ຫວ່າງແລ້ວນີ້, ຄະນະຜູ້ແທນແມ່ຍິງກອງທັບປະຊາຊົນຫວຽດນາມ ແລະຄະນະຜູ້ແທນແມ່ຍິງກອງທັບປະຊາຊົນລາວ ທີ່ຝຶກອົບຮົມວຽກງານແມ່ຍິງກອງທັບປີ 2023 ໄດ້ໄປຢ້ຽມຢາມ, ພົບປະ, ແລກປ່ຽນບົດຮຽນປະສົບການກ່ຽວກັບວຽກງານແມ່ຍິງຢູ່ກອງບັນຊາການທະຫານຊາຍແດນແຂວງ ກວ໋າງນິງ.
ທີ່ການເຮັກວຽກ, ທ່ານພັນເອກພິເສດ ຫວູວັນຮືງ, ຮອງຫົວໜ້າການເມືອງທະຫານຊາຍແດນແຂວງກວ໋າງນິງ ໄດ້ແຈ້ງໃຫ້ຊາບໂດຍລວມກ່ຽວກັບກົມກອງ ກໍ່ຄືໝາກຜົນການປະຕິບັດໜ້າທີ່ໃນໄລຍະຜ່ານມາ, ພິເສດແມ່ນບາງຈຸດພົ້ນເດັ່ນຂອງວຽກງານແມ່ຍິງ ແລະຂະບວນການແມ່ຍິງຂອງກົມກອງ.
 |
| ບັນດາຜູ້ແທນໄປຢ້ຽມຢາມຫໍມູນເຊື້ອທະຫານຊາຍແດນແຂວງ ກວ໋າງນິງ. ພາບ: ຊວນຮຸ່ງ |
ດ້ວຍບັນດາຜົນງານ ແລະໝາກຜົນທີ່ບັນລຸໄດ້, ໃນ 5 ປີຜ່ານມາ, ສູນກາງສະຫະພັນແມ່ຍິງຫວຽດນາມ, ກົມໃຫຍ່ການເມືອງກອງທັບປະຊາຊົນ ຫວຽດນາມ, ກອງບັນຊາການທະຫານຊາຍແດນ ແລະ ສະຫະພັນແມ່ຍິງແຂວງໄດ້ມອບທຸງ, ໃບຍ້ອງຍໍ ແລະຫຼາຍລາງວັນອື່ນອີກໃຫ້ສະຫະພັນແມ່ຍິງທະຫານຊາຍແດນແຂວງ ກວ໋າງນິງ 35 ຄັ້ງ ຍ້ອນມີຜົນງານດີເດັ່ນໃນການປະຕິບັດໜ້າທີ່ວຽກງານສະຫະພັນ ແລະຂະບວນການແມ່ຍິງ ໃນນັ້ນ ມີລາງວັນຂອງໝູ່ຄະນະ 25 ຄັ້ງ ແລະລາງວັນບຸກຄົນ 10 ຄັ້ງ.
 |
| ບັນຍາກາດທີ່ການເຮັດວຽກ. ພາບ: ຊວນຮຸ່ງ |
ກ່າວຄຳເຫັນທີ່ການພົບປະ, ທ່ານນາງພັນໂທ ແພງດີ ສົມສະນິດ, ຫົວໜ້າຄະນະຜູ້ແທນແມ່ຍິງກອງທັບປະຊາຊົນລາວ ໃຫ້ຮູ້ວ່າ ໃນຊຸມປີຜ່ານມາ, ການເຄື່ອນໄຫວສົມທົບກັນລະຫວ່າງກໍາລັງກອງທັບປະຊາຊົນຫວຽດນາມ ເວົ້າລວມ, ຂະບວນການແມ່ຍິງໃນກອງທົບເວົ້າສະເພາະ ບັນລຸໄດ້ໝາກຜົນຫຼາຍຢ່າງ. ທ່ານນາງ ສະແດງຄວາມປາດຖະໜາຢາກໃຫ້ແມ່ຍິງກອງທັບສອງປະເທດສືບຕໍ່ພ້ອມກັນແລກປ່ຽນ, ແບ່ງປັນບົດຮຽນເຊິ່ງກັນ ແລະກັນ ເພື່ອໃຫ້ການເຄື່ອນໄຫວວຽກງານແມ່ຍິງໄດ້ຮັບການເສີມຂະຫຍາຍ, ເຂົ້າສູ່ລວງເລິກ ແລະແທດຈິງ, ບັນລຸໄດ້ບັນດາຜົນງານໃໝ່ຫຼາຍຢ່າງ, ປະກອບສ່ວນເຂົ້າໃນການສ້າງສາກອງທັບຂອງສອງປະເທດປະຕິວັດ, ເປັນລະບົບຫຼວງ, ຍອດຢ້ຽມ, ທັນສະໄໝເທື່ອລະກ້າວ, ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ໃນສະພາບການໃໝ່.
ບູນມີ
