| ທ່ານພົນໂທ ຮວ່າງຊວນຈ໊ຽນ ຕ້ອນຮັບທີ່ປຶກສາທູດປ້ອງກັນຊາດໂປໂລຍ | |
| ທ່ານພົນໂທ ຫງວຽນຈີ໊ວິ້ງ ຕ້ອນຮັບຜູ້ອຳນວຍການ KOICA ປະຈຳ ຫວຽດນາມ |
ວັນທີ 20 ທັນວາ, ທີ່ສໍານັກງານກະຊວງປ້ອງກັນປະເທດ, ທ່ານພົນໂທ ຟຸ່ງສີເຕີ໊ນ, ຮອງຫົວໜ້າກົມໃຫຍ່ເສນາທິການກອງທັບປະຊາຊົນຫວຽດນາມ ໄດ້ຕ້ອນຮັບທ່ານພົນຈັດຕະວາ ບຸນຕຽນ ໄຊຍໍາວົງທັນ, ຫົວໜ້າກົມ 49, ກົມໃຫຍ່ເສນາທິການກອງທັບປະຊາຊົນລາວ ເນື່ອງໃນໂອກາດມາຢ້ຽມຢາມ, ເຮັດວຽກຢູ່ຫວຽດນາມ.
 |
| ທ່ານພົນໂທ ຟຸ່ງສີເຕີ໊ນ, ທ່ານພົນຈັດຕະວາ ບຸນຕຽນ ໄຊຍໍາວົງທັນ ແລະບັນດາຜູ້ແທນທີ່ການຕ້ອນຮັບ. ພາບ: qdnd.vn |
ທ່ານພົນໂທ ຟຸ່ງສີເຕີ໊ນ ຕີລາຄາວ່າ ການຮ່ວມມືລະຫວ່າງກອງທັບສອງປະເທດໃນໄລຍະຜ່ານມາສືບຕໍ່ໄດ້ຮັບຄວາມເອົາໃຈໃສ່ຜັນຂະຫຍາຍຈາກສອງຝ່າຍຕາມທິດແທດຈິງ, ມີປະສິດທິຜົນໃນບັນດາຂົງເຂດ: ແລກປ່ຽນຄະນະ, ບຳລຸງສ້າງ, ຝຶກອົບຮົມ, ຈັດສົ່ງຊ່ຽວຊານ... ນັບແຕ່ຕົ້ນປີມາຮອດປະຈຸບັນ, ບັນດາອົງການ, ກົມກອງສອງຝ່າຍໄດ້ສົມທົບກັນຜັນຂະຫຍາຍຫຼາຍກິດຈະກຳໃຫຍ່, ໃນນັ້ນ ເປັນໜ້າສົນໃຈແມ່ນງານພົບປະແລກປ່ຽນມິດຕະພາບປ້ອງກັນຊາດຢູ່ເຂດຊາຍແດນຫວຽດນາມ-ລາວ-ກຳປູເຈຍ ຄັ້ງທີ 1.
ທ່ານພົນຈັດຕະວາ ບຸນຕຽນ ໄຊຍໍາວົງທັນ ແຈ້ງໃຫ້ທ່ານພົນໂທ ຟຸ່ງສີເຕີ໊ນ ຊາບກ່ຽວກັບໝາກຜົນການຮ່ວມມືໃນໄລຍະຜ່ານມາລະຫວ່າງກົມ 49, ກົມໃຫຍ່ເສນາທິການກອງທັບປະຊາຊົນລາວ ແລະເຫຼົ່າທັບດັກກົງຫວຽດນາມ, ໃນນັ້ນສຸມໃສ່ບັນດາຂົງເຂດ: ແລກປ່ຽນບົດຮຽນວິຊາສະເພາະ, ບຳລຸງສ້າງ, ຝຶກອົບຮົມ, ແລກປ່ຽນຄະນະ, ຈັດສົ່ງຊ່ຽວຊານ, ຊ່ວຍເຫຼືອກັນ...
ໂດຍຮັບຮູ້ ແລະຕີລາຄາໝາກຜົນການຮ່ວມມື, ທ່ານພົນໂທ ຟຸ່ງສີເຕີ໊ນ ສະເໜີສອງຝ່າຍສືບຕໍ່ເພີ່ມທະວີການຮ່ວມມື, ແບ່ງປັນບົດຮຽນໃນວຽກງານວິຊາສະເພາະ, ຕອບສະໜອງຄວາມຮຽກຮ້ອງຂອງໜ້າທີ່; ສືບຕໍ່ຮ່ວມມືຢ່າງແທດຈິງ, ມີປະສິດທິຜົນໃນວຽກງານບຳລຸງສ້າງຊັບພະຍາກອນມະນຸດ, ຊ່ຽວຊານ, ສ້າງຖັນແຖວພະນັກງານທີ່ມີຄວາມຮູ້, ຄວາມສາມາດ ແລະຈົງຮັກພັກດີຕໍ່ພັກ, ກອງທັບ ແລະປະຊາຊົນ; ຢັ້ງຢືນວ່າ ກະຊວງປ້ອງກັນປະເທດ, ກົມໃຫຍ່ເສນາທິການກອງທັບປະຊາຊົນ ຫວຽດນາມ ຍາມໃດກໍ່ສະໜັບສະໜູນ ແລະອຳນວຍຄວາມສະດວກເພື່ອໃຫ້ບັນດາອົງການເພີ່ມທະວີການຮ່ວມມື, ປະກອບສ່ວນເຮັດໃຫ້ການພົວພັນຮ່ວມມືດ້ານປ້ອງກັນຊາດລະຫວ່າງສອງຝ່າຍເລິກເຊິ່ງກວ່າອີກ.
ບູນມີ
