ - ໄທ ໄດ້ສະແດງຄວາມປິຕິຊົມຊື່ນຕໍ່ບັນດາບາດກ້າວພັດທະນາອັນດີງາມໃນການພົວພັນລະຫວ່າງ 2 ປະເທດໃນຫຼາຍຂົງເຂດຄື: ການຄ້າ, ການທ່ອງທ່ຽວວັດທະນະທຳ..., ພົ້ນເດັ່ນແມ່ນການເປີດຖະໜົນ ຫວຽດນາມ ແຫ່ງທຳອິດຢູ່ ໄທ ແລະ ສ້າງຕັ້ງສູນການສຶກສາຫວຽດນາມ 2 ແຫ່ງ ຢູ່ມະຫາວິທະຍາໄລ ຣາດຊະພັດ ອຸດອນທານີ ແລະ ວິທະຍາໄລການຮຽນຮູ້ ອາຊີ ຢູ່ນະຄອນ ຂອນແກ່ນ. ທ່ານ ຫງວຽນວັນແທ່ງ ໄດ້ສົ່ງຄວາມຂອບອົກຂອບໃຈຕໍ່ການນຳ ແລະ ປະຊາຊົນໄທ ທີ່ໄດ້ແບ່ງປເບົາຄວາມເສຍຫາຍໃຫ້ແກ່ ຫວຽດນາມ ຍ້ອນພາຍຸ Yagi ແລະ ຄວາມຫຍຸ້ງຍາກທີ່ ໄທ ປະເຊີນໜ້າຍ້ອນໄພນ້ຳຖ້ວມຢູ່ ພາກຕາເວັນອອກສ່ຽງເໜືອ.
 |
| ທ່ານ Sanan Angubolkul (ທີ່ສອງຈາກຊ້າຍ), ປະທານສະມາຄົມມິດຕະພາບ ຫວຽດນາມ - ໄທ ທີ່ກອງປະຊຸມຮ່ວມ. |
ຜູ້ຕາງໜ້າກະຊວງການຕ່າງປະເທດ ໄທ ໄດ້ຢືນຢັນວ່າ ຍາມໃດກໍ່ຖືເປັນສຳຄັນການພັດທະນາການພົວພັນຮ່ວມມືກັບ ຫວຽດນາມ; ສະແດງຄວາມປາດຖະໜາຢາກຍົກລະດັບການພົວພັນທາງການທູດລະຫວ່າງ 2 ປະເທດຂຶ້ນສູ່ລະດັບສູງໃໝ່ຢ່າງໂດຍໄວ. ທ່ານໄດ້ຕີລາຄາສູງບັນດາການເຄື່ອນໄຫວຂອງສອງສະມາຄົມ, ຢືນຢັນວ່າ ບັນດາການເຄື່ອນໄຫວການທູດປະຊາຊົນຂອງສອງສະມາຄົມຈັດຕັ້ງໃນໄລຍະມໍ່ໆມານີ້ ໄດ້ປະກອບສ່ວນສຳຄັນເຂົ້າໃນການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ໄທ. ໃນໄລຍະຈະມາເຖິງ, ໄທ ຈະຊຸກຍູ້ການພົວພັນກັບ ຫວຽດນາມ ໃນຫຼາຍຂົງເຂດຄື: ການເມືອງ, ຍຸດທະສາດ “ສາມເຊື່ອມຕໍ່”, ບັນດາໂຄງການປຶກສາຫາລືພາກພື້ນແມ່ນ້ຳຂອງມີຄວາມຍືນຍົງກວ່າ...
ທ່ານເອກອັກຄະລັດຖະທູດ ຟ້າມຫວຽດຮຸ່ງ ຕີລາຄາວ່າ ການນຳຂອງ 2 ສະມາຄົມໄດ້ຜັນຂະຫຍາຍຫຼາຍການເຄື່ອນໄຫວຢ່າງມີປະສິດທິຜົນ, ປະກອບສ່ວນຊຸກຍູ້ການພົວພັນລະຫວ່າງ 2 ປະເທດຢ່າງໝັ້ນຄົງ. ຢືນຢັນວ່າ ສະຖານທູດ ຫວຽດນາມ ປະຈຳ ໄທ ຈະສືບຕໍ່ຮ່ວມເດີນທາງກັບບັນດາການເຄື່ອນໄຫວເຫຼົ່ານີ້, ພິເສດແມ່ນມຸ່ງໄປເຖິງສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ໄທ.
