 | ການນໍາບັນດາກະຊວງ, ຄະນະ, ຂະແໜງການ ຂອງລາວ ອວຍພອນ 79 ປີແຫ່ງ ວັນຊາດຫວຽດນາມ |
| ສະຖານທູດ ຫວຽດນາມ ປະຈຳ ອີຢິບ ໄດ້ຈັດພິທີສະເຫຼີມສະຫຼອງວັນຊາດ 2 ກັນຍາ |
ນີ້ແມ່ນການຢ້ຽມຢາມທີ່ມີຄວາມໝາຍແທດຈິງ ເພື່ອຊຸກຍູ້ການພົວພັນຮ່ວມມືລະຫວ່າງບັນດາໂຮງຮຽນສອນພາສາຝຣັ່ງ ບົນບໍລິເວນນະຄອນ ເກີນເທີ ກັບບັນດາໂຮງຮຽນຢູ່ ຝຣັ່ງ ເພື່ອຍົກສູງຄຸນນະພາບການສຶກສາ, ເປີດກ້ວາງກາລະໂອກາດຮຽນພາສາຝຣັ່ງ ໃຫ້ນັກຮຽນ; ພ້ອມກັນນັ້ນ, ກໍ່ເພີ່ມທະວີການເຄື່ອນໄຫວພົບປະແລກປ່ຽນເພື່ອຮຽນຮູ້ປະສົບການ, ວັດທະນະທຳລະຫວ່າງຄູອາຈານ-ນັກຮຽນລະຫວ່າງບັນດາໂຮງຮຽນ ເວົ້າສະເພາະ ແລະ ຫວຽດນາມ - ຝຣັ່ງ ເວົ້າລວມ.
 |
| ຄະນະປະຕິບັດງານ ໄດ້ໄປຢື້ຢາມ ແລະ ເຮັດວຽກກັບໂຮງຮຽນປະຖົມແຫ່ງໜຶ່ງຢູ່ ຝຣັ່ງ. |
ໂດຍເຂົ້າຮ່ວມຄະນະຜູ້ແທນມີ ທ່ານນາງ ເລທິແທງຢາງ, ປະທານສະຫະພັນບັນດາອົງການມິດຕະພາບນະຄອນ ເກີນເທີ; ທ່ານ ຫງວຽນຟຸກຕັງ, ຮອງຫົວໜ້າພະແນກສຶກສາ ແລະ ບຳລຸງສ້າງນະຄອນ, ປະທານສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ເກີນເທີ; ພ້ອມກັບຜູ້ຕາງໜ້າບັນດາພະນັກງານຄຸ້ມຄອງ, ຄູສອນຂອງບາງໂຮງຮຽນປະຖົມ, ໂຮງຮຽນມັດທະຍົມຕອນຕົ້ນ ແລະ ໂຮງຮຽນມັດທະຍົມຕອນປາຍຢູ່ນະຄອນ ເກີນເທີ ທີ່ມີໂຄງການສອນພາສາຝຣັ່ງ.
ໃນຂອບເຂດການໄປຢ້ຽມຢາມພົບປະແລກປ່ຽນມິດຕະພາບຢູ່ ຝຣັ່ງ, ໂດຍຜ່ານການເຊື່ອມຕໍ່ຈາກອົງການ Association Grandis et Deviens (ສະມາຄົມເຕີບໂຕ ແລະ ເຕີບໃຫຍ່) (G&D/France), ຄະນະຜູ້ແທນໄດ້ໄປຢື້ຢາມ ແລະ ເຮັດວຽກກັບໂຮງຮຽນປະຖົມຈຳນວນໜຶ່ງຢູ່ ຝຣັ່ງ ເຊັ່ນ: ໂຮງຮຽນ Doulevant-le-Château, ໂຮງຮຽນ Dommartin le Franc, ໂຮງຮຽນປະຖົມສາທາລະນະ Du Vieux Chêne; ພ້ອມກັນນັ້ນ, ກໍ່ສົ່ງເສີມການລົງນາມໃນບົດບັນທຶກຊ່ວຍຈຳການຮ່ວມມືລະຫວ່າງ 3 ໂຮງຮຽນປະຖົມຢູ່ນະຄອນ ເກີນເທີ ແລະ 3 ໂຮງຮຽນປະຖົມຂອງ ຝຣັ່ງ ທີ່ກ່າວມາຂ້າງເທິງນີ້.
