| ມານະພະຍາຍາມຫັນຂໍ້ຕົກລົງລະຫວ່າງອົງການແນວໂຮມສອງປະເທດ ຫວຽດນາມ - ລາວ ໃຫ້ປະກົດຜົນເປັນຈິງ | |
| ນະຄອນໂຮ່ຈິມິນ ລະນຶກເຖິງພີ່ນ້ອງຮ່ວມຊາດທີ່ເສຍຊີວິດຍ້ອນພະຍາດໂຄວິດ-19 |
ພິທີສູດອະນິດຈາ ເພື່ອຕອບບຸນແທນຄຸນບັນດານັກຮົບອາສາສະໝັກ, ນັກຊ່ຽວຊານຫວຽດນາມ ແລະ ທະຫານລາວທີ່ເສຍສະຫຼະຊີວິດເພື່ອຊາດ ໃນການຕໍ່ສູ້ຕ້ານສັດຕູໂຕດຽວກກັນ, ພ້ອມກັນນັ້ນ ກໍ່ເພື່ອໃຫ້ລຸ້ນໜຸ່ມຂອງສອງປະເທດ ໄດ້ເຂົ້າໃຈເຖິງຄຸນຄ່າຄວາມສັນຕິພາບ. ນີ້ແມ່ນຄັ້ງທຳອິດທີ່ພິທີສູດອະນິດຈາ ໄດ້ຈັດຕັ້ງຮ່ວມກັນໂດຍສອງປະເທດ.
ສວດມົນອະທິຖານດ້ວຍຄວາມຈິງໃຈ
ແຕ່ຕອນຮຸ່ງເຊົ້າວັນທີ 24 ກໍລະກົດນີ້, ອາກາດຮ້ອນອົບເອົ້າ, ເສັ້ນທາງໄກ, ພູສູງ, ປະຊາຊົນທ້ອງຖິ່ນນັບພັນຄົນມາຈາກ 21 ບ້ານຂອງໂພນສະຫວັນ (ແຂວງຊຽງຂວາງ), ປະຊາຊົນທຸກຊັ້ນວັນນະ ແລະ ຊາວຫວຽດນາມ ທີ່ພວມດຳລົງຊີວິດ ແລະ ເຮັດວຽກຢູ່ແຂວງຊຽງຂວາງ ເປັນຈຳນວນຫຼວງຫຼາຍ ໄດ້ເຕົ້າໂຮມກັນຢູ່ຫໍບູຊານັກຮົບອາສາສະໝັກຫວຽດນາມ - ລາວ ທີ່ເສຍສະຫຼະຊີວິດໃນປາງສົງຄາມ ເພື່ອເຂົ້າຮ່ວມພິທີສູດອະນິດຈາ.
 |
| ບັນດາພະສົງລາວເຮັດພິທີສູດອະນິດຈາຕາມສາສະໜາລາວ. ພາບ: ກີມເທື່ອຍ |
ມາທີ່ນີ້້ ຍັງມີນັກຮົບເກົ່າ, ທະຫານອາສາສະໝັກ ແລະ ນັກຊ່ຽວຊານ ຫວຽດນາມ ທີ່ເຄີຍເຮັດວຽກ ແລະ ຕໍ່ສູ້ຢູ່ລາວ.
ຕາມຂໍ້ມູນຈາກປະທານສະມາຄົມຊາວຫວຽດນາມ ແຂວງຊຽງຂວາງ ແລະ ຄະນະຄຸ້ມຄອງຫໍບູຊາ ໃຫ້ ຮູ້ວ່າ: ພິທີສູດອະນິດຈາ ໄດ້ເລີ່ມພິທີໃນຕອນເຊົ້າ ເວລາ 7ໂມງ30ນາທີ ແລະ ແກ່ຍາວຮອດເວລາ 17ໂມງຂອງວັນດຽວກັນ. ເຂົ້າຮ່ວມພິທີດັ່ງກ່າວມີເຂົາອາວາດ ຫວຽດນາມ - ລາວ 21 ອົງ, ພະສົງສຳມະເນນເກືອບ 100 ອົງ ແລະ ພຸດທະສາສະນິກະຊົນປະມານ 3.500 ຄົນທີ່ມາຈາກສອງປະເທດ ໄດ້ເຂົ້າຮ່ວມໃນພິທີ. ຢູ່ທີ່ນີ້, ແມ່ເຖົ້າ, ພີ່ປ້່ນ້າອາໄດ້ພ້ອມກັບລູກຫລານນຸ່ງຊຸດອາພອນປະຈຳຊາດ, ໃນມືຖືຕຸກນ້ຳ, ດອກໄມ້ສົດ, ເຂົ້າໜຽວຕາມຮີດຄອງປະເພນີຂອງລາວ ເພື່ອລະນຶກເຖິງວິລະຊົນ ແລະ ຜູ້ເສຍຊີວິດເພື່ອຊາດ. ບັນດາສະມາຄົມ ແລະ ຄະນະຜູ້ແທນຫວຽດນາມ ໄດ້ເຂົ້າຮ່ວມພິທີຕາມຮີດຄອງປະເພນີຂອງຫວຽດນາມ.
