ຕອນບ່າຍວັນທີ 14 ກັນຍາ, ທີ່ກອງ 871 (ກົມໃຫຍ່ການເມືອງ), ສະຖາບັນຍຸດທະສາດປ້ອງກັນຊາດ ໄດ້ຈັດພິທີເປີດຊຸດຝຶກອົບຮົມການຄົ້ນຄວ້າ ຍຸດທະສາດການທະຫານໃຫ້ແກ່ກອງທັບລາວ, ຊຸດທີ 5.
 |
| ທ່ານພັນຕີ ບົວໄທ ມິ່ງເມືອງອາດ, ຫົວໜ້າຄະນະພະນັກງານກົມວິທະຍາສາດ-ປະຫວັດສາດການທະຫານ, ກະຊວງປ້ອງກັນປະເທດລາວ. ພາບ: thoidai.com.vn |
ກ່າວຄໍາເຫັນທີ່ພິທີໄຂ, ທ່ານພົນຈັດຕະວາ ຫງວຽນວັນເທິນ, ຮອງຫົວໜ້າ ສະຖາບັນຍຸດທະສາດປ້ອງກັນຊາດ ໃຫ້ຮູ້ວ່າ: ຊຸດຝຶກອົບຮົມດັ່ງກ່າວໄດ້ຈັດຂຶ້ນ ເປັນເວລາ 1 ເດືອນແນໃສ່ບໍາລຸງສ້າງ, ຍົກສູງລະດັບ ຄວາມຮູ້ ແລະວິທີການ ຄົ້ນຄວ້າຍຸດທະສາດປ້ອງກັນຊາດ, ຍຸດທະສາດ ການທະຫານໃຫ້ພະນັກງານ ກົມວິທະຍາສາດ-ປະຫວັດສາດການທະຫານ, ກະຊວງ ປ້ອງກັນປະເທດລາວ. ຜ່ານຊຸດຝຶກອົບຮົມ, ບັນດານັກສໍາມະນາກອນມີໂອກາດຄົ້ນຄວ້າ, ຮໍ່າຮຽນ, ແລກປ່ຽນບົດຮຽນກັບພະນັກງານ, ຄູອາຈານຂອງສະຖາບັນ ຍຸດທະສາດປ້ອງກັນຊາດ ຫວຽດນາມ, ພ້ອມທັງໄປຄົ້ນຄວ້າຕົວຈິງຢູ່ບາງກົມກອງ.
ທ່ານພັນຕີ ບົວໄທ ມິ່ງເມືອງອາດ, ຫົວໜ້າຄະນະພະນັກງານກົມວິທະຍາສາດ-ປະຫວັດສາດການທະຫານ, ກະຊວງປ້ອງກັນປະເທດລາວ ຢັ້ງຢືນວ່າບັນດານັກສໍາມະນາກອນຕັດສິນໃຈແກ້ໄຂທຸກຄວາມຫຍຸ້ງຍາກ, ສາມັກຄີ, ຊ່ວຍເຫຼືອເຊິ່ງກັນ ແລະກັນໃນການຮໍ່າຮຽນ, ກຳແໜ້ນເນື້ອໃນທີ່ໄດ້ຮັບການຝຶກອົບຮົມເພື່ອນຳເອົາຄວາມຮູ້ມາຮັບໃຊ້ກອງທັບ ແລະປະເທດຊາດ, ພ້ອມທັງສືບຕໍ່ເພີ່ມພູນຄູນສ້າງນໍ້າໃຈສາມັກຄີ, ມິດຕະພາບແບບພິເສດລະຫວ່າງປະຊາຊົນສອງປະເທດ, ສອງກອງທັບຫວຽດນາມ-ລາວ.
ບູນມີ