ທ່ານນາງ ເລທິແທງຢາງ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນ ເກີນເທີ, ຫວັງວ່າ ຜ່ານການຮ່ວມມືລະຫວ່າງບັນດາໂຮງຮຽນ ຈະປະກອບສ່ວນຮັກສາ ແລະ ພັດທະນາຂະບວນການການສອນ-ການຮຽນພາສາຝຣັ່ງ ຢູ່ ເກີນເທີ; ຊຸກຍູ້, ໂຄສະນາບັນດາຄຸນຄ່າຂອງຊຸມຊົນພາສາຝຣັ່ງ, ສ້າງໂອກາດໃຫ້ນັກຮຽນ, ນັກສຶກສາໄດ້ຮໍ່າຮຽນ ແລະ ພົບປະ ພ້ອມທັງຍາດແຍ່ງເອົາບັນດາເເຫຼ່ງທຶນເພື່ອໜູນຊ່ວຍການສອນ-ການຮຽນພາສາຝຣັ່ງ.
ໃນການຢື້ຢາມ ແລະ ເຮັດວຽກກັບອົງການ G&D, ທ່ານນາງ ເລທິແທງຢາງ ຫວັງວ່າ ນອກຈາກການຊຸກຍູ້ການຮ່ວມມືດ້ານການສຶກສາ, ອົງການນີ້ຈະສືບຕໍ່ເອົາໃຈໃສ່ ແລະ ໜູນຊ່ວຍນະຄອນ ເກີນເທີ ປະຕິບັດບັນດາໂຄງການປະກອບສ່ວນຍົກສູງກຳລັງຄວາມສາມາດ, ການດູແລສຸຂະພາບຊຸມຊົນ, ການຊ່ວຍເຫຼືອຊີວິດ, ສ້າງພຶ້ນຖານການພັດທະນາເສດຖະກິດ-ສັງຄົມຂອງນະຄອນ.
ໂດຍໄດ້ຮູ້ວ່າ, ນັບແຕ່ປີ 2013 ມາຮອດປະຈຸບັນ, ສະຫະພັນບັນດາອົງການມິດຕະພາບ ແລະ ອົງການ G&D/ຝຣັ່ງ ໄດ້ລົງນາມໃນບົດບັນທຶກຂໍ້ຕົກລົງ ແລະ ເຫັນດີເປັນເອກະພາບເພື່ອປະຕິບັດບັນດາໂຄງການກວດກາ, ປິ່ນປົວພະຍາດໃຫ້ແກ່ຜູ້ສູງອາຍຸທີ່ປະສົບກັບຄວາມຫຍຸ້ງຍາກໂດຍບໍ່ເສຍຄ່າ, ມອບທຶນການສຶກສາໃຫ້ແກ່ເດັກທຸກຍາກ; ໜູນຊ່ວຍສູນປະຕິບັດວຽກງານສັງຄົມຂອງນະຄອນ ເກີນເທີ ແລະ ຫ້ອງຮຽນແຫ່ງຄວາມຮັກ, ປະກອບສ່ວນຊ່ວຍເຫຼືອເດັກນ້ອຍໄດ້ມີໂອກາດຮ່ຳຮຽນ, ມີກຳລັງບືນຕົວກວ່າອີກໃນຊີວິດ. ຄຽງຂ້າງບັນດາໂຄງການກວດ, ປິ່ນປົວພະຍາດ, ອົງການ G&D/ຝຣັ່ງ ຍັງໜູນຊ່ວຍນັກສຶກສາຝຣັ່ງ ເປີດຫຼັກສູດພາສາຝຣັ່ງ ໃຫ້ແກ່ນັກຮຽນ, ດ້ວຍຍອດຈຳນວນເງິນໂຄງການ, ລາຍການປະຕິບັດຢູ່ນະຄອນ ເກີນເທີ ໃນໄລຍະມໍ່ໆມານີ້ຫຼາຍກ່ວາ 1 ຕື້ດົ່ງ.
