ກະຊວງການຕ່າງປະເທດເຜີຍແຜ່ບົດລາຍງານໄລຍະກາງສະໄໝຢ່າງສະໝັກໃຈໃນການປະຕິບັດຂໍ້ສະເໜີທີ່ຫວຽດນາມຮັບເອົາຕາມກົນໄກກວດກາທົບທວນຕາມໄລຍະທົ່ວໄປ
	ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ເຮັດວຽກກັບຮອງເລຂາທິການໃຫຍ່ ສປຊ ຮັບຜິດຊອບດ້ານນະໂຍບາຍ

ທີ່ເວທີປາໄສ, ບັນດາຜູ້ແທນໄດ້ປຶກສາຫາລືກ່ຽວກັບຄວາມສາມາດບົ່ມຊ້ອນ ການລົງທຶນເຂົ້າເຕັກໂນໂລຢີດີຈີຕອນ, ເຕັກໂນໂລຢີການເງິນ, ພະລັງງານ ທົດແທນ, ຫັນປ່ຽນສີຂຽວຢູ່ຫວຽດນາມ ກໍ່ຄືສ້າງກາລະໂອກາດໃຫ້ບັນດາວິ ສາຫະກິດຫວຽດນາມ ໄດ້ເຂົ້າເຖິງແຫຼ່ງການເງິນຈາກອັງກິດ ໃຫ້ບັນດາໂຄງ ການພັດທະນາສີຂຽວ.

ຜູ້ແທນເຂົ້າຮ່ວມເວທີປາໄສ. ພາບ: TTXVN

ທ່ານ ເຈິ່ນກວ໊ກແຄ໊ງ ຮອງລັດຖະມົນຕີກະຊວງອຸດສາຫະກໍາ-ການຄ້າ ຫວຽດນາມ ໃຫ້ຂໍ້ສັງເກດວ່າ ໃນ 5-10 ປີຈະມາເຖິງ, ຫວຽດນາມ ຈະກາຍ ເປັນປະເທດຫັນປ່ຽນດີຈີຕອນໂດຍໄວ. ທ່ານຢັ້ງຢືນວ່າ ພ້ອມກັບການລະເບີດ ຂຶ້ນກ່ຽວກັບການຊໍາລະເງິນທາງອອນລາຍທີ່ມີການເຂົ້າຮ່ວມຂອງຫຼາຍບໍລິສັດເຕັກໂນໂລຢີການເງິນໃນໄລຍະຜ່ານມາ, ຫວຽດນາມ ມີຄວາມເຊື່ອໝັ້ນຕົນເອງທີ່ສຸດ ເພື່ອມຸ່ງໄປເຖິງເປົ້າໝາຍຫັນປ່ຽນດີຈີຕອນຢ່າງແທ້ຈິງໃນໄລຍະຈະມາເຖິງ.

ກ່ຽວກັບຄວາມສາມາດບົ່ມຊ້ອນພັດທະນາແຫຼ່ງພະລັງງານສີຂຽວ ແລະຍືນຍົງຂອງ ຫວຽດນາມ - ເປັນໜຶ່ງຫົວຂໍ້ທີ່ມີຄວາມສໍາຄັນຢູ່ເວທີປາໄສ, ທ່ານ ເຈິ່ນກວ໊ກແຄ໊ງ ເນັ້ນໜັກວ່າ ດິນຟ້າອາກາດ ແລະພູມີປະເທດຂອງຫວຽດນາມ ໄດ້ເຮັດໃຫ້ພະລັງງານທົດແທນ, ​ພິເສດແມ່ນພະລັງງານໄຟຟ້າແຮງລົມ ແລະໄຟຟ້າແສງຕາເວັນ, ມີແງ່ຫວັງດຶງດູດການລົງທຶນຫຼາຍທີ່ສຸດ. ທ່ານ ເນັ້ນໜັກວ່າ ອັງກິດສາມາດກາຍເປັນນັກລົງທຶນແຖວໜ້າຢູ່ ຫວຽດນາມ ດ້ວຍບັນດາໂຄງການກ່ຽວກັບການຫັນປ່ຽນດີຈີຕອນ ແລະພັດທະນາພະລັງງານ ສີຂຽວ ແລະສະອາດ, ບັນດາຂົງເຂດກໍາລັງນັບມື້ນັບມີຄວາມສໍາຄັນ ແລະມີ ຜົນສະທ້ອນທີ່ມີລັກສະນະຍຸດທະສາດຕໍ່ກັບການພັດທະນາຂອງບັນດາປະເທດໃນໂລກ.