ຊາຍແດນຜູກພັນ, ພູນຄູນສ້າງສາຍພົວພັນມິດຕະພາບອັນພິເສດ ຫວຽດ - ລາວ

	ກະຊວງການເງິນ ຫວຽດນາມ - ລາວ ເຊັນຂໍ້ຕົກລົງການຮ່ວມມື ໄລຍະ 2026-2030
	ພຸດທະສາສະໜາ ປະກອບສ່ວນເພີ່ມທະວີສາຍພົວພັນອັນພິເສດ ຫວຽດນາມ - ລາວ

ມອບຕົ້ນແນວພັນກາເຟ ໃຫ້ແກ່ປະຊາຊົນບ້ານ ມ່ວງນ້ຳ, ຕາແສງ ມ່ວງນ້ຳ, ເມືອງ ຊຽງຄໍ້, ແຂວງ ຫົວພັນ (ລາວ). (ພາບ: ກວາງກວຽດ - TTXVN)

ຊາຍແດນຜູກພັນ

ປັດຈຸບັນ ບ້ານ ມ່ວງນ້ຳ ມີ 140 ຄົວເຮືອນ; ເສດຖະກິດ ແລະ ລາຍຮັບຕົ້ນຕໍ ແມ່ນມາຈາກການປູກສາລີ, ມັນຕົ້ນ ແລະ ການລ້ຽງສັດແບບຄອບຄົວ ດັ່ງນັ້ນ ອັດຕາຄົວເຮືອນທຸກຍາກແມ່ນຍັງສູງ. ເພື່ອຊ່ວຍເຫຼືອຄົວເຮືອນປະຊາຊົນຢູ່ແຫ່ງນີ້ ໃຫ້ສາມາດກ້າວຂຶ້ນພັດທະນາເສດຖະກິດ, ພະນັກງານ ແລະ ນັກຮົບ ຄ້າຍທະຫານຊາຍແດນ ຈ່ຽງເຕືອງ ໄດ້ຕັ້ງໜ້າສະຫງົບບໍລິຈາກ ແລະ ລະດົມແຫຼ່ງທຶນຈາກສັງຄົມ ເພື່ອມອບຕົ້ນແນວພັນກາເຟ 6.200 ຕົ້ນ ແລະ ຝຸ່ນ 500 ກິໂລກຣາມ ໃຫ້ແກ່ປະຊາຊົນ. ຫົວໜ່ວຍດັ່ງກ່າວ ຍັງໄດ້ລົງມືແນະນຳປະຊາຊົນໂດຍກົງ ກ່ຽວກັບເຕັກນິກການປູກ, ການບົວລະບັດຮັກສາ ແລະ ການປ້ອງກັນຕ້ານພະຍາດສັດຕູພືດໃຫ້ແກ່ຕົ້ນກາເຟ. ຍ້ອນແນວນັ້ນ, ເຂົາເຈົ້າຈຶ່ງສາມາດກຳແໜ້ນຮູບແບບ ແລະ ເຕັກນິກການເພາະປູກທີ່ມີປະສິດທິຜົນ, ສອດຄ່ອງກັບເງື່ອນໄຂສະພາບອາກາດ ແລະ ພື້ນດິນຂອງທ້ອງຖິ່ນ.

