ວັນທີ 14 ກຸມພາ, ຄະນະປະຈຳສະພາປະຊາຊົນແຂວງ ຫາຍເຢືອງ ໄດ້ຈັດກອງປະຊຸມພົບປະແລກປ່ຽນປະສົບການກ່ຽວກັບວຽກງານສະພາປະຊາຊົນກັບຄະນະຜູ້ແທນສະພາປະຊາຊົນແຂວງ ວຽງຈັນ (ລາວ).
 |
| ສະພາປະຊາຊົນແຂວງ ຫາຍເຢືອງ - ແຂວງ ວຽງຈັນ ໄດ້ດຳເນີນກອງປະຊຸມພົບປະ, ແລກປ່ຽນປະສົບການໃນການເຄື່ອນໄຫວ. |
ຄະນະຜູ້ແທນສະພາປະຊາຊົນແຂວງ ວຽງຈັນ ນຳໂດຍ ສະຫາຍ ບຸນສອນ ເພັດລາວັນ, ຮອງເລຂາພັກແຂວງ, ປະທານສະພາປະຊາຊົນແຂວງ ວຽງຈັນ (ລາວ) ພ້ອມດ້ວຍພັນລະຍາ ແລະ ການນຳຂອງສະພາປະຊາຊົນ, ບັນດາຄະນະສະພາປະຊາຊົນ, ພະແນກ, ຂະແໜງການແຂວງ ວຽງຈັນ ຈຳນວນໜຶ່ງ.
ສະຫາຍ ເລວັນຮ້ຽວ, ຮອງເລຂາຜູ້ປະຈຳຄະນະພັກແຂວງ, ປະທານສະພາປະຊາຊົນແຂວງ, ຫົວໜ້າຄະນະຜູ້ແທນສະພາແຫ່ງຊາດແຂວງ ຫາຍເຢືອງ ແລະ ການນຳສະພາປະຊາຊົນ, ບັນດາຄະນະສະພາປະຊາຊົນແຂວງ ຫາຍເຢືອງ ໄດ້ຕ້ອນຮັບ ແລະ ພົບປະເຈລະຈາກັບຄະນະຜູ້ແທນ ລາວ.
ບັນດາຜູ້ແທນສະພາປະຊາຊົນແຂວງ ຫາຍເຢືອງ ແລະ ແຂວງ ວຽງຈັນ ໄດ້ປຶກສາຫາລືຢ່າງເລິກເຊິ່ງ ແລະ ແລກປ່ຽນປະສົບການກ່ຽວກັບການເຄື່ອນໄຫວຂອງສະພາປະຊາຊົນ.
ບັນດາຜູ້ແທນສະພາປະຊາຊົນແຂວງ ຫາຍເຢືອງ ໄດ້ແບ່ງປັນປະສົບການກ່ຽວກັບການປ່ຽນແປງໃໝ່ໃນການຕິດຕາມກວດກາ, ຊັກຖາມ, ຕິດຕາມ, ເລືອກເຟັ້ນບັນດາບັນຫາທີ່ປະຊາຊົນມີຄວາມສົນໃຈ; ຈັດກອງປະຊຸມຫຼາຍຫົວຂໍ້ ແລະ ກອງປະຊຸມຕິດຕາມກວດກາ. ພ້ອມກັນນັ້ນ, ກໍ່ອອກມະຕິຫຼາຍສະບັບເຊິ່ງແມ່ນນະໂຍບາຍສຳຄັນເພື່ອຊ່ວຍແກ້ໄຂບັນດາສິ່ງກີດຂວາງ, ຮັບໃຊ້ການພັດທະນາເສດຖະກິດ - ສັງຄົມຂອງແຂວງ, ຊຸກຍູ້ການສື່ສານ, ໂຄສະນາເຜີຍແຜ່ໃຫ້ປະຊາຊົນໃນແຂວງ.