 |
| ທ່ານ ຫງວຽນຟຸກຕັງ, ຮອງຫົວໜ້າພະແນກສຶກສາ ແລະ ບຳລຸງສ້າງນະຄອນ ເກີນເທີ ໄດ້ມອບຂອງທີ່ລະນຶກໃຫ້ຜູ້ຕາງໜ້າການນຳຂອງມະຫາວິທະຍາໄລ Lyon 1. |
ເນື່ອງໃນໂອກາດນີ້, ຄະນະຜູ້ແທນໄດ້ໄປຢື້ຢາມ ແລະ ເຮັດວຽກກັບມະຫາວິທະຍາໄລ Lyon 1 ແລະ ສະມາຄົມຊາວໜຸ່ມນັກສຶກສາ ຫວຽດນາມ ຢູ່ຝຣັ່ງ ເພື່ອສົມທົບກັນປະຕິບັດຫຼາຍລາຍການເຄື່ອນໄຫວຢ່າງແທດຈິງ, ເປັນປະໂຫຍດໃຫ້ແກ່ຊາວໜຸ່ມ, ນັກສຶກສາຂອງສອງປະເທດ, ປະກອບສ່ວນຢ່າງຕັ້ງໜ້າເພື່ອໂຄສະນາຮູບພາບອັນດີງາມຂອງ ຫວຽດນາມ ໃຫ້ແກ່ເພື່ອນມິດ ຝຣັ່ງ ແລະ ສາກົນ. ການຢ້ຽມຢາມຄັ້ງນີ້ບໍ່ພຽງແຕ່ແມ່ນບາດກ້າວສຳຄັນໃນການພັດທະນາການສຶກສາພາສາຝຣັ່ງ ເທົ່ານັ້ນ ຫາກຍັງແມ່ນໂອກາດເພື່ອເປີດກວ້າງບັນດາການເຄື່ອນໄຫວພົບປະແລກປ່ຽນວັດທະນະທຳ ແລະ ຮ່ຳຮຽນລະຫວ່າງ ຫວຽດນາມ ແລະ ຝຣັ່ງ, ປະກອບສ່ວນສ້າງການພົວພັນແບບຍືນຍົງ ແລະ ເລິກເຊິ່ງກວ້າງຂວາງລະຫວ່າງສອງປະເທດ.
 | ແລກປ່ຽນ, ຊອກຫາທິດທາງໃໝ່ໃນວຽກງານການທູດປະຊາຊົນຢູ່ເຂດຊາຍແດນ ຫວຽດນາມ - ລາວ ແຂວງ ກວາງຈີ້ ຍສໝ - ວັນທີ 15 ສິງຫາ, ຢູ່ແຂວງ ກວາງຈີ້, ທ່ານ ໂຮ່ດ້າຍນາມ, ຫົວໜ້າຄະນະໂຄສະນາສຶກສາ ຄະນະພັກແຂວງ ກວາງຈີ້ ໄດ້ມີການເຮັດວຽກກັບຄະນະປະຕິບັດງານ ຄະນະຕິດຕໍ່ມິດຕະພາບທີ່ເປັນມູນເຊື້ອ ຫວຽດນາມ - ລາວ ໂດຍທ່ານພົນຕີ ຫງວຽນຕ໋ຽນລອງ, ຮອງປະທານສູນກາງສະມາຄົມມິດຕະພາບ ຫວຽດນາມ - ລາວ, ຮອງຄະນະຕິດຕໍ່ ເປັນຫົວໜ້າຄະນະ. ... |
 | ມູກາງຈາຍ ໄດ້ຈັດອັນດັບໜື່ງໃນຈໍານວນ 25 ຈຸດຫມາຍປາຍທາງທີ່ມີຄວາມງາມທີ່ໜ້າມະຫັດສະຈັນ ຍສໝ - ຕາມເວັບໄຊນັກທ່ອງທ່ຽວ Wanderlust Storytellers, ມູກາງຈາຍ, ແຂວງອຽນບ້າຍ ຫວ່າງບໍ່ດົນມານີ້, ໄດ້ຖືກຈັດອັນດັບທີ 1 ໃນບັນດາສະຖານທີ່ທ່ອງທ່ຽວ 25 ແຫ່ງທີ່ມີຄວາມສວຍງາມມະຫັດສະຈັນ. |
ມີງດຶກ