 |
| ທ່ານ ຫງວຽນວັນແທ່ງ ປະທານສະມາຄົມມິດຕະພາບ ຫວຽດນາມ - ໄທ ກ່າວຄຳປາໄສທີ່ກອງປະຊຸມ. |
ໃນຊຸມປີຜ່ານມາ, 2 ສະມາຄົມໄດ້ສົມທົບກັນຈັດຕັ້ງການເຄື່ອນໄຫວຫຼາຍຢ່າງ, ປະກອບສ່ວນເພີ່ມທະວີການພົວພັນມິດຕະພາບ ແລະ ການຮ່ວມມືຮອບດ້ານ, ເປັນຕົ້ນແມ່ນເວທີປາໄສວິສາຫະກິດ ຫວຽດນາມ - ໄທ ຢູ່ ບາງກອກ (ໄທ), ກອງປະຊຸມຄັ້ງທີ 12 ຢູ່ນະຄອນ ດານັງ ແລະ ຫຼາຍລາຍການຮ່ວມມືກ່ຽວກັບເສດຖະກິດ, ວັດທະນະທໍາ, ກິລາ, ສາທາລະນະສຸກ...
2 ຝ່າຍເຫັນດີເປັນເອກະພາບ ຈະຊຸກຍູ້ບາງການເຄື່ອນໄຫວໃນໄລຍະຈະມາເຖິງຄື: ມອບເຄື່ອງຈັກເອໂກໃຫ້ສູນການແພດເມືອງ ນາມດ່ານ (ເງ້ອານ); ຮ່ວມມືດ້ານການບຳລຸງສ້າງແຫຼ່ງຊັບພະຍາກອນມະນຸດ ແລະ ໜູນຊ່ວຍນັກສຶກສາຫວຽດນາມ ທີ່ຮ່ຳຮຽນຢູ່ມະຫາວິທະຍາໄລສະພາການຄ້າໄທ; ຈັດຕັ້ງພິທີສະເຫຼີມສະຫຼອງ 135 ປີແຫ່ງວັນຄ້າຍວັນເກີດ ປະທານ ໂຮ່ຈີມິນ, ແນະນຳຜະລິດຕະພັນ OCOP ແລະ OTOP ຢູ່ແຂວງ ອຸດອນທານີ; ແຮກສ່ຽວທ້ອງຖິ່ນ; ຈັດຕັ້ງກອງປະຊຸມຄັ້ງທີ 14 ຂອງສອງສະມາຄົມ ຢູ່ ຫວຽດນາມ ໃນປີ 2025...
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
ໃນຂອບເຂດການຢ້ຽມຢາມປະຕິບັດງານ, ໃນວັນທີ 12 ກັນຍາ, ຄະນະປະຕິບັດງານຂອງສະມາຄົມມິດຕະພາບ ຫວຽດນາມ - ໄທ ໄດ້ເຂົ້າຮ່ວມລາຍການປຶກສາຫາລືກ່ຽວກັບຍຸດທະສາດ “ສາມເຊື່ອມຕໍ່” ລະຫວ່າງ ຫວຽດນາມ - ໄທ. ຝ່າຍໄທ ຢືນຢັນຈະບຸລິມະສິດແຫຼ່ງຊັບພະຍາກອນ ແລະ ຂຸດຄົ້ນບັນດາທ່າໄດ້ປຽບຈາກການພົວພັນລະຫວ່າງສອງປະເທດ ເພື່ອພ້ອມກັນພັດທະນາແບບຍືນຍົງເພື່ອຄວາມຈະເລີນຮຸ່ງເຮືອງລວມຂອງພາກພື້ນ.
 | ຫວຽດນາມ - ຍີ່ປຸ່ນ ເປີດກວ້າງການຮ່ວມມືດ້ານວີຊາ, ODA ແລະ ການສົ່ງອອກແຮງງານ ຍສໝ - ນີ້ແມ່ນເນື້ອໃນປຶກສາຫາລືທີ່ບັນດາການພົບປະລະຫວ່າງ ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ ກັບທ່ານຮອງປະທານສະພາສູງ Nagahama Hiroyuki; ທ່ານນາງ Miyazaki Katsura ຮອງປະທານອົງການຮ່ວມມືສາກົນ ຍີ່ປຸ່ນ (JICA) ແລະ ທ່ານ Suzuki Naomichi ຜູ້ວ່າການແຂວງ Hokkaido ເຊິ່ງໄດ້ດຳເນີນໃນວັນທີ 9 ສິງຫາ ຢູ່ ... |
 | ຍສໝ - ວັນທີ 6 ສິງຫາ ຢູ່ຮ່າໂນ້ຍ, ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ ໄດ້ຕ້ອນຮັບທ່ານ Kwon Sung-taek, ປະທານສະມາຄົມເສດຖະກິດ, ວັດທະນະທໍາ ສ.ເກົາຫຼີ - ຫວຽດນາມ (KOVECA) ເນື່ອງໃນການໄປຢ້ຽມຢາມ ແລະ ເຮັດວຽກຢູ່ ຫວຽດນາມ. |
ມີງດຶກ