ກ່າວຄຳປາໄສທີ່ກອງປະຊຸມ, ສະຫາຍ ປະທານສະພາປະຊາຊົນແຂວງວຽງຈັນ ບຸນສອນ ເພັດລາວັນ ໄດ້ສະແດງຄວາມຍິນດີເຂົ້າຮ່ວມກອງປະຊຸມ ແລະ ໄດ້ແຈ້ງໃຫ້ຊາບກ່ຽວກັບທີ່ຕັ້ງພູມສາດ, ສະພາບການພັດທະນາເສດຖະກິດ-ສັງຄົມຂອງແຂວງວຽງຈັນ ແລະ ການຈັດຕັ້ງ, ການເຄື່ອນໄຫວຂອງສະພາປະຊາຊົນບັນດາຂັ້ນ.
ປະຈຸບັນ, ສະພາປະຊາຊົນແຂວງ ວຽງຈັນ ມີ 9 ຫົວໜ່ວຍຂຶ້ນກັບໂຄງຮ່າງການຈັດຕັ້ງ, ມີຈຸດຄ້າຍຄືກັບສະພາປະຊາຊົນແຂວງ ຫາຍເຢືອງ, ລວມມີ: ຄະນະປະຈຳ, ປະທານ, ຮອງປະທານ 2 ທ່ານ ແລະ ຄະນະຍຸຕິທຳ, ປ້ອງກັນຊາດ ແລະ ປ້ອງກັນຄວາມສະຫງົບ; ເສດຖະກິດ, ແຜນການ ແລະ ການເງິນ; ວັດທະນະທໍາສັງຄົມ ແລະ ບັນດາຊົນເຜົ່າ.
ສະຫາຍ ບຸນສອນ ເພັດລາວັນ ໃຫ້ຮູ້ວ່າ ສະພາປະຊາຊົນແຂວງ ວຽງຈັນ ປະຕິບັດພາລະບົດບາດ, ໜ້າທີ່, ວຽກງານຂອງຕົນຕາມຈິດໃຈລວມສູນປະຊາທິປະໄຕ, ໃກ້ຊິດຕິດແທດກັບປະຊາຊົນ ແລະ ຮາກຖານ, ສົມທົບກັບບັນດາອົງການຂອງພັກ, ລັດ ແລະ ອົງການຈັດຕັ້ງທີ່ກ່ຽວຂ້ອງ.
ສະຫາຍ ປະທານສະພາປະຊາຊົນແຂວງ ວຽງຈັນ ຍັງໄດ້ແຈ້ງໃຫ້ຊາບກ່ຽວກັບບາງໝາກຜົນອັນພົ້ນເດັ່ນໃນການພັດທະນາເສດຖະກິດ-ສັງຄົມຂອງແຂວງ ແລະ ກໍ່ໄດ້ສະແດງຄວາມຂອບໃຈແຂວງ ຫາຍເຢືອງ ທີ່ໄດ້ໃຫ້ການສະໜັບສະໜູນປະກອບສ່ວນສຳຄັນເຂົ້າໃນຜົນສຳເລັດຂອງແຂວງທີ່ຍາດມາໄດ້ໃນຊຸມປີຜ່ານມາ; ຫວັງວ່າແຂວງ ຫາຍເຢືອງ ຈະສືບຕໍ່ໜູນຊ່ວຍ ແລະ ຮ່ວມເດີນທາງ.
ກ່າວຄຳສະຫລຸບກອງປະຊຸມ, ສະຫາຍ ປະທານສະພາປະຊາຊົນແຂວງ ຫາຍເຢືອງ ເລວັນຮ້ຽວ ຕາງໜ້າການນຳແຂວງ ຫາຍເຢືອງ ແລະ ສະພາປະຊາຊົນແຂວງ ຫາຍເຢືອງ ໄດ້ສະແດງຄວາມຂອບໃຈຄະນະຜູ້ແທນສະພາປະຊາຊົນແຂວງ ວຽງຈັນ ທີ່ໄດ້ສະຫລະເວລາເຂົ້າຮ່ວມກອງປະຊຸມ ແລະ ແລກປ່ຽນປະສົບການເພື່ອຍົກສູງປະສິດທິຜົນວຽກງານ.
