ຫວຽດນາມ, ຈຸດນັດພົບທີ່ມີຄວາມສາມາດບົ່ມຊ້ອນໃຫ້ແກ່ການລົງທຶນສີຂຽວ ແລະຫັນປ່ຽນດີຈີຕອນ | |
ນະຄອນໂຮ່ຈີມິນ ຍູ້ແຮງການຮ່ວມມືພັດທະນາພະລັງງານສີຂຽວ, ສະອາດກັບອາເມລິກາ |
ອາຊີຕາເວັນອອກສ່ຽງໃຕ້ ເປັນໜຶ່ງໃນບັນດາພາກພື້ນທີ່ມີຄວາມສ່ຽງທີ່ສຸດໃນໂລກ ຕໍ່ກັບການປ່ຽນແປງຂອງດິນຟ້າອາກາດ, ແຕ່ພາກພື້ນນີ້ເບິ່ງຄືວ່າຍັງບໍ່ທັນສົນໃຈ ທີ່ຈະປະເຊື້ອເຟີງຟອດຊິວເທື່ອ. ເຖິງຢ່າງໃດກໍຕາມ, ບົດຂຽນໃນໜັງສືພິມ The Economist ໄດ້ກຳນົດວ່າ ຫວຽດນາມ ແມ່ນຈຸດທີ່ປະກາຍແຈ້ງຢູ່ອາຊີຕາເວັນອອກສຽງໃຕ້ໃນຂະບວນການນີ້. ຕາມບົດຂຽນແລ້ວ, ໃນ 4 ປີ (ໄລ່ຮອດປີ 2021), ອັດຕາສ່ວນພະລັງງານໄຟຟ້າທີ່ຜະລິດຈາກແສງຕາເວັນຂອງຫວຽດນາມ ໄດ້ເພີ່ມຂຶ້ນຈາກສູນເປັນເກືອບ 11%.
ຫວຽດນາມ ນຳໜ້າອາຊີຕາເວັນອອກສຽງໃຕ້ ໃນການຫັນໄປສູ່ພະລັງງານສະອາດ. (ພາບປະກອບ: baoquangnam) |
ການເຕີບໂຕນີ້ ບໍ່ພຽງແຕ່ແມ່ນໄວກວ່າເກືອບທຸກແຫ່ງໃນໂລກ, ແຕ່ອັດຕາສ່ວນແມ່ນສູງກວ່າໃນປະເທດເສດຖະກິດໃຫຍ່ ເຊັ່ນ: ຝຣັ່ງ ຫຼື ຍີ່ປຸ່ນ. ຮອດປີ 2021, ຫວຽດນາມ ກາຍເປັນປະເທດຜະລິດໄຟຟ້າແສງຕາເວັນໃຫຍ່ອັນດັບ 10 ຂອງໂລກ.
ໃນເດືອນພະຈິກ 2021, ໂດຍເນັ້ນໜັກເຖິງຄຳໝັ້ນສັນຍາ ກ່ຽວກັບການຫັນປ່ຽນດ້ານພະລັງງານ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ປະຕິຍານວ່າ ຈະຫຼຸດຜ່ອນການປ່ອຍອາຍພິດສຸດທິຂອງ ຫວຽດນາມ ໃຫ້ເປັນສູນໃນປີ 2050.
ບົດຂຽນຊີ້ອອກວ່າ ບັນດາປະເທດອາຊີຕາເວັນອອກສ່ຽງໃຕ້ອື່ນໆ ສາມາດຖອດຖອນບົດຮຽນຈາກຫວຽດນາມ. ຕາມນັ້ນແລ້ວ, ຫວຽດນາມ ໄດ້ເພີ່ມສະມັດຕະພາບໄຟຟ້າແຮງລົມ ແລະ ແສງຕາເວັນຂຶ້ນເປັນ 4 ເທົ່າເມື່ອທຽບໃສ່ກັບປີ 2019. ຜົນງານທີ່ພົ້ນເດັ່ນນີ້ ຕົ້ນຕໍແມ່ນຍ້ອນເຈດຈຳນົງດ້ານການເມືອງ ແລະ ຂະບວນການຕະຫຼາດ.
ໃນປີ 2017, ລັດຖະບານຫວຽດນາມ ໄດ້ເລີ່ມຈ່າຍໃຫ້ຜູ້ຜະລິດພະລັງງານແສງຕາເວັນໃນລາຄາຄົງທີ່ສູງເຖິງ 9,35 ເຊັນ USD/kWh ສໍາລັບຕາຂ່າຍໄຟຟ້າ, ເຊິ່ງແມ່ນຂ້ອນຂ້າງຫຼາຍເພາະວ່າຄ່າໃຊ້ຈ່າຍຕໍ່ກິໂລວັດໂມງປົກກະຕິແມ່ນຕັ້ງແຕ່ 5 ຫາ 7 ເຊັນ.
ດ້ວຍເຫດນີ້, ໃນປີ 2019 ແລະ 2020 ໄດ້ຮັບການຕິດຕັ້ງ 100.000 ແຜ່ນພະລັງງານແສງຕາເວັນເທິງດາດຟ້າ, ເຮັດໃຫ້ສະມັດຕະພາບການຜະລິດແສງຕາເວັນຂອງຫວຽດນາມ ບັນລຸ 16 GW.
ຄຳຮຸ່ງ