ອີງຕາມການໃຫ້ຮູ້ຂອງ ຮ້ອຍເອກ ວ່າງອານຸ (Vàng A Nu), ຫົວໜ້າກອງຂົນຂວາຍມວນຊົນ (ຄ້າຍທະຫານຊາຍແດນ ຈ່ຽງເຕືອງ), ກ່ອນທີ່ຈະຜັນຂະຫຍາຍຮູບແບບວຽກງານຂົນຂວາຍປະຊາຊົນແບບຄ່ອງແຄ່ວ “ແບ່ງປັນຄວາມຮັກແພງ, ຊາຍແດນຜູກພັນ”, ທາງຫົວໜ່ວຍໄດ້ເດີນທາງໄປບ້ານ ມ່ວງນ້ຳ ຫຼາຍຄັ້ງ ເພື່ອສຳຫຼວດເງື່ອນໄຂສະພາບອາກາດ, ພື້ນດິນ, ຊອກຮູ້ນິໄສການເພາະປູກ ແລະ ຄວາມມຸ່ງມາດປາດຖະໜາຂອງປະຊາຊົນ. ບົນພື້ນຖານດັ່ງກ່າວ, ຫົວໜ່ວຍໄດ້ປະສານງານຮ່ວມກັບຄະນະພັກ, ອຳນາດການປົກຄອງຕາແສງ ລ້ອງເພືອງ (Lóng Phiêng), ແຂວງ ເສີນລາ (Sơn La) ລະດົມແຫຼ່ງທຶນຈາກສັງຄົມ ເພື່ອຊື້ຕົ້ນແນວພັນກາເຟ ແລະ ຝຸ່ນ ສະໜັບສະໜູນໃຫ້ແກ່ຄົວເຮືອນປະຊາຊົນຂອງປະເທດເພື່ອນບ້ານ. ປັດຈຸບັນ, ຮູບແບບດັ່ງກ່າວພວມໄດ້ຮັບການຜັນຂະຫຍາຍທົດລອງຢູ່ 4 ຄົວເຮືອນ ດ້ວຍເນື້ອທີ່ປະມານ 3 ເຮັກຕາ. ເພື່ອຄວາມສະດວກໃຫ້ແກ່ການຖ່າຍທອດ ແລະ ແນະນຳເຕັກນິກ, ຄ້າຍທະຫານຊາຍແດນ ຈ່ຽngເຕືອງ ໄດ້ຄັດເລືອກເອົາບັນດາຄົວເຮືອນທີ່ມີເນື້ອທີ່ເພາະປູກໄຮ່ນາຢູ່ໃກ້ຄຽງກັນ.

ໃນຖານະເປັນຜູ້ແນະນຳປະຊາຊົນປະເທດເພື່ອນບ້ານປູກຕົ້ນກາເຟໂດຍກົງ, ພັນຕີ ທະຫານວິຊາຊີບ ເຈິ່ນ ຮວ່າງ ລຳ (Trần Hoàng Lâm) (ກອງຂົນຂວາຍມວນຊົນ, ຄ້າຍທະຫານຊາຍແດນ ຈ່ຽງເຕືອງ) ໄດ້ແບ່ງປັນວ່າ, ນີ້ແມ່ນຄັ້ງທຳອິດ ທີ່ປະຊາຊົນບ້ານ ມ່ວງນ້ຳ ໄດ້ເຂົ້າເຖິງ ແລະ ປູກຕົ້ນກາເຟ ດັ່ງນັ້ນຈຶ່ງຍັງມີຄວາມເຂີນອາຍ ແລະ ແປກໃໝ່ຫຼາຍ. ຍ້ອນເຫດນັ້ນ, ພະນັກງານ ແລະ ນັກຮົບຂອງຄ້າຍ ຈຶ່ງໄດ້ແນະນຳຢ່າງລະອຽດລະອໍ, ນັບຕັ້ງແຕ່ວິທີການດຶງເຊືອກ, ການວັດແທກໄລຍະຫ່າງລະຫວ່າງຕົ້ນ, ແຖວຕໍ່ແຖວໃຫ້ສອດຄ່ອງກັບຄວາມຄ້ອຍຊັນ ກໍຄືວິທີການຂຸດຂຸມໃຫ້ຖືກຄວາມເລິກ, ວິທີການປະສົມຝຸ່ນກັບດິນເພື່ອຮອງກົ້ນຂຸມກ່ອນຈະວາງເບ້ຍໄມ້ ແລະ ວິທີການຖົມດິນ, ສ້າງຮ່ອງລະບາຍນ້ຳ, ຮັກສາການຫົດນ້ຳ ເພື່ອຮັບປະກັນຄວາມຊຸ່ມຊື່ນໃຫ້ພຽງພໍ ຊ່ວຍໃຫ້ຕົ້ນໄມ້ຈະເລີນເຕີບໂຕ ແລະ ຂະຫຍາຍຕົວໄດ້ດີ.

