| ສະເໜີສະເຫຼີມສະຫຼອງວັນມູນເຊື້ອຄະນະປະສານງານທົ່ວປະເທດອະດີດທະຫານອາສາສະໝັກຫວຽດນາມ ຊ່ວຍລາວ ຄົບຮອບ 75 ປີ | |
| ຄະນະຜູ້ແທນກອງທັບປະຊາຊົນລາວ ໄປຢ້ຽມຢາມຫໍພິພິທະພັນປະຫວັດສາດການທະຫານຫວຽດນາມ |
ວັນທີ 4 ພະຈິກ, ຄະນະພະນັກງານ, ນັກຮົບຂອງກອງທັບລາວ ໄດ້ໄປຢ້ຽມຢາມເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ - ລາວ, ຢູ່ບ້ານລາວໂຄ I, ຕາແສງ ພຽງຄວາຍ, ເມືອງ ອຽນເຈົາ, ແຂວງເຊີນລາ.
ເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ - ລາວ ຢູ່ບ້ານລາວໂຄ ແມ່ນສະຖານທີ່ທີ່ໄດ້ບັນທຶກວິວັດການເຄື່ອນໄຫວ ແລະການກໍ່ສ້າງຖານທັບການປະຕິວັດຂອງ ຄະນະຕະລຸມບອນລາວທາງພາກເໜືອ ແລະ ຂີດໝາຍຂອງສະຫາຍ ໄກສອນ ພົມວິຫານ ໃນໄລຍະປີ 1948 - 1950, ເຊິ່ງໄດ້ຮັບການຊ່ວຍເຫຼືອຈາກທ່ານ ຈ໊າງລາວໂຄ ແລະປະຊາຊົນບ້ານລາວໂຄ. ນີ້ກໍ່ແມ່ນສະຖານທີ່ເກັບຮັກສາຄຸນຄ່າປະຫວັດສາດອັນໃຫຍ່ຫຼວງ, ຄວາມສະໜິດຕິດພັນທີ່ເປັນເລືອດເນື້ອຂອງນໍ້າໃຈສາມັກຄີແບບຕໍ່ສູ້ລະຫວ່າງສອງປະເທດ ຫວຽດນາມ - ລາວ ເວົ້າລວມ ແລະ ປະຊາຊົນບັນດາເຜົ່າໃນແຂວງເຊີນລາ ແລະ ບັນດາແຂວງພາກເໜືອຂອງລາວ ເວົ້າສະເພາະ.
 |
| ຄະນະພະນັກງານ, ນັກຮົບຂອງກອງທັບ ລາວ ຢ້ຽມຢາມເຂດປູຊະນີຍະສະຖານປະຫວັດສາດການປະຕິວັດ ຫວຽດນາມ - ລາວ, ຢູ່ບ້ານລາວໂຄ I, ຕາແສງ ພຽງຄວາຍ, ເມືອງ ອຽນເຈົາ, ແຂວງ ເຊີນລາ. ພາບ: baosonla.org.vn |
ຄະນະຜູ້ແທນ ໄດ້ຖະຫວາຍທູບທຽນຢູ່ອະນຸສອນສະຖານ ແລະ ຢ້ຽມຊົມເຂດວາງສະແດງວັດຖຸພັນທີ່ສະແດງໃຫ້ເຫັນນ້ຳໃຈສາມັກຄີ, ຄວາມສະໜິດຕິດພັນ, ການຊ່ວຍເຫຼືອ, ການແບ່ງປັນ ລະຫວ່າງ ຫວຽດນາມ - ລາວ ເວົ້າລວມ ແລະ ປະຊາຊົນບັນດາເຜົ່າຢູ່ແຂວງເຊີນລາ, ປະຊາຊົນບ້ານລາວໂຄ ກັບບັນດາແຂວງພາກເໜືອຂອງລາວ ເວົ້າສະເພາະ. ພ້ອມກັນນັ້ນ, ກໍ່ຫວນຄືນມູນເຊື້ອສາມັກຄີມິດຕະພາບລະຫວ່າງສອງພັກ, ສອງລັດ ແລະ ປະຊາຊົນສອງປະເທດ. ຄະນະຜູ້ແທນ ສະແດງປາດຖະໜາວ່າ ສອງພັກ ແລະ ສອງລັດ ຈະສືບຕໍ່ຮັກສາ ແລະ ເສີມຂະຫຍາຍນ້ຳໃຈສາມັກຄີມິດຕະພາບແບບພິເສດ, ເພີ່ມພູນຄູນສ້າງສາຍພົວພັນ ຫວຽດນາມ - ລາວ, ລາວ - ຫວຽດນາມໃຫ້ໝັ້ນຄົງຂະໜົງແກ່ນໄປຊົ່ວກາລະນານ.
ບູນມີ