ທ່ານນາງ ກ່ຽວຖິຫັ່ງຝູກ, ຜູ້ຕາງໜ້າສະຖານກົງສຸນໃຫຍ່ ຫວຽດນາມ ປະຈຳ ແຂວງ ຫຼວງພະບາງ ໃຫ້ຮູ້ວ່າ: “ໃນໄລຍະຕໍ່ສູ້ຢ່າງດຸເດືອດ ແລະ ທຸກຍາກລຳບາກທີ່ສຸດ ເພື່ອຍາດເອົາຄວາມເອກະລາດໃຫ້ຫວຽດນາມ - ລາວ ນັ້ນ, ມີພະນັກງານ, ນັກຮົບ ແລະ ອາສາສະໝັກຫວຽດນາມ ໄດ້ເສຍສະຫຼະຊີວິດຢ່າງພິລະອາດຫານ ຢູ່ສະໜາມຮົບຂອງລາວ”.
ຕາມຜູ້ຕາງໜ້າສະຖານກົງສູນໃຫຍ່ຫວຽດນາມ ປະຈຳແຂວງຫຼວງພະບາງ ແລ້ວ, ສະໜາມຮົບທົ່ງໄຫຫີນຊຽງຂວາງ, ແຂວງຊຽງຂວາງ, ແຂວງໄຊສົມບູນ ແລະ ແຂວງວຽງຈັນ ມີບັນດານັກຮົບ, ອາສາສະໝັກ ແລະ ນັກຊ່ຽວຊານທະຫານຫວຽດນາມ 15.000 ກວ່າຄົນ ໄດ້ເສຍສະຫຼະຊີວິດຢ່າງພິລະອາດຫານ. ມາຮອດປະຈຸບັນ, ຍັງມີທະຫານຫວຽດນາມ ນັບພັນຄົນ ນອນຢູ່ໃນລາວ.
ທ່ານ ຮ່າວັນແກັງ, ປະທານສະມາຄົມຊາວຫວຽດນາມ ແຂວງຊຽງຂວາງ ໃຫ້ຮູ້ວ່າ: “ບໍ່ມີບ່ອນໃດຢູ່ລາວ ທີ່ບໍ່ມີຮອຍຕີນ ແລະ ເລືອດເນື້ອຂອງທະຫານອາສາສະໝັກຫວຽດນາມ. ມີຜູ້ເສຍຊີວິດເກືອບ 17.000 ຄົນຢູ່ພູພຽງຊຽງຂວາງ, ໃນນັ້ນ, ສົບຂອງຜູ້ເສຍຊີວິດ 6.000 ຄົນ ຍັງຄົງຢູ່ທີ່ນີ້, ພວກເຂົສຢູ່ບ່ອນໃດບ່ອນໜຶ່ງໃນສະໜາມຮົບປາງກ່ອນ, ຢູ່ໜ່ວຍພູແປກ ຫຼື ໃນຂ້າງໝູ່ບ້ານ.
ໂດຍຕາງໜ້າໃຫ້ຄະນະຜູ້ແທນບັນດາອາດີດນັກຮົບອາສາສະໝັກ ແລະ ນັກຊ່ຽວຊານຫວຽດນາມ ທີ່ຕໍ່ສູ້ຢູ່ລາວ, ທ່ານພັນເອກ ເຈີ່ນດັກຟອງ ໄດ້ອ່ານຄຳອາໄລຫາ. ໃນນັ້ນມີຕອນຂຽນວ່າ: “ຂໍຖະຫວາຍທູບທຽນອາໄລຫາ, ສະແດງນ້ຳໃຈພາວະນາຂໍໃຫ້ດວງວິນຍານຂອງບັນດາວິລະຊົນຜູ້ເສຍສະຫຼະຊີວິດເພື່ອຊາດ ທີ່ພວມຢູ່ໃນປະເທດ ລາວ-ຫວຽດນາມ ໄປສູ່ສຸຂະຕິພົບດ້ວຍເທີ້ນ…”.
ປະຊາຊົນສອງປະເທດຫົວໃຈດຽວກັນ
ຫລາຍຄົນເລ່ົາວ່າ, ປີ 2007, ໃນຄັ້ງການຢ້ຽມຢາມບ້ານຍຢວນ (ເມືອງ ແປກ, ແຂວງຊຽງຂວາງ, ລາວ) ເພື່ອເຮັດວຽກ, ພະອາຈານ ທິ້ກຫງວຽນເທາະ, ຫົວໜ້າຄະນະບໍລິຫານງານສາສະໜາພຸດຫວຽດນາມ ຢູ່ ແຂວງ ບ່າເຣ້ຍ-ວູງເຕົ່າ) ຮູ້ສຶກວ່າ ດິນແດນແຫ່ງນີ້ມີຫຼາຍຈິດວິນຍານທີ່ຍັງບໍ່ທັນໄດ້ໄປຜຸດໄປເກີດ.