ເປັນໜຶ່ງພາຍໃດຄົວເຮືອນປະຊາຊົນ ທີ່ໄດ້ຮັບການສະໜັບສະໜູນຕົ້ນແນວພັນກາເຟ, ທ່ານ ຟ່າງລາວມົວ (Phàng Lao Mùa), ນາຍບ້ານ ມ່ວງນ້ຳ ໄດ້ສະແດງຄວາມດີອົກດີໃຈ ແລະ ໃຫ້ຮູ້ວ່າ, ປະຊາຊົນພາຍໃດບ້ານຕົ້ນຕໍແມ່ນປູກສາລີ, ມັນຕົ້ນ, ລາຍຮັບແມ່ນບໍ່ແນ່ນອນ, ຊີວິດການເປັນຢູ່ຍັງມີຄວາມຫຍຸ້ງຍາກ ແລະ ອິດເມື່ອຍຫຼາຍ. ໄດ້ຮັບການສະໜັບສະໜູນຕົ້ນແນວພັນ ແລະ ແນະນຳເຕັກນິກການປູກ, ການບົວລະບັດຮັກສາຈາກ ທະຫານຊາຍແດນແຂວງ ເສີນລາ (ຫວຽດນາມ) ດັ່ງນັ້ນ ຄອບຄົວຂອງເພິ່ນ ກໍຄືປະຊາຊົນພາຍໃດບ້ານ ຕ່າງກໍມີຄວາມປືຕິຍິນດີ ແລະ ຊາບຊຶ້ງໃຈເປັນຢ່າງຍິ່ງ. ນີ້ແມ່ນແຫຼ່ງກຳລັງໃຈອັນໃຫຍ່ຫຼວງ ເພື່ອໃຫ້ປະຊາຊົນພັດທະນາການຜະລິດ, ປັບປຸງຊີວິດການເປັນຢູ່. ເພິ່ນຈະຕັ້ງໜ້າໂຄສະນາ, ປຸກລະດົມປະຊາຊົນພາຍໃດບ້ານ ບົວລະບັດຮັກສາຕົ້ນກາເຟໃຫ້ບັນລຸປະສິດທິຜົນ, ສະມັດຖະພາບສູງ, ນຳມາຊຶ່ງລາຍຮັບອັນໝັ້ນຄົງພາຍໃດບັນດາປີຕໍ່ໜ້າ.

ພາຍຫຼັງການຜັນຂະຫຍາຍໄລຍະໜຶ່ງ, ຮອດປັດຈຸບັນ, ຕົ້ນກາເຟແມ່ນຈະເລີນເຕີບໂຕ ແລະ ຂະຫຍາຍຕົວໄດ້ດີ. ເຖິງຢ່າງໃດກໍຕາມ, ບັນດາພະນັກງານ ແລະ ນັກຮົບ ຄ້າຍທະຫານຊາຍແດນ ຈ່ຽງເຕືອງ ຍັງຄົງສືບຕໍ່ຮ່ວມເດີນທາງ, ແນະນຳປະຊາຊົນລາວປະເທດເພື່ອນບ້ານ ບົວລະບັດຮັກສາ, ຕິດຕາມ ແລະ ຕີລາຄາປະສິດທິຜົນ ເພື່ອກ້າວໄປຮອດການຂະຫຍາຍຮູບແບບດັ່ງກ່າວເປັນກ້າວໆ.

ພູນຄູນສ້າງສາຍພົວພັນມິດຕະພາບອັນພິເສດ ຫວຽດນາມ - ລາວ

ນອກຈາກການສະໜັບສະໜູນບັນດາຮູບແບບຊ່ວຍເຫຼືອຊີວິດການເປັນຢູ່ ໄຂທິດທາງການພັດທະນາເສດຖະກິດໃໝ່ໃຫ້ແກ່ປະຊາຊົນເຂດຊາຍແດນລາວແລ້ວ, ບັນດາກິດຈະກຳແຮກສ່ຽວ, ການແລກປ່ຽນ ແລະ ການປະສານງານຄຸ້ມຄອງ, ປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ ກໍພວມໄດ້ຮັບການເສີມຂະຫຍາຍຢ່າງມີປະສິດທິຜົນ ຈາກຄ້າຍທະຫານຊາຍແດນ ຈ່ຽງເຕືອງ; ໂດຍຜ່ານນັ້ນ, ກໍໄດ້ພູນຄູນສ້າງຕື່ມອີກ ສາຍພົວພັນຄວາມສາມັກຄີ, ມິດຕະພາບ ລະຫວ່າງ ປະຊາຊົນ ແລະ ກຳລັງປົກປັກຮັກສາຊາຍແດນຂອງສອງປະເທດ.

