ຮັບຊົມຄວາມງາມຂອງດອກໝັ້ນເຖື່ອນ ປົກຄຸມທົ່ວເຂດພູຜາປ່າໄມ້ ໄຕບັກ
ຍສໝ - ໃນຊຸມວັນທ້າຍປີ, ເຂດພູຜາປ່າໄມ້ ໄຕບັກ ຢູ່ບັນດາແຂວງ ຄື: ອຽນບ໊າຍ, ລາວກາຍ ເລີ່ມຕ້ອນຮັບບຸນເຕັດກ່ອນປົກກະຕິ ດ້ວຍສີບົວທີ່ສວຍງາມຂອງດອກໝັ້ນເຖື່ອນ.
 |
| ໄຕບັກ ໃນຊຸມວັນທ້າຍປີ, ຢູ່ທົ່ວທຸກເຂດໂນນພູເຕັມໄປດ້ວຍສີບົວຂອງດອກໝັ້ນເຖື່ອນ |
 |
| ດອກໝັ້ນເຖື່ອນແມ່ນຕົ້ນປະເພດລຳ, ເຊິ່ງຈະເກີດ ແລະ ບານພຽງແຕ່ຢູ່ລະດັບສູງກ່ວາ 1000 ແມັດ ເມື່ອທຽບໃສ່ໜ້ານ້ຳທະເລ. ນີ້ແມ່ນດອກໄມ້ປ່າຊະນິດໜຶ່ງ ຂຶ້ນກັບຊະນິດດອກຄາຍ. |
 |
| ດອກຈະບານສະພັ່ງຍາມທ້າຍເດືອນພະຈິກ, ຕົ້ນເດືອນທັນວາ, ກ່ອນດອກສະກຸຣະບານປະມານ 1 ເດືອນ. ໂດຍແມ່ນສິ່ງທີ່ເປັນເອກະລັກສະເພາະຂອງເຂດພູຜາໄປ່ໄມ້ ໄຕບັກ ຈິ່ງມີ. |
 |
| ຕົ້ນລະດູ, ດອກໝັ້ນເຖື່ອນບໍ່ທັນບານຫຼາຍ. ເລີ່ມດ້ວຍພົ້ວນ້ອຍຢູ່ຍອດຕົ້ນໄມ້. ແຕ່ຫຼັງຈາກນັ້ນພຽງແຕ່ອາທິດໜຶ່ງ, ທົ່ວທຸກແຫ່ງຈະຖືກປົກຄຸມດ້ວຍສີບົວທີ່ພົ້ນເດັ່ນເຮັດໃຫ້ທຸກຄົນປະທັບໃຈ. |
 |
| ສຳລັບຊາວເຜົ່າມົ້ງຢູ່ມູ່ກັງຈາຍ, ເມື່ອເຫັນດອກໝັ້ນເຖື່ອນ ກໍໝາຍຄວາມວ່າລະດູບານໃໝ່ວຽນມາແລ້ວ. |
 |
| ບໍ່ພຽງແຕ່ຢູ່ເຂດພູຜາປ່າໄມ້ໄດ້ປ່ຽນເສື້ອໃໝ່ເທົ່ານັ້ນ, ເຮືອນຫຼັງຕ່າງໆຂອງປະຊາຊົນເກືອບທັງໝົດຢູ່ໃນບ້ານລ້ວນແຕ່ໄດ້ປົກຄຸມດ້ວຍດອກຄາຍທີ່ເກົ່າແກ່ຢູ່ເທິງຫຼັງຄາ. |
 |
| ເບິ່ງແຕ່ໄກ, ເຮືອນຫຼັງຕ່າງໆໄດ້ປົກຄຸມໄປດ້ວຍໝອກ. |
 |
| ເພື່ອລ່າດອກໝັ້ນເຖື່ອນ, ແຂກທ່ອງທ່ຽວສາມາດເດີນທາງລຽບຕາມເສັ້ນທາງຫຼວງ ເລກທີ 32, ຈາກ ທານອວຽນ ໄປຍັງ ເງ້ຍໂລ, ຢູ່ກິ່ວເຄົ້າພະ ຫຼື ຢູ່ກາງໂນນພູ, ເຊິ່ງແມ່ນສະຖານທີ່ພັກພາອາໄສຂອງຊາວເຜົ່າມົ້ງ. |
 |
| ດອກໄມ້ມັກເກີດຂຶ້ນແບບທຳມະຊາດຢູ່ຕາແສງ ນ້ຳຂັດ, ປູງລວງ ຫຼື ເຢຊູຟິງ, ຫຼາຍທີ່ສຸດຢູ່ຕາແສງລາປານເຕິນ. ຫຼືຢູ່ ອີຕີ, ລາວກາຍ. |
 |
| ເວລາງາມທີ່ສຸດເພື່ອຖ່າຍຮູບດອກໝັ້ນເຖື່ອນແມ່ນຍາມຮຸ່ງເຊົ້າ ແລະ ຍາມສາຍັນ, ຫຼືເມື່ອມີແສງແດດສ່ອງຜ່ານ. |
 |
| ໄຕບັກ ຍາມລະດູດອກໝັ້ນເຖື່ອນ, ມີທິວທັດທຳມະຊາດທີ່ເຮັດໃຫ້ທຸກໆຄົນຜູ້ໃດຮັບຊົມກໍ່ຮູ້ສຶກປະທັບໃຈຕໍ່ຄວາມງາມຂອງທຳມະຊາດ. |
ບຸນຄົງ