ພະອາຈານ ທິກຫງວຽນເທາະ ຄອງຄອຍ, ຄິດເຖິງວິທີແນວໃດ ເພື່ອປົດປ່ອຍດວງວິນຍານເຫຼົ່ານັ້ນ. ປີ 2009 ເມື່ອກັບຄືນ ແຂວງຊຽງຂວາງ, ພະອາຈານ ທິກຫງວຽນເທາະ ໄດ້ແບ່ງປັນຄວາມຄິດສ້າງຫໍໍບູຊາວິລະຊົນນັກຮົບເສຍສະຫຼະຊີວິດເພື່ອຊາດ ຫວຽດນາມ - ລາວ, ຈັດພິທີສູດອະນິດຈາກັບອຳນາດການປົກຄອງຢູ່ທີ່ນີ້. ຫຼັງຈາກນັ້ນບໍ່ດົນ, ໃນປີ 2022, ແນວຄວາມຄິດ ແລະ ຄວາມປາດຖະຫນາເຫຼົ່ານັ້ນໄດ້ຮັບການປະຕິບັດ.
 |
| ປະຊາຊົນ ລາວ ຈໍານວນ ຫຼວງຫຼາຍ ຕັ້ງແຕ່ຮຸ່ງເຊົ້າ ໄດ້ມາຕັກບາດ (ຖວາຍ ບູຊາ) ໃຫ້ນັກຮົບເສຍສະຫຼະຊີວິດເພື່ອຊາດ ຫວຽດນາມ ແລະ ລາວ. ພາບ: ກີມເທື່ອຍ |
ມາຮອດສະຖານທີ່ຈັດພິທີພິທີສູດອະນິດຈາ ໃນຕອນຮຸ່ງເຊົ້າ, ທ່ານນາງ ຊາດາ ສີຫາໜັກ (ເມືອງໂພນສະຫວັນ ແຂວງຊຽງຂວາງ) ໄດ້ຖືເອົາດອກໄມ້, ນ້ຳ, ເຂົ້າໜຽວມານຳ. ທ່ານນາງກ່າວວ່າ: “ຂ້າພະເຈົ້າມາທີ່ນີ້ເພື່ອທຳພິທີບູຊາ, ສະແດງໃຈສັດທາຖະຫວາຍນ້ຳ ແລະ ເຂົ້າໜຽວໃຫ້ບັນດານັກຮົບເສຍສະຫຼະຊີວິດເພື່ອຊາດ ຕາມຮີດຄອງປະເພນີຂອງລາວ”.
ຕາມຄະນະຈັດຕັ້ງພິທີແລ້ວ, ຜົນສຳເລັດຂອງພິທີ ແມ່ນຍ້ອນການເຂົ້າຮ່ວມ, ສະໜັບສະໜູນ ແລະ ຮ່ວມເດີນທາງຂອງລະບົບບັນດາສຳນັກງານ, ອົງການຂອງ 2 ປະເທດ ແລະ ປະຊາຊົນ ຫວຽດນາມ - ລາວ 3.500 ຄົນ.
ລະອຽດ, ແຂວງຊຽງຂວາງໄດ້ມອບເນື້ອທີ່ 10 ເຮັກຕາ ໃຫ້ປະຊາຄົມເພື່ອກໍ່ສ້າງເຂດຫໍບູຊາ. ທີ່ພິທີ, ປະຊາຊົນ 21 ບ້ານໃນເມືອງແປກ ໄດ້ປະກອບສ່ວນພາເຂົ້າ 105 ພາ, ຄະນະພະແນກ ຂະແໜງການແຂວງຊຽງຂວາງ ໄດ້ປະກອບສ່ວນພາເຂົ້າ 60 ພາ, ທ່ານນາງ ຮ່ວາ - ເຂົ້າປຸ້ນຮ່າໂນ້ຍ , ທ່ານນາງ ຮ່ຽນ - ເຂົ້າຈີ່ມາລີ, ຄອບຄົວທ່ານ ຮຸ່ງແທງ, ທ່ານ ດຶກວີ, ທ່ານ ທ໋າຍຮວນ, ຄອບຄົວຂອງ ສາວ ຫາຍ ສະຫນັບສະຫນູນອາຫານຈໍານວນຫຼາຍ ໃນວັນຈັດພິທີ...
ຕາມຄະນະຈັດຕັ້ງແລ້ວ, ປະຊາຄົມຊາວຫວຽດນາມຢູ່ແຂວງຊຽງຂວາງຄາດວ່າ ຈະສົມທົບກັບອຳນາດການປົກຄອງແຂວງຊຽງຂວາງ ຈັດຕັ້ງພິທີສູດອະນິດຈາເຖິງດວງວິນຍານຜູ້ເສຍສະຫຼະຊີວິດເພື່ອຊາດຫວຽດນາມ - ລາວ ໃນຮູບແບບເປັນປະຈໍາປີ.
ຄຳຮຸ່ງ