ສະຫາຍ ປະທານສະພາປະຊາຊົນແຂວງ ຫາຍເຢືອງ ໄດ້ແບ່ງປັນປະສົບການ ແລະ ການປ່ຽນແປງໃໝ່ຂອງສະພາປະຊາຊົນແຂວງ ຫາຍເຢືອງ ເປັນຕົ້ນແມ່ນ ຕິດຕາມກວດກາໂດຍການຈັດກອງປະຊຸມສຳມະນາ, ຊັກຖາມແບບເລິກເຊິ່ງ, ເຂົ້າຮ່ວມການຕ້ອນຮັບພົນລະເມືອງ, ພົບປະຜູ້ມີສິດເລືອກຕັ້ງກັບບັນດາຜູ້ນຳໜ້າບັນດາຂັ້ນ ແລະ ອຳນາດການປົກຄອງທ້ອງຖິ່ນຂັ້ນເມືອງ. ໂດຍຜ່ານນັ້ນ, ສະພາປະຊາຊົນແຂວງ ຫາຍເຢືອງ ກໍ່ໄດ້ຮັບຫຼາຍຄຳເຫັນ, ການສະເໜີແນະ ແລະ ການສ່ອງແສງຈາກຜູ້ມີສິດເລືອກຕັ້ງ ແລະ ປະຊາຊົນ, ເຮັດແຈ້ງໜ້າທີ່ຮັບຜິດຊອບ ແລະ ສະເໜີແນະໃຫ້ບັນດາຜູ້ມີສິດອຳນາດແກ້ໄຂ.
ສະຫາຍ ປະທານສະພາປະຊາຊົນແຂວງ ຫາຍເຢືອງ ປາດຖະໜາວ່າ ບັນດາປະສົບການທີ່ໄດ້ຮັບການແລກປ່ຽນໃນກອງປະຊຸມຈະປະກອບສ່ວນປັບປຸງປະສິດທິຜົນການເຄື່ອນໄຫວຂອງສະພາປະຊາຊົນແຂວງ ຫາຍເຢືອງ ແລະ ແຂວງ ວຽງຈັນ, ປະກອບສ່ວນເຮັດໃຫ້ສາຍພົວພັນສອງແຂວງ ຫາຍເຢືອງ - ວຽງຈັນ ນັບມື້ນັບແໜ້ນແຟ້ນ, ອົບອຸ່ນ, ຮ່ວມມືມິດຕະພາບ ແລະ ຮອບດ້ານ.
ສະຫາຍ ເລວັນຮ້ຽວ ໄດ້ສົ່ງຄຳເຊື້ອເຊີນບັນດາການນຳ, ອະດີດການນຳ, ຄະນະຜູ້ແທນສະພາປະຊາຊົນແຂວງ ວຽງຈັນ ສືບຕໍ່ມີການເຄື່ອນໄຫວແລກປ່ຽນຄະນະຜູ້ແທນ, ຢ້ຽມຢາມ, ພົບປະ, ເຮັດວຽກຢູ່ແຂວງ ຫາຍເຢືອງ.
ພາຍຫຼັງການພົບປະ, ບັນດາຜູ້ແທນໄດ້ໄປຢ້ຽມຢາມຕົວແບບລ້ຽງປາຢູ່ແມ່ນ້ຳ ໄທບິ່ງ.
 | ຍສໝ - ສິ່ງດັ່ງກ່າວປະກອບສ່ວນແຜ່ຂະຫຍາຍການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ເວົ້າລວມ ແລະ ດົ່ງນາຍ ເວົ້າສະເພາະກັບເພື່ອນມິດສາກົນ, ພິເສດແມ່ນບັນດາປະເທດທີ່ພວມລົງທຶນຢູ່ ດົ່ງນາຍ. |
 | ຍສໝ - ນີ້ແມ່ນຂໍ້ສັງເກດທີ່ໄດ້ຍົກອອກຢູ່ກອງປະຊຸມເຮັດວຽກລະຫວ່າງຄະນະຜູ້ແທນແຂວງ ບິ່ງເຢືອງ ແລະ ແຂວງຈຳປາສັກ ເນື່ອງໃນການໄປປະຕິບັດງານຢູ່ ລາວ ໃນວັນທີ 6 ທັນວາ. |
ມີງດຶກ
