ຂົວແກ້ວ ຣົ່ງໄມ “ມະຫັດຈັນແດນສະຫວັນ” ຢູ່ທ່າມກາງດິນຟ້າລາຍເຈົາ

	“ຂົວເຊື່ອມຕໍ່” ພື້ນຖານເສດຖະກິດ ຫວຽດນາມ-ລາວ
	ເຈື່ອງເຊີນ ຕາເວັນອອກ ຂົວເຊື່ອມຕໍ່ຖານທີ່ໝັ້ນພາກເໜືອ ແລະ ແນວໜ້າພາກໃຕ້

ບັນດາການສໍາຜັດທີ່ບໍ່ອາດພາດ

ຂົວແກ້ວຣົ່ງໄມ ຕັ້ງຢູ່ຕາແສງ ເຊີນບິງ, ເມືອງ ຕາມເດື່ອງ, ແຂວງ ລາຍເຈົາ, ຫ່າງຈາກຮ່າໂນ້ຍໄປທາງທິດເໜືອ 400 ກິໂລແມັດ, ຫ່າງຈາກສະຖານທີ່ທ່ອງທ່ຽວຊາປາ (ລາວກາຍ) 16 ກິໂລແມັດ, ຕັ້ງ​ຢູ່​ເສັ້ນທາງກິ່ວພູໂອກຸຍໂຮ່ ເຊິ່ງເປັນສະຖານທີ່ທີ່ໄດ້ຂະໜານນາມເປັນ “ເສັ້ນທາງພູສວຍງາມທີ່ສຸດຂອງຫວຽດນາມ”, ບ່ອນທີ່ໄດ້ອ້ອມຮອບດ້ວຍພູຜາ.

ການຊົມທໍາມະຊາດສວຍສົດງົດງາມຈາກຂົວແກ້ວຮົ່ງໄມຈະເປັນການສໍາຜັດທີ່ນັກທ່ອງທ່ຽວບໍ່ຄວນພາດເມື່ອມາທ່ຽວສະຖານທີ່ແຫ່ງນີ້. ເວລາຢືນຢູ່ໃນລະດັບຄວາມສູງຂອງຂົວແກ້ວ, ແລ້ວແນມເບິ່ງໄກໆ ນັກທ່ອງທ່ຽວຈະຮູ້ສຶກຕົນເອງນ້ອຍໆຢູ່ໃນພື້ນທີ່ອັນກວ້າງໃຫຍ່ໄພສານຂອງທໍາມະຊາດທີ່ບໍ່ມີບ່ອນສິ້ນສຸດດ້ວຍສີຂຽວຂອງພູເຂົາແລະ ປ່າໄມ້ທີ່ເຊື່ອງໄວ້ໃນເມກເຝື້ອໄຫຼລອຍ, ເສັ້ນທາງຄົດລ້ຽວໂງເງ, ນໍ້າຕົກຕາດ ຫຼື ຄື້ນລົມພັດວູດໆ, ເມກຂາວປົກຄຸມທັງສີ່ດ້ານ... ຈາກລະດັບຄວາມສູງກວ່າ 2.000 ແມັດ, ສະຖານທີ່ທຳມະຊາດທີ່ສວຍສົດງົດງາມໄດ້ປະກົດຂຶ້ນຕໍ່ໜ້ານັກທ່ອງທ່ຽວດ້ວຍວິທີທຳມະຊາດທີ່ສຸດ, ນັກທ່ອງທ່ຽວຫຼາຍຄົນເມື່ອມາເຖິງສະຖານທີ່ແຫ່ງນີ້ຕ້ອງເປັ່ງອອກວ່າ “ນີ້ຄືສິ່ງມະຫັດສະຈັນແດນສະຫວັນຂອງດິນຟ້າລາຍເຈົາ”.