ປັດຈຸບັນ, ຄ້າຍທະຫານຊາຍແດນ ຈ່ຽງເຕືອງ ໄດ້ຮັກສາຢ່າງມີປະສິດທິຜົນ ບັນດາຄູ່ບ້ານແຮກສ່ຽວ ຢູ່ຕາແສງຊາຍແດນ ລ້ອງເພືອງ (ແຂວງ ເສີນລາ) ແລະ ເມືອງ ຊຽງຄໍ້ (ແຂວງ ຫົວພັນ, ລາວ), ລວມມີ: ກໍ່ເຈັ່ຍ (Cò Chịa), ນາໝ່ວງ (Nà Mùa) ຮ່ວມກັບ ຫົວພູ (Hua Pù); ດິນຈີ (Đin Chí) ຮ່ວມກັບ ປ່າຄອມນ້ອຍ (Pa Khôm Nọi); ປ່າຄອມ (Pa Khôm) ຮ່ວມກັບ ມ່ວງນ້ຳ (Móng Nặm). ປະຊາຊົນສອງຝ່າຍ ຍາມໃດກໍແລກປ່ຽນບົດຮຽນປະສົບການພັດທະນາເສດຖະກິດ, ການເພາະປູກ, ການລ້ຽງສັດ, ແຈ້ງຂໍ້ມູນສະພາບການພາຍໃດທ້ອງຖິ່ນ; ປະສານງານກັນໂຄສະນາໃຫ້ປະຊາຊົນປະຕິບັດຢ່າງເຂັ້ມງວດ ບັນດາຂໍ້ກຳນົດວ່າດ້ວຍການຄຸ້ມຄອງ, ປົກປັກຮັກສາຊາຍແດນຂອງສອງປະເທດ. ນອກຈາກນັ້ນ, ບັນດາກິດຈະກຳແລກປ່ຽນວັດທະນະທຳ, ວັນນະຄະດີ, ກິລາ ແມ່ນໄດ້ຮັບການຮັກສາ, ເປັນພິເສດແມ່ນພາຍໃດບັນດາວັນບຸນ, ວັນບຸນປີໃໝ່; ໂດຍຜ່ານນັ້ນ, ສ້າງໂອກາດໃຫ້ປະຊາຊົນຊາຍແດນສອງປະເທດ ມີໂອກາດໄດ້ພົບປະ, ຮັດແໜ້ນສາຍພົວພັນຄວາມສາມັກຄີ ແລະ ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື ແລະ ການພັດທະນາ.

ທ່ານ ວຽງທອງ ວົງລໍຄຳ, ຮອງເລຂາຄະນະພັກຕາແສງ ມ່ວງນ້ຳ ໃຫ້ຮູ້ວ່າ, ຫຼາຍປີຜ່ານມາ, ຄ້າຍທະຫານຊາຍແດນ ຈ່ຽງເຕືອງ ແລະ ອຳນາດການປົກຄອງຕາແສງ ລ້ອງເພືອງ (ແຂວງ ເສີນລາ) ຍາມໃດກໍເອົາໃຈໃສ່ສະໜັບສະໜູນປະຊາຊົນ ຢູ່ບົນເຂດແຄວ້ນຂອງຕາແສງ. ບັນດາແຜນງານສະໜັບສະໜູນພັດທະນາການຜະລິດ, ການຢ້ຽມຢາມ, ມອບຂອງຂວັນ, ການແລກປ່ຽນວັດທະນະທຳ, ວັນນະຄະດີ, ບັນດາບ້ານແຮກສ່ຽວ ໄດ້ນຳມາຊຶ່ງປະສິດທິຜົນຕົວຈິງ; ປະກອບສ່ວນຍົກສູງຊີວິດການເປັນຢູ່ຂອງປະຊາຊົນ ແລະ ເພີ່ມທະວີສາຍພົວພັນຄວາມສາມັກຄີລະຫວ່າງສອງຝ່າຍ.

