| SOM ASEAN+3 ຄົ້ນຄວ້າ, ພັດທະນາ ແລະ ສຳຜັດກັບວັກຊິນກັນໂຄວິດ-19 ຢ່າງປອດໄພ, ມີປະສິດທິຜົນ | |
| ກອງປະຊຸມສຸດຍອດ ອາຊີຕາເວັນອອກ (EAS) |
 |
| ທ່ານເອກອັກຄະລັດຖະທູດ ຫວູໂຮ່, ຜູ້ຮັກສາການຫົວໜ້າ SOM ASEAN ຂອງຫວຽດນາມ (ພາບ: ກະຊວງການຕ່າງປະເທດ) |
ໂດຍກ່າວຄໍາປາໄສທີ່ກອງປະຊຸມ, ທ່ານເອກອັກຄະລັດຖະທູດ ຫວູໂຮ່ ໄດ້ສະເໜີບັນດາຄູ່ຮ່ວມມືຂັ້ນສູງ ອາຊີຕາເວັນອອກ ສືບຕໍ່ສົມທົບຢ່າງແໜ້ນແຟ້ນກັບອາຊຽນ ໃນການຮັບມືກັບການແຜ່ລະບາດຂອງພະຍາດ ແລະ ຊຸກຍູ້ການຟື້ນຟູ ກໍຄືໜູນຊ່ວຍຮັດແຄບຊ່ອງຫວ່າງການພັດທະນາ ແລະ ພັດທະນາອະນຸພາກພື້ນ, ເຊິ່ງໃນນັ້ນລວມມີ ອະນຸພາກພື້ນແມ່ນ້ຳຂອງ, ຮັບປະກັນການພັດທະນາແບບສະໝໍ່າສະເໝີກັນ, ຍືນຍົງຢູ່ໃນພາກພື້ນ.
ໃນສະພາບການທີ່ຫຍຸ້ງຍາກຄືປະຈຸບັນ, ຕ້ອງເສີມຂະຫຍາຍບົດບາດຍຸດທະສາດຂອງຂັ້ນສູງອາຊີຕາເວັນອອກກວ່າອີກ, ຊຸກຍູ້ການເຈລະຈາ, ການຮ່ວມມື, ເພີ່ມທະວີຄວາມໄວ້ເນື້ອເຊື່ອໃຈ, ຄວາມເຂົ້າໃຈເຊິ່ງກັນ ແລະ ກັນ, ຄວາມສະເໝີພາບ, ເຄົາລົບນັບຖືເຊິ່ງກັນແລະກັນ, ຄຸ້ມຄອງການບໍ່ລົງຮອຍກັນ ແລະ ຫຼຸດຜ່ອນຄວາມແຕກຕ່າງກັນ, ສ້າງຄວາມສະຖຽນລະພາບໃຫ້ແກ່ການພົວພັນຂອງບັນດາປະເທດໃຫຍ່, ໂດຍບໍ່ໃຫ້ມີຜົນສະທ້ອນເຖິງເປົ້າໝາຍ ແລະ ຄວາມມານະພະຍາຍາມຮ່ວມກັນພັດທະນາຂອງພາກພື້ນ, ສັນຕິພາບ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ ແລະ ໂລກ.
ທ່ານເອກອັກຄະລັດຖະທູດກໍຢືນຢັນຄືນໃໝ່ຫຼັກໝັ້ນຫຼັກການຂອງອາຊຽນກ່ຽວກັບທະເລຕາເວັນອອກ, ຊຸກຍູ້ການເຈລະຈາ, ການຮ່ວມມື, ສ້າງຄວາມໄວ້ເນື້ອເຊື່ອໃຈ, ຍົກສູງກົດໝາຍສາກົນ, ອົດກັ້ນ, ບໍ່ນໍາໃຊ້ກໍາລັງອາວຸດ, ແກ້ໄຂບັນດາການຂັດແຍ້ງ ແລະ ບໍ່ລົງຮອຍກັນໂດຍສັນຕິວິທີ, ສະໜັບສະໜູນບັນດາຄວາມມານະພະຍາຍາມສືບຕໍ່ປະຕິບັດຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກຢ່າງຄົບຖ້ວນ ແລະ ມີປະສິດທິຜົນ, ສ້າງກົດແຫ່ງການປະພຶດຢູ່ທະເລຕາເວັນອອກຢ່າງແທດຈິງ, ມີປະສິດທິພາບ, ມີປະສິດທິຜົນ, ສອດຄ່ອງກັບກົດໝາຍສາກົນ ແລະ ສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS) ໃຫ້ສໍາເລັດໂດຍໄວ, ປະກອບສ່ວນເຂົ້າໃນການສ້າງທະເລຕາເວັນອອກໃຫ້ກາຍເປັນເຂດທະເລສັນຕິພາບ, ການຮ່ວມມື ແລະ ພັດທະນາ.
ຫອມມາລາ