ບໍ່ພຽງແຕ່ເທົ່ານັ້ນ, ຂົວແກ້ວຣົ່ງໄມ ຍັງເປັນທາງເລືອກທີ່ໜ້າສົນໃຈທີ່ສຸດສຳລັບນັກທ່ອງທ່ຽວທີ່ມັກຄວາມສູງ ເມື່ອສໍາຜັດການຍ່າງເທິງໜ້າຂົວທີ່ເຮັດດ້ວຍແກ້ວກັນແຕກໃສທັງໝົດ, ທັງເນື້ອຄີງເໝືອນເຄວ້ງຄວ້ງລອຍຢູ່ກາງຫາວ ຫຼື ເຂົ້າຮ່ວມເກມຜະຈົນໄພເຊັ່ນ: ​ໂດດ Bungee ​ຈາກ​ຄວາມ​ສູງ​ຂອງ​ຂົວ​ລົງ​ໄປ​ເຫວ​​ພູ, ຫຼິ້ນ zipline, paragliding, ຍ່າງ​ເທິງ​ຂົວ ດົກໂມກ... ບໍ່​ພຽງ​ແຕ່ມີທິວທັດ​ທຳ​ມະ​ຊາດ​ສວຍສົດງົດ​ງາມ​ເທົ່າ​ນັ້ນ, ສະຖານທີ່​ແຫ່ງນີ້​ຍັງ​ເປັນ​ບ່ອນຢູ່​ຂອງ 16 ຊົນ​ເຜົ່າ​ອີກດ້ວຍ.

ການສໍາຜັດຕົວຈິງຂອງການບໍລິການ

ມາ​ຮອດ​ຂົວ​ແກ້ວ​ຣົ່ງໄມ, ນັກ​ທ່ອງ​ທ່ຽວ​ສາມາດ​ເລືອກກິນ​ອາ​ຫານ​ທີ່ໄດ້ລ້ຽງປູກ ແລະ ປຸງແຕ່ງໂດຍຊາວ​ທ້ອງ​ຖິ່ນ​ ເຊັ່ນ: ໝູມົ້ງຊາປາ, ປາ​ປີ້ງ, ​ໄກ່ບ້ານ, ເຂົ້າ​ໜຽວ​, ຜັກ​ນາໆ​ຊະນິດ ​ແລະ ໝາກ​ໄມ້​ທີ່​ໄດ້​ຮັບ​ການ​ຫຼໍ່​ລ້ຽງ​ຈາກ​ພູຜາ ແລະ ປ່າດົງ ຫຼື ຊີມລາບປາເຊມອນ ແລະ ແກງປາລວມມິດທີ່ລ້ຽງດ້ວຍນ້ໍາສະອາດທີ່ລາຍເຈົາ ຢູ່ທ່າມກາງບັນຍາກາດທີ່ເຢັນສະບາຍຂອງສະຖານທີ່ແຫ່ງນີ້.

ນອກຈາກອາຫານທີ່ເປັນເອກະລັກສະເພາະແລ້ວ, ຂົວແກ້ວຣົ່ງໄມ ຍັງມີ Bungalow ເຊິ່ງເປັນບ່ອນພັກຜ່ອນທີ່ຫຼູຫຼາ, ສະດວກສະບາຍ ແລະ ເປັນສ່ວນຕົວ ເຊິ່ງມີວິວແມ່ນເປີ້ນພູ, ສ້າງພື້ນທີ່ສ່ວນຕົວໃຫ້ໄວໜຸ່ມ ຫຼື ຄອບຄົວທີ່ຢາກພັກຜ່ອນ. ຈາກພື້ນທີ່ bunglow ແລະໂຮງແຮມ ທ່ານສາມາດຊົມວິວທັງໝົດຂອງຂົວແກ້ວຮົ່ງໄມ ກັບອາກາດສີ່ລະດູໃນປີ.

ບັນດາເຫດຜົນທີ່ກ່າວມາຂ້າງເທິງນັ້ນພຽງພໍເພື່ອໃຫ້ທ່ານເລືອກມາທ່ຽວຂົວແກ້ວລາຍເຈົາໃນການເດີນທາງໄປເຂດພູດອຍ - ຕາເວັນຕົກສ່ຽງເຫນືອແລ້ວບໍ? ຖ້າເຈົ້າເລືອກມາທ່ຽວຂົວແກ້ວລາຍເຈົາ ແລ້ວກໍຢ່າພາດໂອກາດໄປຄົ້ນຫາສະຖານທີ່ທີ່ໜ້າຈັບໃຈແຫ່ງນີ້! ຂໍໃຫ້ທ່ານມີການເດີນທາງທີ່ຫນ້າຈົດຈໍາຢູ່ເຂດດິນແດນທີ່ສວຍງາມແຫ່ງນີ້.