ຄຽງຄູ່ກັນນັ້ນ, ຄ້າຍທະຫານຊາຍແດນ ຈ່ຽງເຕືອງ ຍັງໄດ້ຮັກສາຢ່າງມີປະສິດທິຜົນ ຮູບແບບແຮກສ່ຽວຮ່ວມກັບ ກອງຮ້ອຍທະຫານຊາຍແດນ 213 ແລະ ກອງຮ້ອຍທະຫານຊາຍແດນ 214 ຂອງປະເທດລາວເພື່ອນບ້ານ. ນັບຕັ້ງແຕ່ຕົ້ນປີ ຮອດກາງເດືອນມິຖຸນາ 2026, ສອງຝ່າຍໄດ້ຈັດຕັ້ງບັນດາຄັ້ງລາດຕະເວນຮ່ວມທະວິພາຄີ; ເປັນປະຈຳແລກປ່ຽນຂໍ້ມູນຂ່າວສານ, ປະສານງານຄຸ້ມຄອງ, ປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ ແລະ ຕໍ່ສູ້ປ້ອງກັນ, ຕ້ານບັນດາປະເພດອາຍາຊະຍາກຳ. ຍ້ອນແນວນັ້ນ, ບັນດາກິດຈະກຳໄດ້ປະກອບສ່ວນເຮັດໃຫ້ສະຖຽນລະພາບຄວາມໝັ້ນຄົງ, ລະບຽບຮຽບຮ້ອຍຢູ່ເຂດຊາຍແດນໄດ້ຮັບການຮັກສາ; ວຽກງານການຄຸ້ມຄອງການເຂົ້າ-ອອກເມືອງ ແມ່ນໄດ້ຮັບການຈັດຕັ້ງປະຕິບັດຢ່າງເຂັ້ມງວດ, ຖືກຕ້ອງຕາມຂໍ້ກຳນົດ.

ອີງຕາມການໃຫ້ຮູ້ຂອງ ພັນໂທ ຫງວຽນກົງລືວ (Nguyễn Công Lưu), ເສນາທິການການເມືອງ ຄ້າຍທະຫານຊາຍແດນ ຈ່ຽງເຕືອງ, ນັບຕັ້ງແຕ່ຕົ້ນປີ 2026 ຮອດປັດຈຸບັນ, ຫົວໜ່ວຍໄດ້ດຳເນີນຂັ້ນຕອນການອອກເມືອງໃຫ້ແກ່ປະຊາຊົນເກືອບ 350 ເທື່ອຄົນ ແລະ ເຂົ້າເມືອງເຂດຊາຍແດນໃຫ້ແກ່ປະຊາຊົນຫຼາຍກວ່າ 2.000 ຄົນ; ພ້ອມກັນນັ້ນ, ກໍສ້າງເງື່ອນໄຂສະດວກໃຫ້ແກ່ປະຊາຊົນສອງປະເທດ ພາຍໃດການແລກປ່ຽນຊື້ຂາຍສິນຄ້າ ແລະ ການຢ້ຽມຢາມຍາດຕິພີ່ນ້ອງ. ໄລຍະຕໍ່ໜ້າ, ຫົວໜ່ວຍຈະສືບຕໍ່ຂະຫຍາຍບັນດາຮູບແບບສະໜັບສະໜູນຊີວິດການເປັນຢູ່, ຮັກສາ ແລະ ຍູ້ແຮງກິດຈະກຳສະຫວັດດິການສັງຄົມ, ຕັ້ງໜ້າລາດຕະເວນທະວິພາຄີ, ເປັນປະຈຳແລກປ່ຽນຂໍ້ມູນຂ່າວສານຮ່ວມກັບບັນດາກຳລັງປົກປັກຮັກສາຊາຍແດນຂອງປະເທດລາວເພື່ອນບ້ານ, ປະກອບສ່ວນພູນຄູນສ້າງສາຍພົວພັນມິດຕະພາບອັນພິເສດ ຫວຽດນາມ - ລາວ.

ບັນດາໄຮ່ກາເຟ ພວມຄ່ອຍໆປົກຄຸມໄປດ້ວຍສີຂຽວ ຢູ່ຕາມເນີນພູຂອງບ້ານ ມ່ວງນ້ຳ. ສິ່ງດັ່ງກ່າວນີ້ ສຳລັບປະຊາຊົນຢູ່ແຫ່ງນີ້ ບໍ່ພຽງແຕ່ແມ່ນຄວາມຫວັງກ່ຽວກັບຊີວິດການເປັນຢູ່ທີ່ໝັ້ນຄົງ, ພັດທະນາຍິ່ງຂຶ້ນເທົ່ານັ້ນ ແຕ່ຍັງແມ່ນສັນຍະລັກແຫ່ງສາຍພົວພັນຄວາມສາມັກຄີ, ການແບ່ງປັນລະຫວ່າງປະຊາຊົນສອງປະເທດ; ພ້ອມກັນນັ້ນ, ກໍສືບຕໍ່ຢືນຢັນບົດບາດເປັນແກນນຳ ຂອງທະຫານຊາຍແດນແຂວງ ເសີນລາ ພາຍໃດວຽກງານການຕ່າງປະເທດ, ກໍ່ສ້າງທ່າສະໜາມຮົບຈິດໃຈປະຊາຊົນຢ່າງໜັກແໜ້ນ, ປົກປັກຮັກສາເສັ້ນຊາຍແດນ ຫວຽດນາມ - ລາວ ສັນຕິພາບ, ມິດຕະພາບ, ສະຖຽນລະພາບ ແລະ ການພັດທະນາ.

ຫວຽດນາມ - ລາວ ຊຸກຍູ້ການເຊື່ອມຕໍ່ພື້ນຖານໂຄງລ່າງຄົມມະນາຄົມຂົນສົ່ງຍຸດທະສາດ ຍສໝ - ເມື່ອບໍ່ດົນມານີ້, ທ່ານລັດຖະມົນຕີກະຊວງກໍ່ສ້າງ ເຈີນຮົ່ງມິງ (Tran Hong Minh) ໄດ້ມີວາລະການເຈລະຈາຂັ້ນສູງສອງຝ່າຍ ຮ່ວມກັບ ທ່ານລັດຖະມົນຕີກະຊວງໂຍທາທິການ ແລະ ຂົນສົ່ງ ແຫ່ງ ສປປ ລາວ ເຫຼັກໄຫຼ ສີວິໄລ ເພື່ອແນໃສ່ແລກປ່ຽນບັນດາເນື້ອໃນການຮ່ວມມື ພາຍໃນຂົງເຂດການກໍ່ສ້າງ ແລະ ຄົມມະນາຄົມຂົນສົ່ງ ລະຫວ່າງສອງປະເທດ.

ພົບປະແລກປ່ຽນເພີ່ມທະວີຄວາມສາມັກຄີ ນາຍທະຫານໜຸ່ມ ສາມປະເທດ ຫວຽດນາມ - ລາວ - ກຳປູເຈຍ ຍສໝ - ເມື່ອບໍ່ດົນມານີ້, ຢູ່ທີ່ຫໍວັດທະນະທຳມິດຕະພາບ ຫວຽດນາມ - ລາວ - ກຳປູເຈຍ (ຕາແສງ ບໍອີ (Bo Y), ແຂວງ ກວາງຫງາຍ (Quang Ngai)), ຄະນະຊາວໜຸ່ມກອງທັບ ໄດ້ປະສານງານຮ່ວມກັບ ຄະນະບັນຊາທະຫານຊາຍແດນແຂວງ ກວາງຫງາຍ ຈັດຕັ້ງແຜນງານພົບປະແລກປ່ຽນນາຍທະຫານໜຸ່ມ ສາມປະເທດ ຫວຽດນາມ - ...